ఆనందవాణి

వికీపీడియా నుండి
Jump to navigation Jump to search
ఆనందవాణి
Anandavani.jpg
ఆనందవాణి
రకమువారపత్రిక
ఫార్మాటుడైజెస్ట్

యాజమాన్యం:
ప్రచురణకర్త:వి.కాళిదాసు
సంపాదకులు:వి.కాళిదాసు
సహ సంపాదకుడు:ఆండ్ర శేషగిరిరావు, ముద్దా విశ్వనాథం
స్థాపన
భాషతెలుగు
వెల4 అణాలు
ప్రధాన కేంద్రముమద్రాసు

ఆనందవాణి[1] వారపత్రిక ప్రతి ఆదివారం మద్రాసు నుండి వెలువడేది. ఉప్పులూరి కాళిదాసు ఈ పత్రికకు సంపాదకుడు, ప్రచురణకర్త. ఆండ్ర శేషగిరిరావు, ముద్దా విశ్వనాథంలు ఈ పత్రికకు అసోసియేట్ ఎడిటర్లుగా పనిచేశారు.శ్రీశ్రీ[2],ఆరుద్ర[3],రావి కొండలరావు[4] వంటివారు ఈ పత్రికలో సబ్‌ఎడిటర్లుగా పనిచేశారు. 1934లో తొలి సంచిక వెలువడింది. వారం వారం తెనుగువారికి అన్నిసంగతులూ కమ్మని మాటలతో, వన్నెలతో, బొమ్మలతో అందించే పత్రికగా ఇది పేర్కొనింది. ఈ పత్రికలో సంపాదకీయం, మీ నక్షత్రఫలం, భారత రాజకీయాలు: అవీ-ఇవీ-అన్నీ, విచిత్రాలు, మంచీచెడ్డా, పెద్దల పిన్న కథలు, హాస్యం మొదలైన శీర్షికలతో పాటు కథలు, జోకులు, వ్యాసాలు, పుస్తక సమీక్షలు ప్రచురించబడ్డాయి. దేవతల యుద్ధం, కొండయ్య వంటి నవలలు ధారావాహికగా ప్రచురితమయ్యాయి. ఇంటూరి వెంకటేశ్వరరావు, విశ్వనాథ కవిరాజు, కవికొండల వెంకటరావు, పఠాభి, గరిమెళ్ల సత్యనారాయణ, పురిపండా అప్పలస్వామి, అడపా రామకృష్ణారావు, శ్రీశ్రీ,భోగరాజు పట్టాభిసీతారామయ్య,బుచ్చిబాబు మొదలైన వారి రచనలు ఈ పత్రికలో చోటు చేసుకున్నాయి.

ఆనందవాణి పత్రికలో రచనలకు పారితోషికం ఇచ్చేవారు కాదు. అయితే వెంబడి ఉత్తరాలు వ్రాసి చివరకు తివిరి ఇసుమున తైలము తీసినట్లు ఆనందవాణి నుంచి పారితోషికం పొందినందుకు పారితోషిక వీరుడిగా పేరొచ్చేసిందని ప్రముఖ రచయిత, సాహిత్య అకాడమీ అవార్డు గ్రహీత భమిడిపాటి రామగోపాలం వ్రాసుకున్నారు.[5]

ఇతర లింకులు[మార్చు]

  1. | ఇంగ్లీషు వికీపీడియాలో వ్యాసం

మూలాలు[మార్చు]

  1. ఎడిటర్ (20/08/44). "ఆనందవాణి". ఆనందవాణి. 10 (34). Retrieved 15 January 2015. Check date values in: |date= (help)
  2. డా, రాజరామమోహన్‌రాయ్ (3 Mar 2013). "సినిమా పాటలు - శ్రీశ్రీ". విశాలాంధ్ర. Retrieved 15 January 2015. Text " కె." ignored (help)
  3. డా. ఎ., రవీంద్రబాబు. "ఆరుద్ర ఆనవాళ్లు". తెలుగువన్.కామ్. Retrieved 15 January 2015.
  4. ఎన్., తారక రామారావు (04-Jan-2015). "తారక రామారావు". ఆంధ్రజ్యోతి దినపత్రిక. Retrieved 15 January 2015. Check date values in: |date= (help)
  5. Lua error in మాడ్యూల్:Citation/CS1/Date_validation at line 148: attempt to index field 'quarter' (a nil value).
"https://te.wikipedia.org/w/index.php?title=ఆనందవాణి&oldid=2880024" నుండి వెలికితీశారు