పత్తికొండ

వికీపీడియా నుండి
ఇక్కడికి గెంతు: మార్గసూచీ, వెతుకు
పత్తికొండ
—  మండలం  —
కర్నూలు జిల్లా పటములో పత్తికొండ మండలం యొక్క స్థానము
కర్నూలు జిల్లా పటములో పత్తికొండ మండలం యొక్క స్థానము
పత్తికొండ is located in ఆంధ్ర ప్రదేశ్
పత్తికొండ
ఆంధ్రప్రదేశ్ పటములో పత్తికొండ యొక్క స్థానము
అక్షాంశరేఖాంశాలు: 15°24′00″N 77°31′00″E / 15.4000°N 77.5167°E / 15.4000; 77.5167
రాష్ట్రం ఆంధ్ర ప్రదేశ్
జిల్లా కర్నూలు
మండల కేంద్రము పత్తికొండ
గ్రామాలు 11
ప్రభుత్వము
 - మండలాధ్యక్షుడు
జనాభా (2011)
 - మొత్తం 68,962
 - పురుషులు 34,579
 - స్త్రీలు 34,383
అక్షరాస్యత (2011)
 - మొత్తం 51.26%
 - పురుషులు 65.60%
 - స్త్రీలు 36.31%
పిన్ కోడ్ 518380
పత్తికొండ
—  రెవిన్యూ గ్రామం  —
పత్తికొండ is located in ఆంధ్ర ప్రదేశ్
పత్తికొండ
అక్షాంశరేఖాంశాలు: 15°24′00″N 77°31′00″E / 15.4000°N 77.5167°E / 15.4000; 77.5167
రాష్ట్రం ఆంధ్ర ప్రదేశ్
జిల్లా కర్నూలు
మండలం పత్తికొండ
ప్రభుత్వము
 - సర్పంచి
జనాభా (2001)
 - మొత్తం 24,342
 - పురుషుల సంఖ్య 12,577
 - స్త్రీల సంఖ్య 11,765
 - గృహాల సంఖ్య 4,631
పిన్ కోడ్ 518 380
ఎస్.టి.డి కోడ్

పత్తికొండ, ఆంధ్ర ప్రదేశ్ రాష్ట్రములోని కర్నూలు జిల్లాకు చెందిన ఒక మండలము. పిన్ కోడ్: 518 380. పత్తికొండ, గుత్తి - ఆదోని మార్గంలో ఆస్పరి రైల్వే స్టేషను నుండి 12 మైళ్ల దూరంలో ఉంది. జిల్లా కేంద్రమైన కర్నూలు నుండి 50 మైళ్ళ దూరంలో ఉంది. పట్టణానికి పశ్చిమాన హంద్రీ నది ప్రవహిస్తున్నది.

చరిత్ర[మార్చు]

పత్తికొండ 14వ శతాబ్దంలో హరిహర రాయల కాలంలో నిర్మించబడింది. స్థానిక కైఫియత్తు ప్రకారం ఒక గొర్రెలకాపరి అడవిని నరికి ఇక్కడ ప్రత్తి పండించడం ప్రారంభించాడు. ఈ ప్రదేశంలో పంట బాగా పండటంతో, ఇతరులు ఇక్కడ చేరి, ఒక గ్రామం ఏర్పడింది. కాలక్రమంలో ఇక్కడ నాలుగు కుగ్రామాలు ఏర్పడ్డాయి. విజయనగర యువరాజైన కోనేరురాజు వంశజుడైన వెంకట రాజా ఈ గ్రామాన్ని జాగీరుగా పొంది, గ్రామాన్ని సమీపంలోని కొండమీదికి తరలించాడు. అందుకని గ్రామానికి పత్తికొండ అన్న పేరు వచ్చింది. వెంకట రాజా కుటుంబం క్షీణించిన తర్వాత దేవనకొండ పాలేగారైన బొజ్జప్పనాయుడు (మద్దికెర పాలేగార్ల పూర్వజుడు) పట్టణాన్ని స్వాధీనం చేసుకొన్నాడు. అయితే వెంటనే అతని వద్దనుండి మహమ్మదీయులు వశం చేసుకుని, ఆదోని మండలంలో కలుపుకున్నారు. షేర్ అలీబాబా సాహెబ్ అనే మహమ్మదీయుడు గ్రామాన్ని జాగీరుగా పొంది, ఇరవై సంవత్సరాలు అనుభవించాడు. ఆయన కొండ మీద కోటలో నివసిస్తూ, మంచి మనిషిగా పేరుతెచ్చుకున్నాడు.

1756లో బసాలత్ జంగ్ ఆదోని జాగీరును పొంది, పత్తికొండను ఉత్తమాన్ కు జాగీరుగా ఇచ్చాడు. అయితే ఉత్తమాన్ త్వరలోనే జాగీరును కోల్పోయాడు. బసాలత్ జంగ్, చనుగొండ్ల తాసీల్దారుగా నియమించిన మీర్ బక్ష్ సబ్జర్ జంగ్, మార్గాన్ పత్తికొండ ద్వారా వెళుతున్నపుడు ఉత్తమన్ ఆయనకు సరైన గౌరమివ్వలేదు. అవమానంగా భావించిన సబ్జర్ జంగ్, ఆదోని తిరిగివచ్చి రెండు వేల అశ్విక, పదాతి దళాలతో, బసాలత్ జంగ్ వద్ద పనిచేస్తున్న ఫ్రెంచి అధికారి, ఎం.లాల్లీ సైనిక ఆధ్వర్యాన పత్తికొండపై దాడిచేసి ముట్టడించాడు. 1800లులో పట్టణం దత్తమండలాలలో భాగంగా బ్రిటీషువారి పరమైంది. మద్రాసు రాష్ట్ర గవర్నరు సర్ థామస్ మన్రో 1827లో జూన్ 6న కలరా వ్యాధి సోకి ఇక్కడే మరణించాడు.[1]

పత్తికొండ 1858 వరకు బళ్ళారి జిల్లాలో భాగంగా ఉంది.అప్పట్లో ఈ ప్రాంతాన్ని పంచపాల్యం తాలూకాగా వ్యవహరించేవాళ్లు. ఈ ప్రాంతాన్ని ఐదుగురు పాలేగాళ్ళు పాలించడం వల్ల ఆ పేరు వచ్చింది.[2] ఈ పాలేగాళ్ల రాజధానులు, చెన్నంపల్లి, ప్యాపిలి, కప్పట్రాళ్ల, మద్దికెర మరియు దేవనకొండలలో ఉండేవి. ఈ ఊళ్లన్నింటిలో పాలేగార్లు నిర్మించిన కోటదుర్గాలు ఉండేవి. కానీ అవి జీర్ణావస్థకు చేరాయి.[3]

ఉత్తర సర్కారులు కాక యితర జిల్లాలలో రయితువారీ పద్ధతిని ప్రవేశపెట్టిరి. దీనికి ముఖ్యకారకులు సర్ తామస్ మన్రోగారు ఆ కాలపు ఇంగ్లీషువారిలో అత డుత్తమోత్తము డనిపించుకొన్నాడు. అతడు మద్రాసు సూబాలో 24 ఏండ్లుండినాడు. తుది సంవత్సరాలలో రాయలసీమకై చాలా పాటుపడినారు. అతడు కలరా తగిలి కర్నూలు జిల్లాలోని పత్తికొండలో 1827 లో చనిపోయెను. అతన్ని రాయలసీమ ప్రజలు చాలా ప్రేమించిరి. పలువురు మన్రో అయ్య అని తమ పిల్లలకు పేరు పెట్టుకొనిరి. మన్రో సూచించిన పద్ధతియే యిప్పటి పట్టాదారు పద్ధతి.

గ్రామాలు[మార్చు]

గణాంకాలు[మార్చు]

జనాభా (2011) - మొత్తం 68,962 - పురుషులు 34,579 - స్త్రీలు 34,383

2001 వ.సంవత్సరం జనాభా లెక్కల ప్రకారం గ్రామ జనాభా 24,342.[4] ఇందులో పురుషుల సంఖ్య 12,577, మహిళల సంఖ్య 11,765, గ్రామంలో నివాస గృహాలు 4,631 ఉన్నాయి.

గ్రామములో మౌలిక వసతులు[మార్చు]

మంచినీటి వసతి[మార్చు]

మంచినీటి వసతి శూన్యము. సాగునీటికే గతి లేదు మంచినీటికి అవకాశం ఆకాశమే మరి దిక్కు.

రోడ్దు వసతి[మార్చు]

రవాణా: పత్తికొండ నుండి కేవలం పెద్ద పెద్ద నగరాలకు మాత్రమే. ఎందుకంటే పల్లెలలో ఆటోలు తిరుగుతాయి కాబట్టి మేము తిప్పము అని డిపో వారు తేల్చి చెప్పారు. కేవలం 35 కి.మీ. ప్రాంతంనకు కూడా సరైన బసు సౌకర్యాలు లేవు. విజయవాడ, హైదరాబాద్, కర్నూల్, బెంగుళూరు, మైసూర్, ఆదోని, మాత్రమే బస్సులు తిరుగుతాయి కాని దగ్గర గుంతకల్, గుత్తి, కి ఆర్డినరి బస్సులు తిప్పడానికి బస్సులు లేవు. 5/- రూ.లు పెట్టవలసిన బస్ చార్జి 10/- పెట్టి ప్రయాణం చేయవలసిన దౌర్భాగ్యం ఏర్పడింది.ఆదోని నుండి సాయంత్రం 6 తరువాత రావాలంటే మనకు బస్ సీటు కాళీ వున్నా నిలబడి 35 కి.మీ. నిలబదవలసినదే. ఇప్పటికయినా ఈ వెనుక బడిన ప్రాంతం అభివృద్ధి లోకి తీసుకొని రాగలరా ఈ నాయకులు మరి వేచి చూడాలి.

విద్యుద్దీపాలు[మార్చు]

విద్యుత్ అనేది కేవలం పట్టణాలకే. ఎందుకంటే తీగలు తెగిపోయాయి. ట్రాన్స్ఫార్మర్లు పేలిపోయాయి. ఇక విద్యుత్ ఎప్పుడు ఇస్తే మేము నీరు నింపుకుంటాం. కరెంట్ లేనపుడు మేము ఏమి చేయలేము, ఇక విద్యుత్ బిల్లులు సకాలంలో చేల్లుబాటు కావాలి. ఏ దానికి ఎంత అని కూడా సరైన సమాచారం అందులో వుండదు. ఆడిషన్ చార్జి పేరుతొ ప్రభుత్వం మిమ్మల్ని తొక్కుతున్నది మేము ఏమి చేయలేము మరి. అందుకే ఎంత వచ్చిన మనం నోరు మూసుకొని కట్టాలి.

తపాలా సౌకర్యం[మార్చు]

కాస్త మెరుగు. ప్రజలకు ఎటువంటి ఇబ్బంది లేకుండా చేస్తుంది. అయితే ప్రభుత్వం ప్రవేశ పెట్టిన గ్రామ ఇంటర్నెట్ సౌకర్యాలు మాత్రమే మూన్నాళ్ళ ముచ్చట.

=గ్రామములో రాజకీయాలు[మార్చు]

సంవత్సరం సంఖ్య నియోజకవర్గ పేరు రకం విజేత పేరు లింగం పార్టీ ఓట్లు సమీప ప్రత్యర్థి లింగం పార్టీ ఓట్లు

2014 261 Pattikonda GEN Kambalapadu Ediga Krishna Murthy M తె.దే.పా 62706 Kotla Hari Chakrapani Reddy M YSRC 55067

2009 261 Pattikonda GEN Kambalapadu Edige Prabhakar M తె.దే.పా 67640 S.V.Chandra Mohan Reddy M INC 57668

2004 180 Pattikonda GEN S.V.Subba Reddy M తె.దే.పా 45751 Pateelu Neeraja Reddy F IND 40783

1999 180 Pattikonda GEN S.V.Subba Reddy M తె.దే.పా 52199 K.Samba Siva Reddy M INC 35642

1994 180 Pattikonda GEN S.V. Subba Reddy M తె.దే.పా 56049 Patil Seshi Reddy M INC 37377

1989 180 Pattikonda GEN Pattelu Seshi Reddy M INC 37198 T. Huchappa M తె.దే.పా 31652

1985 180 Pattikonda GEN Guppa Mahabaleswara Gupta M తె.దే.పా 35441 Pateelu Ramakrishna Reddy M INC 31927

1985 By Polls Pattikonda GEN K.Subbarathnamma(W) M తె.దే.పా 38780 R.S.R.Alawaia M INC 25934

1983 180 Pattikonda GEN Thamma Reddy M. M INC 30508 Mahabaleswara Gupta K. M IND 28358

1978 180 Pattikonda GEN K.V. Narasappa M INC(I) 28179 P. Ramakrishna Reddy M IND 18045

1972 180 Pattikonda GEN K. B. Narasappa M INC 31676 Eswara Reddy M CPM 17274

1967 177 Pattikonda GEN K. E. Reddy M CPM 25100 K. B. Narasappa M INC 23574

1962 184 Pattikonda GEN K. B. Narasappa M INC 23706 Lakshminarayana Reddy M IND 18719

1957 By Polls Pattikonda GEN L. Reddy M IND 17663 B. Reddy M INC 12893

1955 158 Pattikonda GEN Hanumantha Reddi M INC 17251 Kanikireddi Eswarareddy M CPI 11909

గ్రామంలోని దర్శనీయ ప్రదేశములు/ దేవాలయాలు[మార్చు]

సాయిబాబా దేవాలయం, వెంకటేశ్వర స్వామీ దేవాలయం, కొత్త, పాత శివాలయం, అమ్మవారి శాల చూడదగిన దేవాలయములు.

గ్రామంలో ప్రధాన పంటలు[మార్చు]

పత్తికొండ తదితర ప్రాంతాల్లో ఎక్కువగా ఆముదం, వేరుశనగ, శనగ పంట ప్రధాన పంటలు. అయితే మారుతున్న కాలానికి అనుగుణంగా రైతులు పత్తి, కొర్ర, జొన్న, తదితర పంటలను మాత్రమే వేస్తున్నారు. అయితే ఇక్కడి గ్రామాలకు సరి అయిన నీటి వసతి లేదు. కేవలం వర్షాధార పంటలు పండుతున్నాయి. 2011-2015 మధ్య కాలములో రైతుల పరిస్థితి చాలా అద్వాన్నంగా ఉంది. పంట పండించాలసిన రైతు ఈ రోజు కూలిగా మారుతున్నాడు. ప్రభుత్వం అమలు చేస్తున్న పధకాలు కేవలం వారి లేదా గ్రామ పెద్దలకు మాత్రమే (డబ్బు) సరిపోతుంది. ఇక రైతును పట్టించుకొనే నాధుడు ఒక్క నాయకుడు కూడా లేదు.నీటి కాలవలు వున్న అవి కేవలం దిష్టి బొమ్మలు మాత్రమే.

మూలాలు[మార్చు]

వెలుపలి లింకులు[మార్చు]



"https://te.wikipedia.org/w/index.php?title=పత్తికొండ&oldid=2053078" నుండి వెలికితీశారు