నారాయణ్ కార్తికేయన్
నారాయణ్ కార్తికేయన్ | |
|---|---|
நாராயண் கார்த்திகேயன் | |
 2011 మలేసియన్ గ్రాండ్ ప్రిక్స్లో నారాయణ్ | |
| జననం | కుమార్ రామ్ నారయణ్ కార్తికేయన్ 1977 జనవరి 14 కోయంబత్తూరు, తమిళనాడు, భారతదేశం |
| జాతీయత |  భారతీయుడు |
నారాయణ్ కార్తికేయన్ (పూర్తి పేరు: కుమార్ రామ్ నారాయణ్ కార్తికేయన్; జననం: 14 జనవరి 1977) భారతదేశానికి చెందిన ప్రముఖ మోటార్ రేసింగ్ డ్రైవర్. 2005లో ఫార్ములా వన్ (F1) ప్రపంచ ఛాంపియన్షిప్లో పాల్గొన్న తొలి భారతీయ డ్రైవర్గా ఆయన చరిత్ర సృష్టించాడు. తన వృత్తి జీవితంలో బ్రిటిష్ ఫార్ములా ఫోర్డ్, ఫార్ములా ఆసియా, బ్రిటిష్ ఫార్ములా 3, వరల్డ్ సిరీస్ బై నిస్సాన్, A1 గ్రాండ్ ప్రీ, ఫార్ములా వన్ వంటి అనేక అంతర్జాతీయ మోటార్ రేసింగ్ పోటీలలో పాల్గొన్నాడు.
ప్రారంభ జీవితం
[మార్చు]నారాయణ్ కార్తికేయన్ తమిళనాడులోని కోయంబత్తూరులో1977, జనవరి 14న జన్మించాడు. ఆయన తండ్రి కాకార్ల కార్తికేయన్ నాయుడు, తల్లి శీల. ఆయనకు దీపిక అనే అక్క, రాజీవ్ అనే తమ్ముడు ఉన్నారు.[1][2] ఆయన తండ్రి కార్తికేయన్ భారతదేశంలో ప్రసిద్ధ ర్యాలీ డ్రైవర్. చిన్ననాటి నుంచే మోటార్ క్రీడల పట్ల ఆసక్తి పెంచుకున్న నారాయణ్, ఫ్రాన్స్లోని ఎల్ఫ్ విన్ఫీల్డ్ రేసింగ్ స్కూల్లో శిక్షణ పొందాడు.[3]
రేసింగ్ వృత్తి
[మార్చు]ప్రారంభ దశ
[మార్చు]1993లో ఫార్ములా మారుతి ఛాంపియన్షిప్లో పాల్గొన్న నారాయణ్[3] , అదే సమయంలో బ్రిటన్లో ఫార్ములా వాక్స్హాల్ జూనియర్ సిరీస్లో కూడా పోటీపడ్డాడు.[3] 1994లో బ్రిటిష్ ఫార్ములా ఫోర్డ్ వింటర్ సిరీస్ను గెలుచుకుని యూరప్లో ఏదైనా మోటార్ రేసింగ్ ఛాంపియన్షిప్ను గెలిచిన తొలి భారతీయ డ్రైవర్గా నిలిచాడు.
1996లో ఫార్ములా ఆసియా ఇంటర్నేషనల్ సిరీస్ను గెలుచుకుని, ఆ ఘనత సాధించిన తొలి భారతీయుడు, తొలి ఆసియా డ్రైవర్ అయ్యాడు. అనంతరం బ్రిటిష్ ఫార్ములా ఓపెల్, బ్రిటిష్ ఫార్ములా 3 ఛాంపియన్షిప్లలో విజయాలు సాధించాడు.
ఫార్ములా వన్
[మార్చు]2001లో నరేన్ జాగ్వార్ రేసింగ్ జట్టుకు పరీక్షా డ్రైవర్గా వ్యవహరించి, ఫార్ములా వన్ కారును నడిపిన తొలి భారతీయుడిగా నిలిచాడు..[4]
2005లో జోర్డాన్ గ్రాండ్ ప్రిక్స్ తరఫున ఫార్ములా వన్లో అరంగేట్రం చేశాడు. దీంతో ఫార్ములా వన్ ప్రపంచ ఛాంపియన్షిప్లో పోటీ చేసిన తొలి భారతీయ డ్రైవర్గా చరిత్ర సృష్టించాడు. 2005 అమెరికా గ్రాండ్ ప్రీ పోటీలో నాలుగో స్థానంలో నిలిచి తన కెరీర్లో అత్యుత్తమ ఫలితాన్ని నమోదు చేశాడు. ఆ సీజన్లో మొత్తం 5 పాయింట్లు సాధించాడు.
తరువాత ఆయన విలియమ్స్ F1 జట్టులో టెస్ట్ డ్రైవర్గా, రిజర్వ్ డ్రైవర్గా పనిచేశాడు.[5] 2011[6] , 2012[7] సీజన్లలో హెచ్.ఆర్.టి. తరఫున మళ్లీ ఫార్ములా వన్లో పాల్గొన్నాడు.
ఇతర పోటీలు
[మార్చు]నారాయణ్ A1 గ్రాండ్ ప్రిక్స్[8], లె మాన్స్ సిరీస్[9][10][11], ఆటోజీపీ[12], వరల్డ్ సిరీస్ బై నిస్సాన్ వంటి పలు అంతర్జాతీయ పోటీలలో విజయాలు సాధించాడు. ఆయన బ్రిటిష్ ఫార్ములా ఫోర్డ్, ఫార్ములా ఆసియా, ఆటోజీపీ మరియు ఇతర సింగిల్-సీటర్ రేసింగ్ సిరీస్లలో అనేక రేసులను గెలుచుకున్నాడు.
ఫార్ములా వన్ గణాంకాలు
[మార్చు]| అంశం | వివరాలు |
|---|---|
| ఫార్ములా వన్ సీజన్లు | 2005, 2011–2012 |
| గ్రాండ్ ప్రీ ప్రవేశాలు | 48 |
| ప్రారంభాలు | 46 |
| విజయాలు | 0 |
| పోడియంలు | 0 |
| పోల్ పొజిషన్లు | 0 |
| వేగవంతమైన ల్యాప్లు | 0 |
| మొత్తం పాయింట్లు | 5 |
| తొలి గ్రాండ్ ప్రీ | 2005 ఆస్ట్రేలియన్ గ్రాండ్ ప్రీ |
| చివరి గ్రాండ్ ప్రీ | 2012 బ్రెజిలియన్ గ్రాండ్ ప్రీ |
వారసత్వం
[మార్చు]నారాయణ్ కార్తికేయన్ భారతీయ మోటార్ క్రీడల అభివృద్ధిలో కీలక పాత్ర పోషించాడు. ఫార్ములా వన్లో ప్రవేశించిన తొలి భారతీయుడిగా ఆయన అనేక మంది యువ రేసింగ్ డ్రైవర్లకు స్ఫూర్తిగా నిలిచాడు. ఆయన తర్వాత కరుణ్ చందోక్ వంటి భారతీయ డ్రైవర్లు కూడా ఫార్ములా వన్లో అడుగుపెట్టారు.
పురస్కారాలు
[మార్చు]భారత ప్రభుత్వం నారాయణ్ కార్తికేయన్ను 2010లో నాలుగవ అత్యున్నత పౌరపురస్కారం పద్మశ్రీతో సత్కరించింది.[13]
చిత్రమాలిక
[మార్చు]
2005 యునైటెడ్ స్టేట్స్ గ్రాండ్ ప్రిక్స్
మలేసియన్ గ్రాండ్ ప్రిక్స్లో
2011 స్పానిష్ గ్రాండ్ ప్రిక్స్లో
2012 మలేషియన్ గ్రాండ్ ప్రిక్స్లో
2012 యు.ఎస్. గ్రాండ్ ప్రిక్స్లో
_locking_brakes_in_qualifying_at_USGP_2005.jpg)
మూలాలు
[మార్చు]- ↑ "Narain Karthikeyan biography, Hispania Racing". HispaniaF1Team.com. 10 April 2011. Archived from the original on 6 September 2012.
- ↑ "F1rst ride of his life". India Today (in ఇంగ్లీష్). 2012-06-19. Retrieved 2024-07-26.
- 1 2 3 Ebrahim, Akbar (2005-03-12). "Drive devil". www.tribuneindia.com. Retrieved 2023-10-23.
- ↑ "Karthekiyan to be signed by Jordan Midland". 1 February 2005. Archived from the original on 17 August 2023. Retrieved 19 May 2023.
- ↑ "Williams Confirms Narain Karthikeyan". NewsOnF1.com. 27 January 2006. Archived from the original on 26 May 2023. Retrieved 4 May 2006.
- ↑ Noble, Jonathan (6 January 2011). "Karthikeyan signs race deal with HRT". Autosport. Archived from the original on 3 March 2016. Retrieved 6 January 2011.
- ↑ "Narain Karthikeyan joins HRT F1 team for 2012 season". BBC Sport. BBC. 3 February 2012. Archived from the original on 26 May 2023. Retrieved 13 October 2017.
- ↑ "With change of heart, Narain says yes to A-1". Hindustan Times. 16 January 2007. Archived from the original on 30 September 2007. Retrieved 17 January 2007.
- ↑ "Karthikeyan invited to Kolles Le Mans test". GPUpdate.net. 4 March 2009. Retrieved 31 January 2011.
- ↑ "Albers signs with Kolles Le Mans team". GPUpdate.net. 1 April 2009. Retrieved 31 January 2011.
- ↑ "Team Kolles confirms drivers and Audi R10 livery". planetlemans.com. 31 March 2009. Archived from the original on 27 January 2012. Retrieved 1 December 2016.
- ↑ "Narain Karthikeyan ends Auto GP season with five wins". DNA India. 6 October 2013.
- ↑ "Padma Awards" (PDF). Ministry of Home Affairs, Government of India. 2015. Archived from the original (PDF) on 15 October 2015. Retrieved 21 July 2015.