తెలుగు: వై.యస్.ఆర్. కడప జిల్లా, పాత కడప గ్రామంలో దేవుని కడప శ్రీలక్ష్మి వెంకటేశ్వరాలయం అనే పేరుతో ఈ ఆలయం ఉంది. ఈ ఆలయంలోని వేంకటేశ్వరస్వామి సాలగ్రాంని కృపాచార్యులు ప్రతిష్ఠించారని ప్రతీతి.ఈ ఆలయం మూలంగా ఈ ప్రాంతానికి దేవుని కడప అని పేరు వచ్చింది. దేవుని కడప గడప క్షేత్రం తిరుమలకు తొలిగడపగా ప్రసిద్ధిగాంచింది. దక్షిణ ప్రాంత యాత్రికులు కాశీ వెళ్ళడానికి, తిరుమల వేంకటేశ్వరుని వద్దకు కాలిబాటన వెళ్ళేవారికి, ఉత్తర భారతదేశ యాత్రికులు రామేశ్వరం వెళ్ళడానికి కడప ప్రధాన మార్గం. ఈ కారణంగా మూడుచోట్లకు వెళ్ళే భక్తులు కచ్చితంగా ఇక్కడ మొదటిగా శ్రీ లక్ష్మీప్రసన్న వేంకటేశ్వరస్వామిని దర్శించుకుని తరువాతనే పై మూడు క్షేత్రాలకు వెళ్ళేవారు. అందు వల్లనే మూడు క్షేత్రాల తొలి గడపగా దేవుని కడప గడపగా శ్రీ లక్ష్మీ వెంకటేశ్వరాలయం ఆలయం ప్రసిద్ధి చెందింది.