ఇలియానా
ఇలియానా డి'క్రూజ్ | |
|---|---|
.jpg) 2018లో డి'క్రూజ్ | |
| జననం | 1986 November 1 బొంబాయి, మహారాష్ట్ర , భారతదేశం |
| జాతీయత |
|
| వృత్తి | నటి |
| క్రియాశీలక సంవత్సరాలు | 2006–ప్రస్తుతం |
| భాగస్వామి |
మైఖేల్ డోలన్ (m. 2023) |
| పిల్లలు | 2 |
ఇలియానా డిక్రుజ్ (Ileana D'Cruz) (జ. 01 నవంబర్, 1986 ముంబాయి) తెలుగు సినిమా నటీమణి.
వివాహం
[మార్చు]ఇలియానా డి'క్రూజ్ 2023లో మైఖేల్ డోలన్ను వివాహం చేసుకుంది, ఆమెకు ఇద్దరు కుమారులు కోవా ఫినిక్స్ డోలన్, కియాను రఫే డోలన్ ఉన్నారు.[1][2]
సినీ జీవితం
[మార్చు]2006-2007 : సినిమాల్లోకి తెరంగేట్రం
[మార్చు]నట శిక్షకులు ఎన్.జె. భిక్షు, అరుణ బిక్షు దగ్గర నటనలో శిక్షణ తీసుకున్నది.[3] ఆ తర్వాత 2006లో ఇలియానా వై.వి.యస్.చౌదరి దర్శకత్వము వహించిన దేవదాసు చిత్రముతో తెలుగు చిత్రరంగ ప్రవేశము చేసింది. ఈ చిత్రములో ఆమె రామ్ సరసన నటించింది. ఇద్దరికీ తొలిచిత్రమైన ఈ సినిమా విడుదలయ్యాక సంచలనాత్మక విజయాన్ని సాధించింది. ఈ చిత్రంలో ఇద్దరి నటనకూ ఫిలింఫేర్ ఉత్తమ నూతన నటీనటులు అవార్డులను సాధించారు. ఆ తర్వాత పూరీ జగన్నాధ్ దర్శకత్వంలో మహేష్ బాబు సరసన పోకిరి సినిమాలో నటించింది. ఒక పోలీస్ అధికారిచే వేధించబడే శృతి అనే ఎయిరోబిక్స్ టీచర్ పాత్రను పోషించింది ఇలియానా. ఈ చిత్రం విడుదలయ్యాక నాటి తెలుగు సినిమా చరిత్రలో కనీ వినీ ఎరుగని విజయమై నిలిచింది. పోకిరి సినిమా విజయంతో ఇలియానా తెలుగు సినిమాలో పేరొందిన నటిగా అవతరించింది.
ఆపై 2006లో తను కేడి అనే చిత్రంతో తమిళ సినిమాలోకి అడుగుపెట్టింది. రవికృష్ణ, తమన్నా ముఖ్య పాత్రలు పోషించిన ఈ చిత్రం విజయవంతం కాకపొయినా ఇలియానాకు అవకాశాలు తగ్గలేదు. ఆ తర్వాత అమ్మ రాజశేఖర్ దర్శకత్వంలో రవితేజ సరసన ఖతర్నాక్ చిత్రంలో నటించింది. ఈ చిత్రం కూడా పరాజయం పాలైనప్పటికీ ఇందులో ఇలియానా తన అందచందాలకు మంచి ప్రశంసలు అందుకుంది. కానీ కృష్ణవంశీ దర్శకత్వంలో జూనియర్ ఎన్.టి.ఆర్. సరసన నటించిన రాఖీ మరియూ వంశీ పైడిపల్లి దర్శకత్వంలో ప్రభాస్ సరసన నటించిన మున్నా చిత్రాలు తనని తిరిగి వజయపధంలోకి నడిపించాయి. ఈ విజయాలతో ఇలియానా తెలుగు సినిమాలో తిరుగులేని నటిగా అవతరించింది.
2007-2011 : తెలుగు సినిమాల్లో ఎదుగుదల
[మార్చు]అప్పటికే తన ప్రతిభతో తెలుగులో మంచి గుర్తింపుని సాధించిన ఇలియానా విజయాలు మరియూ పరాజయాలకు అతీతంగా తిరుగులేని తారగా ఎదిగింది. 2007లో సిద్దార్థ్ సరసన నటించిన ఆట చిత్రం మంచి విజయాన్ని సాధించింది. 2008లో పవన్ కళ్యాణ్ సరసన నటించిన జల్సా చిత్రం కూడా మంచి విజయాన్ని సాధించింది. ఈ రెండు చిత్రాల్లో ఇలియానా నటనకు మంచి గుర్తింపు లభించడంతో పాటు ఇలియానా జల్సా చిత్రానికి ఫిలింఫేర్ ఉత్తమ నటి అవార్డుకు పేర్కొనబడింది. ఆ తర్వాత తరుణ్ కుమార్ సరసన నటించిన భలే దొంగలు ఓ మోస్తరు విజయం సాధించినా, 2009లో రవితేజ సరసన తను నటించిన కిక్' సినిమా ఆ సంవత్సరంలోనే అత్యుత్తమ విజయాల్లో ఒకటిగా నిలిచింది. ఈ సినిమాకు కూడా తను ఫిలింఫేర్ ఉత్తమ నటి అవార్డుకు పేర్కొనబడింది.
కిక్ వంటి భారీవిజయం తర్వాత ఇలియానా నితిన్ సరసన రెచ్చిపో, మంచు విష్ణు సరసన సలీమ్ చిత్రాల్లో నటించింది. ఈ రెండు చిత్రాలు పరాజయం పాలయ్యాయి. ఆ తర్వాత 2011లో ఇలియానా రెండు చిత్రాల్లో నటించింది. ఒకటి మెహెర్ రమేష్ దర్శకత్వంలో జూనియర్ ఎన్.టి.ఆర్. సరసన శక్తి. మరొకటి పూరీ జగన్నాధ్ దర్శకత్వంలో దగ్గుబాటి రానా సరసన నేను నా రాక్షసి. ఈ రెండు చిత్రాలు కూడా పరాజయం పాలైనప్పటికీ నేను నా రాక్షసి చిత్రంలో ఇలియానా తన నటనకు మంచి ప్రశంసలు అందుకుంది.
2012-ప్రస్తుతం : హిందీ సినిమాల్లోకి తెరంగేట్రం
[మార్చు]2012లో ఇలియానా శంకర్ దర్శకత్వంలో తమిళ నటుడు విజయ్ సరసన నన్బన్ చిత్రంలో నటించింది. ఇది హిందీ చిత్రం త్రీ ఈడియట్స్ చిత్రం యొక్క పునఃనిర్మాణం. త్రీ ఈడియట్స్ లాగే ఈ చిత్రం కూడా భారీ విజయాన్ని నమోదు చేసుకుంది. ఆపై త్రివిక్రం శ్రీనివాస్ దర్శకత్వంలో అల్లు అర్జున్ సరసన జులాయి చిత్రంలో నటించింది. ఈ సినిమా కూడా అనూహ్యమైన రీతిలో విజయం సాధించింది. అదే ఏడాది రవితేజ సరసన దేవుడు చేసిన మనుషులు చిత్రంలో నటించింది. ఈ చిత్రం మాత్రం పరాజయం పాలైంది. కానీ ఇందులో రవితేజ మరియూ ఇలియానాల నటనకు మంచి ప్రశంసలందాయి.
ఆ ఏడాది ఇలియానా అనురాగ్ బసు దర్శకత్వం వహించిన బర్ఫీ చిత్రంతో హింది సినిమల్లోకి అడుగుపెట్టింది. రణబీర్ కపూర్, ప్రియాంక చోప్రా ముఖ్య పాత్రల్లో నటించిన ఈ చిత్రం భారీ విజయాన్ని సాధించింది. ఇందులో ఇలియానా పోషించిన శృతి పాత్రకు విమర్శకుల నుంచి ఎన్నో ప్రశంసలను అందుకున్న ఇలియానా అదే చిత్రానికి ఫిలింఫేర్ ఉత్తమ నూతన నటి అవార్డ్ ను గెలుచుకుంది. ప్రస్తుత తరం కథానాయికల్లో ఆసిన్, కాజల్ అగర్వాల్ తర్వాత తొలిచిత్రంతోనే భారీ విజయం అందుకున్న దక్షిణాది కథానాయికగా ఇలియానా కొనియాడబడింది. ప్రస్తుతం షాహిద్ కపూర్ సరసన ఫటా పోస్టర్ నిక్లా హీరో చిత్రంలో నటిస్తోంది ఇలియానా.
వ్యక్తిగత జీవితం
[మార్చు]ఇలియానా పుట్టి పెరిగింది ముంబాయిలో ప్రస్తుతం గోవాలో నివసిస్తున్నది. సినిమాలలోకి రాకముందు కొంతకాలముపాటు ఇలియానా వ్యాపార ప్రకటనలకు మోడలింగ్ చేసింది. ఈమెకు ముగ్గులు సోదరీమణులు, ఇద్దరు సోదరులు ఉన్నారు. ఇలియానా అనే గ్రీకు పేరు ఈమెకు తన తండ్రి పెట్టిన పేరు. తల్లితండ్రులది లవ్ మ్యారేజ్. మదర్ ముస్లిం, ఫాదర్ కేథలిక్ క్రిస్టియన్. ఇంట్లో ఇద్దరు దేవుళ్లకు పూజలు జరిగేవి. అయితే ఏ విషయంలోనూ ఇద్దరూ గొడవ పడకపోవడం విశేష మంటుంది ఇలియానా
నటించిన చిత్రాలు
[మార్చు]| సంవత్సరం | పేరు | పాత్ర(లు) | భాష(లు) | గమనికలు | మూ |
|---|---|---|---|---|---|
| 2006 | దేవదాసు | భాను | తెలుగు | ||
| పోకిరి | శ్రుతి | ||||
| కేడీ | ఆర్తి | తమిళం | తెలుగులో "జాదూ" అనే పేరుతో అనువదించబడింది | ||
| ఖతర్నాక్ | నక్షత్రం | తెలుగు | |||
| రాఖీ | త్రిపుర | ||||
| 2007 | మున్నా | నిధి | |||
| ఆట | సత్య | ||||
| 2008 | జల్సా | భాగ్యమతి "భాగి" | |||
| భలే దొంగలు | జ్యోతి | ||||
| 2009 | కిక్ | నైనా | |||
| రెచ్చిపో | కృష్ణ వేణి | ||||
| సలీమ్ | సత్యవతి | ||||
| 2010 | హుడుగా హుడుగి | ఆమె స్వయంగా | కన్నడ | "ప్రత్యేక" పాటలో | |
| 2011 | శక్తి | ఐశ్వర్య | తెలుగు | ||
| నేను నా రాక్షసి | మీనాక్షి / శ్రావ్య | ||||
| 2012 | నాన్బన్ | రియా సంతానం | తమిళం | తెలుగులో "స్నేహితుడు" అనే పేరుతో అనువదించబడింది | |
| జులాయి | మధు | తెలుగు | |||
| దేవుడు చేసిన మనుషులు | ఇలియానా | ||||
| బర్ఫీ! | శ్రుతి ఘోష్ సేన్గుప్తా | హిందీ | |||
| 2013 | ఫటా పోస్టర్ నిఖ్లా హీరో | కాజల్ శర్మ | |||
| 2014 | మై తేరా హీరో | సునైనా గొరాడియా | [4] | ||
| హ్యాపీ ఎండింగ్ | ఆంచల్ రెడ్డి | ||||
| 2016 | రుస్తుం | సింథియా పావ్రి | [5] | ||
| 2017 | ముబారకన్ | సుప్రీత్ "స్వీటీ" గిల్ | |||
| బాద్షాహో | రాణి గీతాంజలి దేవి | ||||
| 2018 | రైడ్ | మాలిని పట్నాయక్ | |||
| అమర్ అక్బర్ ఆంటోని | ఐశ్వర్య / పూజ / తెరెసా | తెలుగు | |||
| 2019 | పాగల్పంటి | సంజన పాల్ | హిందీ | ||
| 2021 | ది బిగ్ బుల్ | మీరా రావు | [6] | ||
| 2024 | తేరా క్యా హోగా లవ్లీ | లవ్లీ సింగ్ | [7] | ||
| దో ఔర్ దో ప్యార్ | నోరా కౌశల్ | [8][9] |
మూలాలు
[మార్చు]- ↑ "రెండో బిడ్డకు జన్మనిచ్చిన ఇలియానా.. పేరేంటో తెలుసా". Eenadu. 28 June 2025. Archived from the original on 28 June 2025. Retrieved 28 June 2025.
- ↑ "Ileana D'Cruz announces birth of second son Keanu Rafe Dolan; Priyanka Chopra congratulates her - PIC INSIDE". The Times of India. 28 June 2025. Archived from the original on 28 June 2025. Retrieved 28 June 2025.
- ↑ ఎన్టీఆర్, రామ్, నితిన్, ఇలియానా... అందరూ మా శిష్యులే!, ఈనాడు ఆదివారం సంచిక, 4 జనవరి 2015, పుట. 20-21
- ↑ "Main Tera Hero Cast & Crew". Bollywood Hungama. Archived from the original on 15 November 2021. Retrieved 15 November 2021.
- ↑ "Ileana D'Cruz is 'Glad' She Did Rustom. Here's What She Said". NDTV. Archived from the original on 15 November 2021. Retrieved 15 November 2021.
- ↑ "Abhishek Bachchan, Ileana D'Cruz Begin Filming Ajay Devgn's 'The Big Bull'". News 18. Archived from the original on 22 September 2019. Retrieved 17 September 2019.
- ↑ "'Unfair and Lovely': Ileana D'Cruz and Randeep Hooda pen heartwarming notes as they wrap the film". Times of India. Archived from the original on 19 November 2020. Retrieved 19 November 2020.
- ↑ "Vidya Balan, Pratik Gandhi, Ileana D'Cruz and Sendhil Ramamurthy to star in an upcoming romantic comedy-drama". Bollywood Hungama. 11 November 2021. Archived from the original on 11 November 2021. Retrieved 11 November 2021.
- ↑ "Vidya Balan, Pratik Gandhi, Ileana D'Cruz and Sendhil Ramamurthy starrer titled Do Aur Do Pyaar; set to release on March 29, 2024". Bollywood Hungama. 17 January 2024. Retrieved 17 January 2024.
