Coordinates: 16°19′07″N 80°26′25″E / 16.318492°N 80.440149°E / 16.318492; 80.440149

పొత్తూరు (గుంటూరు)

వికీపీడియా నుండి
Jump to navigation Jump to search
పొత్తూరు
—  రెవెన్యూ గ్రామం  —
పొత్తూరు is located in Andhra Pradesh
పొత్తూరు
పొత్తూరు
అక్షాంశరేఖాంశాలు: 16°19′07″N 80°26′25″E / 16.318492°N 80.440149°E / 16.318492; 80.440149
రాష్ట్రం ఆంధ్రప్రదేశ్
జిల్లా గుంటూరు
మండలం గుంటూరు పశ్చిమ
ప్రభుత్వం
 - సర్పంచి
జనాభా (2011)
 - మొత్తం 6,598
 - పురుషుల సంఖ్య 3,300
 - స్త్రీల సంఖ్య 3,298
 - గృహాల సంఖ్య 1,703
పిన్ కోడ్ 522005
ఎస్.టి.డి కోడ్ 0863

పొత్తూరు, గుంటూరు జిల్లా, గుంటూరు పశ్చిమ మండలానికి చెందిన గ్రామం. ఇది మండల కేంద్రమైన గుంటూరు నుండి 8 కి. మీ. దూరంలో ఉంది.ఈ గ్రామం గుంటూరునగర శివారు గా ఉంది.

జనాభా గణాంకాలు[మార్చు]

2011 భారత జనగణన గణాంకాల ప్రకారం ఈ గ్రామం 1703 ఇళ్లతో, 6598 జనాభాతో 1398 హెక్టార్లలో విస్తరించి ఉంది. గ్రామంలో మగవారి సంఖ్య 3300, ఆడవారి సంఖ్య 3298. షెడ్యూల్డ్ కులాల సంఖ్య 763 కాగా షెడ్యూల్డ్ తెగల సంఖ్య 138. గ్రామం యొక్క జనగణన లొకేషన్ కోడ్ 590245[1].పిన్ కోడ్: 522005. ఎస్.టి.డి.కోడ్ = 0863.

2001 వ.సంవత్సరం జనాభా లెక్కల ప్రకారం గ్రామ జనాభా 6,041. ఇందులో పురుషుల సంఖ్య 3,043, స్త్రీల సంఖ్య 2,998, గ్రామంలో నివాస గృహాలు 1,484 ఉన్నాయి. గ్రామ విస్తీర్ణము 1,398 హెక్టారులు.

విలీనం[మార్చు]

గుంటూరు మున్సిపల్ కార్పొరేషన్ లో అడవితక్కెళ్ళపాడు, అక్కిరెడ్డిపాలెం, గోరంట్ల, చోడవరం, ఏటుకూరు, నల్లపాడు, పెదకాకాని, పెదపలకలూరు, పొత్తూరు మొత్తం పది గ్రామాలు విలీనమయ్యాయి.[2]

సమీప గ్రామాలు[మార్చు]

కొర్నెపాడు 3 కి.మీ, అక్కిరెడ్డిపాలెం 5 కి.మీ, పుల్లడిగుంట 5 కి.మీ, కుర్నూతల 5 కి.మీ, నల్లపాడు 6 కి.మీ.

విద్యా సౌకర్యాలు[మార్చు]

గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు రెండు, ప్రైవేటు ప్రాథమిక పాఠశాలలు రెండు, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి.సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల, ఇంజనీరింగ్ కళాశాల గుంటూరులో ఉన్నాయి. సమీప వైద్య కళాశాల, మేనేజిమెంటు కళాశాల, పాలీటెక్నిక్ గుంటూరులో ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల గుంటూరులో ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

పోతూరులో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 5 నుండి 10 కి.మీ. దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, కుటుంబ సంక్షేమ కేంద్రం గ్రామం నుండి 5 నుండి 10 కి.మీ. దూరంలో ఉన్నాయి. సంచార వైద్య శాల గ్రామం నుండి 10 కి.మీ. కంటే ఎక్కువ దూరంలో ఉంది.

ప్రైవేటు వైద్య సౌకర్యం[మార్చు]

గ్రామంలో8 ప్రైవేటు వైద్య సౌకర్యాలున్నాయి. ఎమ్బీబీయెస్ డాక్టర్లు ఇద్దరు, ఎమ్బీబీయెస్ కాకుండా ఇతర డిగ్రీలు చదివిన డాక్టర్లు ఇద్దరు, డిగ్రీ లేని డాక్టర్లు ఇద్దరు, ఇద్దరు నాటు వైద్యులు ఉన్నారు. ఒక మందుల దుకాణం ఉంది.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం[మార్చు]

గ్రామంలో మురుగునీటి పారుదల వ్యవస్థ లేదు. మురుగునీటిని శుద్ధి ప్లాంట్‌లోకి పంపిస్తున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

పోతూరులో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామానికి 5 నుండి 10 కి.మీ. దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు, ప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామానికి 5 నుండి 10 కి.మీ. దూరంలో ఉంది. జాతీయ రహదారి, ప్రధాన జిల్లా రహదారి గ్రామం గుండా పోతున్నాయి. రాష్ట్ర రహదారి గ్రామం నుండి 5 కి.మీ. లోపు దూరంలో ఉంది. జిల్లా రహదారి గ్రామం నుండి 5 నుండి 10 కి.మీ. దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో వ్యవసాయ పరపతి సంఘం ఉంది. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్, వాణిజ్య బ్యాంకు, సహకార బ్యాంకు గ్రామం నుండి 5 నుండి 10 కి.మీ. దూరంలో ఉన్నాయి. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 5 నుండి 10 కి.మీ. దూరంలో ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. సమీకృత బాలల అభివృద్ధి పథకం, ఆటల మైదానం గ్రామం నుండి 5 నుండి 10 కి.మీ. దూరంలో ఉన్నాయి. సినిమా హాలు, గ్రంథాలయం, పబ్లిక్ రీడింగ్ రూం గ్రామం నుండి 5 నుండి 10 కి.మీ. దూరంలో ఉన్నాయి.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 8 గంటల పాటు వ్యవసాయానికి, 14 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

పోతూరులో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 347 హెక్టార్లు
  • సాగులో లేని భూముల్లో బీడు భూములు కానివి: 120 హెక్టార్లు
  • బంజరు భూమి: 170 హెక్టార్లు
  • నికరంగా విత్తిన భూమి: 761 హెక్టార్లు
  • నీటి సౌకర్యం లేని భూమి: 974 హెక్టార్లు
  • వివిధ వనరుల నుండి సాగునీరు లభిస్తున్న భూమి: 77 హెక్టార్లు

నీటిపారుదల సౌకర్యాలు[మార్చు]

పోతూరులో వ్యవసాయానికి నీటి సరఫరా కింది వనరుల ద్వారా జరుగుతోంది.

  • కాలువలు: 77 హెక్టార్లు

ఉత్పత్తి[మార్చు]

పొత్తూరులో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

ప్రత్తి, మిరప

దర్శనీయ ప్రదేశాలు/దేవాలయాలు[మార్చు]

శ్రీ రుక్మిణీ సత్యభామా సమేత శ్రీ వేణుగోపాలస్వామివారి ఆలయం[మార్చు]

గ్రామ ప్రధాన రహదారిపై ఉన్న ఈ ఆలయం నిర్మించి 400 సంవత్సరాలయినది. కాలక్రమేణా ఈ ఆలయం శిథిలమవడంతో, గ్రామస్థులు, 15 లక్షల రూపాయల అంచనావ్యయంతో, ఆలయ జీర్ణోద్ధరణకు శ్రీకారం చుట్టినారు.

శ్రీ భ్రమరాంబా సమేత మల్లిఖార్జునస్వామి ఆలయం[మార్చు]

ఈ గ్రామంలో నూతనంగా నిర్మించిన ఈ ఆలయంలో, విగ్రహ ప్రతిష్ఠా మహోత్సవాలు 27-నవంబరు,2013 నాడు ప్రారంభమయినవి. 29-నవంబరు,2013 న ఉదయం 10-34 గంటలకు విగ్రహ ప్రతిష్ఠ వైభవంగా జరిగింది.

శ్రీ పొత్తూరమ్మ తల్లి ఆలయం[మార్చు]

ఈ గ్రామంలో వెలసిన పొత్తూరమ్మ తల్లి వార్షిక వేడుకలు, 2014,మార్చి-30 ఆదివారం నాడు (ఉగాది ముందురోజు) ఘనంగా నిర్వహించారు. ఈ సందర్భంగా అమ్మవారి ప్రతిమతో ప్రభను ఏర్పాటుచేసి, కనకతప్పెట్లతో సందడిగా, గ్రామ ప్రధాన వీధులలో ఊరేగించారు. సోమవారం ఉదయం, అమ్మవారికి ప్రత్యేక పూజలు, నైవేద్యాలు ఏర్పాటుచేసెదరు.

ఈ పురాతన ఆలయం శిథిలావస్థకు చేరడంతో, 20 లక్షల రూపాయల భక్తులు, దాతలు, గ్రామస్థుల విరాళాలతో, నూతన ఆలయం నిర్మించారు. ఈ నూతన ఆలయంలో విగ్రహ పునఃప్రతిష్ఠా కార్యక్రమం 2017,జూన్-19వతేదీ సోమవారం ఉదయం 7-45 కి వైభవంగా నిర్వహించారు. ఈ సందర్భంగా ఆదివారంనాడు, అమ్మవారికి గ్రామోత్సవం నిర్వహించారు. ఈ సందర్భంగా అమ్మవారికి ప్రత్యేకపూజలు నిర్వహించారు. అనంతరం భక్తులకు అన్నసమారాధన నిర్వహించారు. ఈ నూతన ఆలయంలో అమ్మవారి విగ్రహాన్ని, గ్రామ సొసైటీ అధ్యక్షులు శ్రీ సాధు సాంబశివరావు సమర్పించారు. శ్రీ చిమటా వెంకటరాంబాబు, ఆలయం ఎదుట శ్రీ ఆంజనేయస్వామివారి విగ్రహాన్ని నెలకొల్పినారు.

ఆధ్యాత్మిక విశేషాలు[మార్చు]

  • ఈ గ్రామంలో శ్రీ పలనాటి వీరుల అంకమ్మ తల్లి, పోతురాజుల పంచమ వార్షికోత్సవ వేడుకలను, అక్టోబరు-24,2013న నిర్వహించారు.
  • ఈ గ్రామ ఉత్తర దిక్కున, ప్రధాన రహదారి శ్మశానవాటిక వద్ద, 2013,డిసెంబరు 9,సోమవారంనాడు, 15 అడుగుల ఎత్తయిన ఆంజనేయస్వామి విగ్రహ ప్రతిష్ఠకు భూమిపూజ చేసారు.

ప్రధాన వృత్తులు[మార్చు]

వ్యవసాయం.వ్యవసాయాధారిత వృత్తులు

గ్రామ ప్రముఖులు[మార్చు]

మూలాలు[మార్చు]

  1. "Office of the Registrar General & Census Commissioner, India - Village amenities of 2011".
  2. "Guntur Corporation Town Planning G.O." (PDF). Guntur Municipal Corporation. Retrieved 22 August 2016.

వెలుపలి లంకెలు[మార్చు]