పల్లిపట్టు నాగరాజు

పల్లిపట్టు నాగరాజు
1987, మే 22 వెంకటాపురం, సత్యవేడు మండలం, చిత్తూరు జిల్లా, ఆంధ్రప్రదేశ్
చదువు	ఎంఏ (తెలుగు)
విద్యాలయాలు	శ్రీ వేంకటేశ్వర విశ్వవిద్యాలయం
వృత్తి	ఉపాధ్యాయుడు
Spouse	రోహిణి
పిల్లలు	చర్విక్ నందన్,ఆర్విక్ నందన్
Parents	పల్లిపట్టు రాఘవయ్య (father) భూలక్ష్మి (mother)
గమనికలు
కేంద్ర సాహిత్య అకాడమీ యువ పురస్కారం 2022 గ్రహీత

పల్లిపట్టు నాగరాజు, తెలుగు కవి, రచయిత, ఉపాధ్యాయుడు. నాగరాజు రాసిన యాలై పూడ్సింది వచన కవితా సంపుటికి కేంద్ర సాహిత్య అకాడ‌మీ 2022 యువ పుర‌స్కారాన్ని ప్రకటించింది.

జీవిత విశేషాలు

నాగరాజు 1987, మే 22న రాఘవయ్య - భూలక్ష్మి దంపతులకు ఆంధ్రప్రదేశ్ రాష్ట్రం, చిత్తూరు జిల్లా, సత్యవేడు మండలంలోని వెంకటాపురం గ్రామంలో జన్మించాడు. తిరుపతిలోని శ్రీ వేంకటేశ్వర విశ్వవిద్యాలయం నుండి ఎంఏ (తెలుగు) చదివాడు.

ఉద్యోగం

2016లో ప్రభుత్వ ఉపాధ్యాయుడిగా ఎంపికయ్యాడు. శాంతిపురం మండలం, పెద్దూరులోని ప్రభుత్వ హైస్కూలులో 2023 మే వరకు తెలుగు ఉపాధ్యాయుడిగా పని చేశాడు. ప్రస్తుతం జిల్లా పరిషత్ ఉన్నత పాఠశాల, వరదయ్యపాళెం లో పనిచేస్తున్నారు.

సాహిత్య ప్రస్థానం

దేశ కాలమాన పరిస్థితుల నేపథ్యంతో 52 కవితలతో 2020 డిసెంబరులో యాలై పూడ్సింది అనే పేరుతో తొలి వచన కవితా సంపుటిని వెలువరించాడు. రెక్కలు(మినీ కవితలు), మమ్మీ అమ్మ కావాలి, మనసుపొరల్లో వంటి కథలు, పలు కవితలను రాశాడు. ఇతని కవితలు కన్నడ, హిందీ, ఒడియా, ఆంగ్ల భాషల్లోకి కూడా అనువాదమయ్యాయి. యాలైపూడ్సింది కవితా సంపుటి సెంట్రల్ యూనివర్సిటీ అనంతపురం, ఎం.ఏ.తెలుగు, రెండో సెమిస్టర్ లో పాఠ్యాంశంగా ఎంపికైంది. 2025 విద్యా సంవత్సరం నుంచి ఎం. ఏ. విద్యార్థులు చదువుకుంటున్నారు."నీలికళ్ళ నేల" రెండవ కవితా సంపుటి జనవరి 2025 న వెలువడింది. యిడమర్సి(వ్యాసాలు)వ్యాస సంపుటి డిసెంబర్ 2025లో మట్టి ముద్రణలు ద్వారా వెలువడింది. పల్లిపట్టు నాగరాజు తాను చదువుకున్న శ్రీ గోవిందరాజ స్వామి ఆర్ట్స్ కళాశాల (తితిదే) తెలుగు విభాగం నందు 'బోర్డ్ ఆఫ్ స్టడిస్ ' లోనూ సభ్యులుగా నియమించబడ్డారు.

అవార్డులు

• కేంద్ర సాహిత్య అకాడ‌మీ యువ పుర‌స్కారం (యాలైపూడ్సింది)
• ఉమ్మడిశెట్టి సాహితీ అవార్డు
• శ్రీమతి విమలాశాంతి స్మారక సాహిత్య యువపురస్కార2021
• శ్రీమతి పాతూరిమాణిక్యమ్మ సాహిత్యపురస్కారం2021
• స్వర్ణ వచన కవితా పురస్కారం2021
• శ్రీకొత్తపల్లి నరేంద్రబాబు స్మారక సాహిత్య పురస్కారం2021
• సర్రాజు వేణుగోపాల్రావు స్మారక పురస్కారం,
• మల్లిశెట్టి సీతారాం స్మారక సాహిత్య పురస్కారం(2021)
• రొట్టమాకు రేవు కవిత్వ అవార్డు 2022 వంటివి పొందారు.
• డా. బి.ఆర్.అంబేద్కర్ నేషనల్ అవార్డ్ 2023

కవిగా...

• కలహంస పురస్కారం
• డాక్టర్ రాధేయ కవితా పురస్కారం
• వింజమూరి-కవిసంధ్య కవితల పోటీ పురస్కారం
• తెలుగు సాహిత్య సంస్కృతి సమితి పురస్కారం
• తెలుగు రక్షణవేదిక భాషా సేవక పురస్కారం
• కేంద్రసాహిత్య అకాడమీ వారి ఆహ్వానం మేరకు భోపాల్ లో జరిగిన ఉన్మేశ్ ఇంటర్నేషనల్ లిటరరీ ఫెస్టివల్ లో కవితా పఠనం-ఆగస్టు 2023.
• తిరుపతిజిల్లా రచయితల సంఘం వారి పురస్కారం-2024