పైడి జైరాజ్ ప్రివ్యూ థియేటర్

వికీపీడియా నుండి
Jump to navigation Jump to search
పైడి జయరాజ్ ప్రివ్యూ థియేటర్, రవీంద్రభారతి, హైదరాబాదు

పైడి జైరాజ్ ప్రివ్యూ థియేటర్ హైదరాబాద్ రవీంద్రభారతిలో కళల ప్రదర్శనతోపాటు సినిమాను ప్రోత్సహించాలనే ఉద్దేశంతో లఘు చిత్రాలు మరియు సినిమా ప్రదర్శనల కోసం ఏర్పాటు చేసిన మినీ థియేటర్. పైడి జైరాజ్ తెలంగాణ రాష్ట్రం నుండి హిందీ చిత్ర పరిశ్రమలో నటుడిగా మంచి పేరు సంపాదించి దాదాసాహెబ్ ఫాల్కే పురస్కారం అందుకొని, సినీ పరిశ్రమకు ఆయన చేసిన సేవలకు గుర్తుగా తెలంగాణ రాష్ట్ర ప్త్రభుత్వం రవీంద్రభారతిలోని ప్రివ్యూ థియేటర్ కు పైడి జైరాజ్ ప్రివ్యూ థియేటర్‌గా నామకరణ చేశారు.[1]

కార్యక్రమాల నిర్వహణ[మార్చు]

తెలంగాణ సినిమా కోసం ఆరాటపడే యువ దర్శకులు, రచయితలు, నటీనటులు, నిర్మాతలు, సాంకేతిక నిపుణులు, సినీ అభిమానులకు ప్రపంచ సినిమాను పరిచయం చేసే ఉద్దేశంతో పైడి జైరాజ్ ప్రివ్యూ థియేటర్ లో తెలంగాణ రాష్ట్ర భాషా సాంస్కృతిక శాఖ ఆధ్వర్యంలో పలు కార్యక్రమాలను నిర్వహిస్తుంది.

  1. సినీవారం పేరిట ప్రతీ శనివారం యువ దర్శకులు, రచయితలు, నటుల కోసం ఓ కార్యక్రమాన్ని నిర్వహ్తిస్తున్నది. ఇందులో డాక్యుమెంటరీలు, ఫీచర్ ఫిల్మ్‌లు ఉచితంగా ప్రదర్శించిన అనంతరం వారిని సన్మానించి, ప్రేక్షకులతో ముఖాముఖీ కార్యక్రమం నిర్వహిస్తారు.
  2. సండే సినిమా పేరుతో ప్రతి ఆదివారం సాయంత్రం ప్రపంచ సినిమాలను ప్రదర్శిస్తారు. సినిమా ప్రదర్శన అనంతరం వర్దమాన సినీ కళాకారులకు ప్రపంచస్థాయి సినిమాను పరిచయం చేసి ప్రపంచస్థాయి సినిమా నిర్మాణ విలువలు, విశేషాలు, మెళకువలను తెలియజేసేందుకు చర్చ కార్యక్రమం నిర్వహిస్తారు.
  3. కళాకారుల్లోని సృజనాత్మకతను వెలికి తీయడం కోసం పైడి జయరాజ్ థియేటర్‌లో ఫెంటాస్టిక్ ఫైవ్ ఫిల్మ్ ఫెస్టివల్ పేరిట ఇంటర్నేషనల్ సినిమాలను, ఫిల్మోత్సవం, బతుకమ్మ ఫిల్మోత్సవం, యువ చిత్రోత్సవం వంటి కార్యక్రమాలను నిరంతరం ప్రదర్శిస్తున్నారు.[2]

మూలాలు[మార్చు]

  1. Namasthe Telangana (28 September 2021). "పైడి జైరాజ్ దేశం గర్వించదగ్గ గొప్ప నటుడు : మంత్రి శ్రీనివాస్‌ గౌడ్‌". Archived from the original on 17 April 2022. Retrieved 17 April 2022.
  2. నమస్తే తెలంగాణ, బతుకమ్మ (ఆదివారం సంచిక) (29 July 2018). "సకల కళాభారతి!". Archived from the original on 30 July 2018. Retrieved 31 July 2018.

బయటి లింకులు[మార్చు]