ఇయోసిన్

వికీపీడియా నుండి
(ఇయోసిన్ వై నుండి దారిమార్పు చెందింది)
Jump to navigation Jump to search
ఇయోసిన్ వై
ఇయోసిన్ బి

ఇయోసిన్ (ఆంగ్లం: Eosin) ఒక విధమైన ఎర్రని రంజనము (Dye) . దీనిని పేథాలజీ ప్రయోగశాలలో హిమటాక్సిలిన్ (Hematoxylin) తో కలిపి రంగులు వేయడానికి ఉపయోగిస్తారు.

పేరు[మార్చు]

ఇయోసిన్ అనే పేరు ప్రాచీన గ్రీకు దేవతైన ఇయోస్ (Eos) అనగా ఉషస్సు యొక్క ఎరుపుదనానికి గుర్తుగా ఉంచారు.

రకాలు[మార్చు]

ఇయోసిన్ లో చాలా దగ్గర సంబంధమున్న రెండు వర్ణకాలు వాడకంలో ఉన్నాయి:

  • ఇయోసిన్ వై (Eosin Y, Eosin Y ws, Eosin yellowish, Acid Red 87, C.I. 45380, bromoeosine, bromofluoresceic acid, D&C Red No. 22) : ఇది కొంచెం ఎక్కువగా ఉపయోగంలోని వర్ణకం. దీనికి కొంచెం పసుపు రంగు కలిసివుండటం వలన ఆ పేరు వచ్చింది.
  • ఇయోసిన్ బి (Eosin B, Eosin bluish, Acid Red 91, C.I. 45400, Saffrosine, Eosin Scarlet, or imperial red) : ఇది కొద్దిగా నీలివర్ణాన్ని కలిగివుంటుంది.

కణజాలాల పరీక్షలో ఇయోసిన్ ఉపయోగం[మార్చు]

Sample of a trachea coloured with hematoxylin and eosin.

ఇయోసిన్ వర్ణకం సామాన్యంగా హిమటాక్సిలిన్తో కలిపి ఉపయోగిస్తారు. ఈ రెండింటినీ కలిపి కణజాలాల పరీక్షలో సర్వసాధారణంగా వాడుతారు. ఇయోసిన్ జీవద్రవ్యాన్ని ఎరుపుగా చేస్తే; హిమటాక్సిలిన్ కేంద్రకాలను నీలి రంగులో చూపిస్తుంది. ఇయోసిన్ ఎర్ర రక్తకణాలను కూడా ఎరుపుగా చేస్తుంది.

ఈ పరీక్షలో ఇయోసిన్ వై సామాన్యంగా 1 నుండి 5 శాతంగా నీటిలో గాని లేదా ఇథనాల్ లో గాని కలిపి ఉపయోగిస్తారు..[1] నీటిలో కలిపి తయారుచేసినప్పుడు శిలీంద్రాలు పెరగకుండా కొద్దిగా థైమాల్ కలుపుతారు.[2] కొంచెం (0.5 శాతం) ఎసిటిక్ ఆమ్లం కలపడం వలన ఇంకా ఎర్రని ఎరుపు వచ్చేనట్లు చేయవచ్చును.

మూలాలు[మార్చు]

బయటి లింకులు[మార్చు]

"https://te.wikipedia.org/w/index.php?title=ఇయోసిన్&oldid=4094832" నుండి వెలికితీశారు