Jump to content

జోహన్నెస్ వెర్మీర్

వికీపీడియా నుండి
జోహాన్నెస్ వెర్మీర్
ది ప్రొక్యూరెస్ (c. 1656) చిత్రం భాగం, వెర్మీర్ స్వీయ చిత్రంగా భావిస్తారు[1]
జననండెల్ఫ్ట్, డచ్ రిపబ్లిక్
మరణం1675 డిసెంబరు 15(1675-12-15) (వయసు: 43)
డెల్ఫ్ట్, డచ్ రిపబ్లిక్
భార్య / భర్తకాథరినా బోల్నెస్
రంగంచిత్రలేఖనం
ఉద్యమండచ్ స్వర్ణయుగం
బరోక్
చేసిన పనులువిశ్వవ్యాప్తంగా గుర్తింపు పొందిన 34 చిత్రాలు[2]

జోహాన్నెస్ వెర్మీర్, జాన్ వెర్మీర్ అని కూడా పిలుస్తారు; అక్టోబర్ 1632 – 15 డిసెంబర్ 1675) డచ్ చిత్రకారుడు. ఇతను మధ్యతరగతి జీవిత గృహ అంతర్గత దృశ్యాలను చిత్రించడంలో ప్రత్యేకత కలిగినవాడు. ఇతను డచ్ స్వర్ణయుగపు గొప్ప చిత్రకారులలో ఒకరిగా పరిగణించబడ్డాడు. తన జీవితకాలంలో డెల్ఫ్ట్, హేగ్ నగరాలలో గుర్తింపు పొందిన ఒక మోస్తరు విజయవంతమైన ప్రాంతీయ చిత్రకారుడు. అతను చాలా తక్కువ చిత్రాలను రూపొందించాడు, ప్రధానంగా ఆర్ట్ డీలర్‌గా తన జీవనోపాధిని పొందాడు. అతను ధనవంతుడు కాదు; అతని మరణం నాటికి అతని భార్య అప్పుల పాలైంది.[3]

వెర్మీర్ నెమ్మదిగా, ఎంతో జాగ్రత్తగా పనిచేశాడు, తరచుగా చాలా ఖరీదైన రంగులను ఉపయోగించాడు. తన పనిలో కాంతిని అద్భుతంగా ఉపయోగించడంలో అతను ప్రత్యేకంగా ప్రసిద్ధి చెందాడు.[4] హన్స్ కోనింగ్స్‌బెర్గర్ రాసిన ప్రకారం "దాదాపు అతని చిత్రాలన్నీ డెల్ఫ్ట్‌లోని అతని ఇంట్లో ఉన్న రెండు చిన్న గదులలో చిత్రీకరించబడినట్లు కనిపిస్తాయి; అవి వివిధ అమరికలలో ఒకే ఫర్నిచర్, అలంకరణలను చూపుతాయి, తరచుగా ఒకే వ్యక్తులను, ముఖ్యంగా మహిళలను చిత్రీకరిస్తాయి."[5]

అతని జీవితకాలంలో అతను అనుభవించిన సాధారణ కీర్తి అతని మరణం తర్వాత కనుమరుగైంది. 17వ శతాబ్దపు డచ్ పెయింటింగ్‌పై ఆర్నాల్డ్ హౌబ్రాకెన్ రాసిన ప్రధాన ఆధార పుస్తకం (గ్రాండ్ థియేటర్ ఆఫ్ డచ్ పెయింటర్స్ అండ్ ఉమెన్ ఆర్టిస్ట్స్, ప్రచురణ 1718)లో అతని ప్రస్తావన నామమాత్రంగా ఉంది, దీని ఫలితంగా దాదాపు రెండు శతాబ్దాల పాటు డచ్ కళ తదుపరి సర్వేల నుండి అతను విస్మరించబడ్డాడు.[6][a] 19వ శతాబ్దంలో గుస్తావ్ ఫ్రెడరిక్ వాగెన్, థియోఫిల్ థోరే-బర్గర్ ద్వారా వెర్మీర్ తిరిగి కనుగొనబడ్డాడు. వీరు 66 చిత్రాలను అతనికి ఆపాదిస్తూ ఒక వ్యాసాన్ని ప్రచురించారు, అయితే నేడు కేవలం 34 చిత్రాలు మాత్రమే అతనివిగా విశ్వవ్యాప్తంగా అంగీకరించబడ్డాయి. ఆ సమయం నుండి వెర్మీర్ కీర్తి విపరీతంగా పెరిగింది.

పేరు ఉచ్చారణ

[మార్చు]

డచ్ భాషలో వెర్మీర్ ను [vərˈmeːr] అని, జోహాన్నెస్ వెర్మీర్ ను [joːˈɦɑnəs fərˈmeːr] అని ఉచ్చరిస్తారు.

జీవితం

[మార్చు]
1649లో డెల్ఫ్ట్, కార్టోగ్రాఫర్ విల్లెమ్ బ్లేయు ద్వారా
ది జెస్యూట్ చర్చి ఆన్ ది ఔడ్ లాంగెండైక్ ఇన్ డెల్ఫ్ట్, c. 1730, అబ్రహం రాడేమేకర్

ఇటీవలి కాలం వరకు వెర్మీర్ జీవితం గురించి చాలా తక్కువగా తెలుసు.[8] అతను డెల్ఫ్ట్ నగరంలో నివసిస్తూ తన కళకే పూర్తిగా అంకితమైనట్లు కనిపిస్తుంది. 19వ శతాబ్దం వరకు కొన్ని రిజిస్టర్లు, అధికారిక పత్రాలు, ఇతర కళాకారుల వ్యాఖ్యలు మాత్రమే సమాచార వనరులుగా ఉన్నాయి; ఈ కారణంగా థోరే-బర్గర్ అతనికి "ది స్ఫింక్స్ ఆఫ్ డెల్ఫ్ట్" అని పేరు పెట్టాడు.[9]

యవ్వనం, వారసత్వం

[మార్చు]

జోహాన్నెస్ వెర్మీర్ 31 అక్టోబర్ 1632న రిఫార్మ్డ్ చర్చిలో బాప్టిజం పొందాడు.[10][11] అతని తల్లి డిగ్నా బాల్టెన్స్ (c. 1596–1670), ఆంట్వెర్ప్ నుండి వచ్చింది.[12] డిగ్నా తండ్రి బాల్తాజర్ గెర్ట్స్ (1573లో జన్మించాడు) లోహపు పనుల్లో చురుకైన జీవితాన్ని గడిపాడు, నకిలీ నోట్ల తయారీకి అరెస్టయ్యాడు.[13] వెర్మీర్ తండ్రి రెయ్నియర్ జాన్సూన్ పట్టు లేదా కాఫా (పట్టు, పత్తి లేదా ఉన్ని మిశ్రమం) పని చేసే మధ్యతరగతి కార్మికుడు. ఆమ్‌స్టర్‌డామ్‌లో అప్రెంటిస్‌గా ఉన్నప్పుడు రెయ్నియర్ సింట్ ఆంటోనియస్‌బ్రీస్ట్రాట్ వీధిలో నివసించాడు, ఆ సమయంలో ఇది చాలా మంది చిత్రకారులు నివసించే వీధి. 1615లో రెయ్నియర్ డిగ్నాను వివాహం చేసుకున్నాడు. ఈ జంట డెల్ఫ్ట్‌కు వెళ్లింది, వారికి గెర్ట్రుయ్ అనే కుమార్తె జన్మించింది. 1631లో అతను ఒక సత్రమును కౌలుకు తీసుకున్నాడు. 1641లో మార్కెట్ స్క్వేర్‌లో మెచెలెన్ పేరుతో ఒక పెద్ద సత్రమును కొనుగోలు చేశాడు. అక్టోబర్ 1652లో రెయ్నియర్ మరణించినప్పుడు వెర్మీర్ కుటుంబ కళా వ్యాపారాన్ని చేపట్టాడు.

వివాహం, కుటుంబం

[మార్చు]

ఏప్రిల్ 1653లో జోహాన్నెస్ వెర్మీర్ కాథలిక్ మహిళ కాథరినా బోల్నెస్‌ను వివాహం చేసుకున్నాడు.[14] వెర్మీర్ కొత్త అత్తగారు మరియా థిన్స్ మొదట్లో ఈ వివాహాన్ని వ్యతిరేకించింది, ఎందుకంటే ఆమె అతని కంటే చాలా ధనవంతురాలు. వివాహానికి ముందు ఏప్రిల్ 5న వెర్మీర్ కాథలిక్ మతంలోకి మారాలని పట్టుబట్టింది బహుశా ఆమెనే. లియోనెర్ట్ బ్రామెర్ అనే కాథలిక్ కళాకారుడు వెర్మీర్ తరపున మాట్లాడటంతో మరియా తన వ్యతిరేకతను విడిచిపెట్టింది. కళా చరిత్రకారుడు వాల్టర్ లీడ్కే ప్రకారం వెర్మీర్ మతమార్పిడి నమ్మకంతో జరిగినట్లు కనిపిస్తుంది.[14] ఈ దంపతులు ఔడ్ లాంగెండైక్ వద్ద కాథరినా తల్లితో కలిసి విశాలమైన ఇంట్లో నివసించారు. వెర్మీర్ తన జీవితాంతం అక్కడే నివసించాడు. అతని భార్య 15 మంది పిల్లలకు జన్మనిచ్చింది, వారిలో నలుగురు బాప్టిజం పొందకముందే మరణించారు.[15]

వృత్తి

[మార్చు]
డెల్ఫ్ట్‌లోని వోల్డెర్స్‌గ్రాచ్ట్‌లోని సెయింట్ ల్యూక్ గిల్డ్ హౌస్ నకలు

వెర్మీర్ ఎక్కడ, ఎవరి వద్ద అప్రెంటిస్‌గా పనిచేశాడో స్పష్టంగా తెలియదు. కారెల్ ఫ్యాబ్రిషియస్ అతని గురువు అయి ఉండవచ్చని కొన్ని ఊహాగానాలు ఉన్నాయి. వాల్టర్ లీడ్కే వెర్మీర్ తన తండ్రి పరిచయాల ద్వారా తనకు తానుగా నేర్చుకున్నాడని సూచిస్తున్నాడు. 29 డిసెంబర్ 1653న వెర్మీర్ గిల్డ్ ఆఫ్ సెయింట్ ల్యూక్ అనే చిత్రకారుల సంఘంలో సభ్యుడయ్యాడు. ఆ సంవత్సరం ప్లేగు, యుద్ధం, ఆర్థిక సంక్షోభం కారణంగా వెర్మీర్ ప్రవేశ రుసుము చెల్లించలేకపోయాడు.

వ్యూ ఆఫ్ డెల్ఫ్ట్ (1660–1661)

పీటర్ వాన్ రూయివెన్, అతని భార్య మరియా డి క్నుయిట్ వెర్మీర్ కెరీర్‌లో ప్రధాన పోషకులుగా ఉన్నారు. గెరార్డ్ డౌ, పీటర్ డి హూచ్, గాబ్రియేల్ మెట్సు వంటి కళాకారుల ప్రభావం వెర్మీర్ మీద ఉన్నట్లు కనిపిస్తుంది. వెర్మీర్ నెమ్మదిగా పనిచేశాడు, బహుశా ఆర్డర్ పై సంవత్సరానికి మూడు చిత్రాలు గీసేవాడు.

యుద్ధాలు, మరణం

[మార్చు]
ది లిటిల్ స్ట్రీట్ (1657–1658)
ఔడ్ కెర్క్‌లో వెర్మీర్ స్మారక చిహ్నం

1672లో ఫ్రెంచ్ దళాలు దేశంపై దాడి చేసినప్పుడు డచ్ రిపబ్లిక్‌లో తీవ్రమైన ఆర్థిక మాంద్యం ఏర్పడింది. కోర్టులు, థియేటర్లు, దుకాణాలు, పాఠశాలలు మూసివేయబడ్డాయి. ఆ సంవత్సరమే వెర్మీర్ తన చివరి చిత్రాన్ని విక్రయించాడు. వేసవి 1675లో వెర్మీర్ ఆమ్‌స్టర్‌డామ్‌కు చెందిన పట్టు వ్యాపారి జాకబ్ రోంబౌట్స్ నుండి 1,000 గిల్డర్‌లను అప్పుగా తీసుకున్నాడు, దానికి తన అత్తగారి ఆస్తిని పూచీకత్తుగా పెట్టాడు.[16]

స్వల్ప అనారోగ్యంతో 15 డిసెంబర్ 1675న వెర్మీర్ 43 సంవత్సరాల వయసులో మరణించాడు. అదే రోజు అతనిని ప్రొటెస్టంట్ ఓల్డ్ చర్చిలో ఖననం చేశారు. అతని మరణం తర్వాత కాథరినా కళా మార్కెట్ పతనం ఎలా తమ వ్యాపారాన్ని దెబ్బతీసిందో వివరించింది. ఆమె 11 మంది పిల్లలను పెంచాల్సి రావడంతో అప్పుల నుండి విముక్తి కోసం ఉన్నత న్యాయస్థానాన్ని ఆశ్రయించింది. వెర్మీర్ డెల్ఫ్ట్‌లో గౌరవనీయమైన కళాకారుడు అయినప్పటికీ, అతని స్వస్థలానికి వెలుపల దాదాపు అజ్ఞాతంగా మిగిలిపోయాడు.

శైలి

[మార్చు]
ది మిల్క్‌మెయిడ్ (సుమారు 1658)

వెర్మీర్ తన కాలపు చాలా మంది చిత్రకారుల వలె మొదట తన చిత్రాలను బూడిద, గోధుమ రంగులలో వేసి ఆ తర్వాత మరింత సంతృప్త రంగులను (ఎరుపు, పసుపు, నీలం) పారదర్శకంగా అద్దేవాడు. వెర్మీర్‌కు చెందినవిగా కచ్చితంగా చెప్పగలిగే ఎలాంటి స్కెచ్‌లు లేవు.

17వ శతాబ్దంలో అల్ట్రామెరైన్ అనే అత్యంత ఖరీదైన రంగును అంత విరివిగా ఉపయోగించిన కళాకారుడు వెర్మీర్ మాత్రమే. కాంతిని, నీడను అద్భుతంగా సృష్టించడానికి అతను ఈ రంగును ఉపయోగించాడు.

వెర్మీర్ చిత్రాలు ఎక్కువగా రోజువారీ జీవిత దృశ్యాలు, పోర్ట్రెయిట్‌లు, రెండు నగర దృశ్యాలు, రెండు ఉపమానాలు మినహాయించి. అతని చిత్రాలు 17వ శతాబ్దపు డచ్ సమాజంలోని వివిధ వర్గాలను చూపుతాయి, సాధారణ పనిమనిషి నుండి ధనిక వ్యాపారుల వరకు.

చిత్రలేఖన సామాగ్రి

[మార్చు]

అతని ఖచ్చితమైన పెయింటింగ్ పద్ధతిలో ఒక ప్రధాన అంశం రంగుల ఎంపిక. అల్ట్రామెరైన్, లెడ్-టిన్-యెల్లో, మ్యాడర్ లేక్, వర్మిలియన్ వంటి ఖరీదైన రంగులను వాడటంలో అతను ప్రసిద్ధి చెందాడు. వెర్మీర్ కళాఖండాలలో కేవలం 20 రంగులు మాత్రమే గుర్తించబడ్డాయి. వీటిలో ప్రధానమైన ఏడు రంగులను అతను ఎక్కువగా వాడేవాడు.

యాంత్రిక సహాయ సిద్ధాంతాలు

[మార్చు]

వెర్మీర్ చిత్రాలలోని వాస్తవికత కారణంగా అతను ఎలాంటి యాంత్రిక పరికరాలను (కెమెరా అబ్స్క్యూరా, వంపు అద్దాలు వంటివి) ఉపయోగించాడన్న దానిపై చర్చలు ఉన్నాయి. డేవిడ్ హాక్నీ, ఫిలిప్ స్టెడ్‌మాన్, టిమ్ జెనిసన్ వంటి వారు ఈ సిద్ధాంతాలను ప్రతిపాదించారు. అయితే దీనిపై కచ్చితమైన చారిత్రక ఆధారాలు లేవు.

రచనలు

[మార్చు]

వెర్మీర్ మొత్తం 50 కంటే తక్కువ చిత్రాలను రూపొందించాడని భావిస్తున్నారు, వాటిలో 34 మాత్రమే నేడు అందుబాటులో ఉన్నాయి.[17] కేవలం మూడు చిత్రాలపై మాత్రమే అతను తేదీ వేశాడు: ది ప్రొక్యూరెస్ (1656), ది ఆస్ట్రానమర్ (1668), ది జియోగ్రాఫర్ (1669).

వెర్మీర్ దాదాపు అన్ని చిత్రాలు చిన్న ఫార్మాట్‌లో సమకాలీన అంశాలను కలిగి ఉంటాయి. వీటిలో నీలం, పసుపు, బూడిద రంగులు ఎక్కువగా కనిపిస్తాయి.

వారసత్వం

[మార్చు]
థియోఫిల్ థోరే-బర్గర్

అతని మరణం తర్వాత రెండు శతాబ్దాల పాటు వెర్మీర్ చిత్రాలు కళా చరిత్రకారుల దృష్టికి రాలేదు. 1860లలో జర్మన్ మ్యూజియం డైరెక్టర్ గుస్తావ్ వాగెన్ అతని పనిని గుర్తించడంతో ఆధునిక గుర్తింపు ప్రారంభమైంది. థియోఫిల్ థోరే-బర్గర్ 1866లో వెర్మీర్ రచనలపై ప్రచురించిన కేటలాగ్ అంతర్జాతీయ దృష్టిని ఆకర్షించింది.

20వ శతాబ్దంలో సాల్వడార్ డాలీ వంటి కళాకారులు వెర్మీర్ నుండి స్ఫూర్తి పొందారు. హాన్స్ వాన్ మీగెరెన్ అనే డచ్ కళాకారుడు వెర్మీర్ శైలిలో నకిలీ చిత్రాలను సృష్టించి నాజీలకు విక్రయించాడు.

1990లో జరిగిన బోస్టన్ మ్యూజియం దొంగతనంలో వెర్మీర్ కు చెందిన ది కాన్సర్ట్ చిత్రం దొంగిలించబడింది, ఇది నేటికీ లభించలేదు.

2023లో ఆమ్‌స్టర్‌డామ్‌లోని రిక్స్‌మ్యూజియంలో వెర్మీర్ 28 చిత్రాలతో ప్రదర్శన జరిగింది, ఇది 650,000 మంది సందర్శకులను ఆకర్షించింది.

ప్రముఖ సంస్కృతిలో

[మార్చు]

వెర్మీర్ పేరు, కళాఖండాలు సాహిత్యం, చలనచిత్రాలలో కనిపించాయి. ట్రేసీ చెవాలియర్ నవల గర్ల్ విత్ ఎ పెర్ల్ ఇయర్‌రింగ్ (1999), అదే పేరుతో వచ్చిన 2003 చలనచిత్రం ప్రసిద్ధి చెందాయి.

ఎంచుకున్న చిత్రాల గ్యాలరీ

[మార్చు]

గమనికలు

[మార్చు]
  1. ↑ Vermeer was largely unknown to the general public, but his reputation was not totally eclipsed after his death: "While it is true that he did not achieve widespread fame until the 19th century, his work had always been valued and admired by well-informed connoisseurs."[7]

మూలాలు

[మార్చు]
  1. ↑ Boone, Jon. "The Procuress: Evidence for a Vermeer Self-Portrait". Essential Vermeer. the original నుండి 3 May 2021 న ఆర్కైవు చెయ్యబడింది. ఒరిజినల్ పేజీని చూసిన తేదీ: 13 September 2010.
  2. ↑ Janson, Jonathan. "Complete Vermeer Catalogue & Tracker". Essential Vermeer. ఒరిజినల్ పేజీని చూసిన తేదీ: 16 June 2010.
  3. ↑ "Jan Vermeer". The Bulfinch Guide to Art History. Artchive. ఒరిజినల్ పేజీని చూసిన తేదీ: 21 September 2009.
  4. ↑ Janson, Jonathan (5 February 2003). "An Interview with Jørgen Wadum". Essential Vermeer. ఒరిజినల్ పేజీని చూసిన తేదీ: 21 September 2009.
  5. ↑ Koningsberger, Hans (1977). The World of Vermeer. New York, USA: Time-Life Books. OCLC 755281576.
  6. ↑ Barker, Emma; et al. (1999). The Changing Status of the Artist. New Haven: Yale University Press. p. 199. ISBN 0-300-07740-8.{{cite book}}: CS1 maint: publisher location (link)
  7. ↑ Blankert, Albert (2007). "Vermeer and his Public". In Blankert, Albert; Montias, John Michael; Aillaud, Gilles (eds.). Vermeer. New York, USA: Overlook. p. 164. ISBN 978-1-58567-979-9.
  8. ↑ Janson, Jonathan. "Vermeer the Man and Painter". Essential Vermeer. ఒరిజినల్ పేజీని చూసిన తేదీ: 10 April 2014.
  9. ↑ "Vermeer: A View of Delft". The Economist. 1 April 2001. the original నుండి 5 November 2012 న ఆర్కైవు చెయ్యబడింది. ఒరిజినల్ పేజీని చూసిన తేదీ: 21 September 2009.
  10. ↑ Janso, Jonathan. "Vermeer's Name". Essential Vermeer. ఒరిజినల్ పేజీని చూసిన తేదీ: 21 September 2009.
  11. ↑ "Digital Family Tree of the Municipal Records Office of the City of Delft". Beheersraad Digitale Stamboom. 2004. ఒరిజినల్ పేజీని చూసిన తేదీ: 21 September 2009. The painter is recorded as: Child=Joannis; Father=Reijnier Jansz; Mother=Dingnum Balthasars; Witnesses=Pieter Brammer, Jan Heijndricxsz, Maertge Jans; Place=Delft; Date of baptism=31 October 1632.{{cite web}}: CS1 maint: deprecated archival service (link)
  12. ↑ Janson, Jonathan. "Vermeer's Family Tree". Essential Vermeer. ఒరిజినల్ పేజీని చూసిన తేదీ: 27 November 2020.
  13. ↑ Montias 1989, p. 17–34.
  14. 1 2 Liedtke, Walter; Plomp, Michiel C.; Rüger, Axel (2001). Vermeer and the Delft school: [catalogue ... in conjunction with the exhibition "Vermeer and the Delft School" held at The Metropolitan Museum of Art, New York, from 8 March to 27 May 2001, and at The National Gallery, London, from 20 June to 16 September 2001]. New Haven: Yale University Press. p. 359. ISBN 0-87099-973-7.
  15. ↑ Montias 1991, pp. 344–345.
  16. ↑ Montias 1991, p. 337.
  17. ↑ "Vermeer was brilliant, but he was not without influences". The Economist. 12 October 2017.
  18. Steadman, Philip. "Vermeer and the Camera Obscura". BBC. ఒరిజినల్ నుండి 29 November 2010 న ఆర్కైవు చెయ్యబడింది చెయ్యబడింది. ఒరిజినల్ పేజీని చూసిన తేదీ: 17 October 2010.
  19. Andersen, Kurt (29 November 2013). "Reverse-Engineering a Genius (Has a Vermeer Mystery Been Solved?)". Vanity Fair. ఒరిజినల్ నుండి 30 November 2013 న ఆర్కైవు చెయ్యబడింది చెయ్యబడింది.
  20. Janson, Jonathan. "Vermeer and the Camera Obscura". Essential Vermeer. ఒరిజినల్ నుండి 25 September 2014 న ఆర్కైవు చెయ్యబడింది చెయ్యబడింది. ఒరిజినల్ పేజీని చూసిన తేదీ: 30 July 2014.
  21. Broos, Ben; Blankert, Albert; Wadum, Jørgen; Wheelock Jr., Arthur K. (1995). Johannes Vermeer. Zwolle: Waanders Publishers. ISBN 978-90-400-9794-2.
  22. Tim's Vermeer (2013) documentary – See 40:50 onwards
  23. Bryson, Bill (2014). A Short History of Nearly Everything. Lulu Press. ISBN 978-1-312-79256-2.
ఉల్లేఖన లోపం: <references> లో "Gallery" అనే పేరుతో నిర్వచించిన <ref> ట్యాగును ముందరి పాఠ్యంలో వాడలేదు.
ఉల్లేఖన లోపం: <references> లో "BBC_Steadman" అనే పేరుతో నిర్వచించిన <ref> ట్యాగును ముందరి పాఠ్యంలో వాడలేదు.
ఉల్లేఖన లోపం: <references> లో "Vanity" అనే పేరుతో నిర్వచించిన <ref> ట్యాగును ముందరి పాఠ్యంలో వాడలేదు.
ఉల్లేఖన లోపం: <references> లో "Obscura" అనే పేరుతో నిర్వచించిన <ref> ట్యాగును ముందరి పాఠ్యంలో వాడలేదు.
ఉల్లేఖన లోపం: <references> లో "wadum95" అనే పేరుతో నిర్వచించిన <ref> ట్యాగును ముందరి పాఠ్యంలో వాడలేదు.
ఉల్లేఖన లోపం: <references> లో "Tims" అనే పేరుతో నిర్వచించిన <ref> ట్యాగును ముందరి పాఠ్యంలో వాడలేదు.
ఉల్లేఖన లోపం: <references> లో "bryson" అనే పేరుతో నిర్వచించిన <ref> ట్యాగును ముందరి పాఠ్యంలో వాడలేదు.
"https://te.wikipedia.org/w/index.php?title=జోహన్నెస్_వెర్మీర్&oldid=4865463" నుండి వెలికితీశారు