కిక్ (సినిమా)

వికీపీడియా నుండి
ఇక్కడికి గెంతు: మార్గసూచీ, వెతుకు
కిక్
(2009 తెలుగు సినిమా)
TeluguFilm Kick.jpg
దర్శకత్వం సురేందర్ రెడ్డి
నిర్మాణం వెంకట్
కథ వక్కంతం వంశీ
చిత్రానువాదం సురేందర్ రెడ్డి
తారాగణం రవితేజ,
ఇలియానా,
జయప్రకాశ్ రెడ్డి
సాయాజీ షిండే,
ప్రభ,
బ్రహ్మానందం,
వేణుమాధవ్,
ఆలీ,
కోట శ్రీనివాసరావు,
బెనర్జీ,
దువ్వాసి మోహన్
సంగీతం యస్.యస్ థామన్
నృత్యాలు రాజు సుందరం, కళ్యాణ్, కృష్ణారెడ్డి
గీతరచన సిరివెన్నెల సీతారామశాస్త్రి
సంభాషణలు అబ్బూరి రవి
ఛాయాగ్రహణం రసూల్ ఎల్లోర్
కూర్పు గౌతంరాజు
నిర్మాణ సంస్థ ఆర్ ఆర్ మూవీ మేకర్స్
భాష తెలుగు

కిక్ రవితేజ కథానాయకుడిగా 2009 లో విడుదలైన ఒక తెలుగు సినిమా. ఇలియానా ఇందులో కథానాయిక.

కథ[మార్చు]

మలేషియా నేపథ్యం లో కథ మొదలవుతుంది. నైనా (ఇలియానా) ఒక నిజాయితీ గల పోలీసాఫీసర్ అయిన కళ్యాణ్ కృష్ణ (శ్యామ్-తొలిపరిచయం) పెళ్ళి చూపుల పేరుతో కలుస్తుంది. వారిద్దరికీ ఇంచుమించు సంబంధం కుదురుతుంది. ఇద్దరూ పరిచయం చేసుకునేటప్పుడు అతని పేరులోని కళ్యాణ్ అనే పదాన్ని విని అతనికి తన గతాన్ని గురించి తెలియ జేస్తుంది. ఆమెకు పరిచయమైన కళ్యాణ్ గురించి చెబుతుంది. కళ్యాణ్ (రవితేజ) బాగా చదువుకున్న కుర్రాడు. తెలివైన వాడు. ఏ ఒక్క ఉద్యోగంలోనూ కొద్ది రోజులు కూడా పనిచేయడు. చేసే ప్రతి పనిలోనూ కిక్ ఉండాలని కోరుకుంటుంటాడు. నిజానికి కళ్యాణ్ ఒక దొంగ. అయితే అతను ఎందుకు దొంగగా మారాడనే దాని వెనుక ఒక ఉదాత్తమైన సంఘటన ఉంటుంది. ఒక చిన్న పాపకు ప్రాణాంతకమైన జబ్బు చేయడంతో ఆ పాప తల్లిదండ్రులు అన్ని విధాలా ప్రయత్నించి ఆమెకు శస్త్రచికిత్స చేయించలేక, పాప చావును చూడలేమంటూ ఉత్తరం రాసి భవనంపై నుంచి దూకి ఆత్మహత్య చేసుకుంటారు. ఆ సంఘటన కళ్ళారా చూసిన రవితేజ చలించిపోయి ఆ పాపను బ్రతికించడానికి తనకున్న ఆస్థులను తెగనమ్మి శస్త్రచికిత్స చేయిస్తాడు. శస్త్రచికిత్స పూర్తయిన తర్వాత ఆమె కళ్ళలో ఆనందం చూసి ఆమెలాంటి మరెందరో పిల్లలకు వైద్యం చేయించడానికి దొంగతనాలు చేయడం ప్రారంభిస్తాడు. అయితే ఈ దొంగతనాలు మాత్రం అన్యాయాలు, అక్రమాలు చేసి కోట్లు గడించిన ప్రముఖుల ఇళ్ళలోనే చేస్తుంటాడు.

తారాగణం[మార్చు]