ఉదయకిరణ్ (నటుడు)

ఉదయ్ కిరణ్
2009 నాటి ఉదయ్ కిరణ్
జననం	వాజపేయాజుల ఉదయ్ కిరణ్ (1980-06-26) 1980 జూన్ 26 హైదరాబాదు
మరణం	6 జనవరి 2014 హైదరాబాదు
వృత్తి	నటుడు
ఎత్తు	5'10

ఉదయ్ కిరణ్ వాజపేయాజుల తెలుగు మరియు తమిళ భాషచిత్రసీమల్లో ప్రసిద్ధ కథానాయకుడు. ఇతను తెలుగులో కథానాయకుడిగా వచ్చిన మొదటి మూడు సినిమాలు బాక్సాఫీసు వద్ద హిట్ కావటంతో హ్యాట్రిక్ హీరో అనే బిరుదు సంపాదించుకున్నాడు.

జీవితం

ఉదయ్ కిరణ్ 26 జూన్ 1980 న హైదరాబాదులో పుట్టాడు. ఇతని తల్లితండ్రులు వీవీకే మూర్తి మరియు నిర్మల. ఇతడు కేవీ పికేట్ లో తన చదువును పూర్తి చేసాడు.ఆ పై వెస్లీ కాలేజీ నుండి బీకాంలో పట్టభద్రుడు. చిరంజీవి కూతురు సుస్మిత తో 2003లో నిశ్చితార్థం జరిగినా కొన్ని కారణాల వల్ల పెళ్లి కార్యరూపం దాల్చలేదు. ఆతర్వాత 2012లో అక్టోబర్ 24న విషితను వివాహమాడారు. 6 జనవరి 2014 న అర్ధరాత్రి శ్రీనగర్ కాలనీలోని జ్యోతి హోమ్స్‌లోని తన ఫ్లాట్‌లోనే ఉరి వేసుకుని ఆత్మహత్య చేసుకున్నాడు.

సినీ జీవితం

తేజ తీసిన చిత్రం సినిమా ద్వారా పరిచయమయిన ఉదయ్ కిరణ్, ఒక కొత్త పోకడను హీరోల్లోకి తెచ్చాడు. ఈ సినిమా పెద్ద హిట్ అయింది. ఆ పై వచ్చిన నువ్వు నేను ఇంకా మనసంతా నువ్వే కూడా వరుసగా హిట్ అయ్యాయి. నువ్వు నేను సినిమాలోని యువకుని పాత్రపోషణకు గానూ 2001 ఫిలింఫేర్ అవార్డ్ ఇతడ్ని వరించింది. తరువాత వచ్చిన కలుసుకోవాలని సినిమాలో తన నృత్య ప్రతిభను కిరణ్ చూపాడు. శ్రీరాం సినిమా ద్వారా ఒక పరిపక్వ నటనను మనకు చూపిస్తాడు.. చిత్రం, నువ్వునేను, ఔనన్నా కాదన్నా, జై శ్రీరామ్, మనసంతా నువ్వే లాంటి విజయవంతమైన చిత్రాల్లో ఉదయ్ కిరణ్ నటించారు. 2005 లో తమిళంలో బాలచందర్ దర్శకత్వంలో వచ్చిన పాయ్ చిత్రం ద్వారా తమిళ సినిమా రంగంలో ప్రవేశించారు. తరువాత మరో రెండు సినిమాలు, వంబు సందై, పెన్ సింగం అనే సినిమాలు తీసాడు.

సినిమాలు

రిలీజ్ తేదీ	చిత్రం పేరు	భాష	పాత్ర	దర్శకుడు	వ్యాఖ్యలు
2012	ఈ పెద్దోళ్ళున్నారే	తెలుగు		వీఎన్ఆదిత్య	నిర్మాణంలో
2012	దిల్ కబాడీ	తెలుగు		శ్రీ
20వ ఏప్రిల్ 2012	నువ్వెక్కడుంటే నేనక్కడుంటా	తెలుగు	హరి	శుభసెల్వం
3వ జూన్ 2010	పెన్ సింగం	తమిళం	సూర్య	బలి శ్రీరంగం	తెలుగులో అల్లడిస్తా గా డబ్ అయింది
7వ నవంబర్ 2008	ఏకలవ్యుడు	తెలుగు	కార్తీక్	కే రామకృష్ణ
12వ సెప్టెంబర్ 2008	గుండె ఝల్లుమంది	తెలుగు	బాల్రాజు (రాజేశ్)	మదన్
29వ ఫిబ్రవరి 2008	వంబు సందయి	తమిళం	ప్రభాకర్	రాజ్ కపూర్	లక్ష్మీ పుత్రుడు గా తెలుగులో డబ్ అయింది
1వ నవంబర్ 2007	వియ్యారహ్మానుద్దీన్షేక్లవారి కయ్యాలు	తెలుగు	వంశీ	ఈ. సత్తిబాబు
23వ డిసెంబర్ 2006	పోయి	తమిళం	కంబన్/వేమన	కే.బాలచందర్	అబద్ధం గా తెలుగులోకి డబ్ అయింది
6వ ఏప్రిల్ 2005	ఔనన్నా కాదన్నా	తెలుగు	రాం మోహన్	తేజ
5వ ఫిబ్రవరీ 2004	లవ్ టుడే	తెలుగు	శివ	అర్పుధన్
15వ ఆగస్ట్ 2003	నీకు నేను నాకు నువ్వు	తెలుగు	ఆనంద్	రాజశేఖర్
17వ మార్చ్ 2003	జోడీ నం.1	తెలుగు	గౌతం	ప్రతాని రామకృష్ణ గౌడ్	కొన్ని సన్నివేశాలలో స్త్రీ వేషం వేస్తాడు
1వ నవంబర్ 2002	నీ స్నేహం	తెలుగు	వేణు మాధవ్	పరుచూరి మురళి
30వ ఆగస్ట్ 2002	హోళీ	తెలుగు	కిరణ్	ఎస్వీఎన్ వరప్రసాద్
21వ జూన్ 2002	శ్రీరాం	తెలుగు	శ్రీరాం	వీఎన్ ఆదిత్య
8వ ఫిబ్రవరీ 2002	కలుసుకోవాలని	తెలుగు	రవి	రఘు రాజ్
19వ అక్టోబర్ 2001	మనసంతా నువ్వే	తెలుగు	చంటి/వేణు	వీఎన్ ఆదిత్య
10వ ఆగస్టు 2001	నువ్వు నేను	తెలుగు	రవి	తేజ
17వ జూన్ 2000	చిత్రం (సినిమా)	తెలుగు	రమణ	తేజ

బిరుదులు

• ఫిలింఫేర్ ఉత్తమ కథానాయకుడు(తెలుగు) - నువ్వునేను (2001) కు గానూ

బయటి లంకెలు

• My first break by Uday in English, The Hindu 11 జూన్ 2010 పరిశీలన తేది:8 జనవరి 2014