నవాబ్ రాజేంద్రన్
నవాబ్ రాజేంద్రన్ | |
|---|---|
| జననం | టి. ఎ. రాజేంద్రన్ 1950 |
| మరణం | 2003 అక్టోబరు 10 (వయసు: 52–53) |
| ఇతర పేర్లు | నవాబ్ రాజేంద్రన్ |
| వృత్తి |
|
| తల్లిదండ్రులు |
|
తెక్కె అరంగత్ రాజేంద్రన్, నవాబ్ రాజేంద్రన్ (1950 – 10 అక్టోబర్ 2003) గా ప్రసిద్ధి చెందిన కేరళ రాష్ట్రానికి చెందిన సామాజిక కార్యకర్త, జర్నలిస్టు. అతను స్థానిక వార్తాపత్రిక అయిన నవాబ్ స్థాపకుడు. ప్రజా ప్రయోజనాల వ్యాజ్యం ను విరివిగా ఉపయోగించడం ద్వారా, దాదాపు మూడు దశాబ్దాల పాటు అనేక కేసులను ప్రజల దృష్టికి తీసుకురావడంలో సహాయపడిన ప్రసిద్ధ వ్యాజ్యదారు. మాజీ వాణిజ్య, పరిశ్రమల కేంద్ర మంత్రి, కేరళ ముఖ్యమంత్రి అయిన దివంగత కె. కరుణాకరన్పై దాఖలు చేసిన అనేక కేసులూ ఇందులో ఉన్నాయి. కమల్రామ్ సజీవ్ రాసిన 'నవాబ్ రాజేంద్రన్: ఒరు మనుష్యవాకాస పోరాట్టతింటే చరిత్రం' అనే జీవిత చరిత్ర రాజేంద్రన్ సామాజిక క్రియాశీలతను వివరిస్తుంది.
జీవిత చరిత్ర
[మార్చు]టి. ఎ. రాజేంద్రన్ దక్షిణ భారత రాష్ట్రమైన కేరళ లోని కన్నూర్ జిల్లా పయ్యన్నూర్లో 1950 లో కుంజిరామ పొదువల్, భార్గవిఅమ్మ దంపతులకు జన్మించాడు.[1] అతను నవాబ్ అనే పేరుతో స్థానిక దినపత్రికను స్థాపించడం ద్వారా జర్నలిస్టుగా తన వృత్తిని ప్రారంభించాడు. క్రమం తప్పకుండా అవినీతి వ్యతిరేక కథనాలను ప్రచురించడం ప్రారంభించాడు. దీని వలన అతనికి శత్రువులు పెరిగారు. వారి కారణంగా అతను అనేక దాడులకు గురయ్యాడు, అనేక సందర్భాల్లో రిమాండ్కు గురయ్యాడు. త్వరలోనే వ్యతిరేకతను తట్టుకోలేక అతను దినపత్రికను శాశ్వతంగా మూసివేయవలసి వచ్చింది. అయినప్పటికీ, ఆ దినపత్రిక అతనికి నవాబ్ రాజేంద్రన్ అనే పేరును తెచ్చిపెట్టింది.[2] తదనంతరం అతను అవినీతి, సామాజిక అన్యాయాలకు వ్యతిరేకంగా పోరాడటానికి ప్రజా ప్రయోజనాల వ్యాజ్యాలను ఆశ్రయించాడు.[3] కె. కరుణాకరన్పై పెట్టిన అపఖ్యాతి పాలైన తట్టిల్ ఎస్టేట్ హత్య కేసుతో ప్రారంభించి ప్రముఖులపై అనేక కేసులు పెట్టాడు.[4][5] అతను కె. కరుణాకరన్పై అనేక కేసులలో పాల్గొన్నాడు. రాజకీయ నాయకుడు అప్పటి కేరళ పోలీసు డిప్యూటీ ఇన్స్పెక్టర్ జనరల్ జయరామ్ పడిక్కల్ సేవలను ఉపయోగించి, కె. కరుణాకరన్పై నేరాన్ని మోపుతున్న పత్రాలను ఎలా తీసుకెళ్లాడో అతని జీవిత చరిత్ర వివరాలలో ఉంది.[1]
రాజేంద్రన్ మోకాలి పొడవున్న కుర్తాను ధరించి, కాటన్ షోల్డర్ బ్యాగ్ని పట్టుకుని ఎక్కువగా పబ్లిక్లో కనిపించేవాడు.[5] అతని జీవిత చరమాంకంలో క్యాన్సర్తో బాధపడ్డాడు.[6] 2003 అక్టోబర్ 10న అతను ఒక లాడ్జీలో అపస్మారక స్థితిలో కనిపించాడు, ఆసుపత్రికి చేరుకునే సరికి మృతి చెందినట్లు ప్రకటించారు. తన మృతదేహాన్ని వైద్య కళాశాలకు దానం చేయాలనే కోరికకు విరుద్ధంగా దహనం చేయబడింది, అధికారుల చర్య కూడా ప్రజల విమర్శలకు దారితీసింది.[1]
రాజేంద్రన్ ఒకసారి తన సామాజిక క్రియాశీలతకు ఒక అవార్డును అందుకున్నాడు. దీనికి ₹200,000 నగదు బహుమతి లభించింది, అందులో అతను ఎర్నాకులంలోని జనరల్ హాస్పిటల్కు ₹190,000 విరాళంగా ఇచ్చాడు.[7] ఈ మొత్తంతో ది మానవ సేవా ట్రస్ట్ అనే ఛారిటబుల్ ఆర్గనైజేషన్ను ఏర్పాటు చేశారు, ఆసుపత్రిలో ఆధునిక మార్చురీ కాంప్లెక్స్ను నిర్మించడానికి ఆ సంస్థ అదనపు నిధులను సేకరించింది.[8]
జనాదరణ పొందిన సంస్కృతిలో
[మార్చు]జయరామ్ నటించిన 2001 మలయాళ చిత్రం వక్కలతు నారాయణన్కుట్టి రాజేంద్రన్ జీవితం ఆధారంగా తెరకెక్కింది.[5] అతని జీవితాన్ని కమల్రామ్ సజీవ్, ఒక జీవిత చరిత్ర పత్రం, నవాబ్ రాజేంద్రన్: ఒరు మనుష్యవాకాస పోరాట్టతింటే చరిత్రంలో డాక్యుమెంట్ చేశారు. ఇది 2015 లో ప్రచురించబడింది.[9] మంధత్ క్రియేషన్స్ రూపొందించిన ఒక టెలి ఫిల్మ్ నవాబ్ రాజేంద్రన్, ఇది రాజేంద్రన్ జీవితంపై తీసిన డాక్యుమెంటరీ.[10]
మూలాలు
[మార్చు]- ↑ 1.0 1.1 1.2 "TBI Tribute: Here Lived A Real Activist - Nawab Rajendran". The Better India (in ఇంగ్లీష్). 2013-02-11. Retrieved 2020-09-25.
- ↑ Zaidi, Annie (2013-04-14). "More people should pay for news". DNA India (in ఇంగ్లీష్). Retrieved 2020-09-25.
- ↑ "Bearers Of Odd Burdens". magazine.outlookindia.com/. Archived from the original on 2020-09-28. Retrieved 2020-09-25.
- ↑ Staff Reporter (2017-12-26). "Karunakaran was ditched byeven his own men: Murali". The Hindu (in ఇంగ్లీష్). Retrieved 2020-09-25.
- ↑ 5.0 5.1 5.2 "മറക്കാനാകുമോ മലയാളിക്ക് നവാബ് രാജേന്ദ്രനെ..?". www.twentyfournews.com (in ఇంగ్లీష్). 2019-10-10. Retrieved 2020-09-25.
- ↑ "Popular litigant 'Nawab' dead". gulfnews.com (in ఇంగ్లీష్). 11 October 2003. Retrieved 2020-09-25.
- ↑ "Remembering Nawab Rajendran: The activist's life through illustrations of a Kerala cartoonist". The News Minute (in ఇంగ్లీష్). 2016-03-10. Retrieved 2020-09-25.
- ↑ "Nawab's dream comes true". The New Indian Express. Retrieved 2020-09-25.[dead link]
- ↑ "Nawab Rajendran: Oru Manushyavakasa Porattathinte Charithram (Old Edition)". www.indulekha.com. Retrieved 2020-09-25.
- ↑ Nawab Rajendran (in మలయాళం). Mandhath Creations. 18 November 2017. Archived from the original on 2021-12-21.
మరింత చదవడానికి
[మార్చు]- "K.Karunakaran Vs. Nawab Rajendran". www.legitquest.com. Retrieved 2020-09-25.[permanent dead link]
- స్വാమి, సందീപానന്ദగిരി. "వ్యవహారియాయ 'సన్యాసి'". Mathrubhumi (in ఇంగ్లీష్). Retrieved 2020-09-25.
- Sajeev, Kamalram (2004). "Nawab Rajendran /". find.uoc.ac.in (in మలయాళం). Retrieved 2020-09-25.
బయటి లింకులు
[మార్చు]- "Azhikodan murder still remains a conundrum". Deccan Chronicle (in ఇంగ్లీష్). 2018-02-22. Retrieved 2020-09-25.