ఎం. కె. స్టాలిన్

వికీపీడియా నుండి
Jump to navigation Jump to search
ఏం. కే. స్టాలిన్
ఎం. కె. స్టాలిన్

ఏం. కే. స్టాలిన్


తమిళనాడు ముఖ్యమంత్రి
అధికారంలో ఉన్న వ్యక్తి
అధికార ప్రారంభం
7 మే 2021
డిప్యూటీ ఉదయనిధి స్టాలిన్
ముందు ఓ. పన్నీరు సెల్వం

ప్రస్తుత పదవిలో
అధికార కాలం
28 ఆగస్టు 2018
ముందు ఎం. కరుణానిధి

తమిళనాడు రాష్ట్ర ఉప ముఖ్యమంత్రి
పదవీ కాలం
29 మే 2009 – 15 మే 2011
గవర్నరు సుర్జీత్ సింగ్ బార్నాల
ముందు పదవి స్థాపించబడింది
తరువాత ఓ. పనీర్ సెల్వమ్
నియోజకవర్గం కొళత్తూర్

తమిళనాడు శాసనసభ ప్రతిపక్ష నేత
పదవీ కాలం
25 May 2016 – 5 మే 2021
డిప్యూటీ దురై మురుగన్
ముందు విజయకాంత్

డి.ఏం.కే. పార్టీ ఎగ్జిక్యూటివ్ అధ్యక్షుడు
పదవీ కాలం
4 జనవరి 2017 – 28 ఆగస్టు 2018
ముందు పదవి స్థాపించబడింది

37 వ చెన్నై మేయర్
పదవీ కాలం
అక్టోబర్ 1996 – అక్టోబర్ 2002
ముందు ఆర్.ఆరుముగం
తరువాత ఏం.సుబ్రహ్మణ్యం

వ్యక్తిగత వివరాలు

జననం (1953-03-01) 1953 మార్చి 1 (వయసు 71)
మద్రాస్, తమిళనాడు
రాజకీయ పార్టీ డి.ఏం.కే.
జీవిత భాగస్వామి దుర్గా
నివాసం నీలాంకరై, చెన్నై, తమిళనాడు, భారతదేశం
వృత్తి నటుడు, రాజకీయ నాయకుడు
వెబ్‌సైటు http://mkstalin.in/

ఎం.కె.స్టాలిన్ , తరచుగా అతని మొదటి అక్షరాలు MKS అని పిలవబడే తమిళనాడుకు చెందిన ఒక రాజకీయ నాయకుడు, ద్రవిడ మున్నేట్ర కజగం (DMK) రాజకీయ పార్టీ అధ్యక్షుడు. అతను 1996 నుండి 2002 వరకు చెన్నైకి 37 వ మేయర్, 2009 నుండి 2011 వరకు తమిళనాడు యొక్క మొదటి ఉప ముఖ్యమంత్రిగా ఉన్నారు.[1]

తమిళంలోని 2 వ ముఖ్యమంత్రి, డిఎంకే చీఫ్ ఎం. కరుణానిధి మూడవ కుమారుడు, తన రెండవ భార్య దయాళు అమ్మాళ్కి జన్మించారు. స్టాలిన్ మద్రాస్ విశ్వవిద్యాలయంలో చెన్నైలోని న్యూ కాలేజీ నుండి చరిత్రలో తన గ్రాడ్యుయేషన్ పూర్తి చేశారు. 2006 అసెంబ్లీ ఎన్నికల తరువాత తమిళనాడు ప్రభుత్వంలో గ్రామీణాభివృద్ధి శాఖ, స్థానిక పరిపాలన మంత్రిగా స్టాలిన్ అయ్యారు. 2009 మే 29 న, స్టాలిన్ గవర్నర్ సుర్జిత్ సింగ్ బర్నాలా చేత తమిళనాడు డిప్యూటీ ముఖ్యమంత్రిగా నామినేట్ అయ్యాడు.

2013 జనవరి 3 న ముత్తువేల్‌ కరుణానిధి స్టాలిన్‌ ను తన వారసుడిగా పేర్కొన్నారు. కరుణానిధి మరణం తర్వాత పార్టీ అధికారాలను ఎవరు తీసుకుంటున్నారనే దాని గురించి గందరగోళానికి గురయ్యారు.[2] డిఎంకే పార్టీ వ‌ర్కింగ్ ప్రెసిడెంట్‌గా 2017 జనవరి 4 న స్టాలిన్ నియమించబడ్డారు. 2021లో అసెంబ్లీ ఎన్నికల్లో డీఎంకే అభ్యర్థి గా స్టాలిన్ కొళత్తూర్ అసెంబ్లీ నియోజకవర్గం నుండి పోటీ చేశాడు. ఆయన తమిళనాడు ముఖ్యమంత్రిగా 7 మే 2021న ప్రమాణస్వీకారం చేశాడు. స్టాలిన్‌తో గవర్నర్‌ భన్వరీలాల్‌ పురోహిత్‌ ప్రమాణ స్వీకారం చేయించాడు. [3]

రాజకీయ జీవితం[మార్చు]

ముత్తువేల్‌ కరుణానిధి స్టాలిన్‌ 14 ఏండ్ల వయసులో రాజకీయాల్లోకి అడుగుపెట్టాడు. 1967లో ఆయన మామ మురసోలి మారన్‌ తరఫున లోక్ సభ ఎన్నికల ప్రచారం నిర్వహించాడు. డీఎంకే పార్టీ జనరల్‌ కమిటీలో స్థానం దక్కించుకొన్నాడు. 1976లో ఎమర్జెన్సీకి వ్యతిరేకంగా గళం విప్పి మీసా చట్టం కింద జైలు శిక్ష అనుభవించాడు. డీఎంకే పార్టీ యువజన విభాగం అధ్యక్షుడిగా బాధ్యతలు చేపట్టి, 2017 వరకు (దాదాపు 40 ఏండ్లు) ఈ పదవిలో ఉన్నాడు.

స్టాలిన్‌ 1984లో తొలిసారి చెన్నైలోని థౌజండ్‌ లైట్స్‌ నియోజకవర్గం నుండి పోటీ చేసి అన్నాడీఎంకే అభ్యర్థి కేఏ కృష్ణస్వామి చేతిలో ఓడిపోయాడు. 1989లో మళ్లీ అదే స్థానం నుంచి పోటీచేసి ఎమ్మెల్యేగా తొలిసారి గెలుపొందాడు. 1996లో థౌజండ్‌ లైట్స్‌ నియోజకవర్గ ఎమ్మెల్యేగా ఉన్నప్పుడే చెన్నై మేయర్‌ స్థానానికి పోటీచేసి గెలిచాడు.

స్టాలిన్‌ ఇలా రెండు ఎన్నికైన పదవుల్లో ఏకకాలంలో పనిచేశాడు. 2001లో కూడా చెన్నై మేయర్‌గా మళ్లీ గెలిచాడు, కానీ 2002లో అప్పుడు అధికారంలో ఉన్న సీఎం జయలలిత ఒకే వ్యక్తి రెండు ఎన్నికైన పదవుల్లో ఉండకుండా చట్టం తీసుకొచ్చింది. 2011లో కొళత్తూరు నుంచి పోటీచేసి గెలిచాడు. 2021లో అసెంబ్లీ ఎన్నికల్లో కొళత్తూరు అసెంబ్లీ నియోజకవర్గం నుండి పోటీ చేసి విజయం సాధించాడు.[4]

సినీరంగం[మార్చు]

ఎం.కె.స్టాలిన్ 1978లో నంబిక్కై నట్చత్రం అనే సినిమాను నిర్మించాడు. ఒరేరత్తమ్‌, మక్కల్‌ అనయట్టల్‌ చిత్రాలతో పాటు కురుంజి మలార్‌, సూరియా టీవీ సీరియల్స్ లో నటించాడు .

మూలాలు[మార్చు]

  1. తమిళనాడు ప్రధమ ఉప ముఖ్యమంత్రిగా స్టాలిన్ The Hindu. 30 May 2009.
  2. నా తరువాత డి.ఏం.కే. అధ్యక్షుడు స్టాలిన్:ఎం.కరుణానిధి. Zee News. Archieved on 30 December 2017.
  3. Sakshi (7 May 2021). "తమిళనాడు సీఎంగా స్టాలిన్‌ ప్రమాణస్వీకారం". Sakshi. Archived from the original on 7 మే 2021. Retrieved 7 May 2021.
  4. Namasthe Telangana, Home > Top Slides (2 May 2021). "వారసుడొచ్చాడు.. డీఎంకేను అధికారంలోకి తెచ్చిన స్టాలిన్‌". Archived from the original on 3 మే 2021. Retrieved 3 May 2021.