పాప్పమ్మాళ్
పాప్పమ్మాళ్ | |
|---|---|
.jpg) 2021లో పాప్పమ్మాళ్ | |
| జననం | 1914 దేవలపురం, కోయంబత్తూరు, మద్రాస్ ప్రెసిడెన్సీ, బ్రిటిష్ ఇండియా |
| మరణం | (aged 109) తేక్కంపట్టి, కోయంబత్తూరు జిల్లా, తమిళనాడు, భారతదేశం |
| జాతీయత | భారతీయురాలు |
| ఇతర పేర్లు | రంగమ్మాళ్ |
| వృత్తి | రైతు |
| పేరుపడ్డది | సేంద్రీయ వ్యవసాయం |
| పురస్కారాలు | పద్మశ్రీ పురస్కారం |
పాప్పమ్మాళ్ (1914 - 2024 సెప్టెంబరు 27), తమిళనాడు రాష్ట్రానికి చెందిన భారతీయ సేంద్రీయ రైతు. 105 సంవత్సరాల వయస్సులోనూ, ఆమె పొలంలో చురుకుగా పనిచేస్తూ అతి పెద్ద రైతుగా ప్రసిద్ధిచెందింది.[1] ఆమె వ్యవసాయ మార్గదర్శకురాలిగా పరిగణించబడి, తమిళనాడు వ్యవసాయ విశ్వవిద్యాలయం విద్యా విభాగంలో పనిచేసింది. ఆమె తన 2 ఎకరాల భూమిలో ప్రతిరోజూ పనిచేసింది. సేంద్రీయ వ్యవసాయానికి ఆమె చేసిన కృషికి గాను, భారత ప్రభుత్వం 2021లో దేశంలోని నాల్గవ అత్యున్నత పౌర పురస్కారం పద్మశ్రీతో ఆమెను సత్కరించింది.
వ్యక్తిగత జీవితం
[మార్చు]ఎం. పాప్పమ్మాళ్ అలియాస్ రంగమ్మల్ 1914లో దేవలాపురం గ్రామంలో వేలమ్మల్, మరుతచల ముదలియార్ దంపతులకు జన్మించింది.[2] ఆమె చిన్న వయస్సులోనే తన తల్లిదండ్రులను కోల్పోయింది. ఆమె, ఆమె ఇద్దరు సోదరీమణులను కోయంబత్తూరులోని తెక్కంపట్టిలో వారి అమ్మమ్మ పెంచింది. ఆమె తన అమ్మమ్మ దుకాణాన్ని వారసత్వంగా పొందింది.[3] ఆమె సంపాదించిన లాభాల నుండి, గ్రామంలో దాదాపు 10 ఎకరాల భూమిని కొనుగోలు చేసింది. ఆమె తన సోదరి పిల్లలను కూడా పెంచింది.[4]
ఆమె ఉదయం 5:30 గంటలకు తన రోజును ప్రారంభించి, ఉదయం 6 గంటలకు తన పొలానికి వెళ్లి, అక్కడ మధ్యాహ్నం వరకు పనిచేసేది. ఆమె ఆహారపు అలవాట్లు, చురుకైన జీవనశైలి ఆమెను ఆరోగ్యంగా ఉంచాయని ఆమె కుటుంబ సభ్యులు పేర్కొన్నారు. ఆమె టీ, కాఫీలకు అలవాటు పడలేదు, వేడి నీటిని తీసుకునేది.[5] ఆమె 105 సంవత్సరాల వయస్సులో ఉన్నప్పుడు, ఆమె అత్యంత వృద్ధ చురుకైన రైతుగా చెప్పబడింది. ఆ సమయంలోనూ ఆమె ప్రతిరోజూ వ్యవసాయ పనులు చేసేది.
ఆమె తమిళనాడు వ్యవసాయ విశ్వవిద్యాలయం విద్యా శాఖతో కలిసి పనిచేసింది. విశ్వవిద్యాలయం వ్యవసాయ సాంకేతికతలు, పద్ధతుల గురించి రైతులకు తెలియజేయడానికి చర్చా వేదికలను నిర్వహించింది.[6][7]
సేంద్రీయ వ్యవసాయానికి ఆమె చేసిన కృషికి 2021లో, పాప్పమ్మాళ్ కు భారతదేశపు నాల్గవ అత్యున్నత పౌర పురస్కారం పద్మశ్రీ లభించింది.[8][9]
రాజకీయ జీవితం
[మార్చు]పాప్పమ్మాళ్ తన చిన్న వయస్సులో రాజకీయంగా చురుకుగా ఉండేది. 1959లో ఆమె తెక్కంపట్టి పంచాయతీ వార్డు సభ్యురాలిగా ఎన్నికయింది. ఆమె కరమాడై పంచాయతీ యూనియన్ కౌన్సిలర్ గా కూడా ఎన్నికయింది.[10] ఆమె ద్రవిడ మున్నేట్ర కజగం సభ్యురాలు, ఎం. కరుణానిధి అభిమాని.[4] ఆమె రైతుల సంబంధిత కార్యక్రమాలు, నిరసనల్లో చురుకుగా పాల్గొన్నది.[11]
మరణం
[మార్చు]పాప్పమ్మాళ్ 2024 సెప్టెంబరు 27న 109 సంవత్సరాల వయసులో మరణించింది.
మూలాలు
[మార్చు]- ↑ "Rs 2 doc, 105-year-old woman farmer among TN Padma winners". dtNext.in (in ఇంగ్లీష్). 2021-01-26. Archived from the original on 6 February 2021. Retrieved 2021-01-27.
- ↑ "Organic farmer Pappammal dies at the age of 109". The Hindu. 27 September 2024. Retrieved 27 September 2024.
- ↑ "105-year-old organic farmer from Coimbatore is celebrating her Padma Shri award". Hindustan Times (in ఇంగ్లీష్). 2021-01-26. Retrieved 2021-01-27.
- ↑ 4.0 4.1 Arivanantham, R. (2018-09-12). "At 103, hard work is what keeps her going". The Hindu (in Indian English). ISSN 0971-751X. Retrieved 2021-01-27.
- ↑ "105-year-old organic farmer from Coimbatore is celebrating her Padma Shri award". Hindustan Times (in ఇంగ్లీష్). 2021-01-26. Retrieved 2021-01-27.
- ↑ Derhgawen, Shubhangi (2021-01-27). "Twitter Celebrates 105-Year-Old Farmer Honoured With Padma Shri". TheQuint (in ఇంగ్లీష్). Retrieved 2021-01-27.
- ↑ "105-year-old organic farmer from Coimbatore is celebrating her Padma Shri award". Hindustan Times (in ఇంగ్లీష్). 2021-01-26. Retrieved 2021-01-27.
- ↑ "Organic farming pioneer: 105-year-old woman farmer from Coimbatore awarded Padma Shri". India Today (in ఇంగ్లీష్). 26 January 2021.
- ↑ Staff Reporter (2021-01-26). "Ten from T.N. chosen for Padma Shri". The Hindu (in Indian English). ISSN 0971-751X. Retrieved 2021-01-27.
- ↑ "105-year-old organic farmer from Coimbatore is celebrating her Padma Shri award". Hindustan Times (in ఇంగ్లీష్). 2021-01-26. Retrieved 2021-01-27.
- ↑ "Padma Awards 2021: The heroes of Indian agriculture". Mintlounge (in ఇంగ్లీష్). 2021-01-27. Retrieved 2021-01-27.