తిరుగుబాటు (1950 సినిమా)
| తిరుగుబాటు (1950 తెలుగు సినిమా) | |
 | |
|---|---|
| దర్శకత్వం | పి.పుల్లయ్య |
| తారాగణం | సి.హెచ్.నారాయణరావు, శాంతకుమారి, సి.కృష్ణవేణి, లలిత, పద్మిని, ముక్కామల కృష్ణమూర్తి |
| గీతరచన | సముద్రాల రాఘవాచార్య |
| నిర్మాణ సంస్థ | రాగిణీ పిక్చర్స్ |
| భాష | తెలుగు |
| ఐ.ఎమ్.డీ.బి పేజీ | |
తిరుగుబాటు 1950, మార్చి 19న విడుదలైన తెలుగు సినిమా. రాగిణి పిక్చర్స్ పతాకంపై పోలిదాసు పుల్లయ్య దర్శకత్వంలో వచ్చిన ఈ చిత్రంలో సి.హెచ్.నారాయణరావు,శాంతకుమారి, కృష్ణవేణి, ప్రధాన తారాగణంతో రూపొందిన ఈ చిత్రానికి సంగీతం బి. నరసింహరావు అందించారు.
నటీనటులు
[మార్చు]- సి.హెచ్.నారాయణరావు
- శాంతకుమారి
- సి.కృష్ణవేణి
- లలిత
- పద్మిని
- ముక్కామల కృష్ణమూర్తి
- బి.ఆర్.పంతులు
- నల్ల రామ్మూర్తి
- టి.కనకం
- గౌరీపతిశాస్త్రి
- బేబి మల్లిక
- బేబి సుమిత్ర
సాంకేతికవర్గం
[మార్చు]- కథ: పి.చెంగయ్య
- ఛాయాగ్రహణం: బి.ఎస్.రంగా
- కళ: శర్మ
- దర్శకత్వం, నిర్మాత: పి.పుల్లయ్య
- సంగీతం: భీమవరపు నరసింహారావు
- మాటలు,పాటలు: సముద్రాల రాఘవాచార్య
- నృత్యం: పసుమర్తి కృష్ణమూర్తి
సంక్షిప్త చిత్రకథ
[మార్చు]మధ్యతరగతికి చెందిన ప్రసాద్, ఆనందమయి తమ ఇద్దరు పిల్లలతో హాయిగా జీవితం సాగిస్తుంటారు. మైకా వ్యాపారం చేయాలన్న ప్రయత్నంలో పడి ఆస్తి సర్వస్వం కోల్పోయి నిరుపేదలౌతారు. కానీ భగవంతుని కృపవల్ల పరిస్థితులు మెరుగుపడి సంపన్నులవుతారు. కానీ అనూరాధ అనే వేశ్య మోజులో పడి ప్రసాద్, తన భార్యాబిడ్డలని నిరాదరిస్తాడు. వారు విధిలేక మద్రాసు వెళ్ళి అనాథాశ్రమం నడిపే రామదాసు పంతులు పంచన చేరుతారు. కోర్టులో కేసు వేసి పిల్లలను తన వద్దకు రప్పించుకుంటాడు ప్రసాద్. తల్లి మీద బెంగతో పిల్లలు చిక్కిపోతారు. ప్రసాద్ కూడా క్షయవ్యాధికి గురి అవుతాడు. ఇంటి పెత్తనం చెలాయించే అనూరాధ ఆస్తినంతా కాజేయడానికి కుట్ర పన్నుతుంది. దీనిని గ్రహించిన మైకా గని కార్మికులంతా ఆనందమయి తరఫున నిలబడి ప్రసాద్‌పై తిరుగుబాటు చేస్తారు. అనూరాధను తన్ని తరిమేస్తారు. ప్రసాద్ తన తప్పును తెలుసుకుని పశ్చాత్తాపపడి తిరిగి ఆనందమయిని స్వీకరిస్తాడు. అందరూ కలుసుకోవడంతో కథ సుఖాంతమౌతుంది.[1]
పాటలు
[మార్చు]ఈ చిత్రంలో మొత్తం 15 పాటలున్నాయి. ఈ పాటలన్నింటినీ సముద్రాల సీనియర్ రచించాడు.
1.ఈ ఆమని హాయిలో హాయి మనకే రావే చెలి-
2.ఈ తీరేనా మా బ్రతుకే ఒకటే మనసూ ఒక్క చూపుగా-
3.ఈ వసంతాల నవ వసంతాల సుమ సుగంధాల గోనుమా-
4.ఒరులెవ్వరు లేరురా ఒంటరిదాన్నేరా ఒరగంటి చూపుల-
5.ఓహో బావా ఓ బావా నాయుడుబావా అయినదానికి-
6.కీలుబొమ్మలు కారా మగవారు కలికి చేతుల -
7.చక్కెర పానకమా నా టెక్కుల మానికమా చక్కెర పానకమా -
8.చూడవే ఈ కన్నులు కావలెగా నాదలోలు హరు చూడ -
9.జ్యోతి జ్యోతి పరంజ్యోతి కారు మేఘాలు నిన్ను కమ్మితే -
10.నవనవ లాడే నవలోకం నవయుగమే మా ఆశయం-
11 . నేనోయి అందము నేనోయి ఆనందము నేనోయి-
12.బంగారు మేడల ముంగిటిలోనే ఆనందం లేదోయి -
13. మేరలు లేని ఆరు బయలలో మెరిసిందో మహలు -
14.వచ్చిందమ్మ వచ్చింది ఉరుకుల పరుగుల వచ్చింది -
15.సాగండి మును సాగండి స్త్రీ పురుషులు సమభాద్యులుగా -
మూలాలు
[మార్చు]- ↑ వి.వి.రామారావు (2009). జీవితమే సఫలము 2వ సంపుటి (1 ed.). హైదరాబాదు: క్రియేటివ్ లింక్స్ పబ్లికేషన్స్. p. 49.
. 2.ఘంటసాల గళామృతము , కొల్లూరి భాస్కరరావు బ్లాగ్.