సురభి జమునా రాయలు

జమునా రాయలు
దస్త్రం:Jamuna Rayalu.jpg జమునా రాయలు
జననం	జమునా రాయలు జనవరి 22, 1960
వృత్తి	సురభి నాటక సమాజం
ప్రసిద్ధి	రంగస్థల కళాకారిణి,బుర్రకథ, హరికథ కళాకారిణి
భార్య / భర్త	సురభి రాయలు
తండ్రి	వనారస కొండలరావు
తల్లి	వసుంధరాదేవి

జమునా రాయలు రంగస్థల నటి, బుర్రకథ హరికథ కళాకారిణి. నాలుగు దశాబ్దాలకుపైగా రంగస్థల అనుభవం ఉన్న ఈమె సురభి నాటక సమాజం ప్రదర్శించిన అనేక నాటకాల్లో నటించింది.

జననం

జమునా రాయలు 1960, జనవరి 22న వనారస కొండలరావు, వసుంధరాదేవి దంపతులకు గుంటూరు జిల్లా, తెనాలిలో జన్మించింది. తన మేనమామ సురభి రాయలునే వివాహం చేసుకుంది.

రంగస్థల ప్రస్థానం

8 ఏళ్ళ వయసులో హరికథలు, బుర్రకథలు చెప్పడం ప్రారంభించింది. తొలిసారిగా చింతామణి నాటకంలో శ్రీకృష్ణుడు పాత్ర పోషించింది. షణ్ముఖి ఆంజనేయ రాజుతో సత్యభామగా, పీసపాటి నరసింహమూర్తితో రాధగా, వేమూరి రామయ్యతో సుధేష్ణగా నటించడంతోపాటు బాలనాగమ్మ, గుణసుందరి, ఝాన్సీ లక్ష్మీబాయి, రాణీ మాలినీదేవి, చంద్రమతి, ద్రౌపది, సక్కుబాయి వంటి పాత్రలు పోషించింది.

బహుమతులు - పురస్కారాలు

1. ఉత్తమ దర్శకత్వం - శశిరేఖా పరిణయం (నాటకం) - నంది అవార్డు
2. పైడి లక్ష్మయ్య అవార్డు - తెలుగు విశ్వవిద్యాలయం
3. సత్యసాయి బాబా నుండి ‘నవరత్నమాల’ను బహుకరణ
4. బెస్ట్ ఎక్స్ లెన్సీ అవార్డు
5. అక్కినేని ప్రథమ గోల్డ్ మెడల్
6. జి.వి.ఆర్. జీవిత పురస్కారం
7. నట శిరోమణి, నటనా విదూషీమణి, గానకోకిల బిరుదులు
8. రాధాకుమారి స్మారక పురస్కారం (సుమధుర కళానికేతన్, విజయవాడ, 27 జూలై 2019)