శ్రీనివాస్ రామడుగుల

శ్రీనివాస్ రామడుగుల
శ్రీనివాస్ రామడుగుల
జననం	శ్రీనివాస్ (1968-01-11) 1968 జనవరి 11 రంగాపురం, తూర్పు గోదావరి జిల్లా, ఆంధ్రప్రదేశ్,
నివాస ప్రాంతం	భోపాల్
వృత్తి	దూరదర్శన్ కేంద్రం లో ఇంజినీర్, రచయిత
మతం	హిందూ
భార్య / భర్త	సత్యలక్ష్మి
పిల్లలు	సింధూజ
తండ్రి	సూర్య గంగాధరం
తల్లి	సీతారామం,

దస్త్రం:-ఆర్ వి ఎస్ ఎస్ శ్రీనివాస్-'ఏక వాక్య కవితా విశారద'-- 2014-07-19 17-49.jpg

శ్రీనివాస్ రామడుగుల

శ్రీనివాస్ రామడుగుల పూర్తిపేరు రామడుగుల వెంకట సత్య సూర్య శ్రీనివాస్. తెలుగు యువకవులలో ఒకరు. వీరి కలం పేరు "శ్రీ". కవి సంగమంలో కవిత్వం వ్రాస్తుంటారు.

జీవిత విశేషాలు

రామడుగుల సీతారామం, సూర్య గంగాధరం దంపతులకు జనవరి 11 1968న తూర్పు గోదావరి జిల్లా రంగాపురంలో జన్మించారు.

ప్రస్తుత నివాసం - వృత్తి/ఉద్యోగం

ప్రస్తుతం భోపాల్లో నివసిస్తున్నారు. దూరదర్శన్ కేంద్రంలో ఇంజినీర్ గా పనిచేస్తున్నారు.

వివాహం - పిల్లలు

వీరికి సత్యలక్ష్మితో వివాహం జరిగింది. వీరికి ఒక కుమార్తె (సింధూజ).

ప్రచురితమయిన పుస్తకాల జాబితా

1. "శ్రీ వాక్యం" ( ఏక వాక్య కవితల సహస్రం ) సెప్టెంబరు 1వ తేదీ 2013 విశాఖపట్టణంలో రోజా డాన్స్ అండ్ ఆర్ట్ అకాడమీ వారి చేతుల మీదుగా ఆవిష్కరణ జరిగింది.
2. "మనసంతా నువ్వే" ( దీర్ఘ కవితల సంపుటి) జనవరి 11వ తేదీ 2014 హైదరాబాద్లో డాక్టర్ సి నారాయణ రెడ్డి గారి చేతుల మీదుగా ఆవిష్కరణ జరిగింది.

బహుమానాలు - బిరుదులు - గుర్తింపులు

బహుమానాలు

1. 2013 సెప్టెంబరులో విడుదల చేసిన శ్రీవాక్యానికి తెలుగు బుక్ ఆఫ్ రికార్డ్స్ వారి అవార్డు 2014 సెప్టెంబరు ఒకటవ తేదీన హైదరాబాద్ లో.

1. "ప్రేమను ప్రేమించు ప్రేమకై" గ్రూప్ లో కవితలకి ప్రథమ బహుమతి ఒకసారి, ద్వితీయ బహుమతి మరోసారి.
2. తిరుపతి దేవస్థానం వారు నిర్వచించిన పురాణ ప్రబోధ పరీక్షలో రాష్ట్ర స్థాయిలో వెండిపతకం (1982లో )

బిరుదులు

1. "ఏకవాక్య కవితా విశారద" విశాఖపట్టణంలో రోజా డాన్స్ అండ్ ఆర్ట్ అకాడమీ వారిచే. 2013 సెప్టెంబరు 1న బహూకరించబడింది.

గుర్తింపులు

• తెలుగు వన్.కాంలో ప్రత్యేకమైన రోజులలో కవితలు చాలా ప్రచురించబడ్డాయి.
• సేవ పత్రికలో కొన్ని ప్రచురించబడినవి.
• NATA వారు ఇప్పటివరకు ప్రచురించబడిన రెండు సంచికల లోను కవితలు ప్రచురించబడినవి.
• తెలుగు వెలుగులు పత్రికలో బెంగళూరు తెలుగు పత్రికలో ఆస్ట్రేలియా వారి పత్రికలో కవితలు ప్రచురించబడినవి
• ఏక వాక్య కవితలు 3500 ఇప్పటికి వ్రాయడం జరిగింది.ఇదొక రికార్డు తెలుగు సాహితీ చరిత్రలో.
• దీర్ఘ కవితలు సుమారుగా 250 వరకు రచించారు
• ద్విపాద కవితామాలికలు సుమారు 1500 దాకా రచించారు.

మనసంతా నువ్వే, శ్రీ వాక్యం పుస్తకాల ఆవిష్కరణ చిత్రమాలిక

• 
  శ్రీ వాక్యం పుస్తకం ఆవిష్కరిస్తున్న కవులు
• 
  శ్రీనివాస్ రామడుగుల గారికి సన్మానం
• 
  మనసంతా నువ్వే పుస్తకం ఆవిష్కరిస్తున్న కవులు
• 
  సినారే చేతుల మీదుగా జ్ఞాపిక స్వీకరణ

ఇతర లంకెలు

• శ్రీకవితలు బ్లాగ్
• kuwaitnris.com