ధ్యాన్ చంద్

ధ్యాన్ చంద్

వ్యక్తిగత వివరాలు
జననం	(1905-08-29)1905 ఆగస్టు 29 అలహాబాద్, ఉత్తర ప్రదేశ్
మరణం	1979 డిసెంబరు 3(1979-12-03) (వయసు: 74) ఢిల్లీ
ఎత్తు	5 ft 7 in (170 cm)
ఆడే స్థానము	ఫార్వార్డ్
క్రీడా జీవితము
సంవత్సరాలు	Team	Apps	(Gls)
1921–1956	భారత సైన్యం
జాతీయ జట్టు
1926–1948	భారత హాకీ జట్టు	{{{nationalcaps(goals)1}}}
సాధించిన పతకాలు పురుషుల హాకీ Representing భారతదేశం ఒలంపిక్ క్రీడలు 1928 ఆంస్టర్డ్యామ్ బృందం 1932 లాస్ ఏంజిలెస్ బృందం 1936 బెర్లిన్ బృందం

ధ్యాన్ చంద్ (1905, ఆగస్టు 29 – 1979, డిసెంబరు 3) ఒక సుప్రసిద్ధ భారతీయ హాకీ ఆటగాడు. హాకీ క్రీడలో ప్రపంచ అత్యుత్తమ క్రీడాకారుల్లో ఒకడు. గోల్స్ చేయడంలో మంచి ప్రతిభ కనబరిచేవాడు. భారతదేశానికి హాకీలో స్వర్ణయుగంగా పరిగణించదగిన 1928, 1932, 1936 ఒలంపిక్ క్రీడల్లో వరుసగా బంగారు పతకాలు సాధించి పెట్టాడు. ఒకసారి తను గోల్ వేసిన తరువాత అది పడకపోతే తను గోల్ వేసిన విధానం చూసి గోల్పోస్ట్ కొలతలు సరిచూడవలసిందిగా అంపైర్ ను కోరగా అది సరియైన గుర్తింపుగా అందరి మన్ననలు పొందారు. తద్వారా ఆయనకి ఆటమీద గల అభిమానం తెలియజేస్తుంది.

ధ్యాన్ చంద్ పేరు మీద భారత ప్రభుత్వం భారత అత్యున్నత క్రీడా అవార్డు "మేజర్ ధ్యాన్ చంద్ ఖేల్ రత్న" గా ప్రకటించింది.

బాల్యం

ధ్యాన్ చంద్ 1905 ఆగస్టు 29 న అలహాబాదులో ఒక బైస్ రాజపుత్ర కుటుంబంలో జన్మించాడు. అతని తల్లిదండ్రులు శారద సింగ్, సమేశ్వర్ దత్ సింగ్ బైస్. తండ్రి బ్రిటిష్ ఇండియన్ ఆర్మీలో పనిచేసేవాడు. అక్కడ ఆయన ఆర్మీ తరఫున హాకీ ఆడేవాడు. ధ్యాన్ చంద్ కి మూల్ సింగ్, రూప్ సింగ్ అనే ఇద్దరు సోదరులు ఉండేవారు. రూప్ సింగ్ కూడా హాకీ క్రీడాకారుడే. తండ్రి ఉద్యోగరీత్యా పలు ప్రాంతాలకు బదిలీ అవుతూ ఉండటం వల్ల వీరి కుటుంబం అనేక ప్రాంతాలలో నివాసం ఉన్నారు. ధ్యాన్ చంద్ కేవలం ఆరు సంవత్సరాలు మాత్రమే బడిలో చదివాడు. చివరికి వీరి కుటుంబం ఉత్తరప్రదేశ్ లోని ఝాన్సీలో స్థిరపడింది.

ధ్యాన్ చంద్ ఆలీఘర్ ముస్లిం విశ్వవిద్యాలయంలో చదివాడు. తర్వాత 1932 లో గ్వాలియర్ లోని విక్టోరియా కళాశాల నుంచి పట్టభద్రుడయ్యాడు. తండ్రి మిలిటరీ సేవకుగాను వారికి ఒక ఇంటిస్థలం లభించింది. బాల్యంలో ఆటల వైపు అంతగా ఆసక్తి చూపేవాడు కాదుకానీ కుస్తీలో మాత్రం పాల్గొనేవాడు. ఈయన ఆర్మీలో చేరక ముందు వరకు పెద్దగా హాకీ ఆడింది లేదని చెప్పాడు. అప్పుడప్పుడు మాత్రం ఝాన్సీలో తన స్నేహితులతో కలిసి సరదాగా ఆటలు ఆడేవాడు.