గువ్వలచెన్న శతకము

వికీపీడియా నుండి
Jump to navigation Jump to search

గువ్వలచెన్న శతకమును క్రీ.శ 17-18 శతాబ్దాలకు చెందిన కవి గువ్వల చెన్నడు రచించెను. ఇతడు వైఎస్ఆర్ జిల్లా రాయచోటి ప్రాంతానికి చెందినవాడు. " గువ్వల చెన్నా" అనే మకుటంతో ఈ శతకాన్ని కంద పద్యాలతో రచించాడు. ఇతడు లోక నీతిని , రీతిని పరిశీలించి సామాజిక శ్రేయస్సును కాంక్షిస్తూ శతకాన్ని రచించినాడు. అపారమైన లోకానుభవాన్ని కలిగిన చెన్నడు సాంఘిక దురాచారాలను, దుర్జన వృత్తిని నిశితంగా విమర్శించాడు.

కొన్ని ఉదాహరణలు[మార్చు]

తెలుగు పద్యం గొప్పదనాన్ని ఇలా వివరిస్తాడు.

క. గుడి కూలును నుయి పూడును

వడి నీళ్ళన్ చెరువు తెగును, వనమును ఖిలమోన్

చెడనిది పద్యం బొకటియె

కుడి యెడమల కీర్తి గన్న గువ్వల చెన్నా!


క. అనుభవము లేని విభవము లను

భావ్యయ కానీయాలు నార్యాను మతిన్

గనని స్వభావము ధర్మముఁ

గొనని సిరియు వ్యర్థ మెన్న గువ్వలచెన్నా!


క. అడుగునకు మడుఁగు లిడుచును

జిడిముడి పాటింత లేంక చెప్పిన పనులున్

వడిఁజేసి నంత మాత్రాన

కొడుకగునా లంజకొడుగు గువ్వలచెన్నా!


క. వెలకాంత లెందఱైననుఁ

గులకాంతకు సాటిరారు కువలయమందున్

బలువిద్య లెన్ని నేర్చినఁ

గులవిద్యకు సాటిరావు గువ్వలచెన్నా!


క. నీచునకు ధనము గల్గిన

వాచాలత గల్గి పరుషవాక్కు లఱచుచున్

నీచ కృతి యగుచు మది

సంకోచము లేకుండఁదిరుగు గువ్వలచెన్నా!

పూర్తి పాఠం[మార్చు]

s:గువ్వలచెన్న శతకము పూర్తి పాఠం వికీసోర్సులో ఉన్నది.


శతకములు
ఆంధ్ర నాయక శతకము | కామేశ్వరీ శతకము | కుక్కుటేశ్వర శతకము | కుప్పుసామి శతకము | కుమార శతకము | కుమారీ శతకము | కృష్ణ శతకము | గాంధిజీ శతకము | గువ్వలచెన్న శతకము | గోపాల శతకము | చక్రధారి శతకము | చిరవిభవ శతకము | చెన్నకేశవ శతకము | దాశరథీ శతకము | దేవకీనందన శతకము | ధూర్తమానవా శతకము | నరసింహ శతకము | నారాయణ శతకము | నీతి శతకము | భారతీ శతకము | భాస్కర శతకము | మారుతి శతకము | మందేశ్వర శతకము | రామలింగేశ శతకము | విజయరామ శతకము | విఠలేశ్వర శతకము | వేమన శతకము | వేంకటేశ శతకము | వృషాధిప శతకము | శిఖినరసింహ శతకము | శ్రీ (అలమేలుమంగా) వేంకటేశ్వర శతకము | శ్రీ కాళహస్తీశ్వర శతకము | శ్రీవేంకటాచల విహార శతకము | సర్వేశ్వర శతకము | సింహాద్రి నారసింహ శతకము | సుమతీ శతకము | సూర్య శతకము | సమాజ దర్పణం | విశ్వనాథ పంచశతి | విశ్వనాథ మధ్యాక్కఱలు | టెంకాయచిప్ప శతకము | శ్రీగిరి శతకము | శ్రీకాళహస్తి శతకము | భద్రగిరి శతకము | కులస్వామి శతకము | శేషాద్రి శతకము | ద్రాక్షారామ శతకము | నందమూరు శతకము | నెకరు కల్లు శతకము | మున్నంగి శతకము | వేములవాడ శతకము | శతకము