ఓవైసీ - మిథాని ఫ్లైఓవర్
ఒవైసీ - మిధాని జంక్షన్, హైదరాబాద్ నగరంలోని ప్రధాన రహదారుల్లో ఒకటి. కంచన్‌బాగ్‌లోని పిసల్‌బండ్‌ డీఆర్డీఎల్ వైపు నుంచి ఒవైసీ హాస్పిటల్ జంక్షన్ మీదగా ఎల్‌బీ నగర్‌ వైపు నూతనంగా ఓవైసీ - మిథాని ఫ్లైఓవర్ ను తెలంగాణ ప్రభుత్వం నిర్మించింది.
నిర్మాణ వివరాలు
[మార్చు]డీఆర్డీఎల్, మిధాని కూడలి నుంచి ప్రారంభమయ్యే ఓవైసీ - మిథాని ఫ్లైఓవర్ ను 12 మీటర్ల వెడల్పుతో మూడు లేన్ల యూనీ డైరెక్షనల్‌ పద్ధతిలో 1.365 కిలోమీటర్ల పొడవుతో 38 పిల్లర్లతో స్టాటిజిక్‌ రోడ్‌ డెవలప్‌మెంట్‌ ప్రోగ్రాం (ఎస్‌ఆర్‌డీపీ) సౌజన్యంతో రూ.80 కోట్ల వ్యయంతో 2018లో నిర్మాణాన్ని ప్రారంభించారు.
ప్రారంభం
[మార్చు]ఓవైసీ మిథాని ప్లై ఓవర్‌ను రాష్ట్ర ఐటీ, పుర‌పాల‌క శాఖ మంత్రి కల్వకుంట్ల తారకరామారావు 28 డిసెంబర్ 2021న ప్రారంభించాడు. ఈ కార్యక్రమంలో హైదరాబాద్ మేయర్ గద్వాల విజయలక్ష్మి, మంత్రులు మహమూద్ అలీ, సబితా ఇంద్రారెడ్డి, హైదరాబాద్ ఎంపీ అసదుద్దీన్ ఒవైసీ, స్థానిక ఎమ్మెల్యే అక్బరుద్దీన్ ఒవైసీ, స్థానిక ప్రజాప్రతినిధులు తదితరులు పాల్గొన్నారు.[1][2] ఒవైసీ - మిధాని జంక్షన్ కు మాజీ రాష్ట్రపతి ఏ.పి.జె. అబ్దుల్ కలామ్ ఫ్లై ఓవర్ గా నామ‌క‌ర‌ణం చేస్తున్న‌ట్లు మంత్రి కేటీఆర్ తెలిపాడు.[3][4]ఈ ఫ్లైఓవర్ వల్ల ఆరాంఘర్‌, చాంద్రాయణగుట్ట నుంచి ఎల్బీనగర్ బైరమల్ గుడా, కర్మాన్‌ఘాట్, మందమల్లమ్మ, సంతోష్‌నగర్, సాగర్ రింగ్ రోడ్డు, వైపు వెళ్లే వాహనాలకు ప్రయాణం సులభతరం అవుతుంది.[5]
మూలాలు
[మార్చు]- ↑ Namasthe Telangana (28 December 2021). "ఒవైసీ - మిధాని ఫ్లై ఓవర్ ప్రారంభం". Archived from the original on 28 December 2021. Retrieved 28 December 2021.
- ↑ TNews Telugu (28 December 2021). "ఓవైసీ-మిధాని ప్లై ఓవర్‌ను ప్రారంభించిన మంత్రి కేటీఆర్". Archived from the original on 28 December 2021. Retrieved 28 December 2021.
- ↑ Namasthe Telangana (28 December 2021). "మాజీ రాష్ట్ర‌ప‌తికి అరుదైన గౌర‌వం.. మిధాని ఫ్లై ఓవ‌ర్‌కు అబ్దుల్ కలాం పేరు." Archived from the original on 28 December 2021. Retrieved 28 December 2021.
- ↑ Andhrajyothy (29 December 2021). "ఒవైసీ ఫ్లైఓవర్‌కు అబ్దుల్ కలాం పేరు!". Archived from the original on 30 December 2021. Retrieved 30 December 2021.
- ↑ Eenadu (28 December 2021). "హైదరాబాద్ సిగలో మరో ఫ్లైఓవర్.. ప్రారంభించిన కేటీఆర్". Archived from the original on 17 January 2022. Retrieved 17 January 2022.