కె.వి.కామత్

వికీపీడియా నుండి
ఇక్కడికి గెంతు: మార్గసూచీ, వెతుకు
కె.వి కామత్
K.V. Kamath at the India Economic Summit 2008 cropped.jpg
జననం (1947-12-02) డిసెంబరు 2, 1947 (వయస్సు: 69  సంవత్సరాలు)
మంగుళూరు, కర్ణాటక,
వృత్తి Non-executive Chairman ICICI Bank

కుందపూర్ వామన్ కామత్ (1947 డిసెంబరు 2న మంగళూరు, కర్నాటకలో జన్మించారు) కన్నడ/కొంకిణి:ಕುಂದಾಪುರ ವಾಮನ ಕಾಮತ భారత్‌లో అతి పెద్ద ప్రయివేట్ బ్యాంక్ అయిన ICICI బ్యాంకు కార్యనిర్వాహకేతర ఛైర్మన్‌గా పనిచేశారు. కామత్ ICICI బ్యాంక్ మేనేజింగ్ డైరెక్టర్ మరియు సీఈఓగా 1996 మే 1 నుంచి 2009 ఏప్రిల్ 30న వైదొలిగేంతవరకు కార్యనిర్వాహక బాధ్యతలను నిర్వర్తించారు.

ప్రారంభ జీవితం[మార్చు]

కర్నాటక రాష్ట్రం మంగళూరులో 1947 డిసెంబరు 2న జన్నించిన కామత్, తన బాల్యజీవితాన్ని చాలా వరకు మంగళూరులోనే గడిపాడు హైయ్యర్ సెకండరీని, సెయింట్ అలోసియస్ స్కూల్ నుంచి ఫ్రీ-యూనివర్శిటీ విద్యను పూర్తి చేసిన తర్వాత అతడు మెకానికల్ ఇంజనీరింగ్‌లో బ్యాచిలర్స్ డిగ్రీకోసం సురాత్ లోని కర్నాటక రీజనల్ ఇంజనీరింగ్ కాలేజి (ఇప్పుడు నేషనల్ ఇనిస్టిట్యూట్ ఆఫ్ టెక్నాలజీ కర్నాటక) లో చేరాడు. 1969లో KREC నుంచి గ్రాడ్యుయేషన్ పూర్తి చేసిన తర్వాత అతడు బిజినెస్ అడ్మినిస్ట్రేషన్‌లో మాస్టర్స్ డిగ్రీ కోసం ఇండియన్ ఇనిస్టిట్యూట్ ఆఫ్ మేనేజ్‌మెంట్, అహమ్మదాబాద్ (IIM-A) లో చేరాడు.

వృత్తి జీవితం[మార్చు]

1971లో IIM-A నుంచి గ్రాడ్యుయేషన్ పూర్తి చేసిన తర్వాత కామత్ ICICI (ఇండస్ట్రియల్ క్రెడిట్ అండ్ ఇన్వెస్ట్‌మెంట్ కార్పొరేషన్ ఆఫ్ ఇండియా) తో తన కెరీర్ ప్రారంభించాడు. ప్రాజెక్ట్ ఫైనాన్స్ డివిజన్‌లో పని ప్రారంభించి అనుభవం సాధించడానికి వివిధ విభాగాలకు మళ్లాడు. సాధారణమైన మేనేజ్‌మెంట్ స్థానాలను నిర్వహించడంతోపాటుగా లీజింగ్, వెంచర్ కేపిటల్, క్రెడిట్ రేటింగ్ వంటి నూతన వ్యాపారాలను ఏర్పర్చడం కూడా దీంట్లో భాగం. తన సాధారణ మేనేజ్‌మెంట్ బాధ్యతలలో భాగంగా, అతడు ICICI కంప్యూటరీకరణ కార్యక్రమాన్ని ప్రారంభించి అమలుపర్చాడు. ప్రారంభ సంవత్సరాలలో టెక్నాలజీలో గణనీయమైన పెట్టుబడులు అనేవి ఈరోజు ICICIకి పోటీలో మేలు చేకూర్చగలిగిన వ్యవస్థలను రూపొందించి పెట్టాయి. ICICI వ్యాపారాలను కార్పొరేట్ మరియు రిటైల్ కస్టమర్ల ఆర్థిక అవసరాలను తీర్చడానికి అనువుగా ఉండే టెక్నాలజీ ఆధారిత ఫైనాన్షియల్ సంస్థగా కామత్ క్రమంగా తీర్చిదిద్దారు.

1988లో, కామత్ మనీలాలోని ఆసియన్ డెవలప్‌మెంట్ బ్యాంక్‌లో, వారి ప్రయివేట్ సెక్టర్ విభాగంలో చేరాడు. ADBలో తన ప్రధాన పని అనుభవం చైనా, భారత్, ఇండోనేషియా, పిలిఫ్పైన్స్, బంగ్లాదేశ్ మరియు వియత్నాంలలోని పలు ప్రాజెక్టులతో ముడిపడింది. ఇతడు పలు కంపెనీల బోర్డుల్లో ADB ప్రతినిధిగా ఉండేవాడు.

1996లో, కామత్ మేనేజింగ్ డైరెక్టర్ మరియు ఛీఫ్ ఎగ్జిక్యూటివ్ ఆఫీసర్‌గా ICICIకి తిరిగొచ్చాడు. గ్రూప్ సేవలను రిటైల్ కస్టమర్ల వరకు విస్తరించడంలో కామత్ ఒక సాధనంగా మారాడు. 1996-98 సంవత్సరాల్లో వరుసగా బ్యాంకింగేతర ఫైనాన్స్ కంపెనీలను కొనుగోలు చేయడం అనే ప్రక్రియను అతడు ప్రారంభించాడు మరియు ICICI బ్యాంక్ ఆవిర్భావానికి మార్గాన్ని కల్పించాడు.

వ్యక్తిగత జీవితం[మార్చు]

కామత్ ప్రస్తుతం ముంబైలో ఉంటున్నాడు. అతడు రాజ్యలక్ష్మిని వివాహమాడాడు, వీరికి అజయ్ కామత్ అనే కుమారుడు, అజన్య కామత్ పాయ్ అనే కుమార్తె ఉన్నారు. అతడికి నందన్ కె. పాయ్ మరియు లక్షణ్ కె. పాయ్ అనే ఇద్దరు మనమలు ఉన్నారు, వీరు యునైటెడ్ స్టేట్స్‌లో ఉంటున్నారు. prsently working in Infosysis

బోర్డ్ సభ్యత్వం[మార్చు]

ఇండియన్ ఇనిస్టిట్యూట్ ఆఫ్ మేనేజ్‌మెంట్ అహమ్మదాబాద్ ఇండియన్ స్కూల్ ఆఫ్ బిజినెస్, నేషనల్ ఇనిస్టిట్యూట్ ఆఫ్ బ్యాంక్ మేనేజ్‌మెంట్, పండిట్ దీనదయాళ్ పెట్రోలియం యూనివర్శిటీ, గాంధీనగర్ మణిపాల్ అకాడెమీ ఆఫ్ హయ్యర్ ఎడ్యుకేషన్‌తోపాటు పలు విద్యాసంస్థల పాలక మండళ్లలో కామత్ సభ్యుడు. కామత్ కాన్ఫిడరేషన్ ఆఫ్ ఇండియన్ ఇండస్ట్రీ (CII) జాతీయ మండలిలో కూడా సభ్యుడు. కెవి కామత్ 2009 మే 2న ఇన్ఫోసిస్ డైరెక్టర్ల బోర్డుకు ఎన్నికయ్యాడు, 2011లో నారాయణ మూర్తి పదవీ విరమణ చేశాక కామత్ ఇన్ఫోసిస్ కార్యనిర్వాహకేతర ఛైర్మన్‌గా కావచ్చని మీడియా అంచనా వేసింది కూడా.

పురస్కారాలు[మార్చు]

  • ఆసియా బ్యాంకులలోని అత్యంత ఈ-సావీ సీఈఓ - ఆసియన్ బ్యాంకర్ జర్నల్ ఆఫ్ సింగపూర్[ఆధారం చూపాలి]
  • ఫైనాన్స్ మ్యాన్ ఆఫ్ ది ఇయర్ అవార్డ్ - ది ముంబై మేనేజ్‌మెంట్ అసోసియేషన్[ఆధారం చూపాలి]
  • బెస్ట్ సీఈఓ ఫర్ ఇన్నోవేటివ్ HR ప్రాక్టీసెస్ - ప్రపంచ HRD కాంగ్రెస్[ఆధారం చూపాలి]
  • ఆసియన్ బిజినెస్ లీడర్ అవార్డ్ ౨౦౦౧ (CNBC ఆసియా})[ఆధారం చూపాలి]
  • అవుట్‌స్టాండింగ్ బిజినెస్ లీడర్ ఆఫ్ ది ఇయర్ - CNBC TV-18, 2006[ఆధారం చూపాలి]
  • బిజినెస్‌మ్యాన్ ఆఫ్ ది ఇయర్ - బిజినెస్ ఇండియా, 2005[ఆధారం చూపాలి]
  • బిజినెస్ లీడర్ అవార్డ్ ఆఫ్ ది ఇయర్ - ది ఎకనమిక్ టైమ్స్, 2007[ఆధారం చూపాలి]
  • బిజనెస్‌మ్యాన్ ఆఫ్ ది ఇయర్ - ఫోర్బ్‌స్ ఆసియా[1]
  • పద్మభూషణ్ అవార్డ్ ఫ్రమ్ ది ఇండియన్ గవర్నమెంట్ - 2008[2]

సూచనలు[మార్చు]

  1. కె.వి కామత్ ఫోర్బ్స్ ఆసియా బిజినెస్‌మ్యాన్ ఆఫ్ ది ఇయర్
  2. [1]

బాహ్య లింకులు[మార్చు]