విక్షనరీ

విక్షనరీ వికీపీడియా యొక్క సోదర వెబ్ సైట్. ఇది వికి, డిక్షనరి పదాలను కలుపగా తయారయ్యినది. ఇది తెలుగు పదాలను వివిధమైన వివరణలతో నిక్షిప్తంచేసే మాధ్యమము. తెలుగు వీకీపీడియా సోదర ప్రాజెక్ట్.ఇందులో తెలుగు పదాలకు పేజీలను సృష్టించి మార్పులు చేయవచ్చు.ఈ పేజీలలో తెలుగు పదాలకు ముందుగా మొదటి విభాగంలో వ్యాకరణ విశేషం, బహువచనాలు లేక ఏక వచనాలు వ్రాయవచ్చు. రెండవ విభాగంలో పదానికి అర్ధవివరణ వ్రాయాలి. సామెతలు, నీతి వాక్యాలు మొదలైనవి ఉదహరించ వచ్చు. ఇందులో తెలుగు వ్యవహార పదాలు, నుడికారాలు, ప్రాంతీయ యాసలు, కఠినమైన గ్రాంధీక పదాలు, బాల సాహిత్యంలో వాడే లలితమైన సులరీతిలో అర్ధం చేసుకునే పదాలు, పౌరాణిక పదాలు, జానపద సాహిత్యంలో ఉపయోగించే పదాలు, వార్తా పత్రికలలో వచ్చే వినూతన ప్రయోగాలు, ప్రస్తుతం వాడుకలో లేని మరుగున పడిన పదాలు, వృత్తి పరమైన ప్రత్యేక పదాలు, కుల సంప్రదాయకులు ఉపయోగించే ప్రత్యేక పదాలు, నానుడిగా వాడుకలో ఉన్న పదాలు మొదలైనవి పేర్కొన వచ్చు. నాలుగవ విభాగంలో సమానమైన అర్ధాలు, సంబంధిత పదాలు, వ్యతిరేక పదాలు వ్రాయాలి. మూడవ భాగంలో పదాన్ని ప్రయోగిస్తూ పద్యాలు, పాటలు, సామెతలు, జానపదాలు, నీతి వాక్యాలు ఊదహరిస్తూ పద ప్రయోగం చేయచ్చు. తరువాత అయివ విభాగంలో అనువాదాలు చేర్చ వచ్చు . ఆ తరువాత విభాగంలో మూలాలను ఉదహరించ వచ్చు. ఆ తరువాత బయట లింకులు అనే విభాగంలో పదాలకు ఈతర వీకీ లింకులు ఇవ్వ వచ్చు. కాని ఎవరికి తెలిసినవి వారు వ్రాయ వచ్చు. ఇదంతా సభ్యులు ఐకమత్యంతో నిర్వహించే కార్యమే.విక్షనరీలో పని చేయాలంటే సభ్యత్వం లేకుండా చేయవచ్చు లేక సభ్యత్వం తీసుకుని చేయవచ్చు. సభ్యత్వం తీసుకుని పని చేయడం ఉత్తమమైనది.అప్పుడే ఇతర సభ్యులతో చర్చలలో పాల్గొనడం సులువు ఔతుంది.

విక్షనరీ సభ్యత్వం తీసుకొనడం

విక్షనరీలో మిగిలిన వీకీలలో మాదిరిగా సభ్యత్వం నమోదు చేయక ముందే దిద్దుబాట్లు చేయవచ్చు. అయినా సభ్యత్వం తీసుకుని దిద్దుబాట్లు చేయడం మంచిది. అప్పుడు మిగిలిన సభ్యుల సహాయసహకారాలు అందుకునే వీలు ఉంటుంది. సభ్యత్వం తీసుకున్న తరువాత సభ్య పేజీలో తమ వివరాలను అవసరమనుకున్నంత మేర చేర్చ వచ్చు. సభ్యత్వం ఉంటే దిద్దుబాట్ల వివరాలు అకౌంటుకు వెళుతుంది. దిద్దుబాట్లు చేసే ముందు సహాయం లాంటి విషయాలను చదివి అర్ధం చేసుకుని పని మొదలు పెడితే సులువుగా పని చేయవచ్చు. ఇతర సభ్యులను అడిగి సందేహ నివృత్తి చేసుకోవచ్చు. పదాలకు పేజీలు సృష్టించి పని చేసినట్లైతే సమగ్రమైన దిద్దుబాట్లు చేయడానికి వీలు ఔతుంది.

విక్షనరీలో పనిచేసే విధానం

• ముందుగా కొత్త తెలుగు పదం అనే మూసలో మీరు సృష్టించ తలచిన పదాన్ని అన్వేషించండి . ఆ పదానికి పేజీ ముందే సృష్టించబడి ఉంటే ఆ పదము మీకు నీలిరంగులో వుంటుంది. లేదంటే ఎర్ర రంగు లో కనపడే పదాన్ని నొక్కినపుడు కొత్త పేజీ సృష్టించాలా అనే సందేశం కనిపిస్తుంది. తరువాత కొత్త తెలుగు పదం అనే మూసలో ఆ పదాన్ని వ్రాసి ప్రక్కన ఉన్న సృష్టించు అనే బటన్ నొక్కండి. మీరనుకున్న పదానికి పేజీ సిద్ధం ఔతుంది.
• మొదటి విభాగం వ్యాకరణ విభాగం దానిలో భాషా భాగం, వ్యుత్పత్తి, ఏకవచనం లేక బహువచనం అనే వాటికి మీకు తెలిసిన వివరణ ఇవ్వండి.
  • వ్యాకరణ ఉప విభాగంలో పదం విభక్తి లేక లింగము లేక నామవాచకమో విశేషణం లేక ఇలా ఆపదం ఏ వ్యాకరణ విభాగానికి చెందినదో వ్రాయాలి.
  • వ్యుత్పత్తి ఉప విభాగంలో పదం యొక్క మూల పదం లేక రూపాంతర పదమో లాంటి వివరణ ఇవ్వాలి. లేక అది మూల పదమైతే ఇది ఒక మూల పదము అని వ్రాయవచ్చు.
    • ఉదా :- వ్రాత అనేది మూల పదము. చేతివ్రాత అనేదానికి చెయ్యి, వ్రాత అనేవి రెండు మూల పదాలు.
  • బహువచనము లేక ఏక వచనము అనే విభాగంలో ఆ పదము ఏక వచమైతే బహువన రూపం బహువచనమైతే ఏక వచన రూపం వ్రాయాలి. చెప్పులు, కళ్ళు, కాళ్ళు, కళ్ళ జోడు లాంటి పదాలు యధాతధంగా బహువనంలో వ్రాయాలి కదా !
• రెండవ విభాగం అర్ధ వివరణ అనే విభాగం. అందులో పదానికి తగిన అర్ధవివరణ వ్రాయాలి.
• మూడవవది పదాలు అనే విభాగం ఉంటుంది. అందులో నానార్ధాలు, సంబంధిత పదాలు, వ్యతిరేక పదాలు ఉంటాయి. నానా అర్ధాలులో పదానికి ఉండే ఇతర అర్ధాలు సమాన అర్ధాలు వ్రాయాలి. సంబంధిత పదాలులో ఆ పదానికి సంబంధించిన పదాలు వ్రాయాలి. వ్యతిరేక పదానికి ఆ పదానికి ఉండే వ్యతిరేక పదం వ్రాయాలి.
  • నానార్ధాలు ఉపవిభాగంలో ఇతర సమానార్ధాలు వ్రాయాలి. ఇందులో ప్రాంతీయ, మాండలికాల భిన్న రూప పదాలు వ్రాయ వచ్చు. కూడా వ్రాయవచ్చు.
    • ఉదా;- కోస్తా ప్రాంతంలో ప్రాంతంలో చిన్న బిడ్డ, పసి బిడ్డ అనేది కొంచం పడమట సన్న బిడ్డ అంటారు.అలాంటివి నానార్ధాలులో పేర్కొన వచ్చు.
  • సంబంధిత పదాలు ఇక్కడ పదానికి దగ్గర సంబంధం ఉన్న పదాలను పేర్కొన వచ్చు.

• మూడవ విభాగం పద ప్రయోగాలు అందులో ఆ పదాన్ని ప్రయోగిస్తూ వాక్యాలు, పాటలు, పద్యాలు ఉదహరించ వచ్చు. అలాగే పదానికి వివీహ విభక్తి రూపాలు, వివిధ విశేషణ రూపాలు పేర్కొన వచ్చు.
  • • రాముడు, రాముడితో, రాముని, రాముడి వలన, రాముడే, రాముడి వంటి, రామునిలా, రాముడేనా, రాముడా ఇలా ఒకే పదం విభక్తి కారణంగా వివిధ రూపాలు మారుతుంటాయి. వాటిని సంభతిత పద విభాగంలో పేర్కొన వచ్చు. అలాగే విశేషణం వలన మారే రూపాలు.
• నాలుగవ విభాగం పద ప్రయోగాలు. ఇక్కడ ప్దాన్ని వాక్యాలలో, పద్య పాదాలలో, పా పాదాలలో, జానపదాలతో, సామెతలతో ప్రయోగిస్తూ ఉదహరించాలి.
• అయిదవ విభాగం అనువాదాలు ఇది సమగ్రంగా తయారైతే ఎక్కువ ఉపయోగంగా వుండే విభాగం. ఇందులో ఆ పదానికి ఇతర భాషలో అర్ధాలు తెలిసిన వారు వాటిని చేర్చ వచ్చు. అర్ధాల ప్రక్కన బ్రాకెట్ లో ఇతర భాషా ఉచ్ఛారణ తెలుగులో వ్రాయాలి. ఇక్కడ దిద్దుబాటులో ఆ భాషలకు లింకులు ముందే తయారుగా ఉంటాయి. వాటి మధ్య ఆ భాషా పదాన్ని వ్రాసినప్పుడు అది నేరుగా అయా భాషలలో ఆ పదం ఉన్న పేజీకి తీసుకు వెళుతుంది. అనువాదాలలో మరింత కృషి జరగ వలసి ఉంది. ఇతర భాషలతో పరిచయం ఉన్న తెలుగు వారు ఈ పని చేపట్ట వచ్చు.
• తరువాత విభాగం మూలాలు వనరులు ఇక్కడ పదానికి మూలాలు ప్రత్యేకంగా ఉంటే సూచించ వచ్చు. సాధారణంగా తెలుగు పదాలకు ప్రత్యేకమైన మూలాలు అవసరం లేదు. అందరికీ తెలిసే పదాలను చేర్చే సమయంలో మూలాలు వెతకనవసరం లేదు.
• తరువాత విభాగం బయట లింకులు. ఆంగ్ల వీకీ, తెవీకీ లింకులు ఇవ్వాలి. ఆంగ్లవీకీ లింకు ముందే ఉంటుంది. దానిలో పదానికి ఉండే సమానమైన ఆంగ్ల పదాన్ని వ్రాయాలి. ఈ లింకు ఆంగ్ల వీకీలో ఉండే వ్యాసానికి దారి తీస్తుంది.
• వర్గాలు విభాగంలో ఆ పదం ఏ వర్గంలో చేరుతుందో వ్రాయాలి.
• చివరిగా ఎడిట్ పేజీలో మీకు అందుబాటులో ఉన్న సాంకేతిక సహాయంతో ఆ పదానికి చిత్రాన్ని చేర్చగలిగితే భాష తెలియని వారికి కూడా పదమేమిటో అర్ధం ఔతుంది. ఇది చాలా ఉపయోగకరం. చిత్రాలు ఇప్పటికే లేక పోతే మీరే వికీలో ప్రవేశ పెట్టి (అప్లోడ్) పేజీలో చేర్చ వచ్చు. ఇతర వీకీల నుండి చేర్చ వచ్చు. అయితే సభ్యులు తమకు తెలిసిన ఏ విభాగంలోఅయినా వ్రాయ వచ్చు పూర్తిగా వ్రాయాలన్న నియమం ఏమీ లేదు.

పద సేకరణ

విక్షనరీలో సాధారణంగా నిత్య జీవితంలో మన వాడే పదాలను చేర్చాలి. ప్రస్తుతం వాడుకలో లేని పదాలు మన ఇళ్ళల్లో పెద్ద వారు వాడుతుంటారు వాటిని చేర్చి అర్ధాలను వివరిస్తే మరుగున పడుతున్న పదాలు వెలుగులోకి వస్తాయి. జానపదులలో, పల్లె సీమల్లో కొన్ని చిత్రమైన పదాలు వాడుకలో ఉంటాయి. వాటిని కూడా ఇక్కడ చేర్చ వచ్చు. పల్లె సీమల్లో విభిన్నతలు అధికంగా ఉంటాయి. వాటిని చిత్రాలతో ఊదహరిస్తే బాగుంటుంది. పల్లె పదాల్లో అమాయకత్వం, సహజత్వం ఎక్కువ అటువంటి పదాలను చేర్చ వచ్చు. కుల పరంగా కొన్ని ప్రత్యేక పదాలు ఉంటాయి. వాటిని కూడా చేర్చ వచ్చు. సంస్కృతి, సాంప్రదాయాల పరంగా కొన్ని ప్రత్యేక పదాలు ఉంటాయి. వాటినీ చేర్చ వచ్చు. వ్యవసాయానికి సంబంధించి అనేక పదాలు ఉంటాయి వాటినీ చేర్చ వచ్చు. ఇలా విభిన్న పదాలను చేర్చ వచ్చు.వార్తా పత్రికలు కొన్ని కొత్త పదాలను సృష్టిస్తుంటాయి. వాటిని కూడా పేర్కొన వచ్చు. ఇలా మన పరిసరాలను గమనిస్తే అనేకానేక పదాలు వినిపిస్తాయి. వాటన్నింటినీ ఇక్కడ నిక్షిప్తం చేయవచ్చు.

విక్షనరీ గణాంకాలు

• గణాంకాలు చరిత్రతో సహా
• తెలుగు వీక్షనరీ గణాంకాలు