గుర్రం యాదగిరి రెడ్డి

వికీపీడియా నుండి
Jump to navigation Jump to search
గుర్రం యాదగిరి రెడ్డి
గుర్రం యాదగిరి రెడ్డి

గుర్రం యాదగిరి రెడ్డి


మాజీ శాసనసభ సభ్యుడు
పదవీ కాలము
1985 – 1999
నియోజకవర్గము రామన్నపేట శాసనసభ నియోజకవర్గం

ముందు ఉప్పునూతల పురుషోత్తమ రెడ్డి
తరువాత కొమ్ము పాపయ్య

వ్యక్తిగత వివరాలు

జననం ఫిబ్రవరి 5, 1931
సుద్దాల, గుండాల మండలం, యాదాద్రి భువనగిరి జిల్లా, తెలంగాణ, భారతదేశం
మరణం నవంబరు 22, 2019
హైదరాబాదు, తెలంగాణ, భారతదేశం
జాతీయత భారతీయుడు
రాజకీయ పార్టీ భారత కమ్యూనిస్టు పార్టీ
జీవిత భాగస్వామి యాదమ్మ (రామాంజమ్మ)
సంతానము ఇద్దరు కుమారులు (రాజశేఖరరెడ్డి, రాంమోహన్‌రెడ్డి), ఇద్దరు కుమార్తెలు
నివాసము హైదరాబాదు, తెలంగాణ, భారతదేశం

గుర్రం యాదగిరి రెడ్డి (ఫిబ్రవరి 5, 1931 - నవంబరు 22, 2019) తెలంగాణ రాష్ట్రంకు చెందిన రాజకీయ నాయకుడు, మాజీ ఎమ్మెల్యే. భారత కమ్యూనిస్టు పార్టీ నుండి వరుసగా మూడుసార్లు రామన్నపేట నియోజకవర్గ ఎమ్మెల్యేగా ప్రాతినిధ్యం వహించాడు.

జీవిత విశేషాలు[మార్చు]

యాదగిరి రెడ్డి 1931, ఫిబ్రవరి 5వ తేదిన రాండెడ్డి, నర్సమ్మ యాదాద్రి భువనగిరి జిల్లా, గుండాల మండలం, సుద్దాల గ్రామంలో జన్మించాడు.[1] భోగం యాదగిరి పంతులు దగ్గర రాత్రిపూట బడిలో 5వ తరగతి వరకు చదువుకున్నాడు. వ్యవసాయం చేస్తూ, గొర్రెల కాపరిగా జీవితాన్ని సాగించిన యాదగిరిరెడ్డి గుతుప సంఘానికి పాలు అందిస్తూ 15 ఏళ్ల వయస్సులోనే దళంలోకి వెళ్లాడు. తెలంగాణ సాయుధ పోరాటంలో గెరిల్లా దళంలో, నిర్మలా కృష్ణమూర్తి, నల్ల నర్సింహులు, ఆరుట్ల రామచంద్రారెడ్డి మొదలైన దళాల్లో సుద్దాల హనుమంతు, నాయిని నర్సింహారెడ్డి, దూదిపాల చిన్న సత్తిరెడ్డి, కూరెళ్ల సంజీవరెడ్డితో కలిసి పనిచేసి దళ కమాండర్‌ స్థాయికి ఎదిగాడు. తన పాటలతో, బుర్రకథలతో ప్రజల్లో చైతన్యం కలిగించాడు.

కుటంబం[మార్చు]

యాదగిరిరెడ్డికి యాదమ్మ (రామాంజమ్మ)తో వివాహం జరిగింది. వీరికి ఇద్దరు కుమారులు (రాజశేఖరరెడ్డి, రాంమోహన్‌రెడ్డి), ఇద్దరు కుమార్తెలు. పిల్లలను ప్రభుత్వ పాఠశాలలు, కళాశాలల్లోనే చదివించాడు.

రాజకీయ ప్రస్థానం[మార్చు]

చిన్నప్పటి నుండి ఉద్యమ, వామపక్ష భావాలు కలిగిన యాదగిరి రెడ్డి కమ్యూనిస్టు కార్యక్రమాలలో చురుగ్గా పాల్గొనేవాడు. 1978 అసెంబ్లీ ఎన్నికల్లో కాంగ్రెస్ పార్టీ అభ్యర్థి కొమ్ము పాపయ్య చేతిలో ఓడిపోయాడు. ఉమ్మడి నల్గొండ జిల్లా రామన్నపేట నియోజకవర్గం నుంచి భారత కమ్యూనిస్టు పార్టీ తరపున 1985,[2] 1989,[3] 1994[4] ఆంధ్ర ప్రదేశ్ శాసనసభ ఎన్నికల్లో వరుసగా మూడుసార్లు ఉప్పునూతల పురుషోత్తమ రెడ్డిపై గెలుపొంది, ఎమ్మెల్యే అయ్యాడు.

మరణం[మార్చు]

నిరాడంబడ జీవితం గడుపుతున్న యాదగిరిరెడ్డి అనారోగ్యంతో హైదరాబాదులోని ఓవైసీ ఆసుపత్రిలో చికిత్సపొందుతూ 2019, నవంబరు 22న మరణించాడు.[5][6]

మూలాలు[మార్చు]

  1. సాక్షి, పాలిటిక్స్ (23 November 2019). "అజాత శత్రువు.. ఎర్ర సూరీడు అస్తమయం". Sakshi. మూలం నుండి 23 నవంబర్ 2019 న ఆర్కైవు చేసారు. Retrieved 23 November 2019.
  2. "Andhra Pradesh Assembly Election Results in 1985". www.elections.in. Retrieved 22 November 2019.
  3. "Andhra Pradesh Assembly Election Results in 1989". www.elections.in. Retrieved 22 November 2019.
  4. "Andhra Pradesh Assembly Election Results in 1994". www.elections.in. Retrieved 22 November 2019.
  5. ఈనాడు, తెలంగాణ (22 November 2019). "సీపీఐ సీనియర్‌ నేత యాదగిరిరెడ్డి కన్నుమూత". www.eenadu.net (ఆంగ్లం లో). మూలం నుండి 22 నవంబర్ 2019 న ఆర్కైవు చేసారు. Retrieved 22 November 2019.
  6. ఆంధ్రప్రభ, తెలంగాణ (22 November 2019). "సీపీఐ సీనియర్ నేత గుర్రం యాదగిరిరెడ్డి కన్నుమూత". మూలం నుండి 22 నవంబర్ 2019 న ఆర్కైవు చేసారు. Retrieved 22 November 2019. Cite news requires |newspaper= (help)