మాధవి

మాధవి
దస్త్రం:Madhavi.jpg ఆంధ్ర్రపత్రిక ముఖచిత్రంగా మాధవి
జననం	కనక విజయలక్ష్మి (1962-09-14) 1962 సెప్టెంబరు 14 హైదరాబాదు, ఆంధ్రప్రదేశ్
ఇతర పేర్లు	మాధ్వి
జీవిత భాగస్వామి	రాల్ఫ్ శర్మ
పిల్లలు	టిఫనీ ప్రిసిల్లా ఎవలిన్

మాధవి (ఆంగ్లం: Madhavi) ప్రముఖ దక్షిణ భారత సినీ నటీమణి. ఈమె 17 సంవత్సరాల నిడివిలో దక్షిణాదిలోని నాలుగు ప్రముఖ భాషలు తెలుగు, తమిళ్, కన్నడ, మళయాళం భాషా చిత్రాలతో పాటు అనేక హిందీ భాషా చిత్రాలలో కూడా నటించింది.

దర్శకుడు కె.బాలచందర్ 1979లో అత్యద్భుత విజయం సాధించిన మరో చరిత్ర సినిమాతో చిత్రరంగానికి పరిచయం చేశాడు. 1981లో అదే సినిమా హిందీలో "ఏక్ ధూజే కేలియే" గా పునర్మించినప్పుడు తిరిగి అదే పాత్రను పోషించింది. హిందీలో కూడా ఈ చిత్రం అఖండ విజయం సాధించింది.

తొలిదశ

మాధవి హైదరాబాదులో శశిరేఖ, గోవిందస్వామి దంపతులకు జన్మించింది. ఈమెకు ఒక చెల్లెలు, ఒక తమ్ముడు. చిన్నతనంలోనే ఉమా మహేశ్వరి వద్ద భరతనాట్యం మరియు భట్ వద్ద జానపద నృత్యం నేర్చుకొని వేలాది నృత్య ప్రదర్శనలు ఇచ్చింది. ఈమె విద్యాభ్యాసం హైదరాబాదు అబిడ్స్ లోని స్టాన్లీ బాలికల పాఠశాలలో సాగింది. ఎనిమిదో తరగతి చదువుతుండగా రవీంద్రభారతిలో నాట్య ప్రదర్శన ఇస్తున్న కనక విజయలక్ష్మిని దాసరి నారాయణరావు చూసి, తను తీయబోయే కొత్త సినిమాకో నూతన నటి కావాలని ఆమె తల్లిదండ్రుల అనుమతి తీసుకుని సినిమా రంగంలో ప్రవేశపెట్టాడు. అప్పటికే సినిమా రంగంలో విజయలక్ష్మి, లక్ష్మి పేర్లతో చాలామంది ఉండటంతో కనక విజయలక్ష్మిని ఆయన 'మాధవి' అని సినీనామకరణం చేశాడు.

1996 ఈమె వ్యాపారవేత్త శర్మను పెళ్లాడి న్యూజెర్సీలో స్థిరపడి తన ముగ్గురు పిల్లలను పెంచుతూ భర్తకు వ్యాపారంలో తోడ్పడుతుంది. ఈమె భర్త భారత మరియు జర్మన్ సంతతికి చెందినవాడు. సినిమాలనుండి నిష్క్రమించినా మంచి సినిమాలను చూసినప్పుడు ఇప్పటికీ నటించాలనే కోరిక కలుగుతుందని ఈమె అన్నది.

మాధవి నటించిన తెలుగు చిత్రాలు

• మరో చరిత్ర
• మంచి మనసు
• ప్రాణం ఖరీదు
• తాయారమ్మ బంగారయ్య
• కుక్క కాటుకు చెప్పు దెబ్బ
• పున్నమినాగు
• టిక్ టిక్ టిక్

• ఊరికిచ్చిన మాట
• చట్టానికి కళ్లులేవు
• ఇంట్లో రామయ్య వీధిలో కృష్ణయ్య
• బందిపోటు సింహం
• మొండిఘటం
• రోషగాడు

• సింహపురి సింహం
• ఖైదీ
• moodu mulla bandham
• చట్టంతో పోరాటం
• దొంగమొగుడు
• మాతృదేవోభవ
• బిగ్ బాస్

బయటి లింకులు

• మాధవి అధికారిక వెబ్ సైటు
• ఇంటర్నెట్ మూవీ డేటాబేసు లో మాధవి పేజీ