తెలంగాణలోని ప్రభుత్వ వైద్య కళాశాలల జాబితా
తెలంగాణ రాష్ట్రం ఏర్పడిన తరువాత ఆరోగ్య తెలంగాణ నిదానంతో ప్రజలకు మెరుగైన వైద్యాన్ని అందించేందుకు తెలంగాణ ప్రభుత్వం కృషిచేస్తోంది. గ్రామీణ ప్రజల ఆరోగ్యంపై ప్రత్యేక దృష్టి సారించి ఔత్సాహిక వైద్య విద్యార్థులకు వైద్య పరిజ్ఞానాన్ని అందించేందుకు తృతీయ స్థాయి ఆరోగ్య సంరక్షణను మెరుగుపరచడానికి ప్రతి జిల్లాలో ఒక వైద్య కళాశాల ఉండాలన్న ముఖ్యమంత్రి కల్వకుంట్ల చంద్రశేఖర్ రావు ఆలోచనతో తెలంగాణ ప్రభుత్వం ప్రతి జిల్లా కేంద్రంలో ఒక ప్రభుత్వ వైద్య కళాశాలను ఏర్పాటుచేస్తోంది. ఈ వైద్య కళాశాలన్నీ కాళోజి నారాయణరావు ఆరోగ్య విజ్ఞాన విశ్వవిద్యాలయానికి అనుబంధ కళాశాలగా ఉన్నాయి.
కళాశాలల ఏర్పాటు[మార్చు]
మొదటి విడతలో మహబూబ్నగర్, నల్లగొండ, సూర్యాపేట, సిద్ధిపేట జిల్లాల్లో నాలుగు వైద్య కళాశాలలు ఏర్పాటుచేసింది. రెండో విడుతలో 2021లో కొత్తగూడెం, నాగర్కర్నూల్, మహబూబాబాద్, సంగారెడ్డి, రామగుండం, వనపర్తి, జగిత్యాల, మంచిర్యాల జిల్లాల్లో 8 వైద్య కళాశాలలను ఏర్పాటుచేసింది.[1] మూడో విడతగా మరో 8 వైద్య కళాశాలు మంజూరయ్యాయి. దాంతో రాష్ట్రంలోని వైద్య కళాశాలల సంఖ్య 25కు పెరుగనున్నది.
8 కళాశాలల ప్రారంభం[మార్చు]
రెండో విడుతలో ఏర్పాటుచేసిన సంగారెడ్డి, మహబూబాబాద్, మంచిర్యాల, వనపర్తి, భద్రాద్రి కొత్తగూడెం, జగిత్యాల, నాగర్‌ కర్నూల్, రామగుండం ప్రాంతాలలోని 8 కళాశాలలకు 2022 ఆగస్టు నెలలో నేషనల్ మెడికల్ కమిషన్ నుండి 2022-23 విద్యా సంవత్సరానికి 150 ఎంబిబిఎస్ సీట్లకు అనుమతి లభించింది.[2] 2022 నవంబరు 15న ప్రగతి భవన్ వేదికగా ఆన్‌లైన్ ద్వారా ఒకేసారి 8 వైద్య కళాశాలల ఎంబిబిఎస్ మొదటి సంవత్సరం విద్యార్థుల తరగతులను సీఎం కేసీఆర్ ప్రారంభించి వైద్యరంగంలో గుణాత్మక మార్పుకు, దేశ వైద్యరంగంలోనే నూతన అధ్యాయానికి నాందిపలికాడు. ఈ కార్యక్రమంలో రాష్ట్ర ఆరోగ్యశాఖ మంత్రి టి. హరీశ్ రావు, రోడ్లు భవనాల శాఖామంత్రి వేముల ప్రశాంత్ రెడ్డి, రవాణాశాఖ మంత్రి పువ్వాడ అజయ్ కుమార్, శాసనసభ మాజీ స్పీకర్, ఎమ్మెల్సీ సిరికొండ మధుసూదనాచారి, ప్రభుత్వ ప్రధాన కార్యదర్శి సోమేశ్ కుమార్, ఎమ్మెల్సీలు, అధికారులు పాల్గొన్నారు.[3]
సీట్ల వివరాలు[మార్చు]
ప్రభుత్వ వైద్య కళాశాలలో గతంలో 850 ఎంబిబిఎస్ సీట్లు ఉండేవి. 2022 నవంబరు నాటికి 2,790 సీట్లకి పెరిగింది. పిజీలో 531 సీట్ల నుండి 1180 సీట్ల వరకు, సూపర్ స్పెషాలిటీలో 70 సీట్ల నుండి 152 సీట్లకు పెరిగాయి.[4]
జాబితా[మార్చు]
- మహబూబ్నగర్ ప్రభుత్వ వైద్య కళాశాల
- నల్లగొండ ప్రభుత్వ వైద్య కళాశాల
- సూర్యాపేట ప్రభుత్వ వైద్య కళాశాల
- సిద్ధిపేట ప్రభుత్వ వైద్య కళాశాల
- కొత్తగూడెం ప్రభుత్వ వైద్య కళాశాల
- నాగర్కర్నూల్ ప్రభుత్వ వైద్య కళాశాల
- మహబూబాబాద్ ప్రభుత్వ వైద్య కళాశాల
- సంగారెడ్డి ప్రభుత్వ వైద్య కళాశాల
- రామగుండం ప్రభుత్వ వైద్య కళాశాల
- వనపర్తి ప్రభుత్వ వైద్య కళాశాల
- జగిత్యాల ప్రభుత్వ వైద్య కళాశాల
- మంచిర్యాల ప్రభుత్వ వైద్య కళాశాల
ఇవికూడా చూడండి[మార్చు]
మూలాలు[మార్చు]
- ↑ "కొత్త మెడికల్ కాలేజీల్లో బోధన.. ఫస్టియర్‌ ఎంబీబీఎస్‌ తరగతులు షురూ". Sakshi. 2022-11-14. Archived from the original on 2022-11-13. Retrieved 2022-11-15.
- ↑ "వైద్య విద్యలో నూతన శకం". EENADU. 2022-11-15. Archived from the original on 2022-11-15. Retrieved 2022-11-15.
- ↑ telugu, NT News (2022-11-15). "మెడికల్ కాలేజీలను ప్రారంభించిన సీఎం కేసీఆర్". www.ntnews.com. Archived from the original on 2022-11-15. Retrieved 2022-11-15.
- ↑ Telugu, TV9 (2021-09-20). "Telangana Medical Seats: రెండేళ్లలో కొత్తగా 2,400 ఎంబీబీఎస్‌ సీట్లు..తెలంగాణలో మరింత మంది వైద్యవిద్య అభ్యసించేందుకు అవకాశం!". TV9 Telugu. Archived from the original on 2022-11-15. Retrieved 2022-11-15.