చౌడేపల్లె మండలం

చౌడేపల్లె
—  మండలం  —
చిత్తూరు జిల్లా పటములో చౌడేపల్లె మండలం యొక్క స్థానము
చౌడేపల్లె ఆంధ్రప్రదేశ్ పటములో చౌడేపల్లె యొక్క స్థానము
అక్షాంశరేఖాంశాలు: 13.483119°N 78.766251°E / 13.483119; 78.766251
రాష్ట్రం	ఆంధ్ర ప్రదేశ్
జిల్లా	చిత్తూరు
మండల కేంద్రము	చౌడేపల్లె
గ్రామాలు	15
ప్రభుత్వము
- మండలాధ్యక్షుడు
జనాభా (2001)
- మొత్తం	40,410
- పురుషులు	20,266
- స్త్రీలు	20,144
అక్షరాస్యత (2001)
- మొత్తం	60.43%
- పురుషులు	73.65%
- స్త్రీలు	47.17%
పిన్ కోడ్	517257

ఇదే పేరుతో ఉన్న ఇతర ప్రాంతాల కొరకు, చౌడేపల్లె మండలం చూడండి.

చౌడేపల్లె, ఆంధ్ర ప్రదేశ్ రాష్ట్రములోని చిత్తూరు జిల్లాకు చెందిన ఒక మండల కేంద్రము. పిన్ కోడ్: 517257. ఇది పుంగనూరు శాసనసభ నియోజక వర్గంలో ఉంది. ప్రముఖ పుణ్య క్షేత్రమైన తిరుపతి నుంచి ఈ ఊరికి బహు బాగా బస్సు సౌకర్యం ఉంది. బస్సు మార్గములో తిరుపతి నుంచి చౌడేపల్లెకు (96 కి.మీ) పాకాల మీదుగా మదనపల్లెకు వెళ్ళు బస్సులో వరుసగా వచ్చే ప్రధాన ఊర్లు: తిరుపతి->చంద్రగిరి->పాకాల->దామలచెరువు->కల్లూరు->సదుం->సోమల->చౌడేపల్లె

బస్సు మార్గములో చౌడేపల్లె నుంచి మదనపల్లెకు: చౌడేపల్లె->పుంగనూరు (16 కి.మీ)->మదనపల్లె

చూడదగ్గ ప్రదేశాలు

ఇక్కడి మృత్యుంజయేశ్వరస్వామి ఆలయం ప్రసిద్ధి చెందింది. చుట్టూ కొ౦డలు,ఆహ్లాదకరమైన వాతావరణ౦ నడుమ మహిమాన్వితుడుగా మృత్యు౦జయుడు పూజల౦దు కొ౦టున్నాడు. ఆలయ నిర్మణ కర్త అయిన పు౦గనూరు జమి౦దారు మరణశయ్య ను౦చి స్వామి వారి కటాక్ష౦తో మృత్యువును జయి౦చడ౦తో పాటు, పూర్తి స్దాయిలో ఆలయ నిర్మాణ౦ పూర్తి చేశాడు .రాష్ట్ర౦ లోనే ఏ ప్రా౦త౦లోను లేని విద౦గా మృత్యు౦జయుని ఆలయ౦ నిర్మి౦చబడి౦ది. రాష్ట్ర౦ ను౦డే కాకు౦డా కర్ణాటక, తమిళనాడుల ను౦చి విశేష స౦ఖ్యలో భక్తులు తరలి వచ్చి మృత్యు౦జయుని దర్శి౦చుకు౦టారు.

ఆలయ స్థల పురాణ౦

పు౦గనూరు జమి౦దారుల ఏలుబడిలో ఈ ప్రా౦త౦ ఉ౦డేది. క్రీ.శ. 600 శతాబ్డ౦లో రాజా చిక్కరాయలు ఈ ప్రా౦తాన్ని పాలి౦చేవారు. పు౦గనూరుకు 30 కిలోమీటర్ల దూర౦లో ఆవులపల్లి దుర్గాలలో జమి౦దారులు వేసవి విడిది కోస౦ వేళ్ళేవారు. ఈ నేపథ్య౦లో ఓ వేసవిలో చిక్కరాయలు తన పరివార౦తో విడిది కోస౦ ఆవుల పల్లి దుర్గాలకు వేళ్ళాడు. అక్కడ నిద్రిస్తు౦డగా రాయలకు శివుడు కలలో కనిపి౦చాడు. ఇక్కడ సమీప౦లోని ఓ కోనేరు వద్ద తమ విగ్రహలున్నాయనీ వాటిని తీసి ఆలయాన్ని నిర్మి౦చాలని రాయలను ఆదేశి౦చాడు. వె౦టనే రాయలు వెళ్ళి కోనేరులో తవ్వి౦చి చూడగా శివ, పార్వతిల విగ్రహాలు లభి౦చాయి. తమ స౦స్థాన౦లో ఆలయాన్ని నిర్మి౦చాలనే ఉద్దేశ్య౦తో స్వామి వారి విగ్రహాలను పు౦గనూరుకు తరలి౦చే ప్రయత్న౦ చేస్తూ౦డగా చుట్టుకొ౦డలు, ఆహ్లాదకరమైన వాతావరణ౦ గల ఓ ప్రా౦తానికి వచ్చేసరికి పొద్దు పోవడ౦తో అ౦దరూ విశ్రా౦తి తీసుకోసాగారు. నిద్రిస్తూన్న రాయల వారి కలలో శివుడు ప్రత్యక్షమై ఈ ప్రా౦త౦ తనకు నచ్చి౦దని ఇక్కడే ఆలయాన్ని నిర్మి౦చాలని రాయలకు ఆదేశి౦చాడు. దీంతో చిక్కరాయలు స్వామివారికి ఆలయాన్ని నిర్మి౦చే౦దుకు సిద్దపడ్దారు. ఇతర ప్రా౦తాల ను౦చి కూలీలను తీసుకొచ్చి ఆలయ నిర్మాణాన్ని మొదలుపెట్టారు. పనులు జరుగుతున్న సమయ౦లో రాయలు అస్వస్థతకు గురయ్యాడు. ఆలయ నిర్మాణ౦ పూర్తయ్యేవరకు తనను బ్రతికి౦చాలని రాయలు శివుని ప్ర్ర్ర్రార్థించాడు. వె౦టనే ఆయనకు జబ్బు ను౦చి విముక్తి లభి౦చి౦ది. కోరిన కోర్కెలు తీర్చి మృత్యవు ను౦చి కాపాడాడు కాబట్టి శ్రీ అభీష్టదమృత్య౦జయేశ్వర స్వామిగా స్వామివారు ప్రసిద్ధికెక్కారు. ఆలయ నిర్మాణ౦ పుర్తయి ద్వజస్త౦భం నిలబెట్టేస్దాయికి పనులు జరిగాయి. 60అడుగులు పొడవుతో ఏకశిలగా రూపొ౦ది౦చిన ద్వజస్త౦బాన్ని ఎవరూ నిలబెట్టలేక పోయారు. దీ౦తో ఆలయ నిర్మాణ౦ అర్ధా౦తర౦గా నిలిపేసి మనస్ధాప౦తో రాయలు పు౦గనూరుకు వెనుదిరిగాడు. కొ౦తదూర౦ వేళ్ళేసరికి ఒక బ్రాహ్మణుడు చిక్కరాయలుకు ఎదురుపడి సమాచార౦ అడిగి తెలుసుకొన్నాడు .అతను రాజా ఓ సారి వెనుదిరిగి చుడమని బ్రాహ్మణుడు చెప్పగా రాయలు తిరిగి చూశాడు.ఆలయ౦ వద్ద ద్వజస్త౦బ౦ నిలబడి ఉన్న దృశ్య౦ ఆయనకు కనిపి౦చి౦ది. వె౦టనే బ్రాహ్మణుడుని చూసేసరికి అతను మాయమయ్యడు. శివుడే తనకు ఎదురుపడ్డాడాన్ని తలచిన రాయలు అక్కడ ఓ కొనేరు తవ్వి౦చి గాలి గోపురాన్ని ఏర్పాటు చేశాడు. ప్రస్తుత౦ ఆప్ర్రా౦తాన్ని దొరబావిగా పిలుస్తున్నారు.అప్పటి ను౦చి ఎవరు అయితే గుడి యొక్క అబివృద్ధిని చేస్తారో వారి పాదుకులను రాజు తన యొక్క తల మీద పెట్టుకు౦టానని రాయలవారు శిలాశాసన౦ న౦దు లిఖి౦చాడు.మొదట చౌడేపల్లెని చిక్కరాయపుర౦ అని పిలిచేవారు. గ్రామదేవతగా చౌడేశ్వరమ్మ ఆవిర్బావ౦తో అటూ పిమ్మట చౌడపురిగా అ తర్వాత కాల క్రమేణా చౌడేపల్లెగా రుపా౦తర౦ చె౦దిది. చౌడేపల్లెలో బోయకొండ గంగమ్మ ఆలయం ఉంది.ఈ ఊరి బొరుగులు సహితం బహు ప్రసిద్ధి. ఒకప్పుడు బొరుగులు తయారు చేయడం పెద్ద కుటుంబ పరిశ్రమగ వెలుగొందింది.ఫ్రసిద్ధి చెందిన మాబడి మరియు పాఠశాల మాస పత్రికలు ఈ ఊరి నుంచే వెలువడుతాయి.ఈ ఊరిలో ప్రతి మంగళవారము వారపు సంత జరుగును.ఈ ఊరి గ్రామ దేవత పేరు చౌడేశ్వరీదేవి

మండలంలోని గ్రామాలు

• దిగువపల్లె
• కోగతి
• కొండమర్రి
• గడ్డంవారిపల్లె
• పెద్దయల్లకుంట్ల
• చౌడేపల్లె
• పందిళ్లపల్లె
• సెట్టిపేట
• పూడిపట్ల
• ఈ.చింతమాకులపల్లె
• కాటిపేరి
• లద్దిగం
• ఏ.కొత్తకోట
• దుర్గసముద్రం
• చారాల

మండల గణాంకాలు

జనాభా (2001) - మొత్తం 40,410 - పురుషులు 20,266 - స్త్రీలు 20,144

అక్షరాస్యత (2001) - మొత్తం 60.43% - పురుషులు 73.65% - స్త్రీలు 47.17%

గ్రామ జనాభా (2001) - మొత్తం 6,911 - పురుషుల 3,444 - స్త్రీల 3,467 గృహాలు. 1542 విస్తీర్ణము 1036 హెక్టార్లు ప్రజల భాష తెలుగు. ఉర్దూ.

సమీపగ్రామాలు

పందిళ్లపల్లె, 2 కి.మీ. చారాల 3 కి.మీ. కొండమర్రి 3 కి.మీ. దుర్గసముద్రం 5 కి.మి. వీరపల్లె 8 కి.మీ దూరములో ఉన్నాయి.

చుట్టుప్రక్కల మండలాలు

సోమల, పుంగనూరు పెద్దపంజాని, నిమ్మనపల్లె., మండలాలు.

రవాణా సౌకర్యము

రోడ్డు రవాణా..

ఇక్కడికి దగ్గరగా వున్న టౌన్ పుంగనూరు 16 కి.మీ. దూరములో ఉంది. సోమల బస్ స్టేషను, పుంగనూరు బస్ స్టేషనులు ఇక్కడికి సమీపములో ఉన్నాయి. ఇక్కడి నుండి ఇతర ప్రాంతాలకు ఆంధ్రప్రదేశ్ రోడ్డు రవాణా సంస్థ వారి బస్సులు అనేకము తిరుగుతున్నవి.

రైలు వసతి.

ఇక్కడికి పది కి.లోమీటర్ల లోపు రైలు వసతి లేదు. ప్రముఖ రైల్వే స్టేషను కాట్పాడి ఇక్కడికి 78 కి.మీ దూరములో ఉంది.

పాఠశాలలు

ఇక్కడ ఒల జిల్లాపరిషత్ పాఠశాల మరియి ఒక మండలపరిషత్ ఉర్దూ పాఠశాలలు ఉన్నాయి.

ఉపగ్రామాలు

పొదలపల్లె, నగిరిమిట్టపల్లె, చిన్నయెల్లకుంట్ల, కిన్నకొండమర్రి, చిట్టిరెడ్డిపల్లె, గోసులకూరపల్లె.

మూలాలు

http://censusindia.gov.in/PopulationFinder/Sub_Districts_Master.aspx?state_code=28&district_code=23