Jump to content

దీపక్ చక్రవర్తి

లంకెలను చేర్చండి
వికీపీడియా నుండి

దీపక్ చక్రవర్తి
పశ్చిమ బెంగాల్ శాసనసభ సభ్యుడు
Assumed office
2011
అంతకు ముందు వారుబిథికా మండల్
నియోజకవర్గంబారాసత్
వ్యక్తిగత వివరాలు
జననం
దీపక్ చక్రవర్తి

(1955-11-02) 1955 నవంబరు 2 (వయసు: 70)[1]
కోల్‌కతా, పశ్చిమ బెంగాల్, భారతదేశం
రాజకీయ పార్టీఆల్ ఇండియా తృణమూల్ కాంగ్రెస్
వృత్తినటుడు, దర్శకుడు, రాజకీయ నాయకుడు

దీపక్ చక్రవర్తి (జననం 2 నవంబర్ 1955), వృత్తిపరంగా చిరంజిత్ చక్రవర్తిగా సుపరిచితులు. ఈయన పశ్చిమ బెంగాల్‌లోని కోల్‌కతాకు చెందిన బెంగాలీ సినిమా నటుడు, దర్శకుడు.[2][3] ఈయన ప్రముఖ కార్టూనిస్ట్ శైలా చక్రవర్తి కుమారుడు. నటుడిగానే కాకుండా రాజకీయ నాయకుడిగా పశ్చిమ బెంగాల్ ప్రభుత్వంలో శాసనసభ సభ్యుడు (MLA)గా కొనసాగుతున్నారు. 2012లో పశ్చిమ బెంగాల్ ప్రభుత్వం ఆయనకు ప్రతిష్టాత్మకమైన మహానాయక్ సమ్మాన్ పురస్కారాన్ని అందజేసింది.[4]

చిరంజిత్ 1981లో విడుదలైన సోనాయ్ సోహగా చిత్రంతో వెండితెరకు పరిచయమయ్యారు. ఆ సినిమా బాక్సాఫీస్ వద్ద పరాజయం పాలైనప్పటికీ, 1984లో అంజన్ చౌదరి దర్శకత్వంలో వచ్చిన శత్రు చిత్రంతో ఆయనకు మంచి గుర్తింపు లభించింది. కథానాయకుడిగా ఆయన మొదటి విజయం 1985లో వచ్చిన అంతరాలే చిత్రంతో మొదలైంది. ఆ తర్వాత ప్రతీకార్, పాపి, బేదర్ మేయే జోస్నా, అమరకంటక్, చతుష్కోన్ వంటి అనేక విజయవంతమైన చిత్రాల్లో ఆయన నటించారు.[5]

2000వ సంవత్సరంలో ఋతుపర్ణో ఘోష్ దర్శకత్వంలో వచ్చిన బారివాలీ చిత్రం ఆయన కెరీర్‌లో ఒక మలుపుగా నిలిచింది. చిరంజిత్ ప్రముఖ స్టేజ్ ఆర్టిస్ట్ కూడా. బెంగాలీ సినిమా చరిత్రలో అత్యంత విజయవంతమైన నటుల్లో ఒకరిగా ఆయనను పరిగణిస్తారు.[6]

విద్య, తొలి వృత్తి

[మార్చు]

చిరంజిత్ మిత్ర ఇన్‌స్టిట్యూషన్ నుండి హయ్యర్ సెకండరీ పూర్తి చేశారు. ఆయన జాదవ్ పూర్ విశ్వవిద్యాలయంలో ఆర్కిటెక్చర్ (Architecture) అభ్యసించారు, కానీ చివరి పరీక్షలకు హాజరు కాలేదు. ఆయన కొంతకాలం దేశ్ పత్రికలో పనిచేశారు, టీవీలో వార్తా వ్యాఖ్యాతగా (newsreader) కూడా వ్యవహరించారు. ఆయనకు వివాహం జరిగి ఒక కుమార్తె ఉంది.[7]

రాజకీయ జీవితం

[మార్చు]

చిరంజిత్ 2011 పశ్చిమ బెంగాల్ ఎన్నికల్లో బారాసత్ నియోజకవర్గం నుండి తృణమూల్ కాంగ్రెస్ అభ్యర్థిగా పోటీ చేసి విజయం సాధించారు. 2021 ఎన్నికల్లో కూడా మమతా బెనర్జీ ఆయనను బారాసత్ నుండే పోటీకి దించగా, ఆయన తన సమీప ప్రత్యర్థి బిజెపి అభ్యర్థిపై సుమారు 23,783 ఓట్ల మెజారిటీతో ఘనవిజయం సాధించారు. ప్రస్తుతం ఆయన పశ్చిమ బెంగాల్ శాసనసభ సభ్యునిగా కొనసాగుతున్నారు.

పురస్కారాలు

[మార్చు]
  • కళాకార్ అవార్డ్స్ - ఉత్తమ నటుడు (ఘర్ సంసార్) - 1993
  • కళాకార్ అవార్డ్స్ - ఉత్తమ దర్శకుడు (సంసార్ సంగ్రామ్) - 1996
  • BFJA అవార్డు - ఉత్తమ నటుడు (అబైధా) - 2002
  • భారత్ నిర్మాన్ అవార్డు - 2011
  • మహానాయక్ సమ్మాన్ - 2012

మూలాలు

[మార్చు]
  1. ↑ দত্ত, অভিনন্দন (2 నవంబరు 2023). "Chiranjeet Chakraborty Birthday: బুম্বা আমার পরেই ছিল, আমি জায়গা ছাড়তে ও এক নম্বর হল! জন্মদিনে কোনও অভিযোগ নেই চিরঞ্জিতের". Anandabazar Patrika (in Bengali). Retrieved 5 ఫిబ్రవరి 2025.
  2. ↑ "Chiranjeet Chakraborty: I live my life with the help of cinema, not by worshipping cinema - Times of India". The Times of India (in ఇంగ్లీష్). 18 మార్చి 2021. Retrieved 30 మే 2022.
  3. ↑ "Chiranjeet Chakraborty movies, filmography, biography and songs – Cinestaan.com". Cinestaan. Archived from the original on 31 మార్చి 2019. Retrieved 21 జూలై 2019.
  4. ↑ "State Govt to felicitate Bengali actors". hindubusinessline.com. 18 జూలై 2012. Retrieved 7 ఆగస్టు 2024. Some of the other winners include actor-turned Trinamool MPs and MLAs like Shatabdi Roy, Tapas Pal, Chiranjeet and Debashree Roy.
  5. ↑ "স্টারকে বাঁচাও নইলে অভিনেতারা মরবে". Anandabazar Patrika (in Bengali). 7 జనవరి 2017. Retrieved 5 ఫిబ్రవరి 2025.
  6. ↑ Das, Soujannya (16 నవంబరు 2023). "Chiranjeet Chakraborty: 'I wanted to play Feluda and Kabuliwala; I want to work with Goutam Ghose'". The Telegraph. Retrieved 5 ఫిబ్రవరి 2025.
  7. ↑ Kanji, Subhasmita (13 మార్చి 2023). "Chiranjeet Chakraborty: 'যশ তার অধরাই', মিউজিক ভিডিয়ো প্রকাশ করেই 'গায়ক দীপক'কে নিয়ে কী বললেন চিরঞ্জিত?". Hindustan Times (in Bengali). Archived from the original on 22 మార్చి 2023. Retrieved 5 ఫిబ్రవరి 2025.

బయటి లింకులు

[మార్చు]

మూస:Padma Shri Award Recipients in Art మూస:West Bengal Legislative Assembly2

"https://te.wikipedia.org/w/index.php?title=దీపక్_చక్రవర్తి&oldid=4837308" నుండి వెలికితీశారు