కృతి సనన్
కృతి సనన్ | |
|---|---|
.jpg) కృతి సనన్ (2022) | |
| జననం | కృతి సనన్ జులై 27, 1990 ఢిల్లీ, భారతదేశం |
| వృత్తి | నటి, మోడల్ |
| క్రియాశీల సంవత్సరాలు | 2010 – ఇప్పటివరకూ |
| బంధువులు | నుపూర్ సనన్ (సోదరి) |
కృతి సనన్ (జ:జులై 27, 1990) ఒక భారతీయ నటి మరియూ మోడల్. ఎన్నో పెద్ద కంపెనీల కమర్షియల్సులో నటించిన కృతి తెలుగులో మహేష్ బాబు సరసన 1 - నేనొక్కడినే సినిమాతో నటిగా తెరంగేట్రం చేసింది. అటు హిందీలో జాకీ ష్రోఫ్ కొడుకు టైగర్ ష్రోఫ్ సరసన హీరోపంతి సినిమాతో తెరంగేట్రం చేస్తోంది. ‘ఆది పురుష్‌’ హిందీ చిత్రంలో కృతి సనన్ నటిస్తుంది.[1]
సినీ జీవితం[మార్చు]
హిందీలో ఎన్నో కమర్షియల్సులో నటించిన కృతి సనన్ మహేష్ బాబు నటించిన 1 - నేనొక్కడినే సినిమాతో తెలుగు సినీపరిశ్రమలోకి అడుగుపెట్టింది. తొలుత ప్రముఖ నటి కాజల్ అగర్వాల్ ఈ సినిమాలో కథానాయికగా ఎన్నుకోబడ్డా డేట్స్ ఖాళీ లేక, ఉన్నవి సద్దుబాటు చెయ్యలేకపోయింది.[2] ఈ సినిమాలో నటించడానికి మొగ్గుచూపినా ఎలాంటి గొడవ లేకుండా సినిమా నుంచి తప్పుకుంది. ఆ సమయంలో దర్శకుడు సుకుమార్ ఈమెని కథానాయికగా ఎంచుకున్నారు.[3] ఈ సినిమాలో కృతి ఒక జర్నలిస్ట్ పాత్రను పోషించింది. సంక్రాంతి కానుకగా 2014లో విడుదలైన ఈ సినిమా విమర్శకుల నుంచి మిశ్రమ స్పందనను రాబట్టినా కృతి మాత్రం సానుకూల స్పందనను రాబట్టగలిగింది. సాక్షి దినపత్రిక తమ సమీక్షలో "కృతి సనన్ జర్నలిస్ట్‌గా, గౌతమ్ ప్రేయసి సమీరగా పర్వాలేదనిపించింది. ఈ చిత్రంలో కొంత ప్రాధాన్యం ఉన్న పాత్ర కృతి సనన్కు దక్కింది. కొత్త నటి అనే ఫీలింగ్‌ను కలిగించకుండా కృతి బాగానే జాగ్రత్త పడింది" అని వ్యాఖ్యానించారు.[4]
ఆపై హిందీలో జాకీ ష్రోఫ్ కొడుకు టైగర్ ష్రోఫ్ తొలి చిత్రమైన హీరోపంతి సినిమా ద్వారా హిందీలో కథానాయికగా అడుగుపెట్టింది. ఈ సినిమా జాకీ ష్రోఫ్ నటించిన హీరో సినిమా రీమేక్ అయినప్పటికీ అల్లు అర్జున్ నటించిన పరుగు సినిమా ఛాయలు కూడా ఇందులో కనపడటం ఆశ్చర్యం ఎందరికో కలిగించింది.[5][6] ఆ సినిమా నిర్మాణానంతర కార్యక్రమాలు పూర్తి చేసుకుంటోంది. ఇంతలోనే అల్లు అర్జున్ కథానాయకుడిగా త్రివిక్రం దర్శకత్వం వహిస్తున్న సినిమాలో సమంతతో పాటు నటిస్తున్న మరో ఇద్దరు కథానాయికల్లో ఒకరిగా కృతి ఎన్నుకోబడింది.[7]
నటించిన చిత్రాలు[మార్చు]
| సంవత్సరం | సినిమా | పాత్ర | భాష | ఇతర విశేషాలు |
|---|---|---|---|---|
| 2014 | 1 - నేనొక్కడినే | సమీర | తెలుగు | |
| 2014 | హీరోపంతి | డింపి | హిందీ | |
| 2014 | అల్లు అర్జున్ - త్రివిక్రం శ్రీనివాస్ చిత్రం | తెలుగు | ||
| 2015 | దోచేయ్ | మీరా | తెలుగు | |
| 2019 | పతీ పత్నీ ఔర్‌ వో | నేహా ఖన్నా | హిందీ | |
| 2022 | ఆదిపురుష్ | |||
| 2022 | బచ్చన్ పాండే | |||
| 2022 | భేదియా |
దాదాసాహెబ్ ఫాల్కే అవార్డు[మార్చు]
2022 ఫిబ్రవరి 20న ముంబైలో నిర్వహించిన దాదాసాహెబ్ ఫాల్కే ఇంటర్నేషనల్ ఫిల్మ్ ఫెస్టివల్ అవార్డ్స్ - 2022 లో మిమీ సినిమాలో నటించిన కృతి సనన్కు ఉత్తమ నటి అవార్డు దక్కింది.
మూలాలు[మార్చు]
- ↑ ఆంధ్రజ్యోతి (25 April 2021). "సీత పాత్ర... అంత ఈజీ కాదు!". Archived from the original on 25 ఏప్రిల్ 2021. Retrieved 25 April 2021.
- ↑ "మహేష్ సినిమా నుంచి కాజల్ అవుట్ ?". వన్ఇండియా. September 23, 2012. Retrieved April 21, 2014.
- ↑ "మహేష్ బాబు హీరోయిన్ ఆ అమ్మాయే". 123తెలుగు.కామ్. January 13, 2013. Retrieved April 21, 2014.
- ↑ "సినిమా రివ్యూ: '1' నేనొక్కడినే". సాక్షి. January 12, 2014. Retrieved April 21, 2014.
- ↑ "'టైగర్' తో నటించే ఛాన్స్ కొట్టిన 'వన్' భామ..!". 10టీవీ.ఇన్. April 7, 2014. Retrieved April 21, 2014.[permanent dead link]
- ↑ "అల్లు అర్జున్ 'పరుగు' టైగర్ చేస్తున్నాడా?". ఫిల్మీబజ్. April 6, 2014. Retrieved April 21, 2014.
- ↑ "మహేష్ '1' హీరోయిన్ పెద్ద ఆఫరే పట్టింది". వన్ఇండియా. April 13, 2014. Retrieved April 21, 2014.