ఏకశిలా గణపతి విగ్రహం
| ఏకశిలా గణపతి విగ్రహం | |
|---|---|
ఆవంచ | |
 భారతదేశంలో ఎత్తైన గణపతి విగ్రహం | |
| మతం | |
| అనుబంధం | హిందూ |
| జిల్లా | నాగర్కర్నూల్ జిల్లా |
| పండుగ | వినాయకుడు |
| ప్రదేశం | |
| ప్రదేశం | ఆవంచ, తిమ్మాజిపేట మండలం |
| రాష్ట్రం | తెలంగాణ |
  గణపతి విగ్రహం | |
| భౌగోళిక అంశాలు | 16°42′41″N 78°14′54″E / 16.711498°N 78.248336°E |
| వాస్తుశాస్త్రం. | |
| సృష్టికర్త | పశ్చిమ చాళుక్య సామ్రాజ్యం |
| ఎత్తు | 9.144 మీ. (30 అ.) |
ఏకశిలా గణపతి విగ్రహం, తెలంగాణ రాష్ట్రం, నాగర్కర్నూల్ జిల్లా, తిమ్మాజిపేట మండలం, ఆవంచ గ్రామంలో ఉంది. భారతదేశంలో ఎత్తైన గణపతి విగ్రహం (30 అడుగుల ఎత్తు, 15 అడుగుల వెడల్పు) ఇది. పశ్చిమ చాళుక్య సామ్రాజ్య నేపథ్యం గురించి ఈ విగ్రహం వర్ణిస్తుంది. వీరు గుల్బర్గా పట్టణాన్ని రాజధానిగా చేసుకొని రాజ్యాన్ని పాలించారు. ఈ విగ్రహం 9.144 మీటర్లు (పీఠం7.62 మీటర్లు) ఎత్తు ఉంది.[1][2][3] దీనిని ఐశ్వర్య గణపతి విగ్రహం, ఆవంచ గణపతి విగ్రహం అని కూడా పిలుస్తారు. ఈ అరుదైన గణపతిని చూడటానికి అనేక ప్రాంతాల నుంచి భక్తులు ఇక్కడికి వస్తారు.
చరిత్ర
[మార్చు]12వ శతాబ్దంలో అవంచలో పశ్చిమ చాళుక్య వంశానికి చెందిన విక్రమాదిత్యకు సోమేశ్వరుడు, తైలంపుడు అనే ఇద్దరు కుమారులు ఉన్నాడు. ఈ తైలంపుడు సామంత రాజును కందూరు రాజధానిగా ఉన్న ఒక నిర్దిష్ట ప్రావిన్స్‌గా మార్చారు. సా.శ. 1113లో తైలంపుడు తన రాజధానిని అవంచకు మార్చాడు. తైలంపుడు పెద్ద గ్రానైట్ బండరాయిపై ఈ పురాతన గణపతి విగ్రహాన్ని చెక్కించాడు. విగ్రహం పనులు కొనసాగుతున్న సమయంలోనే తండ్రి విక్రమాదిత్యుడు చనిపోయాడనే వార్త తెలుసుకున్న తైలంపుడు మధ్యలోనే వెళ్లిపోయినట్లు ఆధారాలున్నాయి.[4] ఈ రాజవంశం 200 సంవత్సరాలకు పైగా తెలంగాణ ప్రాంతంలో తమ రాజ్యపాలన సాగించారు. ఆ విగ్రహం వ్యవసాయ క్షేత్రంలో ఉంది.[5] ఆ విగ్రహానికి గుడి, చుట్టూ గోడ లేదు. పొలాల్లో పనిచేసుకొనే రైతులే అప్పుడప్పుడు అరటిపండు నైవేద్యంగా పెడుతున్నారు.[6]
ఇతర వివరాలు
[మార్చు]తెలంగాణ ముఖ్యమంత్రి కేసీఆర్, మంత్రి సి. లక్ష్మా రెడ్డిలు ఈ విగ్రహాన్ని దర్శించారు.
మూలాలు
[మార్చు]- ↑ "Aishwarya Ganapathi, Avancha, Mahbubnagar District, Telangana - YouTube". www.youtube.com. Retrieved 2020-08-23.
- ↑ Goud, R. Narender (2017-08-25). "Historic Ganesh idol lies in neglect". www.thehansindia.com (in ఇంగ్లీష్). Retrieved 2020-08-23.
- ↑ "30 అడుగుల అరుదైన ఏకశిలా గణపతి.. మన అవంచలో!". Samayam Telugu. Retrieved 2020-08-23.
- ↑ ఆంధ్రజ్యోతి, నాగర్కర్నూల్ (5 September 2016). "ఐశ్వర్య గణపతి". andhrajyothy. Archived from the original on 9 August 2021. Retrieved 9 August 2021.
- ↑ "Telangana Government Neglects Eka Shila Ganesh in Mahabubnagar | Sneha TV Telugu - YouTube". www.youtube.com. Retrieved 2020-08-23.
- ↑ "నిరాదరణకు గురవుతున్న ఆవంచ గణపతి". mytelangana.com (in ఇంగ్లీష్). Retrieved 2021-08-09.