ఇది మంచి సమయము రారా (పాట)

ఇది మంచి సమయము రారా తెలుగు చలనచిత్ర చరిత్రలో ఒక మహిళ ఇతరులకు పాడిన తొలి నేపథ్యగీతం. ఈ పాటను అలనాటి గాయని బెజవాడ రాజరత్నం భక్త పోతన (1942) చిత్రంలో రాజనర్తకి భోగిని పాత్రధారిణి అయిన సామ్రాజ్యం అనే నటీమణికి పాడారు. ఈ పాటను అలనాటి ప్రముఖ రచయిత సముద్రాల రాఘవాచార్య రచించారు. దీనికి ప్రముఖ నటుడు, సంగీత దర్శకుడు అయిన చిత్తూరు నాగయ్య సంగీతం అందించారు.

పాట

మంచి సమయము రారా

ఇది మంచి సమయము రారా

చలమేల జేసేవౌరా

ఇది మంచి సమయము రారా

చలమేల జేసేవౌరా

నిన్నెకోరి నీకై నిలచితిరా

నిన్నెకోరి నీకై నిలచితిరా

రారా కోరిక తీరా

మనకిది మంచి సమయము రారా

లేదా కనికరమింతైనా లేదా

ఈ మేను నీదే కాదా వాదా

ఓరి! ఎంతో నెమ్మది నిను కోరి

వలచినందుకు ఒకసారి

పలుకవైతివి నను చేరి

ఫలమేమిక నిను దూరీ

రారా సామి రారా నను కౌగిటిని గైకోరా

రారా సామి రారా నను కౌగిటిని గైకోరా

మనసారా ఒక ముద్దీరా

మంచి సమయము రారా

మూలాలు

• జీవితమే సఫలము - సీనియర్ సముద్రాల సినీగీతాలకు సుమధుర వ్యాఖ్య (మొదటి సంపుటి) - డాక్టర్‌.వి.వి.రామారావు - పుట 132

లింకులు

• యూట్యూబ్‌లో ఇది మంచి సమయము రారా పాట