గిజిగాడి గూడు

వికీపీడియా నుండి
Jump to navigation Jump to search
గిజిగాడి గూడు
మగ పక్షి
ఆడ పక్షి

గిజిగాడు(ఆంగ్లం:Oriole) అనునది ఓరకమైన పిచ్చుక. ఇవి సాధారణంగా ఉత్తర అమెరికా తూర్పు ప్రాంతంలో ఉంటాయి.

గూడు నిర్మాణం[మార్చు]

భారత దేశంలో కూడా కొన్ని ప్రాంతాలలో చెరువులోకి వంగిన తుమ్మ కొమ్మలకో, తాటి లేదా ఈత చెట్టుకో వేలాడుతున్న వీటి గూళ్ళు కనబడతాయి. ఈ గూళ్ళను గిజిగాడు గూడు అంటారు. ఈ పక్షులు పాములూ , ఇతర శత్రువుల బారినుండి గుడ్లనూ, పిల్లల్నీ కాపాడుకోడానికి గూళ్ళను ఇలా కట్టుకుంటాయట ఓ రకం పిచ్చుకలే అయిన గిజిగాళ్ళు. ఈ గిజిగాళ్ళు కరెంటు తీగలకు కూడా వ్రేలాడే గూడును కొన్నిచోట్ల కట్టుకుంటాయి. ఈ గూళ్ళు అద్భుతంగా కట్టుకుంటాయి. ఇవి కొమ్మలకు వ్రేలాడుతూ ఉంటాయి. ఈ గూళ్ళ నిర్మాణంలో ఈ పక్షుల సాంకేతిక నిపుణత ఆశ్చర్యం కలిగిస్తుంది. ఇవి గూళ్ళు అల్లడమూ, పిల్లలకి ఆహారం నోటికందించడమూ, శత్రువులను ఎదుర్కోవడమూ, ఆటలూ పాటలూ చాలా చూడొచ్చనిపిస్తుంది.

ఈ గూళ్ళలో గోల గోలగా బుల్లి పిట్టలు ఉంటాయి. ఈ గిజిగాడు గూడు నింగికీ నేలకీ మధ్య వేలాడదీసిన గదులున్న చిన్న గృహాలులా, ఊగుతూ ఉంటాయి. ఈ గుళ్ళను గుంపులుగా అనేకం ఒకే చోట కట్టుకుంటాయి. పాములు, జంతువుల బారినుండి తన పిల్లలను రక్షించుకొనుట కొరకు ఈ గూడు నిర్మించినప్పటికీ, కొన్ని కాకుల వలన ప్రమాదం పొంచి ఉంటుంది. శత్రువుల తాకిడి ప్రారంభమవగానే అవి ఒకేసారి కిలకిలరావాలు చేస్తూ పారిపోతాయి. కాకులు వెళ్లిపోగానే అవన్నీ ఒకేసారి తమగూళ్ళలోనికి వాలిపోతాయి. తల మీద పసిడి కిరీటం అన్నట్లు పసుపు రంగు, గడ్డమూ ముక్కూ నలుపు రంగు, రెక్కలేమో గోధుమా నలుపు రంగు చారలతో మగ పక్షులు కనిపిస్తాయి. ఆడ పక్షికి పసుపూ కిరీటమూ, ముఖం మీద నలుపూ ఉండవు. అచ్చం ఊరపిచ్చుకలాగానే.


పిల్లల్ని పోషించడం బాధ్యత ఆడ పక్షులదైతే గూళ్ళు కట్టే పని పూర్తిగా మగ పక్షులదే. వరి ఇతర గడ్డి మొక్కల ఆకుల నుండి చీల్చుకొచ్చిన పోచలతో ఈ గూడుని అల్లుతాయి. సగం అల్లిన గూడుని ప్రదర్శనకి పెట్టి రెక్కలు ఆడిస్తూ సంకేతాలు అందిస్తుంది మగపక్షి ఆడపక్షులకు వచ్చి చూసుకొమ్మన్నట్లు. గుంపులో ఒక్క ఆడ పక్షి అయినా మెచ్చక పోదు కదా! తన గూటిని ఎవరూ మెచ్చకపోతే, అది వదిలి మరో గూడు అల్లడం మొదలు పెడుతుందట మగ పక్షి. నచ్చిందా గొట్టం లాంటి ప్రవేశ ద్వారం వంటి మిగతా పనులు పూర్తి చేయడంతో కాపురానికి అందమైన గూడు సిద్దమవుతుంది! గూడు చుట్టూ ఎగురుతూ పనితనాన్ని సరిచూసుకుంటాయి కొన్ని. ఊగి చూసి గట్టితనాన్నీ పరీక్షించుకుంటాయి కొన్ని పక్షులు.

మూలాలు[మార్చు]

ఇతర లింకులు[మార్చు]