పామ్‌కెర్నల్ నూనె

వికీపీడియా నుండి
(పామ్‌కెర్నల్‌ నూనె నుండి దారిమార్పు చెందింది)
Jump to navigation Jump to search

పామ్‌ కెర్నల్‌నూనె/కొవ్వు (Palm kernel oil/fat) : పామ్‌పళ్లలోని గుజ్జు (mesocarp) నుండి పామాయిల్ ఉత్పత్తికాగా, పామ్‌ గింజనుండి పామ్‌కెర్నల్‌ నూనె/కొవ్వు ఉత్పత్తి అగును. పామ్‌కెర్నల్‌ కొవ్వు ఖాద్యతైలం. పామ్ పళ్లనుండి పామాయిల్, పామ్‌కెర్నల్‌ కొవ్వు ఉత్పత్తి అయ్యి నప్పటికి, రెండింటిలోని కొవ్వుఆమ్లాలు, వాటి భౌతిక ధర్మాలు వేరువేరుగా వుండును. రెండింటిలోను సంతృప్త కొవ్వుఆమ్లాలు అధికశాతంలో వున్నప్పటికి, పామాయిల్‌లో పామాటిక్‌ ఆసిడ్ (40-45%), పామ్‌ కెర్నల్‌ కొవ్వులో లారిక్‌ ఆసిడ్ (50-5%) వరకు వుండును. పామ్‌కెర్నల్ కొవ్వు అయోడిన్ విలువ 17-20 మధ్య వుండటం వలన తక్కువ ఉష్ణోగ్రత వద్ద గడ్డకట్టును.[1]

పామ్ విత్తనం(seed/nut)[మార్చు]

నూనె తీసిన పామ్‌కెర్నల్ కేకు

పామ్ పళ్లలో గింజ 25-30% వరకు వుండును. విత్తనం పైన బ్రౌన్‌రంగులో గట్టి పెంకు (shell) వుండును.లోపలమెత్తటి గింజ (kernel) వుండును.మొత్తం నట్‌లో కొవ్వుశాతం 25-30% వరకు, కేవలం గింజ/పిక్కలో 40% వరకు కెర్నల్‌కొవ్వు వుండును. నట్‌ గోళాకారంగా వుండి, పై భాగం కొద్దిగా సాగినట్లు వుండును. సన్నని నూగు వంటిది నట్‌సెల్‌ పైవుండును. నట్‌లో పెంకు శాతం30-40% వరకు వుండును. కెర్నల్‌ నుండి కొవ్వును పైనున్నపెంకును తొలగించి (decorticated) కాని లేదా యధాతతంగా కొవ్వును తీయుదురు. పామాయిల్ మిల్‌నుండి సేకరించిన నట్లను (nuts) మొద్దట శుభ్రంచేసి, ఆరబెట్టి తేమ శాతాన్ని తగ్గించెదరు. తేమశాతం 6-7% వున్నచో మంచిది. మొత్తం సీడును క్రష్‌చేసినచో 14-16% కొవ్వు దిగుబడి వచ్చును, కేకులో 10-12% వరకు నూనె/కొవ్వు వుండిపోవును. విత్తనాలను మొదట రోస్టరులో రోస్ట్ చేసి, డికార్డ్‌కేటరు యంత్రం ద్వారా విత్తనం పైనున్న పెంకును తొలగించెదరు. పెంకు తొలగించిన విత్తనాలను హెమరు మిల్లుసహాయంతో చిన్నముక్కలుగా చేసెదరు. ఈ విత్తన ముక్కలను స్టీముద్వారా వేడిచేసి ఎక్సుపెల్లరు యంత్రంలో ఆడింది నూనెను తీయుదురు. పెంకును తొలగించివిత్తనాన్ని క్రష్‌చేసినచో 35% వరకు ఆయిల్‌ రికవరి వుండును. కెర్నల్‌నుండి సాధారణంగా మొదట ఎక్స్‌పెల్లరుల ద్వారా క్రష్‌చేసి కొవ్వును తీయుదురు. కేకులో మిగిలివున్న నూనె/కొవ్వును సాల్వెంట్‌ ప్లాంట్‌ ద్వారా తీయుదురు. కొందరు కెర్నల్‌ను ఫ్లేక్స్‌గా చేసి మొత్తం కొవ్వును సాల్వెంట్‌ప్లాంట్‌ ద్వారా తీయుదురు. ఆఫ్రికాలోని గ్రామీణ ప్రాంతాలలో గానుగ నుపయోగించెదరు.[2] పామ్‌కెర్నల్‌కేకులో ప్రోటిన్‌16-18% వరకు, డి్‌ఆయిల్డ్‌కేకులో 19-20% వరకు ప్రోటిన్ వుండును. పశువులదాణాగా, కోళ్ళదాణాగా వుపయోగిస్తారు.

పామ్‌కెర్నల్‌కొవ్వు[మార్చు]

పామ్ గింజ కొవ్వు పోలిపోయిన పసుపు రంగులో లేదా వర్ణరహితంగా వుండును.కొబ్బరినూనె వలె ఇది లారిక్‌ కొవ్వుఆమ్లాన్ని ఎక్కువ ప్రమాణంలో కలిగివున్నందున కొబ్బరినూనె వంటి వాసన వచ్చును. కొబ్బరినూనెకు, పామ్‌గింజనూనెకు పోలికలు చాలా దగ్గరిగా న్నాయి.

పామ్‌కెర్నల్‌కొవ్వు భౌతిక, రసాయనిక లక్షణాలు[3]

లక్షణము/గుణం మితి
సాంద్రత 0.899-0.914
వక్రీభవనసూచిక (250C) 1.448-1.452
ఐయోడిన్‌విలువ 16.0-20.0
సపొనిఫికెసను విలువ 230-254
అన్‌సపొనిఫియబుల్ పదార్థం (గరిష్ఠం) 1.2%
పెరాక్సైడ్ విలువ (mg/KOH/g) 2.90-2.96
జారు ద్రవీభవన ఉష్ణోగ్రత 26-300C

కొవ్వుఆమ్లాల శాతం[3]

కొవ్వుఆమ్లంపేరు కార్బనుల సంఖ్య:బంధాలు శాతం
సంతృప్త కొవ్వుఆమ్లాలు
కాప్రిలిక్‌ ఆమ్లం C8:0 3.0-4.0
కాప్రిక్ ఆమ్లం C10:0 3.0-4.0
లారిక్ ఆమ్లం C12:0 48-50
మిరిస్టిక్ ఆమ్లం C14:0 14-16
పామిటిక్ ఆమ్లం C16:0 8.0-10.0
స్టియరిక్ ఆమ్లం C18:0 2.5-3.0
అసంతృప్త కొవ్వుఆమ్లాలు
ఒలిక్ ఆమ్లం C18:1 14-16
లినొలిక్ ఆమ్లం C18:2 2.0-2.5

కొబ్బరినూనె-పామ్‌కెర్నల్‌ఫ్యాట్‌ పోలికలు

కొబ్బరి నూనె పామ్‌కెర్నల్‌ఫ్యాట్
సాంద్రత 0.915-0.920 0.899-0.901
ఐయోడిన్‌విలువ 6-11 14-19
సపోనిఫికెసన్‌విలువ 250 245-247
ద్రవీభవన ఉష్ణోగ్రత 250C 250C
స్మోక్‌పాయింట్ 2300C 230) C
అన్‌సపోనిఫియబుల్ <1.0 1.2
కొవ్వుఆమ్లాల శాతం
కాప్రొయిక్‌ఆసిడ్ <1.0
కాప్రిలిక్‌ఆసిడ్ 7-8 3.0-4.0
కాప్రిక్‌ఆసిడ్ 6-7 3.0-4.0
లారిక్‌ఆసిడ్ 45-50 48-50
మిరిస్టిక్‌ఆసిడ్ 18-20 14-16
పామిటిక్‌ఆసిడ్ 8-9 8-10
స్టియరిక్‌ఆసిడ్ 2.0-3.0 2.5-3.0
ఒలిక్‌ఆసిడ్ 6-7 14-16
లినొలిక్‌ఆసిడ్ 1.5-2.0 2.0-2.5

వినియోగం[మార్చు]

  • కొబ్బరి నూనెను పోలి వుండటం వలన పామ్‌కెర్నల్‌ కొవ్వును కొబ్బరినూనెకు ప్రత్యామ్నయంగా వుపయోగించెదరు.
  • వనస్పతి తయారిలో వుపయోగిస్తారు.
  • 'మార్గరిను (margarine) 'ల తయారిలో వుపయోగుస్తారు.
  • క్రిమ్‌బిస్కత్తుల, సబ్బులతయారిలో వాడెదరు.
  • ఐస్‌క్రీమ్‌, చాకొలెట్‌లతయారిలో, తీపిమిఠాయిలతయారిలో వినియోగిస్తారు.

మార్గరిన్ (margarine) :మార్గరిను అనేది వెన్న (Butter) కు ప్రత్యామ్నాయంగా తయారుచేసింది. దీనినే టేబుల్‌బట్టరు అనికూడా అంటారు. మార్గరినులో 80% వరకు వనస్పతి (hydrogenated fat),12-15%నీరు (తేమగా, మిగిలినది రిపైండ్‌నూనె.రిపైండ్‌నూనె ఒకటి, లేదా అంతకు ఎక్కువ రకాలు చేర్చివుండవచ్చును. మార్గరిన్‌ను బేకరిఉత్పత్తులలో, కేకులో తయారిలో వుపయోగిస్తారు.

మార్గరినుకుండవలసిన భౌతిక, రసాయనిక లక్షణాల పట్టిక

లక్షణం మితి
ద్రవీభవన ఉష్ణోగ్రత 37-410C
వక్రిభవన విలువ (బుట్రొమీటరురిడింగ్) 40.0కు తగ్గకుండ
అన్‌సపొనిఫియబుల్‌పదార్థం 1.5%మించకుండ
ఫ్రీఫ్యాటీఆమ్లం% (ఒలిక్‌అసిడ్‌గా) 1.5% మించరాదు
బౌడిన్‌టెస్ట్ 2.5 రెడ్‌యూనిట్లకు తగ్గరాదు
సింథటిక్‌విటమిన్'A' 30.0 I.U.తగ్గరాదు

ఇవికూడా చూడండి[మార్చు]

ఉల్లేఖనం/మూలాలు[మార్చు]

  1. "OIL PALM". fao.org. Retrieved 2015-03-08.
  2. "Palm kernel cake extraction and utilisation in pig and poultry diets in Ghana". lrrd.org. Retrieved 2015-03-08.
  3. 3.0 3.1 "Organic Palm Kernel Oil, Refined" (PDF). cibaria-intl.com. Retrieved 2015-03-08.[permanent dead link]