Jump to content

పెపిటా సేథ్

వికీపీడియా నుండి
పెపిటా సేథ్
పెపిటా క్రిస్టియన్ రామ్సే-ఫెయిర్‌ఫాక్స్

(1942-08-03) 1942 ఆగస్టు 3 (వయసు: 84)
సఫోల్క్, ఇంగ్లాండ్
పౌరసత్వం
  • యునైటెడ్ కింగ్‌డమ్ (2026 వరకు)
  • భారతదేశం (2026 నుండి)
వృత్తి
  • రచయిత్రి
  • ఫోటోగ్రాఫర్
  • ఫిల్మ్ ఎడిటర్
Spouses
  • థామ్ నోబెల్ (వి. 1976 - విడాకులు)
  • రోషన్ సేథ్ (వి. 1986, విడాకులు 2004)
పురస్కారాలుపద్మశ్రీ (2012)

పెపిటా సేథ్ (పెళ్ళికి ముందు రామ్సే-ఫెయిర్‌ఫాక్స్; జననం 3 ఆగస్టు 1942) బ్రిటిష్ సంతతికి చెందిన భారతీయ రచయిత్రి, ఫోటోగ్రాఫర్. ఆమె తీసిన ఫోటోలలో కేరళ ఆలయ కళలు, ఆచారాలు, బందీగా ఉన్న ఏనుగు గురువాయూర్ కేశవన్ ప్రధానంగా కనిపిస్తారు. కళ, సాంస్కృతిక రంగానికి ఆమె చేసిన సేవలకు గాను భారత ప్రభుత్వం 2012లో ఆమెను భారతదేశ నాల్గవ అత్యున్నత పౌర పురస్కారం పద్మశ్రీతో సత్కరించింది.[1][2]

జీవిత చరిత్ర

[మార్చు]

పెపిటా సేథ్ 1942 ఆగస్టు 3న తూర్పు ఇంగ్లాండ్‌లోని సఫోల్క్ (Suffolk) లో బ్రిటిష్ నావికాదళ అధికారి విక్టర్ రామ్సే-ఫెయిర్‌ఫాక్స్, క్రిస్టియన్ గెరాల్డిన్ మేరీ ఇర్బీ దంపతులకు పెపిటా క్రిస్టియన్ రామ్సే-ఫెయిర్‌ఫాక్స్‌గా జన్మించింది.[3][4] పెపిటా మాతామహుడు లియోనార్డ్ హోవార్డ్ లాయిడ్ ఇర్బీ బ్రిటిష్ ఇండియాలో ఆర్మీలో సైనికుడిగా పనిచేశాడు.[5][6]

ఆమె సినిమాల్లో కెరీర్‌ను ఎంచుకుని ఫిల్మ్ ఎడిటింగ్ చదివింది, టెడ్ కొట్చెఫ్, స్టాన్లీ డోనెన్ లాంటి దర్శకుల దగ్గర పనిచేసే అవకాశాలు దక్కించుకుంది. ఆమె 1976లో బ్రిటిష్ ఫిల్మ్ ఎడిటర్ థామ్ నోబెల్‌ను వివాహం చేసుకుంది, ఆ తర్వాత విడాకులు తీసుకుంది. ఆమె నోబెల్‌తో కలిసి అనేక చిత్రాలకు అసిస్టెంట్ ఎడిటర్‌గా పనిచేసింది.[7]

పెపిటా సేథ్ 1986లో భారతదేశంలో జన్మించిన బ్రిటిష్ నటుడు రోషన్ సేథ్‌ను వివాహం చేసుకుంది,[8] కానీ 80ల చివరలో తన భర్త నుండి విడిపోయింది. 2004లో ఈ దంపతులు చట్టబద్ధంగా విడాకులు తీసుకున్నారు.[9]

పెపిటా సేథ్ కేరళలోని గురువాయూర్ లో నివసిస్తోంది.[10] ఆమె 2024లో భారత పౌరసత్వం కోసం దరఖాస్తు చేసుకుంది, అధికారికంగా 7 ఫిబ్రవరి 2026న దానిని పొందింది.[11]

వృత్తి జీవితం

[మార్చు]

"అతను కేవలం ఒక జంతువు కాదు. నా కెమెరా సెట్ చేసుకుంటున్నప్పుడు అతను నా వైపు చూసిన చూపు నాకు ఇంకా గుర్తుంది... అది దైవికం, ఆ గుడితో నాకు ఏర్పడబోయే అనుబంధానికి అదే నాంది అని అతను గ్రహించినట్లుగా అనిపించింది." గురువాయూర్ కేశవన్ గురించి పెపిటా సేథ్ మాటలు[5]

గురువాయూర్‌లో గురువాయూర్ కేశవన్ విగ్రహం.
ఫోటో తీస్తున్న పెపిటా సేథ్

తన ముత్తాత డైరీ యాదృచ్ఛికంగా దొరకడంతో సేథ్ జీవితం ఒక మలుపు తిరిగింది. డైరీ ఆధారంగా బ్రిటిష్ సైన్యంతో ఆయన ప్రయాణించిన మార్గాలను అన్వేషించాలని, ఆ కదలికలను డాక్యుమెంట్ చేయాలని నిర్ణయించుకుంది. అలా 1970లో కోల్‌కతాలో అడుగుపెట్టింది.[5][12][13][14]

కోల్‌కతా నుండి మొదలైన ప్రయాణం గురువాయూర్‌లో ముగిసింది, అక్కడ ఆమె కేరళ ఆలయ కళలు, ఆచారాలకు ముగ్ధురాలైంది. ఆ తర్వాతి తొమ్మిదేళ్లలో ఆమె అనేకసార్లు కేరళను సందర్శించింది, 1979లో గురువాయూర్‌లో ఒక ఇల్లు చూసుకుని అక్కడే స్థిరపడింది.[14][15] మొదట్లో ఆమెకు గురువాయూర్ ఆలయంలోకి ప్రవేశం నిరాకరించబడినప్పటికీ, ఆమె పట్టుదల చూసి గురువాయూర్ దేవస్వం బోర్డు అంగీకరించింది. ఆలయంలోకి ప్రవేశం పొందిన ఏకైక విదేశీయురాలిగా ఆమె చరిత్రకెక్కింది.[12][10]

సేథ్ తన ఛాయాచిత్రాల (photographs) ద్వారా కేరళలోని ఆచారాలు, దేవాలయాలను విస్తృతంగా కవర్ చేసింది. ఏనుగు గురువాయూర్ కేశవన్ గురించి ఆమె తీసిన ఛాయాచిత్రాలు న్యూయార్క్ టైమ్స్, ది గార్డియన్ వంటి అనేక పత్రికలు, జర్నల్స్‌లో ప్రచురించబడ్డాయి.[14] కేరళ ఆలయ కళలు, ఆచారాల గురించి పెపిటా తీసిన ఛాయాచిత్రాలు కేరళను పర్యాటక కేంద్రంగా మార్చడంలో సహాయపడ్డాయని సాధారణంగా భావిస్తారు.[14]

పుస్తకాలు, వ్యాసాలు

[మార్చు]

సేథ్ రాసిన తాజా పుస్తకం, ఇన్ గాడ్స్ మిర్రర్: ది తెయ్యమ్స్ ఆఫ్ మలబార్ (In God's Mirror: The Theyyams of Malabar), భారతదేశ నైరుతి రాష్ట్రమైన కేరళలో మాత్రమే కనిపించే అసాధారణమైన 2,000 సంవత్సరాల నాటి పూజా విధానం 'తెయ్యం' (Theyyam) గురించి వివరిస్తుంది.

  • Pepita Seth (2023). In God's Mirror: The Theyyams of Malabar. London: Scala. ISBN 9781785514111.

సేథ్ కేరళ గురించి వర్ణనలు, ఛాయాచిత్రాలతో కూడిన రెండు పుస్తకాలను రచించింది.

హెవెన్ ఆన్ ఎర్త్: ది యూనివర్స్ ఆఫ్ కేరళాస్ గురువాయూర్ టెంపుల్ (Heaven on Earth: The Universe of Kerala’s Guruvayur Temple) అనేది గురువాయూర్ ఆలయం, ఆ ప్రదేశంతో ముడిపడి ఉన్న జీవితం, సంప్రదాయాలు, నమ్మకాలు, పురాణాలు, ఆచారాలపై చేసిన పరిశోధనాత్మక అధ్యయనం. ఇది ఆలయం పెంచుతున్న ఏనుగులను, ముఖ్యంగా వాటిలో అత్యంత ప్రసిద్ధి చెందిన గురువాయూర్ కేశవన్‌ను కూడా వివరిస్తుంది. ఈ పుస్తకం ఫోటోలతో కూడిన వర్ణన (account with photographs) శైలిని అనుసరిస్తుంది. ఆలయ పూజారులతో సహా వివిధ వనరుల నుండి సేకరించిన సమాచారాన్ని ఇందులో పొందుపరిచారు.[15][10] ఈ పుస్తకం గురువాయూర్ ఆలయంపై జరిగిన మొదటి ప్రయత్నంగా పరిగణించబడుతుంది. ఇది 17 అధ్యాయాలు, 215 చిత్రాలను కలిగి ఉంటుంది. నల్లని బిస్మత్‌తో తయారు చేయబడిన 5000 సంవత్సరాల నాటి ఆలయ విగ్రహం చరిత్ర, ఆచారాలు, పూజలను వివరంగా కవర్ చేస్తుంది.[10]

  • Pepita Seth (16 February 2013). Heaven on Earth: The Universe of Kerala's Guruvayur Temple. Kerala: Niyogi Books. ISBN 9789381523278.

ది డివైన్ ఫ్రెంజీ – హిందూ మిత్స్ అండ్ రిచ్యువల్స్ ఆఫ్ కేరళ (The Divine Frenzy – Hindu Myths and Rituals of Kerala) అనేది దేవుళ్ళతో కేరళ ప్రజలకు ఉన్న ఆధ్యాత్మిక, ఆచరణాత్మక సంబంధాన్ని వర్ణిస్తుంది. కేరళలో హిందూ మతంతో ముడిపడి ఉన్న వివిధ ఆచారాలను టెక్స్ట్, చిత్రాలతో చిత్రీకరించడానికి ఇది ప్రయత్నిస్తుంది.[16]

  • Pepita Seth (March 2001). The Divine Frenzy – Hindu Myths and Rituals of Kerala. United Kingdom: Westzone Publishing. p. 208. ISBN 978-1-903391-14-3.

సేథ్ కేరళ గురించి, దాని ఆచారాలు, ఏనుగుల గురించి రాసింది.[12][13][14] ఆమె కేరళకు చెందిన ఆచారబద్ధమైన నృత్య రూపకం 'తెయ్యం' పై ఒక పుస్తకం రాసే పనిలో ఉంది.[10]

సేథ్ 'ది ఎడ్జ్ ఆఫ్ అనదర్ వరల్డ్' (2015) అనే నవల రాసింది. దీనిని ఆంగ్లంలో ది స్పీకింగ్ టైగర్ (The Speaking Tiger) ప్రచురించింది. దీనిని మలయాళంలోకి అనువదించి పూర్ణ పబ్లికేషన్స్ ద్వారా ప్రచురించనున్నారు.[మూలాలు అవసరం]

పురస్కారాలు, గుర్తింపులు

[మార్చు]

కళ, సాంస్కృతిక రంగాలకు ఆమె చేసిన సేవలకు గుర్తింపుగా భారత ప్రభుత్వం 2012లో ఆమెకు పౌర పురస్కారం పద్మశ్రీని ప్రదానం చేసింది.[17][18]

ఇవి కూడా చూడండి

[మార్చు]

మూలాలు

[మార్చు]
  1. ↑ "Padma". Government of India. 25 January 2011. Retrieved 22 August 2014.
  2. ↑ "President confers Padma Awards". The India Awaaz.com. 23 March 2012. Retrieved 22 August 2014.
  3. ↑ "British-born Padma Shri Pepita Seth granted Indian citizenship at the age of 84". Malayala Manorama (in ఇంగ్లీష్).
  4. ↑ "Demystifying the exotic". Asianart. Retrieved 22 August 2025.
  5. 1 2 3 Geetha Venkitaraman (10 February 2012). "Crowning glory". The Hindu. Retrieved 22 August 2014.
  6. ↑ "Kerala: Pepita Seth, the chronicler of Guruvayur temple". The Telegraph. 21 December 2021.
  7. ↑ "AFI CATALOG OF FEATURE FILMS". AFI. Retrieved 22 August 2025.
  8. ↑ "Roshan Seth ties the know with Pepita Noble". India Today. 15 August 1986.
  9. ↑ "Roshan Seth". Veethi.com. 2014. Retrieved 22 August 2014.
  10. 1 2 3 4 5 "Heaven on Earth". The Hindu. 2013. Retrieved 23 August 2014.
  11. ↑ "British-born Padma Shri Pepita Seth acquires Indian citizenship in Kerala". ANI News (in ఇంగ్లీష్).
  12. 1 2 3 "Lila Interactions Article". Lila Interactions. 3 March 2014. Archived from the original on 26 August 2014. Retrieved 22 August 2014.
  13. 1 2 Penguin Books (2006). The Penguin Book of New Writing from India, Volume 2. Delhi: Penguin India. pp. 134 of 308. ISBN 9780144001071.
  14. 1 2 3 4 5 "Marunadan Malayalee". Marunadan Malayalee.com. 29 January 2012. Archived from the original on 6 August 2014. Retrieved 22 August 2014.
  15. 1 2 "From the Blurb". The Hindu. 7 December 2008. Retrieved 23 August 2014.
  16. ↑ "The Divine Frenzy". Westzone. 2001. Retrieved 23 August 2014.
  17. ↑ ఉల్లేఖన లోపం: చెల్లని <ref> ట్యాగు; "Padma" అనే పేరుగల ref లలో పాఠ్యమేమీ ఇవ్వలేదు
  18. ↑ ఉల్లేఖన లోపం: చెల్లని <ref> ట్యాగు; "Padma news" అనే పేరుగల ref లలో పాఠ్యమేమీ ఇవ్వలేదు

బయటి లింకులు

[మార్చు]
"https://te.wikipedia.org/w/index.php?title=పెపిటా_సేథ్&oldid=4794297" నుండి వెలికితీశారు