కొత్తవలస

కొత్తవలస
విశాఖనగర పరిసర ప్రాంతం, సెన్సస్ టౌన్
కొత్తవలస రైల్వే స్ఠేషను
కొత్తవలస భారతదేశం లో ఆంధ్రప్రదేశ్ స్థానం
నిర్దేశాంకాలు: 17.9°N 83.2°E / 17.9; 83.2
దేశం	భారతదేశం
రాష్ట్రం	ఆంధ్రప్రదేశ్
జిల్లా	విజయనగరం
విస్తీర్ణం
• మొత్తం	7.60 km2 (2.93 sq mi)
సముద్రమట్టం నుండి ఎత్తు	209 మీ (686 అ.)
జనాభా వివరాలు (2011)
• మొత్తం	14,321
• సాంద్రత	1,900/km2 (4,900/sq mi)
భాషలు
• అధికారక	తెలుగు
కాలమానం	UTC+5:30 (IST)
పిన్‌కోడ్	535183
వాహన	AP35 (Former) AP39 (from 30 January 2019)

కొత్తవలస, ఆంధ్రప్రదేశ్ రాష్ట్రంలోని విజయనగరం జిల్లా, కొత్తవలస మండలంలోని జనగణన పట్టణం.ఇది పాలనా పరంగా విజయనగరం జిల్లాలోని కొత్తవలస మండలానికి చెందిన గ్రామమైనా దాదాపు విశాఖపట్నంలో కలిసిపోయింది. విశాఖపట్నం నుంచి అరకు వెళ్లే మార్గంలో విశాఖపట్నానికి 27 కి.మీ. దూరంలో, విజయనగరానికి 38 కిలోమీటర్ల దూరంలో ఉంది.

విశేషాలు

కొత్తవలస చుట్టూ కొండలు ఉన్నాయి. కనుచూపు మేరలో తూర్పు కనుమలు కనపడుతూ ఉంటాయి. కొత్తవలస మామిడి, జీడి తోటలు, ఎర్రమట్టికి ప్రసిద్ధి. ఇక్కడి నుండి ప్రతీ సంవత్సరం కోల్‌కతాకు కు మామిడి కాయలు ఎగుమతి చేస్తారు. ఎర్రమట్టిని ఉపయోగించి బంగళా పెంకులు తయారు చేసి ప్రక్కనున్న ఒడిషా రాష్ట్రానికి ఎగుమతి చేస్తారు. ఇక్కడ దాదాపు 30 పెంకుల మిల్లులు ఉన్నాయి.

గణాంకాలు

కొత్తవలస ఆంధ్ర ప్రదేశ్ లోని విజయనగరం జిల్లాలోని ఒక జనగణన పట్టణం. 2011 భారత జనాభా లెక్కలు విడుదల చేసిన నివేదిక ప్రకారం కొత్తవలస జనగణన జనాభా మొత్తం 14,321, ఇందులో 7,015 మంది పురుషులు కాగా, 7,306 మంది మహిళలు ఉన్నారు. పట్టణ జనాభా మొత్తంలో 0-6 సంవత్సరాల వయస్సు గల పిల్లల జనాభా 1393 మంది ఉన్నారు.ఇది కొత్తవలస పట్టణ మొత్తం జనాభాలో 9.73 %గా ఉంది. స్త్రీల లింగ నిష్పత్తి రాష్ట్ర సగటు లింగ నిష్పత్తితో 993తో పోల్చగా కొత్తవలస పట్టణ లింగనిష్పత్తి 1041 గా ఉంది. అంతేకాకుండా రాష్ట్ర సగటు 939 తో పోలిస్తే పిల్లల లింగ నిష్పత్తి 984 గా ఉంది.అక్షరాస్యత రేటు రాష్ట్ర సగటు 67.02 % కంటే 80.47% ఎక్కువ. పురుషుల అక్షరాస్యత దాదాపు 87.14% కాగా, మహిళల అక్షరాస్యత 74.10 %గా ఉంది.కొత్తవలస పట్టణ పరిధిలో మొత్తం 3,628 ఇళ్లకు పైగా పరిపాలనను కలిగి ఉంది.వీటికి నీటి సరఫరా, మురుగునీరు పారుదల  వంటి ప్రాథమిక సౌకర్యాలను అందిస్తుంది. సెన్సస్ టౌన్ పరిధిలో రహదారులను నిర్మించడానికి, దాని పరిధిలో ఉన్న ఆస్తులపై పన్ను విధించడానికి అధికారం ఉంది.