ఎస్.కె. శివకుమార్
| డాక్టర్ ఎస్.కె. శివకుమార్ | |
|---|---|
 2015లో డాక్టర్ ఎస్.కె. శివకుమార్ | |
| జననం | 1953 మైసూర్ , మైసూర్ రాష్ట్రం , భారతదేశం |
| మరణం | 2019 ఏప్రిల్ 13 (వయస్సు 66 సంవత్సరాలు) బెంగళూరు , కర్ణాటక, భారతదేశం |
| జాతీయత |  భారతీయుడు |
| రంగములు | స్పేస్ కమ్యూనికేషన్స్, ఇండియన్ డీప్ స్పేస్ నెట్వర్క్, టెలిమెట్రీ |
| వృత్తిసంస్థలు | మాజీ డైరెక్టర్, ఇసాక్ మాజీ డైరెక్టర్, ఇస్ట్రాక్ |
| చదువుకున్న సంస్థలు | మైసూర్ విశ్వవిద్యాలయం ఇండియన్ ఇన్స్టిట్యూట్ ఆఫ్ సైన్స్ , బెంగళూరు |
| ప్రసిద్ధి | ఇండియన్ డీప్ స్పేస్ నెట్వర్క్, ఇస్రో టెలిమెట్రీ, ట్రాకింగ్, కమాండ్ నెట్వర్క్, మార్స్ ఆర్బిటర్ మిషన్, చంద్రయాన్ |
| ముఖ్యమైన పురస్కారాలు | పద్మశ్రీ (2015) నాడోజ అవార్డు (2013) కర్ణాటక రాజ్యోత్సవ అవార్డు (2008) |
డాక్టర్ ఎస్.కె. శివకుమార్ (1953 - 13 ఏప్రిల్ 2019) కర్ణాటక రాష్ట్రానికి చెందిన భారతీయ శాస్త్రవేత్త, భారత అంతరిక్ష పరిశోధన సంస్థ (ఇస్రో) కేంద్రాలలో పని చేశాడు. ఆయనను భారత ప్రభుత్వం 2015లో భారతదేశంలోని నాల్గవ అత్యున్నత పౌర పురస్కారం పద్మశ్రీతో సత్కారించింది.
జననం, విద్యాభాస్యం
[మార్చు]శివకుమార్ 1953లో భారతదేశంలోని మైసూర్ రాష్ట్రంలో (ఇప్పుడు కర్ణాటక) మైసూర్లో జన్మించాడు. ఆయన మైసూర్ విశ్వవిద్యాలయం నుండి బిఎస్సి పట్టా అందుకొని, ఆ తరువాత బెంగళూరులోని ఇండియన్ ఇన్స్టిట్యూట్ ఆఫ్ సైన్స్ నుండి ఎలక్ట్రికల్ కమ్యూనికేషన్స్ ఇంజనీరింగ్లో బిఇ & ఫిజికల్ ఇంజనీరింగ్లో ఎంటెక్ పట్టా పొందాడు. శివకుమార్ 2014లో కువెంపు విశ్వవిద్యాలయం నుండి "స్పేస్క్రాఫ్ట్లో స్వయంప్రతిపత్తి లక్షణాలు" అనే అంశంపై తన పరిశోధనా వ్యాసంతో ఎలక్ట్రానిక్స్లో పిహెచ్డి పొందాడు.[1][2][3]
వృత్తి జీవితం
[మార్చు]ఎస్.కె. శివకుమార్ 1976లో ఇండియన్ స్పేస్ రీసెర్చ్ ఆర్గనైజేషన్ (ISRO)లో చేరి శ్రీహరికోటలోని ఇస్రో టెలిమెట్రీ, ట్రాకింగ్ అండ్ కమాండ్ నెట్వర్క్ (ISTRAC)లో తన కెరీర్ను ప్రారంభించి తరువాత 1978 నుండి 1998 వరకు ఇండియన్ స్పేస్ రీసెర్చ్ ఆర్గనైజేషన్ శాటిలైట్ సెంటర్ (ISAC)లో పని చేశాడు.[4] ఆయన భారతదేశపు మొట్టమొదటి చంద్ర అన్వేషణ మిషన్ అయిన చంద్రయాన్-1, భారతదేశపు మొట్టమొదటి అంతర్ గ్రహ మిషన్ అయిన మంగళయాన్ వంటి మిషన్లకు టెలిమెట్రీ కోసం ఉపయోగించే ఇండియన్ డీప్ స్పేస్ నెట్వర్క్ 32-మీటర్ల (105 అడుగులు) డిష్ యాంటెన్నా అభివృద్ధికి ప్రాజెక్ట్ డైరెక్టర్గా ఉన్నాడు.
ఎస్.కె. శివకుమార్ భాస్కర, ఇండియన్ నేషనల్ శాటిలైట్ సిస్టమ్ (INSAT), అరియన్ ప్యాసింజర్ పేలోడ్ ఎక్స్పెరిమెంట్ (APPLE), ఇండియన్ రిమోట్ సెన్సింగ్ ప్రోగ్రామ్ (IRS) వంటి అనేక ఉపగ్రహ మిషన్లలో ఆయన పాల్గొన్నారు. శివకుమార్ IRS-1B, IRS-1C ఉపగ్రహ మిషన్లకు మిషన్ డైరెక్టర్గా ఉన్నాడు. ఆయన సెప్టెంబర్ 1998 నుండి నవంబర్ 2010 మధ్య ISTRAC డైరెక్టర్గా పని చేశాడు. శివకుమార్ నవంబర్ 2010 నుండి జూన్ 2012 వరకు ISAC అసోసియేట్ డైరెక్టర్గా, జూలై 2012 నుండి మార్చి 2015 వరకు ISAC డైరెక్టర్గా మంగళయాన్ ప్రాజెక్టుకు నాయకత్వం వహించాడు.
ఎస్.కె. శివకుమార్ తన 40 సంవత్సరాల ఇస్రో సేవలో చేసిన అతిపెద్ద ఇండియన్ డీప్ స్పేస్ నెట్వర్క్ ఏర్పాటుకు కృషి చేశాడు.
ఎస్.కె. శివకుమార్ 2019 నాటికి కర్ణాటక సైన్స్ అండ్ టెక్నాలజీ కౌన్సిల్ చైర్మన్గా చేశాడు.
అవార్డులు
[మార్చు]- 2015లో భారతదేశంలో నాల్గవ అత్యున్నత పౌర పురస్కారం పద్మశ్రీ[5][6]
- కర్ణాటక రాజ్యోత్సవ అవార్డు (2008)[7]
- నాడోజ అవార్డు (2013)[8]
- మైసూర్ విశ్వవిద్యాలయం ద్వారా గౌరవ డాక్టరేట్ (DSc)
- ఏరోనాటికల్ సొసైటీ ఆఫ్ ఇండియా నుండి నేషనల్ ఏరోనాటికల్ అవార్డు (2008)
- ఇంటర్నేషనల్ అకాడమీ ఆఫ్ ఆస్ట్రోనాటిక్స్ యొక్క ఎన్నికైన విద్యావేత్త
- సైన్స్ అండ్ టెక్నాలజీ రంగంలో సాధించిన విజయానికి హంసజ్యోతి నుండి 'హంస రత్న' అవార్డు.
- 1993 లో ఇండియన్ సొసైటీ ఆఫ్ రిమోట్ సెన్సింగ్ వారి ఇండియన్ నేషనల్ రిమోట్ సెన్సింగ్ అవార్డు
- అంతరిక్ష వ్యవస్థల నిర్వహణకు గాను ఆస్ట్రోనామికల్ సొసైటీ ఆఫ్ ఇండియా (ASI) అవార్డు - 2005
- గ్రౌండ్ సిస్టమ్స్ స్థాపనకు అత్యుత్తమ కృషికి ఇస్రో మెరిట్ అవార్డు.
- PSLV-C7/కార్టోశాట్-2/SRE మిషన్ సమయంలో నిర్వహించిన పనికి ఇంటర్నేషనల్ అకాడమీ ఆఫ్ ఆస్ట్రోనాటిక్స్ (IAA) నుండి "జట్టు సాధనకు లారెల్స్" అందుకున్నాడు.
మరణం
[మార్చు]ఎస్.కె. శివకుమార్ అబ్స్ట్రక్టివ్ కామెర్లు సమస్యలతో 2019 ఏప్రిల్ 13న బెంగళూరులో 66 సంవత్సరాల వయసులో మరణించాడు.[9][10]
మూలాలు
[మార్చు]- ↑ "Dr. S K Shivakumar". www.isac.gov.in. Retrieved 15 April 2019.
- ↑ "The men behind the mission". NDTV. 22 October 2008. Archived from the original on 26 October 2008. Retrieved 31 October 2008.
- ↑ "Dr. Shivakumar is ISAC's director". The Hindu. 7 July 2016. Retrieved 7 July 2016.
- ↑ "Shivakumar is satellite centre chief" (in Indian English). The Hindu. 30 June 2012. Archived from the original on 3 January 2026. Retrieved 3 January 2026.
- ↑ "Padma Awards 2015". Press Information Bureau. Archived from the original on 28 January 2015. Retrieved 25 January 2015.
- ↑ "Space scientist and Padma-Shri awardee Dr SK Shivakumar passes away". The New Indian Express. Retrieved 15 April 2019.
- ↑ "Rajyotsava awards for space scientists". Deccan Herald. 31 October 2008. Archived from the original on 3 November 2008. Retrieved 31 October 2008.
- ↑ "Three Chosen for Nadoja Award". The Hindu. 17 December 2013. Archived from the original on 19 December 2013. Retrieved 17 December 2013.
- ↑ "Former Isro scientist SK Shivakumar dies at 66". The Times of India. 14 April 2019. Archived from the original on 3 January 2026. Retrieved 3 January 2026.
- ↑ "Space scientist and Padma-Shri awardee Dr SK Shivakumar passes away" (in ఇంగ్లీష్). The New Indian Express. 14 April 2019. Archived from the original on 3 January 2026. Retrieved 3 January 2026.