పట్టుపురక్కవు భగవతి దేవాలయం
| పట్టుపురక్కావు భగవతి ఆలయం | |
|---|---|
| പാട്ടുപുരക്കാവ് ഭഗവതി ക്ഷേത്രം | |
 పట్టుపురక్కావు భగవతి ఆలయం | |
| భౌగోళికం | |
| భౌగోళికాంశాలు | 9°13′45.7″N 76°40′43.1″E / 9.229361°N 76.678639°E |
| దేశం |  భారతదేశం |
| రాష్ట్రం | కేరళ |
| జిల్లా | పతనంతిట్ట |
| ప్రదేశం | పాండలం |
| ఎత్తు | 40.1 m (132 ft) |
| సంస్కృతి | |
| దైవం | భగవతి |
| వాస్తుశైలి | |
| నిర్మాణ శైలులు | కేరళ నిర్మాణశైలి |
తోన్నల్లూర్ పట్టుపురక్కవు భగవతి ఆలయం అనేది భారతదేశంలోని కేరళ రాష్ట్రంలో పతనంతిట్ట జిల్లా నందలి పాండలం వద్ద ఉన్న ప్రసిద్ధ హిందూ ఆలయం.[1] ఈ ఆలయం పాండలం జంక్షన్కు ఒక కిలోమీటరు ఉత్తరంగా, తిరువనంతపురం – అంగమాలి ఎం.సి. రోడ్ మార్గం పక్కన ఉంది. ఈ ఆలయం కేరళలో తొలిసారిగా నిర్వహించబడిన దేవి భగవతి సత్రానికి ఆతిథ్యం ఇచ్చింది. ఇది 2010 ఏప్రిల్ 28 నుండి మే 7 వరకు నిర్వహించబడింది.[2][3][4] ఈ ఆలయంలో ప్రధాన దేవతగా భద్రకాళి అమ్మవారిని పూజిస్తారు. ఆలయంలో ఇతర దేవతలకు కూడా ఆలయాలు ఉన్నాయి. వీటిలో గణపతి, శివుడు, ఉదయన్, బ్రహ్మరాక్షసులు, యక్షి, నాగులు, సుబ్రహ్మణ్యుడు, నవగ్రహాలు, అనమరుత తదితర దేవతలు ఉన్నాయి.
ఆలయ సముదాయంలో అనక్కొట్టిల్ (సేవ సమయంలో ఏనుగుల కోసం వేదిక), ఒక పవిత్ర పుష్కరిణి, కార్యాలయ గది, అలాగే కొన్ని మర్రి చెట్టులు కూడా ఉన్నాయి. ఈ ఆలయంలో హిందూ వివాహం నిర్వహించడానికి కూడా ఏర్పాట్లు ఉన్నాయి. ఇందులో భోజన మందిరం, దుస్తులు మార్చుకునే గదులు ఉన్నాయి. సాంస్కృతిక కార్యక్రమాలు నిర్వహించేందుకు ఒక వేదిక కూడా ఉంది.
అలాగే ఈ ఆలయానికి సమీపంలో పాండలం కేంద్ర జంక్షన్ దగ్గర ఒక నవరాత్రి మండపం అనుబంధంగా ఉంది. ఈ అనుబంధ ఆలయంలో ప్రధాన దేవతగా జ్ఞానం, సంగీతం, కళల దేవత అయిన సరస్వతి అమ్మవారు కొలువై ఉన్నారు.
ప్రాంతం
[మార్చు]ఇది సగటు సముద్ర మట్టానికి సుమారు 40.1 మీటర్ల ఎత్తులో ఉంది.
పండుగలు, ముఖ్య సందర్భాలు
[మార్చు]ఈ ఆలయంలో వార్షిక ఉత్సవం మలయాళం నెల మీనమలో వచ్చే అశ్వతి నక్షత్ర రోజున నిర్వహించబడుతుంది. ఆ రోజున ప్రత్యేక పూజలు నిర్వహిస్తారు. సంప్రదాయ ఆలయ కళారూపాలు, సాంస్కృతిక కార్యక్రమాలు కూడా జరుగుతాయి. ఉత్సవ కార్యక్రమాలతో పాటు ఈ ఆలయంలో తరచుగా దేవి భగవత సత్రం, సప్తాహం,, నవాహం వంటి ధార్మిక కార్యక్రమాలు కూడా నిర్వహించబడతాయి. వీటిలో హిందూ ఇతిహాసాలు, పురాణాల ఆధారంగా పఠనలు, ఉపన్యాసాలు ఉంటాయి. ప్రతి సంవత్సరం జూన్ నెలలో విగ్రహ ప్రతిష్ఠా దినోత్సవాన్ని కూడా ఆలయంలో జరుపుకుంటారు.
ఈ ఆలయంలో నవరాత్రి పండుగకు కూడా ఎంతో విశేష ప్రాముఖ్యత ఉంది. నవరాత్రి మండపం అనుబంధంలో ప్రత్యేక పూజలు, కర్నాటక సంగీత కచేరీలు, సాంస్కృతిక కార్యక్రమాలు నిర్వహించబడతాయి.[5] నవరాత్రి ఉత్సవ నిర్వహణ కమిటీలో హిందువులు మాత్రమే కాకుండా ఇతర మతాలకు చెందిన ప్రజలు కూడా పాల్గొంటారు. వీరిలో ముస్లింలు, క్రైస్తవులు కూడా ఉంటారు. ఇది పాండలం ప్రాంతంలోని మత, సాంస్కృతిక సామరస్యానికి ప్రతీకగా నిలుస్తుంది. నవరాత్రి మండపంలో నవరాత్రి వేడుకలు ముగిసిన తర్వాత విద్యారంభం నిర్వహించడానికి కూడా సౌకర్యం ఉంది.[6]
మూలాలు
[మార్చు]- ↑ Simply Malayalees: Pattupurakkavu Devi Temple,Thonnallur,Pandalam Archived 2011-07-16 at the Wayback Machine
- ↑ "Spiritual retreat begins at Pandalam temple". The Hindu. Chennai, India. 30 April 2010. Archived from the original on 4 May 2010.
- ↑ "First-ever Devi Bhagavatha Sathram at Pandalam". The New Indian Express. 25 April 2010. Archived from the original on 29 August 2019. Retrieved 28 August 2019.
- ↑ "Devi Bhagavatha Sathram from today". The New Indian Express. Archived from the original on 29 December 2013. Retrieved 27 December 2013.
- ↑ "Navaratri festival at Pandalam begins today". The Hindu. Chennai, India. 4 October 2005. Archived from the original on 28 December 2013. Retrieved 27 December 2013.
- ↑ "Children initiated into learning". The Hindu. Chennai, India. 29 September 2009. Retrieved 27 December 2013.