జేమ్స్ పాండు
| జేమ్స్ పాండు | |
|---|---|
| దర్శకత్వం | సెల్వా |
| రచన | సుకి మూర్తి నగులన్ పొన్నుసామి (వ్యాఖ్యలు) |
| కథ | పార్తిబన్ |
| నిర్మాత | వి. సుందర్ |
| తారాగణం | పార్తిబన్ ప్రభుదేవా కౌసల్య రేణు దేశాయ్ |
| ఛాయాగ్రహణం | తంగర్ బచ్చన్ |
| కూర్పు | సురేష్ అర్స్ |
| సంగీతం | ఎస్. ఎ. రాజ్‌కుమార్ |
నిర్మాణ సంస్థ | విశ్వాస్ |
విడుదల తేదీ | 2000 మే 4 |
| దేశం | భారతదేశం |
| భాష | తమిళం |
జేమ్స్ పాండు (James Pandu) అనేది 2000లో విడుదలైన ఒక తమిళ భాషా కామెడీ థ్రిల్లర్ చలనచిత్రం. ఈ చిత్రానికి సెల్వా దర్శకత్వం వహించగా, వి. సుందర్ నిర్మించారు. ఈ సినిమాలో ఆర్. పార్తిబన్ (ఈయన కథను కూడా అందించారు), ప్రభుదేవా ప్రధాన పాత్రల్లో నటించగా, కౌసల్య, రేణు దేశాయ్ ఇతర ముఖ్య పాత్రలలో నటించారు. ఈ చిత్రం 2000 మే 4 న విడుదలైంది.[1]
కథాంశం
[మార్చు]జేమ్స్, పాండు ఇద్దరూ రైల్వే స్టేషన్ లో పోర్టర్లు (కూలీలు). ఒకప్పుడు ప్రాణస్నేహితులుగా ఉన్న వీరిద్దరి మధ్య ఇప్పుడు అస్సలు పడదు, ఎప్పుడూ గొడవపడుతుంటారు. జేమ్స్ రేణు అనే అమ్మాయిని ప్రేమిస్తుంటాడు, మూగదైన కౌసల్య అనే అమ్మాయి పాండును ఇష్టపడుతుంది. ఇదిలా ఉండగా, ఒక చిట్‌ఫండ్ కంపెనీ యజమాని ప్రజల సొమ్ముతో పరారవ్వాలనే ప్లాన్‌తో, తన దగ్గరున్న డబ్బు సంచీని తానే స్వయంగా దొంగిలించడానికి జేమ్స్‌ను నియమిస్తాడు. అయితే, అదే కంపెనీ మేనేజర్ ఆ డబ్బు సంచీని జేమ్స్ నుండి దొంగిలించడానికి పాండును పురమాయిస్తాడు. చివరకు జేమ్స్, పాండు ఇద్దరూ ఆ డబ్బు సంచీని దక్కించుకున్నప్పుడు, పాత పగలు మరిచిపోయి మళ్లీ స్నేహితులుగా మారి ఆ డబ్బును సమానంగా పంచుకోవాలని నిర్ణయించుకుంటారు. కానీ, ఇంతలో చిట్‌ఫండ్ కంపెనీ యజమాని హత్యకు గురవుతాడు, దాంతో ఆ నింద వీరిద్దరిపై పడుతుంది. వారు ప్రధాన నిందితులుగా మారతారు. క్లైమాక్స్‌లో, రాఘవాచారి అనే వ్యక్తి కోర్టుకు వచ్చి, ఆ చిట్‌ఫండ్ యజమాని చాలా మందిని మోసం చేస్తున్నందుకే తానే అతన్ని చంపానని నిజం ఒప్పుకుంటాడు. దీంతో జేమ్స్, పాండు ఇద్దరూ నిర్దోషులుగా నిరూపించబడటంతో కథ సుఖాంతమవుతుంది.
నటీనటులు
[మార్చు]- పార్తిబన్ (పాండు)
- ప్రభుదేవా (జేమ్స్)
- కౌసల్య (కౌసల్య)
- రేణు దేశాయ్ (రేణు)
- నిజాల్గల్ రవి (చిట్‌ఫండ్ కంపెనీ యజమాని)
- తలైవాసల్ విజయ్ (చిట్‌ఫండ్ మేనేజర్)
- ఈశ్వరి రావు (కౌసల్య అక్క)
- మనోబాల (రైల్వే పోర్టర్)
- మయిల్ సామి
- మదన్ బాబ్
- సూరి (రైల్వే పోర్టర్ - గుర్తింపు లేని పాత్ర)
- టి. ఎస్. బి. కె. మౌళి (టి.టి.ఆర్ రాఘవాచారి - అతిథి పాత్ర)
- షారి (అతిథి పాత్ర)
నిర్మాణం
[మార్చు]ఈ చిత్రం ద్వారా పార్తిబన్, ప్రభుదేవా మొదటిసారి కలిసి నటించారు. దీనికి ముందు వారు సుయంవరం చిత్రంలో కనిపించినప్పటికీ, వారిద్దరి మధ్య ఉమ్మడి సన్నివేశాలు లేవు.[2] ఈ చిత్రానికి దర్శకుడు సెల్వా మొదట 'విజిల్' అని పేరు పెట్టాలని భావించారు, ఆ తర్వాత 'జేమ్స్ పాండు'గా మార్చారు.[3] హాలీవుడ్ గూఢచారి పాత్ర 'జేమ్స్ బాండ్' పేరు మీదుగా ఈ సినిమా టైటిల్‌ను వ్యంగ్యంగా పెట్టారు. ఈ సినిమాలో మొదట ఇషా కొప్పీకర్‌ను కథానాయికగా అనుకున్నారు.[4] చిత్ర మొదటి షాట్ అరుణాచలం స్టూడియోస్‌లో ప్రారంభమైంది. చిత్ర యూనిట్ సిక్కింలోని గ్యాంగ్‌టక్ మంచు కొండల ప్రాంతంలో రెండు పాటలను చిత్రీకరించింది.[5]
పాటలు
[మార్చు]ఈ చిత్రానికి ఎస్. ఎ. రాజ్‌కుమార్ సంగీతం అందించారు.[6] ఇందులో "కన్నెనా మిన్సారమా" అనే పాట 'అలాబినా' గ్రూప్ రూపొందించిన "రోనా" అనే అంతర్జాతీయ సాంగ్ ఆధారంగా రూపొందించబడింది.[7]
| పాట శీర్షిక | గాయకులు | గీతరచయిత | నిడివి |
|---|---|---|---|
| "జేమ్స్ పాండు దా" | మనో, ఉన్ని మీనన్ | కాళిదాసన్ | 04:09 |
| "కన్నెనా మిన్సారమా" | దేవన్ ఏకాంబరం, బాంబే జయశ్రీ | నా. ముత్తుకుమార్ | 04:23 |
| "నిక్కట్టుమా నడకట్టుమా" | మనో, అనురాధ శ్రీరామ్ | భారతి శక్తి | 04:31 |
| "ఉన్ అళగై" | శ్రీనివాస్, రేష్మి | వివేక | 05:04 |
| "వెన్నిలా ఎదువుమ్" | ఎస్. పి. బాలసుబ్రహ్మణ్యం, రేష్మి | తామరై | 04:06 |
స్పందనలు
[మార్చు]ఇండియా ఇన్ఫో పత్రిక తమ సమీక్షలో, "కామెడీ పేరుతో ఇద్దరు కథానాయకులు చేసిన కొన్ని చేష్టలు చికాకు కలిగిస్తాయి. ఈ చిత్ర కథ పార్తిబన్‌ది కాబట్టి ఆయనే దీనికి బాధ్యుడు" అని పేర్కొంది.[8] ది హిందూ పత్రిక, "ఆసక్తికరంగా ప్రారంభమైనప్పటికీ, ఆ తర్వాత పట్టు కోల్పోయిన చిత్రం" అని విశ్లేషించింది.[9]
మూలాలు
[మార్చు]- ↑ "James Bandu ( 2000 )". Cinesouth. Archived from the original on 15 నవంబరు 2004. Retrieved 19 జూన్ 2023.
- ↑ "James Pandu". Sify. Archived from the original on 23 జనవరి 2005. Retrieved 9 ఆగస్టు 2022.
- ↑ "An Interview: Parthiban". Dinakaran. 30 సెప్టెంబరు 1999. Archived from the original on 24 జూన్ 2004. Retrieved 12 జనవరి 2022.
- ↑ "Cine News". Dinakaran. 1 నవంబరు 1999. Archived from the original on 24 నవంబరు 2004. Retrieved 12 జనవరి 2022.
- ↑ "சிக்கிமில் ஜேம்ஸ் பாண்டு!". Kalki (in తమిళం). 26 డిసెంబరు 1999. p. 93. Retrieved 18 జూన్ 2023 – via Internet Archive.
{{cite magazine}}: CS1 maint: deprecated archival service (link) - ↑ "James Pondu / Taalam". AVDigital. Archived from the original on 20 జూన్ 2023. Retrieved 20 జూన్ 2023.
- ↑ S, Karthik. "Tamil [Other Composers]". ItwoFS. Retrieved 25 జూన్ 2024.
{{cite web}}: CS1 maint: deprecated archival service (link) - ↑ "James-Pandu – Comedy at its worse". India Info. Archived from the original on 21 నవంబరు 2005. Retrieved 7 మే 2009.
- ↑ Rangarajan, Malathi (28 ఏప్రిల్ 2000). "Film Review: James Pandu". The Hindu.
{{cite web}}:|access-date=requires|url=(help)CS1 maint: deprecated archival service (link)