ఓస్లో విశ్వవిద్యాలయం
Universitetet i Oslo | |
 న్యాయశాస్త్ర విభాగం లోని డోమస్ మీడియా భవనం | |
| లాటిన్: యూనివర్సిటాస్ ఓస్లోయెన్సిస్[1] | |
పూర్వపు నామము | రాయల్ ఫ్రెడరిక్ యూనివర్సిటీ (1811–1939) |
|---|---|
| రకం | ప్రభుత్వ, పరిశోధనా యూనివర్సిటీ |
| స్థాపితం | 2 సెప్టెంబరు 1811[2] |
విద్యాసంబంధ అనుబంధం | EUA, Guild of European Research-Intensive Universities, UNICA |
విద్యాసంబంధ సిబ్బంది | 7,000 (2020) |
నిర్వహణా సిబ్బంది | 1,725 (2020) |
| విద్యార్థులు | 28,000 (2020) |
| స్థానం | ఓస్లో, నార్వే |
| రంగులు | [3] |
| దస్త్రం:University of Oslo logo.svg | |
ఓస్లో యూనివర్శిటీ నార్వేలోని ఓస్లోలో ఉన్న ఒక ప్రభుత్వ పరిశోధనా విశ్వవిద్యాలయం. ఇది నార్వేలో కెల్లా అత్యంత పురాతన విశ్వవిద్యాలయం. మొదట రాయల్ ఫ్రెడరిక్ విశ్వవిద్యాలయం అనే పేరుతో ఉండే ఈ విశ్వవిద్యాలయాన్ని, 1811 లో డెన్మార్క్-నార్వేల ఉమ్మడి విశ్వవిద్యాలయంగా, కోపెన్‌హాగన్ విశ్వవిద్యాలయానికి నార్వేజియన్ శాఖగా స్థాపించారు. దీనికి డెన్మార్క్, నార్వేల రాజు ఫ్రెడరిక్ VI పేరు పెట్టారు. 1939 లో దాన్ని ప్రస్తుత పేరుకు మార్చారు. పేరు మార్చడానికి ముందు ఈ విశ్వవిద్యాలయాన్ని "ది రాయల్ ఫ్రెడరిక్స్" అని పిలిచేవారు. దీనిని యూనివర్సిటీటెట్ అని కూడా పిలుచుకుంటారు.
1946 లో బెర్గెన్ విశ్వవిద్యాలయం స్థాపించేదాకా నార్వేలో ఇదొక్కటే విశ్వవిద్యాలయం. ఇక్కడ దాదాపు 27,700 మంది విద్యార్థులున్నారు. దాదాపు 6,000 మంది సిబ్బంది ఉన్నారు.[4] ఇక్కడి బోధనాంశాల్లో లూథరన్ వేదాంతశాస్త్రం (1536 నుండి నార్వే రాష్ట్ర చర్చిగా ఉన్న లూథరన్ చర్చి ), బ్యాయశాస్త్రం, వైద్యం, మానవీయ శాస్త్రాలు, గణితం, సహజ శాస్త్రాలు, సామాజిక శాస్త్రాలు, దంతవైద్యం, విద్య ఉన్నాయి. విశ్వవిద్యాలయపు ఒరిజినల్ నియోక్లాసికల్ క్యాంపస్ ఓస్లో నగరం మధ్యలో ఉంది. ప్రస్తుతం ఇక్కడ బ్యాయశాస్త్ర విభాగం ఉంది. విశ్వవిద్యాలయం లోని ఇతర బోధనాంశాలు చాలావరకు శివారు వెస్ట్ ఎండ్‌లోని కొత్త బ్లైండర్న్ క్యాంపస్‌లో ఉన్నాయి. మెడిసిన్ ఫ్యాకల్టీ ఓస్లో ప్రాంతంలోని అనేక విశ్వవిద్యాలయ ఆసుపత్రులలో విస్తరించి ఉంది. ఈ విశ్వవిద్యాలయంలో సెంటర్ ఫర్ ఇంటర్నేషనల్ క్లైమేట్ అండ్ ఎన్విరాన్‌మెంటల్ రీసెర్చ్ (CICERO), NKVTS, ఫ్రిష్ సెంటర్ వంటి కొన్ని అధికారికంగా స్వతంత్ర, అనుబంధ సంస్థలు కూడా ఉన్నాయి.
1947 నుండి 1989 వరకూ, ఆ తరువాత 2020 లోనూ విశ్వవిద్యాలయంలోని ఏట్రియంలో నోబెల్ శాంతి బహుమతిని ప్రదానం చేశారు.[5] 2003 నుండి, అబెల్ బహుమతిని ఈ ఆట్రియంలో ఇస్తున్నారు. విశ్వవిద్యాలయంతో అనుబంధంగా ఉన్న ఐదుగురు పరిశోధకులు నోబెల్ గ్రహీతలు కాగా, ముగ్గురు ట్యూరింగ్ అవార్డు గ్రహీతలు.
చరిత్ర
[మార్చు]తొలినాళ్ళ చరిత్ర
[మార్చు]
1811 లో డానో-నార్వేజియన్ యూనియన్‌లో మొదటి విశ్వవిద్యాలయాన్ని స్థాపించాలని నిర్ణయం తీసుకున్నారు. అలాంటి సంస్థ ఒకదాన్ని ఏర్పాటు చేస్తే అది రాజకీయ వేర్పాటువాద ధోరణులను ప్రోత్సహించవచ్చని గతంలో నమ్మిన రాజు ఫ్రెడెరిక్ VI తో ఈ విషయమై ఒక ఒప్పందం కుదిరాక, 1813 లో ఆ సమయంలో ఒక చిన్న నగరమైన క్రిస్టియానియా (ఇప్పటి ఓస్లో) లో రాయల్ ఫ్రెడెరిక్స్ విశ్వవిద్యాలయాన్ని స్థాపించారు. ప్రారంభమైన ఒక సంవత్సరం తర్వాత నార్వే స్వాతంత్ర్యం ప్రకటించుకోవడంతో పరిస్థితులు నాటకీయంగా మారాయి. అయితే, 1814 స్వీడిష్-నార్వేజియన్ యుద్ధం పర్యవసానంగా నార్వే, స్వీడన్‌తో వ్యక్తిగత యూనియన్‌లోకి ప్రవేశించాల్సిన అవసరం ఏర్పడినందున ఆ స్వాతంత్ర్యం కొంతవరకు పరిమితమైంది. రాజాధికారం, విదేశాంగ వ్యవహారాలను స్వీడన్‌తో పంచుకున్నప్పటికీ నార్వే, తన సొంత రాజ్యాంగాన్నీ, స్వతంత్ర జాతీయ సంస్థలనూ నిలుపుకుంది. నార్వేజియన్లు స్వీడన్ల రాజకీయ ఆధిపత్యానికి భయపడుతున్న సమయంలో, కొత్త విశ్వవిద్యాలయం నార్వేజియన్ రాజకీయ, సాంస్కృతిక స్వాతంత్ర్యానికి దోహదపడే కీలక సంస్థగా మారింది.
ప్రారంభంలో రాయల్ ఫ్రెడరిక్ విశ్వవిద్యాలయపు ప్రధాన విధి - ఉన్నత స్థాయి పౌర అధికారులకూ, పార్లమెంటరీ ప్రతినిధులు, ప్రభుత్వ మంత్రులకూ అవగాహన కల్పించడం. దేశంలో సంస్కృతి, భాష, చరిత్ర, జానపద సంప్రదాయాలపై జరిపిన ఒక సర్వేకు ఈ విశ్వవిద్యాలయం కేంద్రంగా మారింది. ఆధునిక సమాజాన్ని అభివృద్ధి చేయడానికి అవసరమైన విస్తృత శ్రేణి పనులను చేపట్టడానికి విశ్వవిద్యాలయ సిబ్బంది కృషి చేశారు. 1800 ల అంతటా, విశ్వవిద్యాలయ విద్యా విభాగాలు క్రమంగా మరింత ప్రత్యేకత సంతరించుకున్నాయి.
1870 లలో విశ్వవిద్యాలయంలో జరిగిన ప్రధాన మార్పులలో ఒకటి - పరిశోధనపై ఎక్కువ ప్రాధాన్యత ఇవ్వడం, విశ్వవిద్యాలయ నిర్వహణ మరింత ప్రొఫెషనల్‌గా మారడం, విద్యా విషయాలను సంస్కరించడం, బోధనా రూపాలను అభివృద్ధి పరచడం జరిగింది.
1905లో స్వీడన్‌తో యూనియన్ రద్దైనప్పుడు, పౌరులందరూ గౌరవప్రదమైన, సురక్షితమైన జీవితాన్ని అనుభవించేలా చూడటంపై ఎక్కువ ప్రాధాన్యతనిచ్చే సమాజం కోసం ఉన్నత విద్యావంతులైన నిపుణులను తయారు చేయడంలో ఈ విశ్వవిద్యాలయం ముఖ్యమైనదిగా మారింది. విశ్వవిద్యాలయం నుండి ఉత్తీర్ణులైన గ్రాడ్యుయేట్లను విద్య, ఆరోగ్య సేవలు, ప్రజా పరిపాలన రంగాల్లో సిబ్బందిగా నియమించారు.
1945–2000
[మార్చు]రెండవ ప్రపంచ యుద్ధం తరువాత, చదివించేందుకు ఆర్థికంగా స్తోమత లేని కుటుంబాల విద్యార్థులకు ప్రభుత్వ అధికారులు రుణాలు అందుబాటు లోకి తెచ్చారు. 1947 లో యువ విద్యార్థుల కోసం జాతీయ విద్యా రుణ నిధిని స్థాపించారు. ఫలితంగా, యుద్ధానంతర సంవత్సరాల్లో విద్యార్థుల సంఖ్యలో రికార్డు పెరుగుదల కనిపించింది. యుద్ధం కారణంగా వీరిలో చాలామంది తమ చదువులను ప్రారంభించలేకపోవడమో, చదువులకు అంతరాయం కలగడమో జరిగినవారే. వారంతా తిరిగి చదువులు మొదలుపెట్టారు. 1945 శరదృతువు సెమిస్టర్ కోసం, 5951 మంది విద్యార్థులు విశ్వవిద్యాలయంలో నమోదు చేసుకున్నారు. ఇది అప్పటి వరకు విశ్వవిద్యాలయంలో జరిగిన అత్యధిక విద్యార్థుల నమోదు. 1947 నాటికి విద్యార్థుల సంఖ్య 6000 దాటింది. యుద్ధానికి ముందు చేరిన విద్యార్థుల సంఖ్యతో పోలిస్తే ఇది 50 శాతం ఎక్కువ.
1960 ల నాటికి విశ్వవిద్యాలయంలో వచ్చిన మార్పులు అంతకుముందు ఏ దశాబ్దంలోనూ జరగలేదు. ఆ దశాబ్దం సాటిలేని వృద్ధి సాధించిన కాలం. 1960 నుండి 1970 వరకు, విద్యార్థుల నమోదు మూడు రెట్లు పెరిగి, 5,600 నుండి 16,800 అయింది. ఈ అపారమైన ప్రవాహం విశ్వవిద్యాలయం లోని అంతర్గత, బాహ్య అవగాహనను మార్చడానికి సరిపోయింది.
తీరా చూస్తే, ఆ మార్పులు మరింత సమగ్రంగా ఉన్నాయి. బ్లైండర్న్‌లోని విశ్వవిద్యాలయ ప్రాంగణాన్ని విస్తరించారు. విద్యా, పరిపాలనా ఉద్యోగుల సంఖ్య పెరిగింది. విద్యా ఉద్యోగాల సంఖ్య రెట్టింపై 500 కంటే తక్కువ స్థాయి నుండి 1,200 కి చేరుకుంది. విద్యార్థులు, సిబ్బంది సంఖ్య పెరుగుదల సాంప్రదాయ పని రూపాన్ని, సంస్థాగత రూపాలనూ మార్చివేసింది. బ్లైండర్న్ కాంప్లెక్స్ విస్తరణతో 7,000 మంది విద్యార్థులకు వసతి కల్పించడానికి వీలు కలిగింది. 1960 లలో విద్యార్థుల సంఖ్యలో విపరీతంగా వచ్చిన పెరుగుదల ముఖ్యంగా బ్లైండర్న్ క్యాంపస్‌పై ప్రభావం చూపింది. 1960 లలో సెంట్రల్ ఓస్లోలో ఉన్న ఫ్యాకల్టీలైన న్యాయం, వైద్యం లలో విద్యార్థుల నమోదులో రెట్టింపు మాత్రమే కనిపించింది, అయితే మానవీయ శాస్త్రాలు, సామాజిక శాస్త్రాలలో విద్యార్థుల సంఖ్య మూడు రెట్లు పెరిగింది.
1968 నాటికి విశ్వవిద్యాలయ విద్యార్థులలో విప్లవాత్మక రాజకీయ ఆలోచనలు తీవ్రంగా పాతుకుపోయాయి. పాశ్చాత్య ప్రపంచం అంతటా విశ్వవిద్యాలయాల చరిత్రలో "విద్యార్థి తిరుగుబాటు" ఒక మలుపు తిరిగింది. 1960 లలో విద్యార్థుల దృక్పథం నిరాశాజనకంగా ఉండేది. గతంలో ఎన్నడూ లేనంత మంది విద్యేతర నేపథ్యాల నుండి వచ్చారు. వారికి ఆదర్శనీయులు పెద్దగా లేరు. "యూనివర్సిటీ ఆఫ్ ది మాసెస్" తన విద్యార్థులందరినీ మునుపటి తరాల విద్యావేత్తలు అనుభవించిన "ఉన్నతమైన, ఉన్నత స్థానాలకు" తీసుకువెళ్ళలేకపోయింది. అందువల్ల, చాలా మంది విద్యార్థులు "స్థాపన" అని పిలవబడే దాని నుండీ అది పనిచేసే విధానం నుండీ తొలగిపోయారు. చాలామంది అసహనంతో ఉండి, సమాజాన్ని మార్చడానికి తమ జ్ఞానాన్ని ఉపయోగించాలనుకున్నారు. విద్యావేత్తలు అణగారిన వర్గాలకు సంఘీభావంగా నిలబడాలని భావించారు.
విద్యార్థి జనాభాలో వచ్చిన అత్యంత ప్రాథమిక మార్పు ఏమిటంటే మహిళా విద్యార్థుల నిష్పత్తి పెరగడం. 1970 లలో మహిళల సంఖ్య పెరిగి, చివరికి మొత్తం విద్యార్థులలో వారే మెజారిటీగా మారారు. అదే సమయంలో, విశ్వవిద్యాలయం 1970 లలో ఉద్భవించిన వ్యవస్థీకృత మహిళా విముక్తి ఉద్యమానికి కేంద్రంగా మారింది.
సహస్రాబ్ది ముగిసే వరకు, విశ్వవిద్యాలయంలో చేరిన విద్యార్థుల సంఖ్య విపరీతంగా పెరిగింది. 1992 లో UiO మొదటిసారిగా తన అన్ని ఫ్యాకల్టీలకు ప్రవేశాలపై పరిమితులు పెట్టింది. అధిక విద్యార్థుల సంఖ్యకు కారణం ప్రధానంగా ఉద్యోగ మార్కెట్ బలహీనంగా ఉండడమని భావించారు. 1996 లో UiOలో 38,265 మంది విద్యార్థులు చేరారు. ఇది 1970 లు, 1980లలో ఉన్న సగటు కంటే దాదాపు 75 శాతం ఎక్కువ. 1990 లలో విద్యార్థుల సంఖ్యలో బలమైన పెరుగుదలకు కొంతవరకు పేలవమైన కార్మిక మార్కెట్ కారణమని చెప్పవచ్చు.
ఫ్యాకల్టీలు
[మార్చు]విశ్వవిద్యాలయపు పరిశోధనా వ్యవస్థలో ఎనిమిది పాఠశాలలు లేదా "ఫ్యాకల్టీలు" ఉన్నాయి. అవి దంతవైద్యం, విద్యా శాస్త్రాలు, మానవీయ శాస్త్రాలు, న్యాయశాస్త్రం, గణితం, సామాన్య శాస్త్రాలు, వైద్యం, సామాజిక శాస్త్రాలు, వేదాంతశాస్త్రం.[6]
ప్రష్యన్ ఆర్కిటెక్ట్ కార్ల్ ఫ్రెడరిక్ షింకెల్‌కు చెందిన నియోక్లాసికల్ శైలిలో ఉండే విశ్వవిద్యాలయ పాత క్యాంపస్, ఓస్లో నగరం మధ్యలో, నేషనల్ థియేటర్, రాయల్ ప్యాలెస్, పార్లమెంటుల సమీపంలో ఉంది. పాత క్యాంపస్‌లో ఇప్పుడు న్యాయశాస్త్ర విభాగం ఉంది. ఇతర ఫ్యాకల్టీలలో ఎక్కువ భాగం 1930 లలో నిర్మితమైన వెస్ట్ ఎండ్ శివారు ప్రాంతంలోని బ్లైండర్న్ క్యాంపస్‌కు తరలించారు. మెడిసిన్ ఫ్యాకల్టీ, ఓస్లో ప్రాంతంలోని అనేక విశ్వవిద్యాలయ ఆసుపత్రులలో విస్తరించి ఉంది.
వేదాంతశాస్త్రం
[మార్చు]థియాలజీ ఫ్యాకల్టీ ఈ క్రింది రంగాలలో 8 పరిశోధనా బృందాలను స్పాన్సర్ చేస్తుంది: [7]
- కొత్త నిబంధన
- చారిత్రక ప్రొటెస్టంటిజం
- మతాంతర అధ్యయనాలు
- పెర్షియన్, హెలెనిస్టిక్ కాలాలలో యూదు మతం, సాహిత్యం
- కానన్, కాననైజేషన్
- లింగం, వేదాంతశాస్త్రం, మతం
- ప్రొఫెషనల్ ఎథిక్స్, డయాకోనల్ సైన్స్ అండ్ ప్రాక్టికల్ థియాలజీ
- మతపరమైన సౌందర్యశాస్త్రం
న్యాయశాస్త్రం
[మార్చు]- యూరోపియన్ లా సెంటర్
- క్రిమినాలజీ, లా సోషియాలజీ విభాగం
- ప్రైవేట్ లా విభాగం
- నార్వేజియన్ రీసెర్చ్ సెంటర్ ఫర్ కంప్యూటర్స్ అండ్ లా (NRCCL)
- ప్రజా, అంతర్జాతీయ న్యాయ విభాగం
- నార్వేజియన్ సెంటర్ ఫర్ హ్యూమన్ రైట్స్
- స్కాండినేవియన్ ఇన్స్టిట్యూట్ ఆఫ్ మారిటైమ్ లా [8]
వైద్యం
[మార్చు]- ఇన్స్టిట్యూట్ ఆఫ్ హెల్త్ అండ్ సొసైటీ
- ఇన్స్టిట్యూట్ ఆఫ్ బేసిక్ మెడికల్ సైన్సెస్
- ఇన్స్టిట్యూట్ ఆఫ్ క్లినికల్ మెడిసిన్
ఎక్సలెన్స్ కేంద్రాలు:
- నార్వేజియన్ సెంటర్ ఫర్ మెంటల్ డిజార్డర్స్ రీసెర్చ్ (నార్మెంట్)
- రోగనిరోధక నియంత్రణ కేంద్రం (CIR)
- క్యాన్సర్ బయోమెడిసిన్ కేంద్రం (CCB)
మానవీయ శాస్త్రాలు
[మార్చు]హ్యుమానిటీస్ ఫ్యాకల్టీ ఓస్లో విశ్వవిద్యాలయంలోని అతిపెద్ద ఫ్యాకల్టీ. దాదాపు 8000 మంది విద్యార్థులు, 917 మంది ఉద్యోగులూ ఇందులో ఉన్నారు.
- పురావస్తు శాస్త్రం, పరిరక్షణ, చరిత్ర విభాగం
- సాంస్కృతిక అధ్యయనాలు, ప్రాచ్య భాషల విభాగం
- తత్వశాస్త్రం, క్లాసిక్స్, కళ, ఆలోచనల చరిత్ర విభాగం
- సాహిత్యం, ప్రాంత అధ్యయనాలు, యూరోపియన్ భాషల విభాగం
- భాషాశాస్త్రం, స్కాండినేవియన్ అధ్యయనాల విభాగం
- మీడియా, కమ్యూనికేషన్ విభాగం
- సంగీత శాస్త్ర విభాగం
- ఇబ్సెన్ స్టడీస్ కేంద్రం
- ప్రకృతిలో మనస్సు అధ్యయన కేంద్రం
- సెయింట్ పీటర్స్‌బర్గ్‌లోని నార్వేజియన్ విశ్వవిద్యాలయ కేంద్రం
- రోమ్‌లోని నార్వేజియన్ ఇన్స్టిట్యూట్
- సామాజిక శాస్త్రాలు, మానవీయ శాస్త్రాలలో ఫ్రెంచ్-నార్వేజియన్ పరిశోధన సహకార కేంద్రం
- అభివృద్ధి, పర్యావరణ కేంద్రం
.JPG)
గణితం, సామాన్య శాస్త్రాలు
[మార్చు]- బయోసైన్సెస్ విభాగం
- కెమిస్ట్రీ విభాగం
- భూవిజ్ఞాన శాస్త్ర విభాగం
- ఇన్ఫర్మేటిక్స్ విభాగం
- గణిత శాస్త్ర విభాగం
- భౌతిక శాస్త్ర విభాగం
- ఇన్స్టిట్యూట్ ఆఫ్ థియరిటికల్ ఆస్ట్రోఫిజిక్స్
- ఫార్మసీ విభాగం
- టెక్నాలజీ సిస్టమ్స్ విభాగం
- వ్యవస్థాపకత కేంద్రం
- సెంటర్ ఫర్ ఎర్త్ ఎవల్యూషన్ అండ్ డైనమిక్స్ (CEED)
- సెంటర్ ఫర్ మెటీరియల్ సైన్సెస్ అండ్ నానోటెక్నాలజీ (SMN)
- సెంటర్ ఆఫ్ మ్యాథమెటిక్స్ ఫర్ అప్లికేషన్స్ (CMA)
- సెంటర్ ఫర్ ఎకలాజికల్ అండ్ ఎవల్యూషనరీ సింథసిస్ (CEES)
- సెంటర్ ఫర్ థియరిటికల్ అండ్ కంప్యూటేషనల్ కెమిస్ట్రీ (CTCC)
- సెంటర్ ఫర్ ఇన్నోవేటివ్ నేచురల్ గ్యాస్ ప్రాసెస్సెస్ అండ్ ప్రొడక్ట్స్ (inGAP)
- సెంటర్ ఫర్ యాక్సిలరేటర్ బేస్డ్ రీసెర్చ్ అండ్ ఎనర్జీ ఫిజిక్స్ (SAFE)
దంతవైద్యం
[మార్చు]- ఇన్స్టిట్యూట్ ఆఫ్ ఓరల్ బయాలజీ
- ఇన్స్టిట్యూట్ ఆఫ్ క్లినికల్ డెంటిస్ట్రీ
సామాజిక శాస్త్రాలు
[మార్చు]- సోషియాలజీ, హ్యూమన్ జియోగ్రఫీ విభాగం
- రాజకీయ శాస్త్ర విభాగం
- మనస్తత్వశాస్త్ర విభాగం
- సామాజిక మానవ శాస్త్ర విభాగం
- ఆర్థిక శాస్త్ర విభాగం
- సెంటర్ ఫర్ టెక్నాలజీ, ఇన్నోవేషన్ అండ్ కల్చర్
- అరీనా - యూరోపియన్ స్టడీస్ కేంద్రం
- సెంటర్ ఆఫ్ ఈక్వాలిటీ, సోషల్ ఆర్గనైజేషన్, అండ్ పెర్ఫార్మెన్స్ (ESOP)
విద్య
[మార్చు]- ఉపాధ్యాయ విద్య, పాఠశాల పరిశోధన విభాగం
- ప్రత్యేక అవసరాల విద్య విభాగం
- విద్యా పరిశోధన విభాగం
- ఓస్లో విశ్వవిద్యాలయంలో విద్యా కొలత కేంద్రం (CEMO)
- ఇంటర్మీడియా
ఇతర విభాగాలు
[మార్చు]ఓస్లో విశ్వవిద్యాలయంలో అనేక విభాగాలున్నాయి. అవి అధ్యాపక శాఖలలో భాగం కావు, వాటిలో కొన్ని ఇంటర్ డిసిప్లినరీ పరిశోధనా కేంద్రాలు, విదేశాలలో పరిశోధనా కేంద్రాలు, శాస్త్రీయ మ్యూజియంలు, గ్రంథాలయాలు ఉన్నాయి:
పరిశోధనా కేంద్రాలు, ఇతర ప్రత్యేక విభాగాలు
[మార్చు]- ఓస్లోలోని బయోటెక్నాలజీ సెంటర్
- లింగ పరిశోధన కేంద్రం
- రోమ్‌లోని నార్వేజియన్ ఇన్స్టిట్యూట్ (పూర్తిగా విశ్వవిద్యాలయం యాజమాన్యంలో ఉంది)
- బారోనీ రోసెండల్ (పూర్తిగా విశ్వవిద్యాలయం యాజమాన్యంలో ఉంది)
- మాలిక్యులర్ లైఫ్ సైన్స్
- అంతర్జాతీయ వేసవి పాఠశాల
అనుబంధ సంస్థలు
[మార్చు]అనుబంధ సంస్థలు అనేవి ఓస్లో విశ్వవిద్యాలయంతో అధికారిక సహకార ఒప్పందాలు, సన్నిహిత సంబంధాలను కలిగి ఉన్న స్వతంత్ర సంస్థలు. వాటిలో ఎక్కువ భాగం సంస్థలను ఓస్లో విశ్వవిద్యాలయమే స్థాపించింది. కానీ వివిధ కారణాల వల్ల విశ్వవిద్యాలయం నుండి అధికారికంగా వేరుపడ్డాయి.
- అంతర్జాతీయ వాతావరణ, పర్యావరణ పరిశోధన కేంద్రం
- ఫ్రిష్ సెంటర్
- నార్వేజియన్ సెంటర్ ఫర్ వయోలెన్స్ అండ్ ట్రామాటిక్ స్ట్రెస్ స్టడీస్
- హోలోకాస్ట్, మతపరమైన మైనారిటీల అధ్యయన కేంద్రం
- సిములా పరిశోధన ప్రయోగశాల
లైబ్రరీ
[మార్చు]
- లైబ్రరీ ఆఫ్ మెడిసిన్ అండ్ హెల్త్ సైన్సెస్
- హ్యుమానిటీస్ అండ్ సోషల్ సైన్సెస్ లైబ్రరీ
- ఫ్యాకల్టీ ఆఫ్ లా లైబ్రరీ
- గణితం, సామాన్య శాస్త్రాల లైబ్రరీ ఫ్యాకల్టీ
మ్యూజియంలు
[మార్చు]- సామన్య శాస్త్ర చరిత్ర
- ఖనిజ-భూగర్భ మ్యూజియం
- పురాజీవ శాస్త్ర మ్యూజియం
- జూలాజికల్ మ్యూజియం
- బొటానికల్ గార్డెన్
- బొటానికల్ మ్యూజియం
- సాంస్కృతిక చరిత్ర
- చారిత్రక మ్యూజియం
- నాణేలు, పతకాల సేకరణ
- ఎథ్నోగ్రాఫిక్ మ్యూజియం
- వైకింగ్ షిప్ మ్యూజియం
సీల్
[మార్చు]
ఓస్లో విశ్వవిద్యాలయం ముద్రలో లైర్‌ వాయిద్యంతో ఉన్న అపోలో ఉంటుంది. ఇది 1835 నాటిది. ఈ ముద్రను చాలాసార్లు పునఃరూపకల్పన చేశారు.
ఫీజులు
[మార్చు]నార్వేలోని అన్ని ప్రభుత్వ ఉన్నత విద్యా సంస్థల మాదిరిగానే, ఓస్లో విశ్వవిద్యాలయం కూడా ట్యూషన్ ఫీజులు వసూలు చేయదు. అయితే, 600 kr (సుమారు US$70 ) అనే కొద్దిపాటి రుసుము వసూలు చేస్తారు. ఇది కిండర్ గార్టెన్లు, ఆరోగ్య సేవలు, గృహనిర్మాణం, సాంస్కృతిక కార్యక్రమాలు, వారపత్రిక యూనివర్సిటాస్, రేడియో స్టేషన్ రేడియో నోవా మొదలైనవాటికి సబ్సిడీ ఇచ్చే విద్యార్థి సంక్షేమ సంస్థ ఫౌండేషన్ ఫర్ స్టూడెంట్ లైఫ్‌కు ఈ రుసుము వెళుతుంది.
అదనంగా విద్యార్థులకు కాపీ, పేపర్ లకు రుసుముగా పూర్తి కాల విద్యార్థులకు 200 kr (సుమారు US$25),[9] పార్ట్-టైమ్ విద్యార్థులకు 100 kr (సుమారు US$12) వసూలు చేస్తారు. SAIHకి స్వచ్ఛంద విరాళంగా 40 kr kr (సుమారు US$5) సేకరిస్తారు.
ర్యాంకులు
[మార్చు]| University rankings | |
|---|---|
| Global – Overall | |
| ARWU World[10] | 72 (2024) |
| QS World[11] | 119 (2025) |
| THE World[12] | =116 (2025) |
2023లో, షాంఘై జియావో టోంగ్ విశ్వవిద్యాలయానికి చెందిన ప్రపంచ విశ్వవిద్యాలయాల అకడమిక్ ర్యాంకింగుల్లో ప్రపంచవ్యాప్తంగా UiOకి 73వ స్థానం దక్కింది. నార్వేలో ఇది అత్యుత్తమ స్థానంలో నిలిచింది. 2024 టైమ్స్ హయ్యర్ ఎడ్యుకేషన్ వరల్డ్ యూనివర్సిటీ ర్యాంకింగ్స్ UiOకి 127వ ర్యాంక్ ఇచ్చింది. 2024 QS వరల్డ్ యూనివర్సిటీ ర్యాంకింగుల్లో UiOకి ప్రపంచవ్యాప్తంగా 117వ ర్యాంక్ వచ్చింది. 2022 వెబ్‌మెట్రిక్స్ ర్యాంకింగ్ ఆఫ్ వరల్డ్ యూనివర్సిటీస్ ప్రపంచవ్యాప్తంగా UiOకి 94వ ర్యాంక్ ఇచ్చింది.[13]
"సర్వేలు, విశ్వవిద్యాలయ డేటా సమర్పణలపై ఆధారపడకుండా విద్యార్థులకు అందించే విద్య, శిక్షణల నాణ్యతనూ అధ్యాపకుల ప్రతిష్టనూ, వారి పరిశోధన నాణ్యతను కొలిచే ఏకైక ప్రపంచ విశ్వవిద్యాలయ ర్యాంకింగ్‌ను ప్రచురించే", సెంటర్ ఫ్ర్ వరల్డ్ యూనివర్సిటీ ర్యాంకింగ్స్ సంస్థ[14] 2022 లో UiOకి ప్రపంచవ్యాప్తంగా 99వ ర్యాంక్ ఇచ్చింది.[15]
మూలాలు
[మార్చు]- ↑ "Search". Internet Archive.
- ↑ "University of Oslo (UiO) - Maritime & North Sea Energy Law Education". EduMaritime.net. 25 November 2017. Retrieved 24 Oct 2018.
- ↑ "Colour palette". University of Oslo. Retrieved 30 March 2025.
- ↑ "About Oslo". European Union – Health Education and Management (EU–HEM) (in అమెరికన్ ఇంగ్లీష్). Archived from the original on 9 June 2015. Retrieved 2018-09-16.
- ↑ "I år skal Nobels fredspris utdeles på UiO - Uniforum". www.uniforum.uio.no (in నార్వేజియన్). Retrieved 2022-09-19.
- ↑ "Research. University of Oslo. Retrieved July 21, 2016".
- ↑ "Research Groups. The Faculty of Theology. University of Oslo. Nov 11, 2011. Retrieved July 21, 2016".
- ↑ "University of Oslo (UiO) - Maritime & North Sea Energy Law Education". EduMaritime.net. 25 November 2017. Retrieved 13 Dec 2018.
- ↑ "Kopinor-avgiften" (in నార్వేజియన్). University of Oslo. Retrieved 2018-03-29.
- ↑ "Academic Ranking of World Universities 2024".
- ↑ "QS World University Rankings 2025".
- ↑ "World University Rankings 2025". 25 November 2024.
- ↑ "Webometrics Ranking of World Universities". Retrieved 21 July 2015
- ↑ "Brief Description CWUR". Retrieved 21 July 2015
- ↑ "University of Oslo Ranking 2022-2023 | CWUR". cwur.org. Retrieved 2022-09-19.