నల్ల రామమూర్తి

నల్ల రామమూర్తి / నల్ల రామ్మూర్తి
జననం	నల్ల రామమూర్తి 1913 పశ్చిమ గోదావరి జిల్లా, పాలకొల్లు మండలంలోని చింతపర్రు
మరణం	1978, మార్చి 20 చింతపఱ్ఱు
సుపరిచితుడు/ సుపరిచితురాలు	నటుడు

కోటపల్లి (నల్ల) రామమూర్తి ప్రముఖ తెలుగు చలనచిత్ర మరియు రంగస్థల నటుడు. హాస్యనటుడిగా ఇతడు సుప్రసిద్ధుడు. పశ్చిమ గోదావరి జిల్లా, పాలకొల్లు మండలంలోని చింతపర్రు ఈయన స్వస్థలం. ఈయన 1913లో జన్మించాడు. ఇతడు సుమారు రెండు వేల నాటకాలలో, 112 సినిమాలలో నటించాడు.

జీవిత విశేషాలు

సాధారణ మధ్యతరగతి కుటుంబంలో జన్మించిన ఇతనికి చదువు అంతగా అబ్బలేదు. చక్కని గాత్రం ఉండడంతో నాటకరంగాన్ని తేలికగా ఆకర్షించగలిగాడు. తన 15వ యేటనే శ్రీకృష్ణతులాభారం నాటకంలో వసంతకుని వేషం వేసి అందర్నీ మెప్పించాడు. ఇంగ్లీషు చదువు అబ్బకపోయినా తెలుగులో అనేక వచన గ్రంథాలను చదవడం వల్ల, నాటకాలలోని పద్యాలు కంఠస్తం చేయడం వల్ల అచిర కాలంలోనే రచయితగా మారాడు. "తూర్పు సావిత్రి", "సీతమ్మోరి వనవాసం", "పండగ అల్లుళ్లు" మొదలైన హాస్యనాటికలను స్వయంగా రచించి తన బృందంతో ఆంధ్రదేశం అంతటా ప్రదర్శనలు ఇచ్చాడు. గాత్రం కూడా ఉండడంతో అద్దంకి శ్రీరామమూర్తి, ఈలపాట రఘురామయ్య, పువ్వుల సూరిబాబు, కొచ్చర్లకోట సత్యనారాయణ, జొన్నవిత్తుల శేషగిరిరావు, స్థానం నరసింహారావు, సి.ఎస్.ఆర్.ఆంజనేయులు మొదలైన రంగస్థల నటులతో కలిసి అనేక పౌరాణిక నాటకాలలో హాస్యభూమికలు ధరించాడు.

చిత్రసమాహారం

• భూకైలాస్ (1940)
• విశ్వమోహిని (1940)
• నారద నారది (1946)
• కీలుగుర్రం (1949)
• తిరుగుబాటు (1950) - బస్తీమామయ్య
• పరమానందయ్య శిష్యులు (1950)
• పల్లెటూరి పిల్ల (1950)
• వాలి సుగ్రీవ (1950)
• శ్రీ సాయిబాబా (1950)
• సంసారం (1950)
• అగ్నిపరీక్ష (1951)
• మంత్రదండం (1951)
• స్త్రీ సాహసము (1951)
• ధర్మదేవత (1952)
• టింగ్ రంగా (1952)
• హరిశ్చంద్ర (1956)
• మాయాబజార్ (1957)
• చెంచులక్ష్మి (1958)
• శ్రీకృష్ణమాయ (1958)
• అప్పుచేసి పప్పుకూడు (1959)
• అభిమానం (1960)
• జగదేకవీరుని కథ (1961)
• గులేబకావళి కథ (1962)
• నవరాత్రి (1966)

లింకులు

• ఐ.ఎమ్.డి.బి.లో నల్ల రామమూర్తి పేజి