నువ్వొస్తానంటే నేనొద్దంటానా

నువ్వొస్తానంటే నేనొద్దంటానా
నువ్వొస్తానంటే నేనొద్దంటానా
దర్శకత్వం	ప్రభు దేవా
రచన	పరుచూరి సోదరులు, సందీప్ మలాని,; ఎం. ఎస్. రాజు
నిర్మాత	ఎం. ఎస్. రాజు
నటవర్గం	సిద్ధార్థ్,; త్రిష కృష్ణన్,; ప్రకాష్ రాజ్,; వేద,; శ్రీహరి
ఛాయాగ్రహణం	వేణు గోపాల్
కూర్పు	కె. వి. కృష్ణా రెడ్డి
సంగీతం	దేవి శ్రీ ప్రసాద్
పంపిణీదారులు	సుమంత్ ఆర్ట్ ప్రొడక్షన్స్
విడుదల తేదీలు	2005 జనవరి 14
నిడివి	165 ని.
భాష	తెలుగు

నువ్వొస్తానంటే నేనొద్దంటానా ప్రభుదేవా దర్శకత్వంలో 2005 లో విడుదలైన సినిమా. ఎం. ఎస్. రాజు నిర్మాణ సారథ్యంలో సుమంత్ ఆర్ట్ ప్రొడక్షన్స్ పతాకంపై నిర్మించిన ఈ సినిమాలో సిద్ధార్థ్, త్రిష ముఖ్య పాత్రలు పోషించారు. ప్రేమించిన అమ్మాయి కోసం ఒక ధనవంతుల కొడుకైన కథానాయకుడు వ్యవసాయం చేసి ఆమె అన్నయ్యను మెప్పించడం ఈ చిత్ర కథాంశం.^[1] ఈ చిత్రం తొమ్మిది భాషల్లోకి పునర్నిర్మితం (రీమేక్) అయింది.^[2]

కథ[మార్చు]

శివరామకృష్ణ, అతని చెల్లెలు సిరి చిన్నప్పుడే తల్లిదండ్రులను కోల్పోతారు. శివరామకృష్ణ ఆ ఊరి స్టేషన్ మాస్టర్ సాయంతో అప్పులో ఉన్న పొలాన్ని దక్కించుకుని వ్యవసాయం చేసుకుంటూ చెల్లిని జాగ్రత్తగా చూసుకుంటూ ఉంటాడు. ఇద్దరూ పెరిగి పెద్దవారవుతారు. సిరి చిన్నప్పటి నుంచి లలిత అనే స్నేహితురాలు ఉంటుంది.