Jump to content

డ్రామెన్

వికీపీడియా నుండి

డ్రామెన్, నార్వేలో బుస్కెరుడ్ కౌంటీలోని నగరం, మునిసిపాలిటీ. ఈ ఓడరేవు పట్టణం, నదీ నగరం ఆగ్నేయ నార్వేలో, అత్యధిక జనాభా కలిగిన ప్రాంతం మధ్యలో ఉంది. డ్రామెన్ మునిసిపాలిటీలో కొన్నెరుడ్, స్వల్విక్, మ్జోండాలెన్, స్కోగర్ వంటి చిన్న పట్టణాలు, గ్రామాలు కూడా ఉన్నాయి.

స్థానం

[మార్చు]

డ్రామెన్ ఓస్లోఫ్యోర్డ్ ఇన్లెట్‌కు పశ్చిమాన ఉంది, ఇది సుమారు 44 కి.మీ. దూరంలో ఉంది. రాజధాని నగరం ఓస్లోకు నైరుతి దిశలో కి.మీ (27 మైళ్ళు). ఈ మునిసిపాలిటీలో 100,000 కంటే ఎక్కువ మంది నివాసితులు ఉన్నారు, అయితే ఈ నగరం దాదాపు 82,000 మంది నివాసితులు ఉన్న ప్రాంతానికి ప్రాంతీయ రాజధాని. డ్రామెన్, దాని పరిసర ప్రాంతాల్లో గతంలో కంటే ఎక్కువ సామాజిక ఆర్థిక, జనాభా పెరుగుదల జరుగుతోంది. నగరం డ్రామెన్స్‌ఫ్యోర్డ్‌ను బాగా ఉపయోగించుకుంటుంది, ఇది వినోదం, చేపలు పట్టడం, ఇతర కార్యకలాపాలకు, అలాగే వాటర్‌ఫ్రంట్ గృహాలకు నెలవైన జలమార్గం.

పేరు, కోట్ ఆఫ్ ఆర్మ్స్

[మార్చు]

నగరం పేరు యొక్క పాత నార్స్ రూపం డ్రాఫ్న్. ఇది మొదట డ్రామెన్‌ఫ్యోర్డ్ లోపలి భాగం పేరు. అయితే, ఈ ఫ్యోర్డ్‌కు ఆ పేరు బహుశా డ్రామెన్సెల్వా నది (నార్స్ డ్రూఫ్న్ ) పేరు మీదుగా వచ్చి ఉండవచ్చు. ఇది మళ్ళీ డ్రూఫ్న్ ఎఫ్ ' వేవ్ ' నుండి ఉద్భవించింది. [1] దీని కోట్ ఆఫ్ ఆర్స్మ్ ఆధునిక కాలం నాటిది. 1960 నవంబరు 17 న మంజూరైంది. ఆర్మ్స్‌కు పైన వెండి రంగు స్తంభం ఉంది, వెండి రంగు శిలాఫలకం నీలం రంగు నేపథ్యంలో వెండి రంగు కీ, కత్తి ఉంటాయి.[2] ఇది డ్రామెన్ కేంద్ర భాగాలలో ఒకటైన బ్రాగెర్నెస్ కోసం 1723 నాటి పాత ముద్ర ఆధారంగా రూపొందించబడింది. బ్రాగెర్నెస్ నినాదం ( లాటిన్‌లో ) ఇన్ ఫైడ్ ఎట్ జస్టిషియా ఫోర్టిటుడో. ముద్రలోని అంశాలకు అర్థం : కీ = విశ్వాసం, కత్తి = న్యాయం, రాళ్లపై స్తంభం = బలం.[3]

పాలన

[మార్చు]

2020 జనవరి 1 న స్వెల్విక్, నెడ్రే ఐకర్, డ్రామెన్ మునిసిపాలిటీలు కలిసి "ది న్యూ డ్రామెన్ మునిసిపాలిటీ"గా ఏర్పడ్డాయి. ఇప్పుడు డ్రామెన్ అని పిలువబడే కొత్త మునిసిపాలిటీ, 100,000 కంటే ఎక్కువ మంది నివాసితులతో నార్వేలో అతిపెద్ద నగరాల్లో ఏడవది. గ్రేటర్ మునిసిపాలిటీ ప్రధాన స్థానం డ్రామెన్ నగరంలో ఉంది. 2021లో డ్రామెన్ నగరంలో 82.875 మంది జనాభా ఉన్నారు, 2021లో 110.236 మంది జనాభా ఉన్న ప్రాంతానికి ప్రాంతీయ కేంద్రంగా పనిచేస్తుంది.[4]

చరిత్ర

[మార్చు]

ఆస్కోల్లెన్, ఆస్టాడ్ వద్ద ఉన్న రాతి శిల్పాలు 6000 నుండి 7000 సంవత్సరాల పురాతనమైనవి. ఈ ప్రాంతంలో మానవ కార్యకలాపాలకు ఇవి మొదటి సంకేతాలు. ఆస్కోల్లెన్ వద్ద ఉన్న అతిపెద్ద రాతి శిల్పం ఒక దుప్పిని వర్ణిస్తుంది.

డ్రామెన్‌లో మొదట మూడు చిన్న ఓడరేవులుండేవి. అవి: బ్రాగెర్నెస్ ( డ్రామ్మెన్సెల్వా నదికి ఉత్తరం వైపున), స్ట్రోమ్సో, టాంగెన్ (రెండూ నదికి దక్షిణం వైపున). వాణిజ్య ప్రయోజనాల కోసం, చిన్న ఓడరేవులను మార్కెట్ పట్టణాల క్రింద ఉంచారు. భౌగోళికంగా వాటికి సామీప్యత ఉన్నప్పటికీ, బ్రగెర్నెస్‌ను క్రిస్టియానియా క్రింద, స్ట్రోమ్సోను టాన్స్‌బర్గ్ క్రింద ఉంచడంతో, పక్కపక్కనే ఉన్న ఓడరేవు పట్టణాల మధ్య సహకారం దాదాపుగా లేదు.

1662లో, స్ట్రోమ్సో, బ్రాగెర్నెస్‌లను కలిపి ఫ్రెడెరిక్స్‌స్ట్రోమ్ అనే పేరుతో ఒక మార్కెట్ పట్టణాన్ని ఏర్పాటు చేయడానికి విలీనం ప్రతిపాదించబడింది. ఈ ప్రతిపాదనను రాజు ఫ్రెడరిక్ III తిరస్కరించాడు. 1715 లో బ్రాగెర్నెస్ పరిమిత మార్కెట్ పట్టణ హక్కులను పొందింది. 1811 జూన్ 19 న ఇది స్ట్రోమ్సోతో విలీనమై, ఒకే నగరంగా హోదా పొందింది.

దాని భౌగోళిక స్థానం కారణాంగా నగరం సముద్రయానం, నౌకానిర్మాణం, లాగ్ డ్రైవింగ్, కలప వ్యాపారం వంటి వాటికి అనుకూలంగా ఉంది. 19వ శతాబ్దంలో, కాగితం, గుజ్జు పరిశ్రమలు అభివృద్ధి అయ్యాయి. 1866 జూలై 12-13 తేదీలలో జరిగిన గొప్ప అగ్నిప్రమాదంలో నగరంలోని చాలా భాగాలు నాశనమయ్యాయి, [5] దీని ఫలితంగా నగర కేంద్రం పునర్నిర్మాణం జరిగింది, ఇందులో విలక్షణమైన పట్టణ కూడలి, బ్రాగెర్నెస్ చర్చి కూడా ఉన్నాయి. 1872లో డ్రామెన్, ఓస్లోల మధ్య డ్రామెన్ లైన్ (డ్రామ్‌మెన్‌బానెన్ ) రైలుమార్గాన్ని ప్రారంభించారు.

1909లో, డ్రామెన్ స్కాండినేవియాలో మొట్టమొదటి ట్రాలీబస్ వ్యవస్థ, డ్రామెన్ ట్రాలీబస్‌ను పొందింది. ఆ లైన్లు 1967 వరకు నడిచాయి. చాలా సంవత్సరాలుగా డ్రామెన్ కేంద్రం భారీ ట్రాఫిక్‌తో బాధపడింది. 1970లో, యూరోపియన్ రూట్ E18లో రెండు లేన్లతో కూడిన డ్రామెన్ వంతెనను నిర్మించారు (2006లో నాలుగు లేన్లకు విస్తరించబడింది). 1999లో బ్రాగెర్నెస్ సొరంగం ( బ్రాగెర్నెస్టున్నెలెన్ ) నిర్మించి నగరం మధ్య నుండి ట్రాఫిక్‌ను మళ్లించారు.[6]

ఇటీవలి సంవత్సరాలలో, నగర కేంద్రంలో కొత్త గృహాలు, షాపింగ్ సౌకర్యాలు, రెస్టారెంట్లు, కేఫ్‌లు, బార్‌లు వచ్చాయి. అలాగే డ్రామెన్‌సెల్వా నది వెంబడి ఒక ప్రజా మార్గాన్ని ప్రవేశపెట్టారు. [7]2011లో, డ్రామెన్ తన 200వ వార్షికోత్సవాన్ని నగరవ్యాప్తంగా అనేక జూబ్లీ వేడుకలతో జరుపుకుంది. [8] నగరంలో జనాభా పెరుగుదలకు తోడ్పడటానికి, స్థానిక ఫ్యోర్డ్ నీటిని ఉపయోగించి నీటి వనరుల హీట్ పంపులను ఉపయోగించుకునేలా డ్రామెన్‌లో డిస్ట్రిక్ట్ హీటింగ్ సిస్టమ్‌ను అప్‌గ్రేడ్ చేశారు.[9]

భౌగోళికం

[మార్చు]

డ్రామెన్ నార్వేలోని పెద్ద నగరాల్లో ఒకటి. ఇది నార్వే రాజధాని ఓస్లో నుండి దాదాపు 40 కిలోమీటర్లు (25 మై.) దూరంలో ఉంది. నగర కేంద్రం డ్రామెన్సెల్వా నదికి ఇరువైపులా ఒక లోయ చివరలో, నది డ్రామెన్స్‌ఫ్యోర్డ్‌ను కలిసే చోట ఉంది. నార్వేలో కార్లు, పండ్ల దిగుమతికి డ్రామెన్‌లోని హోల్మెన్ ద్వీపం ప్రధాన నౌకాశ్రయం.

డ్రామెన్ ప్రాంతం ఓస్లో చుట్టూ ఉన్న మెట్రోపాలిటన్ ప్రాంతంలో భాగం. దేశంలో ఐదవ అతిపెద్ద పట్టణ ప్రాంతం, ఇది మునిసిపల్ సరిహద్దులకు మించి లియర్, ఆస్కర్, ఓవ్రే ఐకర్, హోమ్‌స్ట్రాండ్ మునిసిపాలిటీలలోకి విస్తరించింది. 2021 జనవరి 1 నాటికి ఈ స్థావరం యొక్క మొత్తం జనాభా 110,236.[10]

2008లో డ్రామెన్, యూరప్‌లో ఉత్తమ నగరాభివృద్ధికి గాను ప్రతిష్టాత్మక బహుమతిని గెలుచుకుంది.[11]

వాతావరణం

[మార్చు]

డ్రామెన్‌లో తేమతో కూడిన ఖండాంతర వాతావరణం (Dfb) ఉంటుంది. లోపలి ఓస్లోఫ్యోర్డ్ యొక్క ఇరుకైన ఫ్యోర్డ్ శాఖ తల వద్ద ఒక ఆశ్రయం ఉన్న ప్రదేశంలో ఉన్న డ్రామెన్, వేసవిలో స్కాండినేవియాలో అత్యంత వెచ్చగా ఉండే నగరాల్లో ఒకటి. సగటు ఉష్ణోగ్రత 22.3 °C (72.1 °F)తో 2018 జూలై అత్యంత వెచ్చని నెలగా నమోదైంది. సగటు రోజువారీ గరిష్ట ఉష్ణోగ్రత 29.3 °C (84.7 °F). 30 °C (86 °F) లేదా అంతకంటే ఎక్కువ గరిష్ట ఉష్ణోగ్రతలు నమోదైనవి 11 రోజులు. ఆల్ టైమ్ హై 35 °C (95 °F) 1982 ఆగస్టు 3 న నమోదైంది. ఇది ఆ నెలలో జాతీయ గరిష్ట స్థాయితో సమానం. సెప్టెంబరు రికార్డు గరిష్ట స్థాయి జాతీయ రికార్డు. ఆల్ టైమ్ కనిష్ట స్థాయి −28 °C (−18 °F) 1987 జనవరిలో నమోదైంది. సగటున −13.8 °C (7.2 °F) తో రికార్డు స్థాయిలో అది అత్యంత శీతల నెల. ఆ నెలలో సగటు రోజువారీ కనిష్ట ఉష్ణోగ్రత −17.1 °C (1.2 °F) . ఇటీవలి సంవత్సరాలలో, 2010 డిసెంబరు కూడా దాదాపుగా అంతే చలిగా నమోదైంది. రాత్రిపూట తొలి ఘనీభవనానికి ( 0 °C (32 °F) కంటే తక్కువ) సగటు తేదీ శరదృతువులో అక్టోబరు 13 (1981–2010 సగటు). [12] డ్రామెన్-బెర్స్కోగ్ వాతావరణ కేంద్రం 2004 నుండి పనిచేస్తోంది. డ్రామెన్-మారియన్‌లిస్ట్ (3 మీ) అనే మునుపటి వాతావరణ కేంద్రం 1966 నుండి 2003 వరకు పనిచేసింది.

శీతోష్ణస్థితి డేటా - Drammen 1991–2020 (8 m, avg high/low 2010–2019, extremes 1966–2020 includes earlier station)
నెల జన ఫిబ్ర మార్చి ఏప్రి మే జూన్ జూలై ఆగ సెప్టెం అక్టో నవం డిసెం సంవత్సరం
అత్యధిక రికార్డు °C (°F) 13.8
(56.8) 		14.6
(58.3) 		21.7
(71.1) 		24.3
(75.7) 		30.5
(86.9) 		34
(93) 		33.8
(92.8) 		35
(95) 		28.6
(83.5) 		23.2
(73.8) 		17.4
(63.3) 		14.1
(57.4) 		35
(95)
సగటు అధిక °C (°F) −1.6
(29.1) 		0.8
(33.4) 		6.8
(44.2) 		12.4
(54.3) 		17.7
(63.9) 		21.4
(70.5) 		24.1
(75.4) 		21.7
(71.1) 		17.5
(63.5) 		10.6
(51.1) 		4.2
(39.6) 		0.4
(32.7) 		11.3
(52.4)
రోజువారీ సగటు °C (°F) −3.3
(26.1) 		−2.4
(27.7) 		1.3
(34.3) 		6.1
(43.0) 		11.2
(52.2) 		15.3
(59.5) 		18
(64) 		16.4
(61.5) 		11.9
(53.4) 		5.8
(42.4) 		1.7
(35.1) 		−2.6
(27.3) 		6.6
(43.9)
సగటు అల్ప °C (°F) −7.6
(18.3) 		−6.1
(21.0) 		−2.9
(26.8) 		1.1
(34.0) 		6.4
(43.5) 		10.5
(50.9) 		13.1
(55.6) 		11.6
(52.9) 		8.4
(47.1) 		3.2
(37.8) 		−1.1
(30.0) 		−5.8
(21.6) 		2.6
(36.6)
అత్యల్ప రికార్డు °C (°F) −28
(−18) 		−26.6
(−15.9) 		−21.9
(−7.4) 		−8.1
(17.4) 		−3
(27) 		1.4
(34.5) 		5.2
(41.4) 		3.6
(38.5) 		−2.5
(27.5) 		−9.2
(15.4) 		−17.2
(1.0) 		−24
(−11) 		−28
(−18)
సగటు అవపాతం mm (inches) 59.4
(2.34) 		45.7
(1.80) 		43.2
(1.70) 		46.4
(1.83) 		64.9
(2.56) 		73.3
(2.89) 		72.4
(2.85) 		89.3
(3.52) 		78.1
(3.07) 		89.1
(3.51) 		82.7
(3.26) 		64.1
(2.52) 		808.6
(31.85)
Source 1: eklima.no (extremes) = eklima>[13]
Source 2: yr.no (mean, precipitaiton)[14]

జనాభా

[మార్చు]

2022 నాటికి, డ్రామెన్‌లో వలసవచ్చిన వారూ, వలస వచ్చిన తల్లిదండ్రులకు నార్వేలో జన్మించినవారూ కలిసి 29 శాతం ఉన్నారు, [15] [16] వీరిలో 25 శాతం మంది వలస వచ్చిన తల్లిదండ్రులకు నార్వేలో జన్మించినవారు.

2022 నాటికి, పాశ్చాత్యేతర మూలాలు కలిగిన వలసదారులు, వారి పిల్లలు 20,507 మంది. వారు డ్రామెన్ జనాభాలో 22%. [17] పాశ్చాత్య మూలానికి చెందిన వలసదారులు, వారి పిల్లలు 9,333 మంది. వారు డ్రామెన్ జనాభాలో 9%.[18] [19]

2021లో పుట్టిన దేశం వారీగా మైనారిటీలు (1వ, 2వ తరం) [20]
వంశపారంపర్యత సంఖ్య
 Poland 3,419 మంది
 Turkey 2,689 /
 Iraq 1,662
 Afghanistan 1,425
 Pakistan 1,263
 Lithuania 1,194
 Somalia 1,101
 Kosovo 1,029
 India 959
 Iran 923
 Vietnam 908
మూస:Country data Bosnia & Herzegovina 824
 Syria 710
 Eritrea 706
 Sweden 663
వ్యక్తులు
2022 [21] [22]
3005 డ్రామెన్
వలసదారులు, వలస తల్లిదండ్రులకు జన్మించిన నార్వేజియన్లు
మొత్తం 29 840
నార్వే, EU/EFTA, UK, USA, కెనడా, ఆస్ట్రేలియా, న్యూజిలాండ్ మినహా నార్డిక్ దేశాలు 9 333
EU/EFTA/UK తప్ప యూరప్, ఆఫ్రికా, ఆసియాలకు చెందిన వారు

USA కెనడా తప్ప అమెరికా, ఆస్ట్రేలియా న్యూజిలాండ్ తప్ప ఓషియానియా, ధ్రువ ప్రాంతాలు

20 507
వలసదారులు
మొత్తం 22 249
నార్వే మినహా నార్డిక్ దేశాలు, EU/EFTA, UK, USA, కెనడా, ఆస్ట్రేలియా, న్యూజిలాండ్ 8 120
EU/EFTA/UK తప్ప యూరప్, ఆఫ్రికా, ఆసియాలకు చెందిన వారు

USA కెనడా తప్ప అమెరికా, ఆస్ట్రేలియా న్యూజిలాండ్ తప్ప ఓషియానియా, ధ్రువ ప్రాంతాలు

14 129
వలస వచ్చిన తల్లిదండ్రులకు నార్వేలో జన్మించినవారు
మొత్తం 7 591
నార్వే మినహా నార్డిక్ దేశాలు, EU/EFTA, UK, USA, కెనడా, ఆస్ట్రేలియా, న్యూజిలాండ్ 1 213
EU/EFTA/UK తప్ప యూరప్, ఆఫ్రికా, ఆసియాలకు చెందిన వారు

USA కెనడా తప్ప అమెరికా, ఆస్ట్రేలియా న్యూజిలాండ్ తప్ప ఓషియానియా, ధ్రువ ప్రాంతాలు

ఆకర్షణలు

[మార్చు]
నార్డ్‌బైకోల్లెన్ నుండి చూసిన డ్రామ్‌మెన్

ఆస్ బ్రూవరీ

[మార్చు]

ఆస్ బ్రూవరీ నార్వేలో మిగిలి ఉన్న అత్యంత పురాతన బ్రూవరీ. దాని బీరు, దాని బాగా సంరక్షించబడిన భవనం - ఈ రెండింటికీ అది ప్రశంసలు అందుకుంది. 1834 లో స్థాపించబడిన ఈ బ్రూవరీ యొక్క ప్రాథమిక ఉత్పత్తులు శీతల పానీయాలు, బీరు, ఆక్వావిట్. [23]

వంతెనలు

[మార్చు]
  • ఓవ్రే సుండ్ వంతెన – డ్రామెన్ మధ్యలో డ్రామెన్‌సెల్వాను దాటుతుంది [24]
  • డ్రామెన్ నగర వంతెన ( డ్రామెన్స్‌బ్రూవా బైబ్రో ) - నగరంలోని రెండు కేంద్రాలను కలిపే కాంక్రీట్ వంతెన, దీనిని 1936లో నిర్మించారు. 2022లో కూల్చివేశారు. 2025 శరదృతువులో అదే స్థలంలో కొత్త నగర వంతెన నిర్మాణంలో ఉంది. నిర్మాణంలో ఉన్న కొత్త వంతెన స్థలానికి ఆనుకుని నదిపై తాత్కాలిక పాదచారుల వంతెన ఉంది.[25]
  • డ్రామెన్ బ్రిడ్జ్ ( డ్రామెన్స్‌బ్రూవా ) – 1971 లో నిర్మించబడిన E18 మోటర్‌వే బాక్స్ గర్డర్ వంతెన.
  • య్ప్సిలాన్ వంతెన ( య్ప్సిలాన్ బ్రూ ) – డ్రామెన్సెల్వాపై కేబుల్‌కు వేలాడే పాదచారుల వంతెన, 2007లో నిర్మించబడింది.
  • హోల్మెన్ వంతెనలు ( హోల్మెన్‌బ్రూన్ ) – డ్రామెన్ లైన్‌లోని రెండు రైల్వే వంతెనలు
  • నెడ్రే ఐకర్ వంతెన - క్రోక్స్టాడెల్వా, మ్యోడాలెన్ పట్టణాలను కలిపే వంతెన[26]
  • మ్యోన్‌డాల్స్‌బ్రువా - మ్యోన్‌డాలెన్, క్రోక్స్టాడెల్వాల మధ్య పాత వంతెన, 1910లో గుర్రపు బళ్ళ కోసం నిర్మించబడింది. [27]

డ్రామెన్ మ్యూజియం

[మార్చు]

డ్రామెన్ మ్యూజియం ఆఫ్ ఆర్ట్ అండ్ కల్చరల్ హిస్టరీలో మారియెన్‌లిస్ట్‌ ప్రదర్శనకు ఉంది. ఇది సుమారుగా 1940 నుండి వచ్చిన ఒక మేనర్ హౌస్. 1770, 1930 నుండి మ్యూజియం భవనం, మ్యూజియం పరిపాలన, శాశ్వత ప్రదర్శనలు, సేకరణలు, 1990 నుండి గ్యాలరీ, తాత్కాలిక ప్రదర్శనలు, మ్యూజియం కేఫ్‌తో కూడిన లైచ్ పెవిలియన్, హాలింగ్ యార్డ్, 5 పాత భవనాలతో, 1760ల నాటి పురాతన భవనాలు. ఈ మ్యూజియంలో డ్రామెన్‌లోని రెండు అతిపెద్ద సంరక్షించబడిన గుల్స్కోజెన్ మనోర్, ఆస్టాడ్ ఫామ్ కూడా ఉన్నాయి. [28]

డ్రామెన్ స్పైరల్

[మార్చు]

డ్రామెన్ స్పైరల్ అనేది ఒక రోడ్డు సొరంగం. ఇది పట్టణానికి 180 మీ. (591 అ.) ఎత్తున ఉన్న స్కాన్సెన్ రిడ్జ్‌కి కలుపుతుంది. ఇది 1961లో పూర్వపు క్వారీ ఉన్న ప్రదేశంలో ప్రారంభించబడింది. [29]

డ్రామెన్ థియేటర్

[మార్చు]

బ్రాగెర్నెస్‌లోని డ్రామెన్ థియేటర్‌ను 1869లో నిర్మించారు. దీనిని ఆర్కిటెక్ట్ ఎమిల్ విక్టర్ లాంగ్లెట్ రూపొందించారు. ఆ థియేటర్ దేశంలో మొట్టమొదటి ఆధునిక థియేటర్. ఇది సుష్ట ముఖభాగాలు, గుండ్రని వంపు కిటికీలతో సంక్లిష్టమైన పునరుజ్జీవనోద్యమ శైలిలో రూపొందించబడింది. 1993 డిసెంబరులో డ్రామెన్ థియేటర్ అగ్నిప్రమాదంలో పూర్తిగా నాశనమైన తర్వాత, ఒరిజినల్ నమూనా తోనే కొత్త థియేటరును పునర్నిర్మించారు. ఇది 1997 ఫిబ్రవరిలో పూర్తయింది. [30]

డ్రామెన్స్‌బాడెట్

[మార్చు]

డ్రామెన్స్‌బాడెట్ అనేది డ్రామెన్‌లోని మారియన్‌లిస్ట్‌లో ఉన్న ఒక పబ్లిక్ స్విమ్మింగ్, శిక్షణా సౌకర్యం. ఇది 2008 సెప్టెంబర్ 1 న ప్రారంభమైనప్పుడు నార్వేలో అతిపెద్ద వాటిలో ఒకటి. ఇందులో ఐదు ఇండోర్, నాలుగు అవుట్‌డోర్ కొలనులు ఉన్నాయి. [31]

బ్రాగెర్నెస్ టోర్గ్ (పట్టణ కూడలి)

[మార్చు]

బ్రాగెర్నెస్ టోర్గ్ నార్వేలో అతిపెద్ద పట్టణ కూడలి. నార్డిక్స్‌లో అతి పొడవైన వాటిలో ఒకటి. [32]



జంట పట్టణాలు - సోదరి నగరాలు

[మార్చు]

డ్రామెన్ వీటితో జంటగా ఉంటుంది: [33]

మూలాలు

[మార్చు]
  1. ↑ Unger, Carl Rikard (1896). Sproglig-historiske studier (in నార్వేజియన్). Kristiania, Norge: H. Aschehoug & Co. p. 37. Retrieved 6 January 2009.
  2. ↑ Thorsnæs, Geir; Askheim, Svein (2022-03-18), "Drammen", Store norske leksikon (in నార్వేజియన్ బొక్మాల్), retrieved 2022-06-30
  3. ↑ "Kommunevåpen". Fotw.us. 5 July 2006. Archived from the original on 3 May 2009. Retrieved 6 January 2009.
  4. ↑ "Tettsteders befolkning og areal". SSB (in నార్వేజియన్ బొక్మాల్). Retrieved 2022-06-30.
  5. ↑ Tingle 1866.
  6. ↑ "Drammen Bridge". structurae.net. Retrieved 1 October 2016.
  7. ↑ "Steder – Buskerud – Drammen". Historier.no. Archived from the original on 4 August 2012. Retrieved 5 September 2015.
  8. ↑ "Drammen's 2011 bicentennial celebrations". Archived from the original on 31 July 2011. Retrieved 9 May 2011.
  9. ↑ Richard Anderson (10 March 2015). "Heat pumps extract warmth from ice cold water". BBC. Retrieved 10 March 2015.
  10. ↑ "04859: Area and population of urban settlements (US) 2000 – 2021-PX-Web SSB".
  11. ↑ "CEU ECTP – The 7th European Urban and Regional Planning Awards 2008". Ceu-ectp.eu. Archived from the original on 13 February 2013. Retrieved 5 September 2015.
  12. ↑ "Første frostnatt". 25 September 2013.
  13. ↑ "EKlima". Archived from the original on 31 March 2016. Retrieved 18 June 2021.
  14. ↑ "Weather statistics for Berskog".
  15. ↑ "09817: Immigrants and Norwegian-born to immigrant parents by immigration category, in total and separately, country background and percentages of the population (M) 2010 – 2023. Statbank Norway". SSB (in ఇంగ్లీష్). Retrieved 2023-10-30.
  16. ↑ "Immigrants and Norwegian-born to immigrant parents". SSB (in ఇంగ్లీష్). Retrieved 2023-10-30.
  17. ↑ "09817: Immigrants and Norwegian-born to immigrant parents by immigration category, in total and separately, country background and percentages of the population (M) 2010 – 2023. Statbank Norway". SSB (in ఇంగ్లీష్). Retrieved 2023-10-30.
  18. ↑ "09817: Immigrants and Norwegian-born to immigrant parents by immigration category, in total and separately, country background and percentages of the population (M) 2010 – 2023. Statbank Norway". SSB (in ఇంగ్లీష్). Retrieved 2023-10-30.
  19. ↑ "Immigrants and Norwegian-born to immigrant parents". SSB (in ఇంగ్లీష్). Retrieved 2023-10-30.
  20. ↑ "09817: Immigrants and Norwegian-born to immigrant parents, by immigration category, country background and percentages of the population (M) 2010 – 2021-PX-Web SSB". SSB (in ఇంగ్లీష్). Retrieved 2021-09-30.
  21. ↑ "09817: Immigrants and Norwegian-born to immigrant parents by immigration category, in total and separately, country background and percentages of the population (M) 2010 – 2023. Statbank Norway". SSB (in ఇంగ్లీష్). Retrieved 2023-10-30.
  22. ↑ "Immigrants and Norwegian-born to immigrant parents". SSB (in ఇంగ్లీష్). Retrieved 2023-10-30.
  23. ↑ "Aass Brewery – About Us". english.aass.no. Archived from the original on 24 July 2011.
  24. ↑ "Øvre Sund Bru". bridgeinfo.net. Retrieved 1 October 2016.
  25. ↑ "Bybrua". Drammen municipality. Open Publishing. November 22, 2022. Retrieved January 21, 2023.
  26. ↑ "Nedre Eiker bru". Kartverket.
  27. ↑ Borgen, Per Otto (1997). Hvor Drammenselven iler (in Norwegian) (Electronic reproduction ed.). Drammen: no#:Forl. for by- og bygdehistorie. p. 112. ISBN 8291649049.{{cite book}}: CS1 maint: unrecognized language (link)
  28. ↑ "Velkommen || Drammens Museum". Drammens.museum.no. Retrieved 5 September 2015.
  29. ↑ Porter, Darin; Prince, Danforth (2005). Frommer's Norway. John Wiley & Sons. p. 166. ISBN 978-0-764-59810-4.
  30. ↑ "Drammen Teater".
  31. ↑ "Velkommen til Drammensbadet".
  32. ↑ Borgen, Per Otto (January 1, 2004). "Bragernes Torg". Drammen Byleksikon. Retrieved June 30, 2022.
  33. ↑ "Drammen Byleksikon: Ørebro". byleksikon.drmk.no (in నార్వేజియన్). Drammen Kommune. Retrieved 2021-03-26.
"https://te.wikipedia.org/w/index.php?title=డ్రామెన్&oldid=4552391" నుండి వెలికితీశారు