దేబశ్రీ చౌదరి

దేబశ్రీ చౌదరి
స్త్రీ, శిశు అభివృద్ధి శాఖ సహాయ మంత్రి, భారత ప్రభుత్వం
In office 2019 మే 30 – 2021 జులై 7
ప్రధాన మంత్రి	నరేంద్ర మోడీ
మినిస్టర్	స్మృతి ఇరానీ
అంతకు ముందు వారు	వీరేంద్ర కుమార్ ఖాతిక్
తరువాత వారు	మహేంద్ర ముంజపారా
పార్లమెంటు సభ్యురాలు, లోక్‌సభ
In office 2019 మే 23 – 2024 జూన్ 4
నియోజకవర్గం	రాయ్‌గంజ్ లోక్‌సభ నియోజకవర్గం
అంతకు ముందు వారు	మహమ్మద్ సలీం
తరువాత వారు	కార్తిక్ పాల్
వ్యక్తిగత వివరాలు
జననం	(1971-01-31) 1971 జనవరి 31 బాలుర్ఘాట్, పశ్చిమ బెంగాల్, భారతదేశం
జాతీయత	భారతీయురాలు
రాజకీయ పార్టీ	భారతీయ జనతా పార్టీ
సంతకం

దేబశ్రీ చౌదరి (జననం 1971 జనవరి 31) ఒక భారతీయ రాజకీయ నాయకురాలు. ఆమె భారత ప్రభుత్వంలో 2019 నుండి 2021 వరకు మోదీ రెండో మంత్రివర్గంలో మహిళా, శిశు అభివృద్ధి శాఖ సహాయ మంత్రిగా పనిచేసింది. ఆమె భారతీయ జనతా పార్టీ సభ్యురాలిగా 2019 భారత సార్వత్రిక ఎన్నికలలో పశ్చిమ బెంగాల్ రాయ్‌గంజ్ లోక్‌సభ నియోజకవర్గం నుండి 17వ లోక్సభకు ఎన్నికయింది.

ప్రారంభ జీవితం

దేబశ్రీ చౌదరి బాలుర్ఘట్ లో డెబిదాస్ చౌదరి, రత్న చౌదరి దంపతులకు జన్మించింది. ఆమె బుర్ద్వాన్ విశ్వవిద్యాలయం నుండి మాస్టర్ ఆఫ్ ఆర్ట్స్ పూర్తి చేసింది.

రాజకీయ జీవితం

2019 మే 31న న్యూఢిల్లీలో మహిళా, శిశు అభివృద్ధి శాఖ సహాయ మంత్రిగా బాధ్యతలు స్వీకరించిన దేబశ్రీ చౌదరి.

2016 డిసెంబరు 16న, కోల్‌కాతా టిప్పు సుల్తాన్ మసీదు షాహి ఇమామ్ మౌలూనా నూర్ ఉర్ రెహ్మాన్ బర్కతి చేసిన వ్యాఖ్యలను ఖండిస్తూ నిరసన తెలుపుతూ బైస్నాబ్‌నగర్ శాసనసభ నియోజకవర్గం ఎమ్మెల్యే స్వాధిన్ కుమార్ సర్కార్, ఇతర స్థానిక బిజెపి నాయకులతో పాటు ఆమెను అరెస్టు చేశారు. దేబశ్రీ చౌదరి గతంలో 2019 వరకు బిజెపి కోల్కతా దక్షిణ సబర్బన్ జిల్లా జిల్లా పరిశీలకురాలిగా ఉన్నది.

2019 భారత సార్వత్రిక ఎన్నికలలో, ఆమె రాయ్‌గంజ్ లోక్‌సభ నియోజకవర్గం నుండి 511652 ఓట్లతో విజయం సాధించింది. మే 2019లో ఆమె మహిళా, శిశు అభివృద్ధి శాఖ సహాయ మంత్రిగా బాధ్యతలు చేపట్టింది.