బోగత జలపాతం

వికీపీడియా నుండి
Jump to navigation Jump to search
బోగత జలపాతం
Bogatha Water Falls.png
బోగత జలపాతం
బోగత జలపాతం is located in Telangana
బోగత జలపాతం
ప్రదేశంచీకుపల్లి, వాజేడు, ములుగు జిల్లా, తెలంగాణ
అక్షాంశరేఖాంశాలు18°28′34″N 80°30′00″E / 18.476135°N 80.500027°E / 18.476135; 80.500027Coordinates: 18°28′34″N 80°30′00″E / 18.476135°N 80.500027°E / 18.476135; 80.500027
రకంజలపాతాలు

బోగత జలపాతం జయశంకర్ జిల్లా, వాజేడు మండలంలోని బోగత గ్రామంలో ఉన్న జలపాతం.[1]దట్టమైన పచ్చని అడవుల మధ్య, కొండకోనల నుంచి హోరెత్తే నీటి హోయలతో నిండిన జలపాతం ఇది.. వాజేడు మండలం కేంద్రానికి ఐదు కిలోమీటర్లు దూరంలో, చత్తీస్‌గఢ్ రాష్ట్ర సరిహద్దుకు 20 కి.మీ. దూరంలో ఉంది ఈ బోగత జలపాతం. జూలై నుంచి నవంబరు వరకు భారీగా నీటి దూకుడు కనిపిస్తుంది ఇక్కడ. కొండకోనలనుంచి జాలువారే నీటి పొంగు బోగత జలనిధిగా సాక్షాత్కరిస్తుంది.[2]

బొగత వాటర్‌ఫాల్స్ చీకులపల్లి ఫాల్స్ అనికూడా అంటారు. ములుగు జిల్లా వాజేడు మండలంలోని చీకుపల్లి అటవీప్రాంతంలో బొగత జలపాతం ఉంది.[3]కాళేశ్వరం-భద్రాచలం అడవుల మధ్యన ఇది ఉన్నది. 30 అడుగుల ఎత్తు నుంచి వాగు నీళ్లు దుంకి కింద పెద్ద జలాశయంగా ఏర్పడుతాయి. పచ్చని దట్టమైన అడవుల మధ్య కొండకోనల్లో నుంచి హోరెత్తే నీటి హొయల నిండైన జలపాతం బొగత. ప్రకృతి సృష్టించిన అద్భుతమైన అందాల్లో ఇది ఒకటి.[4]

మార్గం[మార్చు]

హైదరాబాద్ నుంచి పర్యాటకులు రైలు, రోడ్డు మార్గం ద్వారా బోగత జలపాతానికి చేరుకోవచ్చు. రైలు మార్గం ద్వారా సికింద్రాబాద్ నుంచి కొత్తగూడెం వరకు సౌకర్యం ఉంది. కొత్తగూడెం నుంచి భద్రాచలం మీదుగా వాజేడు మండల కేంద్రానికి రోడ్డు మార్గాన చేరుకోవాలి. అక్కడి నుంచి మరో కిలోమీటరు ముందుకు వెళ్ళాలి. ఎడమవైపు తిరిగి రెండు కిలోమీటర్లు మట్టి రోడ్డున వెళ్తే అందాల బోగత దర్శనమిస్తుంది. వరంగల్ నుంచి 130 కిలోమీటర్లు, ఖమ్మం నుంచి 240 కిలోమీటర్లు, భద్రాచలం నుంచి 120 కి.మీ., హైదరాబాద్ నుంచి 440 కి.మీ. దూరంలో ఉన్న ఈ జలపాతాన్ని చేరుకునే ప్రయత్నంలో పదిహేను కిలోమీటర్ల మేర ఆవరించి ఉన్న ప్రకృతి సౌందర్యాన్ని చూసి పరవశించవచ్చు, ఆస్వాదించొచ్చు.

ప్రదేశం[మార్చు]

బొగత జలపాతం

కొత్తగూడెం నుంచి భద్రాచలం మీదుగా వాజేడుకు వెళ్లాలి. వాజేడు నుంచి 5 కిలోమీటర్ల దూరంలో చీకుపల్లి కాజ్‌వే ఉంటుంది. అక్కడ్నుంచి మరో మూడు కిలోమీటర్లు వెళ్లే బొగత జలపాతం వస్తుంది. ఖమ్మం నుంచైతే 240 కిలోమీటర్లు. జయశంకర్‌ భూపాలపల్లి జిల్లా వాజేడు మండలంలోని బొగత హైదరాబాద్ నుంచి 440 కి.మీ. దూరంలో వరంగల్ పట్టణానికి 140 కి.మీ.దూరంలో.. ఏటూరు నాగారం నుంచి 30 కి.మీ.దూరంలో బొగత ఉంటుంది.భద్రాచలం నుంచి 120 కి.మీ.దూరంలో ఉంది.

మూలాలు[మార్చు]

  1. హెచ్.యం.టీవి. "తెలంగాణ నయాగరా.. బోగత జలపాతం.. క్యూ కట్టిన టూరిస్టులు". Retrieved 26 October 2017.[permanent dead link]
  2. https://www.youtube.com/watch?v=A7fQ_k-hpso
  3. నమస్తే తెలంగాణ, వాజేడు(ములుగు) (1 September 2019). "'బొగత'లో పర్యాటకుల సందడి". ntnews.com. Archived from the original on 1 September 2019. Retrieved 1 September 2019.
  4. బొగత వాటర్‌ఫాల్స్. "తెలంగాణ నయాగరాలు". నమస్తే తెలంగాణ. Archived from the original on 10 July 2017. Retrieved 9 September 2017.