కరణం (గ్రామాధికారి)
కరణం అనేది ఆంధ్రప్రదేశ్, తెలంగాణ రాష్ట్రాలలో ఒకప్పుడు అమల్లో ఉన్న ఒక గ్రామాధికారి పదవి. సాంప్రదాయకంగా, కరణం గ్రామాల ఖాతాలు, రికార్డులను నిర్వహించే, పన్నులు వసూలు చేసే అధికారి.[1][2] కరణం, మునసబు లు ఆంధ్రప్రదేశ్లో ఒకప్పుడు ఉన్న రెండు గ్రామ స్థాయి పరిపాలనా పదవులు.[3]
కరణం పదవిని సాంప్రదాయికంగా నియోగి బ్రాహ్మణులు నిర్వహించేవారు.[4] [5] గోదావరి జిల్లాల్లో, కాపులు కూడా ఈ పదవిని నిర్వర్తించేవారు. ఇతర ప్రాంతాలలో, దీనిని కొన్నిసార్లు గోల్కొండ వ్యాపారి బ్రాహ్మణులు, దేశస్థ బ్రాహ్మణులు, కరణులు చేసేవారు.[6][7] "కరణం" అనే పదవిని ఉత్తర కర్ణాటక, మహారాష్ట్రల్లోని " కులకర్ణి" తోటి, కర్ణాటకలోని "షాన్బాగ్"తోటీ పోల్చవచ్చు.[8][9] తెలంగాణలో కరణం పదవిని పట్వారీ అని, మునసబు పదవిని పటేల్ అనీ అనేవారు.
1985 లో అప్పటి ఉమ్మడి ఆంధ్రప్రదేశ్ ముఖ్యమంత్రి ఎన్.టి. రామారావు, వంశపారంపర్య కరణం వ్యవస్థనూ, తెలంగాణ లోని పటేల్ పట్వారీ వ్యవస్థనూ రద్దు చేసి, దాని స్థానంలో గ్రామ రెవెన్యూ అధికారి (VRO) పదవిని ప్రవేశపెట్టాడు.[10]
చరిత్ర
[మార్చు]కరణం వంటి గ్రామ అధికారుల మూలం జమీందారీ వ్యవస్థ పరిణామంలో కనిపిస్తుంది. [11] ఆంధ్ర ప్రాంతంలో సాంప్రదాయకంగా 'కరణం', 'మునసబు' అని పిలువబడే గ్రామ అధికారులను జమీందార్లు, జాగీర్దార్లు నియమించారు. కరణాలు భూమి రికార్డులను నిర్వహించడం, పన్నులు వసూలు చేయడం చేయగా, మునసబు శాంతిభద్రతలను కాపాడేవారు.[11] కరణాలకు పరిపాలనా పత్రాలు రాయడం, అకౌంటింగ్, ఫైల్ కీపింగ్లో నైపుణ్యం ఉండేది.[12] చాలా మంది కరణాలు బహుభాషావేత్తలు. వారికి భూ వినియోగం, వివాద పరిష్కారం, స్థానిక చరిత్రపై జ్ఞానం ఉండేది. విజయవంతమైన కరణాలు, పైకి వచ్చి మంత్రులు అయ్యారు.[12] మధ్యయుగ కాలం చివరిలో, నియోగి బ్రాహ్మణులు ఆంధ్రలో కరణాలుగా ఆధిపత్యం చెలాయించారు. గోల్కొండ రాజ్యంలోని తెలంగాణ ప్రాంతాలలో, వ్యాపారి బ్రాహ్మణులు కరణాలు అయ్యేవారు.[5]
1985లో, అప్పటి ఆంధ్రప్రదేశ్ ముఖ్యమంత్రి ఎన్.టి. రామారావు కరణం, మునసబు వంశపారంపర్య కార్యాలయాలను రద్దు చేసి, వాటి స్థానంలో గ్రామ రెవెన్యూ అధికారి (VRO)ని నియమించాడు.[10][13][14] వాటితో పాటే తెలంగాణ లోని పటేల్ పట్వారీ వ్యవస్థ కూడా రద్దైంది. 1964 నాటి ఉన్నితన్ కమిటీ, నర్సింహారావు కమిటీ సిఫార్సుల ప్రకారం ప్రభుత్వం ఈ చర్య తీసుకుంది.[11] OBC వర్గాలు ఎన్టీయార్ పార్టీ అయిన తెలుగుదేశం పార్టీ (TDP) కి మద్దతుగా నిలవడానికి ఒక కారణం, కరణం వ్యవస్థను రద్దు చేయాలనే నిర్ణయమని భావిస్తారు.[15]
దీన్ని పోలిన పదవులు
[మార్చు]కరణం అనే బిరుదు ఉత్తర కర్నాటక, మహారాష్ట్రల లోని కులకర్ణి, కర్ణాటకలోని షాన్బాగ్ని పోలి ఉంటుంది.[8][16][9][17]
ఉన్నత స్థాయిలో కరణం ప్రతిరూపమైన సంప్రతి లేదా స్థల కరణం అనే పదవిని సాధారణంగా దేశస్థ బ్రాహ్మణులు చేపట్టేవారు.[18][19] జిల్లా రెవెన్యూ అధికారిగా ఉన్న స్థల కరణం పదవిని కొన్నిసార్లు దేశ్పాండే చేసేవారు. దేశ్పాండే పదవిని సాధారణంగా దేశస్థులు, కొన్నిసార్లు వెలమలు కూడా నిర్వహించేవారు.[20]
కరణం తెలుగు
[మార్చు]కరణం తెలుగు అనేది కరణం రచయితలు పోషించిన తెలుగు భాష రూపం. [21] గ్రాంథిక భాష కూడా ఉంది. దీన్ని గ్రంథాలలో పండితులు ఉపయోగించేవారు.[22] ఈ రెండు రకాలక్కూ ఒకేలాంటి సామాజిక హోదా ఉండేది.[23] కరణం భాష రోజువారీ వ్యవహారాలకు మరింత అనుకూలంగా ఉండేది. పాశ్చాత్య మిషనరీలు ముద్రణ ప్రయోజనాల కోసం గ్రాంథికభాషను ఉపయోగించడం ప్రారంభించినప్పుడు రెండు వైవిధ్యాల మధ్య సమతుల్యత మారిపోయింది. అలాగే, ప్రధాన ప్రచురణ సంస్థలలో తెలుగు బోధకుల పోస్టులు, ఎడిటర్ పాత్రలను ఆక్రమించిన పరవస్తు చిన్నయ సూరి శిష్యులు కూడా ఇందులో కీలక పాత్ర పోషించారు. వారు చిన్నయ సూరి వాడే గ్రాంథిక శైలిని పాటిస్తూ, గద్య రచనకు ఉపయోగించే కరణం తెలుగును ప్రామాణికం కాదిని తిరస్కరించారు.[24] దీనికి వ్యతిరేకంగా గిడుగు రామమూర్తి, కరణం తెలుగుకు దగ్గరగా ఉండే వ్యావహారిక భాష కోసం ఉద్యమించాడు.[25]
మూలాలు
[మార్చు]- ↑ Andhra Pradesh District Gazetteers (in ఇంగ్లీష్). Government of Andhra Pradesh. 2000. pp. 185, 186.
- ↑ Brown, Charles Philip (1903). "A Telugu-English Dictionary" (2nd ed.). Retrieved 9 April 2023 – via Digital South Asia Library.
- ↑ "Karanam, Munisif system to return: CM YS Jagan Mohon Reddy". The Hans India (in ఇంగ్లీష్). 30 November 2019. Retrieved 9 April 2023.
- ↑ Partha Chatterjee (29 November 2011). Lineages of Political Society: Studies in Postcolonial Democracy. Columbia University Press. pp. 56–. ISBN 978-0-231-52791-0.
Rao and Subrahmanyam also stress that this specific genre of niti texts was composed and read by the group of scholar-bureaucrats whom they refer to broadly as karanam. These were usually Niyogi Brahmins or Kayasthas who worked as ministers or advisers to minor princes or feudatories in Andhra, Karnataka, and Orissa.
- ↑ 5.0 5.1 Pandey, Alpana (2015). Medieval Andhra: A Socio-Historical Perspective (in ఇంగ్లీష్). Partridge Publishing. ISBN 978-1-4828-5017-8.Pandey, Alpana (2015). Medieval Andhra: A Socio-Historical Perspective. Partridge Publishing. ISBN 978-1-4828-5017-8.
- ↑ Brown, Charles Philip (1903). "A Telugu-English Dictionary" (2nd ed.). Retrieved 9 April 2023 – via Digital South Asia Library.
- ↑ "Karanam, Munisif system to return: CM YS Jagan Mohon Reddy". The Hans India (in ఇంగ్లీష్). 30 November 2019. Retrieved 9 April 2023.
- ↑ 8.0 8.1 Trimbaka Nārāyaṇa Ātre (2000). The Village Cart: Translation of T.N. Atre's Gaav Gada. Popular Prakashan. p. 49. ISBN 9788171548637.
The last word has probably come to the North from South India since, in Kannada (language), a peasant is called kul and kulkarni is called karnam.
- ↑ 9.0 9.1 Ruedi Baumgartner; Ruedi Hogger (10 August 2004). In Search of Sustainable Livelihood Systems: Managing Resources and Change. SAGE Publishing India. p. 530. ISBN 9789352802661.
The term Reddy, though it has a connotation of caste to it, also meant the headman. The Kannada equivalent is Patel or Gauda. Likewise the traditional village accountant, referred to in Telugu as Karnam or as Shanubhog in Kannada, was responsible for all record keeping.
- ↑ 10.0 10.1 Jaffrelot, Christophe; Kumar, Sanjay (2012). Rise of the Plebeians?: The Changing Face of the Indian Legislative Assemblies (in ఇంగ్లీష్). Routledge. p. 294. ISBN 978-1-136-51661-0.
- ↑ 11.0 11.1 11.2 (1985). "Abolition of Village Officers: Revolutionary on the Surface".Eashvaraiah, P. (1985). "Abolition of Village Officers: Revolutionary on the Surface". Economic and Political Weekly. 20 (10): 393–395. ISSN 0012-9976. JSTOR 4374153.
- ↑ 12.0 12.1 Blackburn, Stuart H.; Dalmia, Vasudha (2004). India's Literary History: Essays on the Nineteenth Century (in ఇంగ్లీష్). Orient Blackswan. pp. 149, 150. ISBN 978-81-7824-056-5.
- ↑ Kumar, Ashutosh (2016). Rethinking State Politics in India: Regions Within Regions (in ఇంగ్లీష్). Taylor & Francis. pp. 341, 371. ISBN 978-1-315-39145-8.
- ↑ "MROs' power to reduce under new Revenue Act". The New Indian Express. 17 August 2019. Retrieved 9 April 2023.
During the then Chief Minister NT Rama Rao's regime, the nomenclature of 'Karanam' was changed to 'VRO'.
- ↑ Andhra Pradesh District Gazetteers (in ఇంగ్లీష్). Government of Andhra Pradesh. 2000. pp. 185, 186.
- ↑ Community Development and Panchayati Raj Digest, Volumes 3-5. National Institute of Community Development. 1971. p. 334.
Patwari / Karanam shall be the additional secretary to the gram panchayat for keeping the record concerning lands
- ↑ A. Rā Kulakarṇī (1996). Marathas and the Marathas Country: Medieval Maharashtra. Books & Books. p. 28. ISBN 9788185016481.
On the basis of English records, he gives an elaborate account of the village officials like Karnam (village accountant), the role of the Deshastha brahmans etc . which can be compared with similar officials and castes in Maratha country.
- ↑ Andhra Pradesh District Gazetteers (in ఇంగ్లీష్). Government of Andhra Pradesh. 2000. pp. 185, 186.
- ↑ Brown, Charles Philip (1903). "A Telugu-English Dictionary" (2nd ed.). Retrieved 9 April 2023 – via Digital South Asia Library.
- ↑ "Karanam, Munisif system to return: CM YS Jagan Mohon Reddy". The Hans India (in ఇంగ్లీష్). 30 November 2019. Retrieved 9 April 2023.
- ↑ Andhra Pradesh District Gazetteers (in ఇంగ్లీష్). Government of Andhra Pradesh. 2000. pp. 185, 186.
- ↑ Brown, Charles Philip (1903). "A Telugu-English Dictionary" (2nd ed.). Retrieved 9 April 2023 – via Digital South Asia Library.
- ↑ "Karanam, Munisif system to return: CM YS Jagan Mohon Reddy". The Hans India (in ఇంగ్లీష్). 30 November 2019. Retrieved 9 April 2023.
- ↑ Andhra Pradesh District Gazetteers (in ఇంగ్లీష్). Government of Andhra Pradesh. 2000. pp. 185, 186.
- ↑ Brown, Charles Philip (1903). "A Telugu-English Dictionary" (2nd ed.). Retrieved 9 April 2023 – via Digital South Asia Library.