ప్రీతీ జింటా సినిమాల జాబితా

వికీపీడియా నుండి
Jump to navigation Jump to search
Preity Zinta is smiling away from the camera.
జాన్-ఎ-మాన్(2006) సినిమా ఫంక్షన్ లో ప్రీతీ

ప్రీతీ జింటా ప్రముఖ బాలీవుడ్ నటి. 1998లో దిల్ సే.. లో సహాయ నటి  పాత్రతో తెరంగేట్రం చేశారు ఆమె. ఆ తరువాత సోల్జర్ సినిమాలో  నటించారు. ఈ సినిమా మంచి విజయాన్ని అందుకుంది.[1][2] ఈ రెండు సినిమాల్లోని నటనకు గానూ ప్రీతీ ఆ ఏడాది ఫిలింఫేర్ ఉత్తమ నటి డెబ్యూ పురస్కారాన్ని కూడా అందుకున్నారు.[1] ఆ తరువాత సంఘర్ష్(1999), క్యా కెహనా(2000) వంటి సినిమాల్లో నటించారు. క్యా కెహనా మంచి హిట్ గానే నిలిచింది.[1][3] అదే ఏడాది హర్ దిల్ జో ప్యార్ కరేగా, మిషన్ కాశ్మీర్ వంటి సినిమాల్లో నటించారు. మిషన్ కాశ్మీర్ చిత్రం ఆ ఏడాది అతి ఎక్కువ వసూళ్ళు చేసిన మూడో చిత్రంగా నిలిచింది.[4]

2001లో దిల్ చాహ్తా హై సినిమాలో నటించారు ప్రీతీ.[5] అదే ఏడాది చోరీ చోరీ చుప్కే చుప్కే సినిమాలో నటించి, విమర్శకులను, ప్రేక్షకులను మెప్పించారామె.[6] 2002లో కేవలం దిల్ హై తుమ్హారా సినిమాలో కనిపించారు ప్రీతీ. ఈ సినిమా ఫ్లాప్ అయింది.[7][8] 2003లో ఆమె నాలుగు సినిమాలు చేశారు. అనిల్ శర్మ దర్శకత్వంలో, సన్నీ డియోల్ తో కలసి ది హీరో సినిమాలో నటించారు. ఆ సినిమా అప్పటికి బాలీవుడ్ లోనే అతి ఎక్కువ ఖర్చుతో నిర్మించిన సినిమా.[9] ఆ తరువాత అర్మాన్ సినిమాలో ప్రతినాయిక పాత్రలో నటించారు ప్రీతీ.[10] కోయీ.. మిల్ గయా, కల్ హో నా హో సినిమాల్లో చేశారు ఆమె.[11] ఈ రెండు చిత్రాలూ బ్లాక్ బస్టర్ హిట్లుగా నిలిచాయి. కల్ హో నా హో  సినిమాలోని నటనకు ఫిలింఫేర్ ఉత్తమ నటి పురస్కారం అందుకున్నారు ప్రీతీ.[12]

2004లో ఆమె నటించిన లక్ష్య చిత్రం పెద్దగా విజయం సాధించలేదు. ఈ సినిమాలో ప్రీతీ విలేఖరి పాత్రలో కనిపించారు.[13] అదే ఏడాది యశ్ చోప్రా తీసిన వీర్-జారా సినిమాలో షారుఖ్ ఖాన్ సరసన నటించారు ఆమె.[14] ఆ ఏడాదికిగానూ ఈ చిత్రం అతి ఎక్కువ వసూళ్ళు సాధించిన సినిమాగా నిలిచింది.[15] 2005లో సలాం నమస్తే, 2006లో కభీ అల్విదా నా కెహనా సినిమాల్లో నటించారు ప్రీతీ. ఈ రెండు చిత్రాలూ భారత్ లో హిట్ కావడమే కాక, విదేశీ మార్కెట్లోనూ మంచి లాభాలు సాధించాయి.[16][17] సలాం నమస్తేలో రేడియో జాకీగా,[18] కభీ అల్విదా.. చిత్రంలో ఇష్టం లేని వివాహం చేసుకున్న అమ్మాయిగా ఆమె నటన ప్రేక్షకుల విమర్శకుల ప్రశంసలు అందుకుంది.[3][19] జాన్-ఎ-మాన్(2006), ఝూం బరాబర్ ఝూం(2007) వంటి ఫ్లాప్ సినిమాల్లో నటించారు ఆమె.[20][21] 2008లో హెవెన్ ఆన్ ఎర్త్ అనే కెనడా చిత్రంలో నటించారు ప్రీతి. ఈ సినిమా ఆమె మొట్టమొదటి అంతర్జాతీయ చిత్రం.[1] 

2011లో గిన్నీస్ వరల్డ్ రికార్డ్స్ - ఎబి ఇండియా తోడేగా, అప్ క్లోజ్ & పర్సనల్ విత్ పిజెడ్ అనే రియాలిటీ షోలకు వ్యాఖ్యాతగా వ్యవహరించారు ప్రీతి. అదే ఏడాది ఆమె తన నిర్మాణ సంస్థ పి.జెడ్.ఎన్.జెడ్ మీడియాను స్థాపించారు.[22]  2013లో ఇష్క్ ఇన్ పారిస్ సినిమాను నిర్మించారు ప్రీతీ. ఈ చిత్రం పెద్దగా విజయం సాధించలేదు.[23]

మూలాలు[మార్చు]

  1. 1.0 1.1 1.2 1.3 "U.K. varsity to confer honorary doctorate on Preity Zinta".
  2. "Box Office 1998".
  3. 3.0 3.1 ఉదహరింపు పొరపాటు: సరైన <ref> కాదు; roles అనే పేరుగల ref లకు పాఠ్యమేమీ ఇవ్వలేదు
  4. "Box Office 2000".
  5. Baradwaj, Rangan (3 December 2011).
  6. Indo-Asian News Service (17 June 2014).
  7. ఉదహరింపు పొరపాటు: సరైన <ref> కాదు; KK అనే పేరుగల ref లకు పాఠ్యమేమీ ఇవ్వలేదు
  8. "Shakti displaces Devdas after 10 weeks of ruling BO".
  9. "B'wood's expensive films".
  10. "Hottest Hollywood/Bollywood villains".
  11. "Box Office 2003".
  12. Bhushan, Nyay (14 May 2014).
  13. "Lesser-known facts about Farhan Akhtar's decade-old 'Lakshya'".
  14. Gates, Anita (13 November 2004).
  15. "Bollywood Box Office: Top Grossers in India for 2004".
  16. "Top Lifetime Grossers Worldwide (IND Rs)".
  17. "Top Lifetime Grossers Overseas".
  18. "Actresses who made it big with the Yash Chopra club".
  19. Genzlinger, Neil (12 August 2006).
  20. "Don beats Jaan-E-Mann at the box office".
  21. Kazmi, Nikhat (31 December 2007).
  22. "Preity Zinta on movies and much more".
  23. "Bollywood's Flop Comebacks: Preity, Rani, Madhuri and Karisma".