బోర్డర్ 2
| బోర్డర్ 2 | |
|---|---|
 థియేట్రికల్ విడుదల పోస్టర్ | |
| దర్శకత్వం | అనురాగ్ సింగ్ |
| స్క్రీన్ ప్లే |
|
| కథ | నిధి దత్తా |
| నిర్మాత |
|
| తారాగణం | |
| ఛాయాగ్రహణం | అన్షుల్ చోబే |
| కూర్పు | మనీష్ మోర్ |
| సంగీతం |
|
నిర్మాణ సంస్థలు |
|
| పంపిణీదార్లు | ఏఏ ఫిల్మ్స్ |
విడుదల తేదీ | 2026 జనవరి 23 |
సినిమా నిడివి | 199 నిమిషాలు[1] |
| దేశం | భారతదేశం |
| భాష | హిందీ |
| బడ్జెట్ | ₹275 కోట్లు[2] |
| బాక్సాఫీసు | ₹396.03 కోట్లు[3] |
బోర్డర్ 2 (2026) అనేది 1997 నాటి జె. పి. దత్తా చిత్రం బోర్డర్కు సీక్వెల్ గా వచ్చిన భారతీయ హిందీ భాషా ఇతిహాస యాక్షన్ యుద్ధ నేపధ్య చిత్రం. దీనికి అనురాగ్ సింగ్ సహ రచయితగా ఉంటూ దర్శకత్వం వహించారు. టి-సిరీస్ ఫిల్మ్స్, జె. పి. ఫిల్మ్స్ పతాకాలపై భూషణ్ కుమార్, క్రిషన్ కుమార్, జె. పి. దత్తా, నిధి దత్తా దీనిని నిర్మించారు.
1971 భారత-పాక్ యుద్ధం నేపథ్యంలో ఈ చిత్రాన్ని రూపొందించారు. ఇది మల్టీ-ఫ్రంట్ వార్ డ్రామాగా, సైన్యం, వైమానిక దళం, నౌకాదళం సంయుక్త ఆపరేషన్లను చూపిస్తూ మునుపటి చిత్ర పరిధిని విస్తరించింది. ఈ చిత్రంలో సన్నీ డియోల్ ప్రధాన పాత్రలో నటించగా, వరుణ్ ధావన్, దిల్జీత్ దోసాంజ్, అహాన్ శెట్టి ఇతర ముఖ్య పాత్రల్లో కనిపిస్తారు.[4][5] మోనా సింగ్, సోనమ్ బజ్వా, అన్యా సింగ్, మేధా రాణా కూడా కీలక పాత్రల్లో నటించారు.[6][7][8][9][10]
మొదటి చిత్రం విడుదలైన 27వ వార్షికోత్సవం సందర్భంగా 2024 జూన్ 13న ఈ ప్రాజెక్ట్ను అధికారికంగా ప్రకటించారు. 2025 ప్రారంభంలో ఝాన్సీ కంటోన్మెంట్, బబినా, ఖడక్వాస్లాలోని నేషనల్ డిఫెన్స్ అకాడమీ (ఎన్డీయే) వంటి వివిధ సైనిక స్థావరాలలో చిత్రీకరణ ప్రారంభమైంది. సాంకేతిక ప్రామాణికత కోసం, ఐఎన్ఎస్ విక్రాంత్తో సహా వాస్తవ రక్షణ సంస్థలను ఉపయోగించారు. పంజాబ్ మైదానాలు, ఉత్తరాఖండ్ ఎత్తైన ప్రాంతాలు, రాజస్థాన్ ఎడారులలో కఠినమైన యుద్ధ సన్నివేశాలను చిత్రీకరించారు.[11]
బోర్డర్ 2 2026 జనవరి 23న గణతంత్ర దినోత్సవం వారాంతంలో థియేటర్లలో విడుదలైంది. విమర్శకుల నుండి సానుకూల స్పందన లభించింది.
కథ
[మార్చు]ఈ చిత్ర కథ ముఖ్యంగా 1971 భారత-పాక్ యుద్ధం సమయంలో పశ్చిమ సరిహద్దులోని మారుమూల ఎడారి అవుట్పోస్ట్లో మోహరించిన భారత ఆర్మీ బెటాలియన్ కార్యకలాపాల ఆధారంగా సాగింది. కమ్యూనికేషన్ సరిగా లేక, రీన్ఫోర్స్మెంట్లకు దూరంగా ఉన్న సైనికులు, శత్రువుల దాడిని ఎదుర్కోవడానికి సిద్ధమవుతూ కఠినమైన పరిస్థితులను ఎదుర్కొంటారు. ఆ బెటాలియన్కు లెఫ్టినెంట్ కల్నల్ ఫతే సింగ్ కాలేర్ నాయకత్వం వహిస్తాడు. అతను అనుభవజ్ఞుడైన, క్రమశిక్షణ గల అధికారి. సరిహద్దును దాటడానికి శత్రువులు భారీ ఎత్తున దాడి చేయబోతున్నారని ఇంటెలిజెన్స్ నివేదికలు సూచిస్తాయి. ఆ పోస్ట్ వ్యూహాత్మకంగా కీలకమైన మార్గాన్ని కాపాడుతున్నందున, బెటాలియన్ తమ స్థానాన్ని ఎట్టి పరిస్థితుల్లోనూ వదులుకోకూడదని ఆదేశాలు అందుతాయి. ఆ భీకర యుద్ధ సన్నివేశాలతో కథ చాలా ఆసక్తికరంగా సాగుతుంది.
తారాగణం
[మార్చు]- సన్నీ డియోల్ - లెఫ్టినెంట్ కల్నల్ ఫతే సింగ్ కాలేర్ — 6 సిక్కు నుండి భారత ఆర్మీ అధికారి (మేజర్ జనరల్ హర్దేవ్ సింగ్ క్లేర్ ఆధారంగా)[5][12]
- వరుణ్ ధావన్ - మేజర్ హోషియార్ సింగ్ దహియా — 3 గ్రెనేడియర్స్ నుండి భారత ఆర్మీ అధికారి[13][5]
- దిల్జీత్ దోసాంజ్ - ఫ్లయింగ్ ఆఫీసర్ నిర్మల్ జిత్ సింగ్ సెఖోన్ — నం. 18 స్క్వాడ్రన్ నుండి భారత వైమానిక దళ అధికారి[14][5]
- అహాన్ శెట్టి - లెఫ్టినెంట్ కమాండర్ మహేంద్ర సింగ్ రావత్ — 14వ ఫ్రిగేట్ స్క్వాడ్రన్ నుండి భారత నేవీ అధికారి (కెప్టెన్ మహేంద్ర నాథ్ ముల్లా ఆధారంగా)[5]
- మోనా సింగ్ - సిమి కాలేర్ (ఫతే భార్య)
- సోనమ్ బజ్వా - మంజిత్ సెఖోన్ (నిర్మల్ భార్య)[15]
- మేధా రాణా - ధన్వంతి దేవి దహియా (హోషియార్ భార్య)
- అన్యా సింగ్ - సుధా రావత్ (మహేంద్ర భార్య)
- పరంవీర్ చీమా - సుబేదార్ నిషాన్ సింగ్ — 3 గ్రెనేడియర్స్ నుండి భారత ఆర్మీ జెసిఓ[5]
- అనురాగ్ అరోరా - సుబేదార్ రామ్ సింగ్ — 6 సిక్కు నుండి భారత ఆర్మీ జెసిఓ
- వంశ్ భరద్వాజ్ - సుబేదార్ సంత్రామ్ — 3 గ్రెనేడియర్స్ నుండి భారత ఆర్మీ జెసిఓ
- ఇషికా గగ్నేజా - సుఖ్విందర్ కౌర్ (నిర్మల్ సోదరి)
- హర్దీప్ గిల్ - ఫ్లైట్ లెఫ్టినెంట్ తర్లోచన్ సింగ్ సెఖోన్ (రిటైర్డ్) (నిర్మల్ తండ్రి)
- నీతా మొహింద్రా - హర్బన్స్ కౌర్ సెఖోన్ (నిర్మల్ తల్లి)
- గునీత్ సంధు - కెప్టెన్ అంగద్ సింగ్ కాలేర్ — ఫతే కుమారుడు, 7 సిక్కు నుండి భారత ఆర్మీ అధికారి
- వకార్ షేక్ - పాకిస్తాన్ ఆర్మీ కల్నల్ ముహమ్మద్ యూనస్ ఖాలిద్
- మధుర్ అరోరా - జనరల్ యాహ్యా ఖాన్
- సంజీవ్ చోప్రా - బ్రిగేడియర్ గుర్బచన్ సింగ్ చీమా — ఫతే కమాండింగ్ ఆఫీసర్
- అలీ మొఘల్ - అక్రమ్ బాజిద్ ఖాన్ — పాకిస్తాన్ ఆర్మీ అధికారి
- ఉజ్వల్ గౌరహా - పష్తూన్ రౌహానీ — పాకిస్తాన్ ఆర్మీ సైనికుడు
- అంగద్ సింగ్ - సంపూర్ణ సింగ్
- ఆజాద్ చౌహాన్ - బాలమ్ సింగ్
- భూషణ్ వికాస్ - బేణిరామ్ రావు
- కార్తీక్ ఫోగట్ - అష్ఫాక్ అలీ
- సాద్ బాబా - లెఫ్టినెంట్ జనరల్ వేద్ ప్రకాష్ ఐరీ
- ఇమ్రాన్ ఫరూఖ్ - రషీద్ గుల్
- హర్విందర్ ఔజ్లా - గుర్జీత్ సింగ్
- ప్రణవ్ వశిష్ట్ - అజిత్ సింగ్
- పాలి సంధు - జగత్ సింగ్
- బషీర్ లోన్ - వృద్ధ గ్రామస్తుడు బషీర్ షేక్
- బెహజాద్ ఖాన్ - పాక్ స్కౌట్ లీడర్ సుబేదార్ అష్ఫాక్ అలీ
- అలీ హసన్ - లెఫ్టినెంట్ కల్నల్ జహీర్ హుస్సేన్ ఖాన్
- అజయ్ శర్మ - సజ్జాద్ రషీద్
- ఆదర్శ్ బారిక్ - సౌరవ్ నాథూరామ్ పింగ్లే
- సందీప్ శర్మ - హోషియార్ మామగారు
- అశ్విని ఒబెరాయ్ - హోషియార్ బాబాయి
- అమిత్ భరద్వాజ్ - రజనీష్ సింగ్
- సుశీల్ సింగ్ - ఉస్తాద్ మంగల్ సింగ్
- తేజశ్వర్ సింగ్ - ఘుమ్మన్ రావల్
- అథర్వ బంగళే - ఏటీసీ ఆఫీసర్
- సవ్యసాచి మిశ్రా - ఐఏఎఫ్ కమాండింగ్ ఆఫీసర్
- హర్దీప్ గిల్ - తర్లోక్ సెఖోన్
- జాస్మిన్ ఖురానా - సుష్మా
- హర్మన్ సింగ్ లఖియా - కజిన్ బిల్లో
- అభినవ్ రంగా - సాగర్ రంగా
- ఆసిఫ్ రెహ్మాన్ - రావత్ కెప్టెన్
- అతుల్ సింగ్ - రమేష్ విజయన్
- వారిక్ష్ మెహతా - అజయ్ సిన్హా
- షాహిద్ లతీఫ్ - కమాండర్ అహ్మద్ తస్నిమ్ — పాకిస్తాన్ నేవీ సబ్ మెరైన్ పీఎన్ఎస్ హంగోర్ కమాండింగ్ ఆఫీసర్
- గౌరవ్ పూరి - పీఎన్ఎస్ హంగోర్లో సైలర్ రిఫత్ జావేద్
- విమర్ష్ రోషన్ - వైపర్ పైలట్ వి మంగతే
- ఉజ్వల్ గౌరహా - షంషీర్
- ఉమర్ షరీఫ్ - పష్తూన్
- హీరల్ భోజ్వాని - అమీతా రావత్
- అలీ రజా - రావత్ తండ్రి
- నమ్రత జోషి - రావత్ తల్లి
- అజయ్ మెహ్రా - జాఫర్ చౌదరి
- కరణ్ చిబ్బర్ - ముజఫర్ హసన్
- సౌమ్యార్క గుప్తా - అబ్దుల్ హమీద్ ఖాన్
- హరి ఓం కల్వా - లెఫ్టినెంట్ జనరల్ షేర్ ఖాన్
- కరణ్ మన్ - పాకిస్తాన్ ఆర్మీ అధికారి
- ఉమేద్ సింగ్ - రణధీర్ సింగ్ — ఆర్మీ పోస్ట్మ్యాన్
- కరణ్ జోత్వాని - వెంకటేష్
- సునీల్ శెట్టి (అతిథి పాత్ర) - అసిస్టెంట్ కమాండెంట్ భైరాన్ సింగ్ రాథోడ్ — లొంగేవాలా యుద్ధంలో పోరాడిన యూనిట్కు అనుసంధానించబడిన బి.ఎస్.ఎఫ్ అధికారి[16]
- అక్షయ్ ఖన్నా (అతిథి పాత్ర) - 2వ లెఫ్టినెంట్ ధరంవీర్ భక్రి
- పునీత్ ఇస్సార్ (అతిథి పాత్ర) - సుబేదార్ రతన్ సింగ్
- సుదేశ్ బెర్రీ (అతిథి పాత్ర) - నాయబ్ సుబేదార్ మథుర దాస్
నిర్మాణం, చిత్రీకరణ
[మార్చు]బోర్డర్ (1997) చిత్రం 27వ వార్షికోత్సవం సందర్భంగా 2024 జూన్ 13న జె. పి. దత్తా, భూషణ్ కుమార్, సన్నీ డియోల్ అధికారికంగా బోర్డర్ 2ను ప్రకటించారు. అసలు తారాగణం నుండి డియోల్ను కొనసాగించారు.[17] గదర్ 2 (2023) విజయం తర్వాత సన్నీ డియోల్కి ప్రధాన పాత్ర అయిన భారత ఆర్మీ అధికారి, లెఫ్టినెంట్ కల్నల్ ఫతే సింగ్ కాలేర్ పాత్రను పోషించాడు.[5][6][12]ఉత్తర ప్రదేశ్, మధ్య ప్రదేశ్లలో మొదటి దశ చిత్రీకరణ జరిగింది. రెండవ దశ మహారాష్ట్రలోని ఖడక్వాస్లాలోని నేషనల్ డిఫెన్స్ అకాడమీ (NDA)లో జరిగింది. ఇక్కడ శిక్షణ సన్నివేశాలను చిత్రీకరించారు.[18] మూడవ దశలో ఉత్తరాఖండ్లోని కఠినమైన భూభాగాల్లో యుద్ధ సన్నివేశాలను చిత్రీకరించారు. నాల్గవ దశ 2025 చివరలో పంజాబ్లో జరిగింది.[19] 2025 డిసెంబర్లో క్లైమాక్స్ సన్నివేశాలను చిత్రీకరించారు.[20] జమ్మూ కాశ్మీర్, రాజస్థాన్, వైమానిక, నౌకాదళ స్థావరాల్లో కూడా చిత్రీకరణ జరిగింది.[21][11]
.jpg)
.jpg)
సంగీతం
[మార్చు]చిత్రానికి జాన్ స్టీవర్ట్ ఎడురి నేపథ్య సంగీతం అందించారు. పాటలను అను మాలిక్, మిథూన్, సచెత్-పరంపర, విశాల్ మిశ్రా, గురుమోహ్ స్వరపరిచారు. సాహిత్యాన్ని జావేద్ అక్తర్, మనోజ్ ముంతాషిర్, కౌసర్ మునీర్, కుమార్, అనురాగ్ సింగ్ అందించారు.
మొదటి పాట "ఘర్ కబ్ ఆవోగే" 2026 జనవరి 2న విడుదలైంది.[22] మిగిలిన పాటలు 2026 జనవరి 14న విడుదలయ్యాయి.[23] "ఘర్ కబ్ ఆవోగే", "జాతే హుయే లమ్హోన్", "హిందుస్తాన్ మేరీ జాన్", "మొహబ్బత్ హో గయీ హై" పాటలు మొదటి సినిమాలోని పాటలకు రీమిక్స్ వెర్షన్లు.
| సం. | పాట | పాట రచయిత | సంగీతం | గాయకులు | పాట నిడివి |
|---|---|---|---|---|---|
| 1. | "ఘర్ కబ్ ఆవోగే" | జావేద్ అక్తర్, మనోజ్ ముంతాషిర్ (అదనపు) | అను మాలిక్, మిథూన్ (రీక్రియేషన్) | సోనూ నిగమ్, రూప్ కుమార్ రాథోడ్, అరిజిత్ సింగ్, దిల్జీత్ దోసాంజ్, విశాల్ మిశ్రా | 10:34 |
| 2. | "ఇష్క్ దా చెహ్రా" | కౌసర్ మునీర్ | సచెత్-పరంపర | దిల్జీత్ దోసాంజ్, సచెత్ టాండన్, పరంపర టాండన్ | 4:18 |
| 3. | "జాతే హుయే లమ్హోన్" | జావేద్ అక్తర్ | అను మాలిక్, మిథూన్ (రీక్రియేషన్) | రూప్ కుమార్ రాథోడ్, విశాల్ మిశ్రా | 5:44 |
| 4. | "ప్యారీ లాగే" | మనోజ్ ముంతాషిర్ | విశాల్ మిశ్రా | విశాల్ మిశ్రా, తులసి కుమార్ | 4:53 |
| 5. | "మొహబ్బత్ హో గయీ హై" | జావేద్ అక్తర్, మనోజ్ ముంతాషిర్ (అదనపు) | అను మాలిక్, మిథూన్ (రీక్రియేషన్) | సోనూ నిగమ్, పలక్ ముచ్చల్ | 6:00 |
| 6. | "తారా రమ్ పమ్ పమ్" | కుమార్ | మిథూన్ | సుఖ్విందర్ సింగ్ | 4:34 |
| 7. | "హిందుస్తాన్ మేరీ జాన్" | జావేద్ అక్తర్, మనోజ్ ముంతాషిర్ (అదనపు) | అను మాలిక్, మిథూన్ (రీక్రియేషన్) | మోహిత్ చౌహాన్, బి ప్రాక్ | 3:54 |
| 8. | "బోర్డర్" | అనురాగ్ సింగ్ | గురుమోహ్ | బి ప్రాక్ | 3:28 |
| 9. | "మిట్టీ కే బేటే" | మనోజ్ ముంతాషిర్ | మిథూన్ | సోనూ నిగమ్ | 7:28 |
| మొత్తం నిడివి: | 50:53 | ||||
స్పందన
[మార్చు]బోర్డర్ 2 విమర్శకులు, ప్రేక్షకుల నుండి సానుకూల సమీక్షలను అందుకుంది. ఇది 1997 ఒరిజినల్ లెగసీని గౌరవించే వార్ ఎపిక్ అని చాలామంది కొనియాడారు. [24] తరన్ ఆదర్శ్ ఈ చిత్రానికి 5కి 4.5 స్టార్ రేటింగ్ ఇచ్చి "అద్భుతం" అని అభివర్ణించారు.[25] బాలీవుడ్ హంగామా 5కి 4.5 స్టార్ల రేటింగ్ ఇచ్చింది.[26] న్యూస్18 5కి 4 స్టార్లను ఇచ్చింది.[27] ఫిల్మ్ఫేర్కు చెందిన దేవేష్ శర్మ 3.5/5 రేటింగ్ ఇచ్చారు.[28]
కలెక్షన్లు
[మార్చు]బోర్డర్ 2 అత్యధిక వసూళ్లు చేసిన భారతీయ యుద్ధ చిత్రంగా నిలిచింది. ఇది దాని పూర్వ చిత్రమైన బోర్డర్ (1997), ఉరి: ది సర్జికల్ స్ట్రైక్ (2019), కేసరి (2019) వంటి చిత్రాల రికార్డులను అధిగమించింది.[29] కేవలం పది రోజుల్లోనే ప్రపంచవ్యాప్తంగా ₹396.03 కోట్లు వసూలు చేసింది.[3]
సీక్వెల్
[మార్చు]సినిమా వాణిజ్య విజయం తర్వాత, నిర్మాత భూషణ్ కుమార్ బోర్డర్ 3 రాబోతున్నదని ప్రకటించాడు. దీనికి అనురాగ్ సింగ్ దర్శకత్వం వహిస్తారు.[30]
మూలాలు
[మార్చు]- ↑ "EXCLUSIVE: CBFC clears Border 2 with NO dialogue or action cuts; warship name changed to Kavach; flag visuals removed in war plane scenes". Bollywood Hungama. 21 January 2026. Retrieved 21 January 2026.
- ↑ "Border 2 Day 1 Estimate: Sunny Deol and Varun Dhawan film takes a solid start at the box office with approx. Rs 33 crores" (in ఇంగ్లీష్). Bollywood Hungama. 23 January 2026. Retrieved 24 January 2026.
- 1 2 "Border 2 Box Office Collection". Bollywood Hungama. 24 January 2026. Retrieved 24 January 2026.
- ↑ "Border 2 buzz rises as Col. Bharwan praises Sunny Deol: "Only he can carry that uniform"". Moneycontrol. 8 December 2025. Archived from the original on 8 December 2025.
- 1 2 3 4 5 6 7 "Border 2 Star Cast Fees: Sunny Deol, Varun Dhawan Earned THIS Much; Check". Asianet News. 13 December 2025. Retrieved 13 December 2025.
- 1 2 "Sunny Deol to Varun Dhawan meet the star cast of border 2". Asianet News. 16 December 2025. ISSN 0971-8257. Retrieved 17 December 2025.
- ↑ "Sunny Deol announces 'Border 2', back as 'fauji' after 29 years. Watch". India Today (in ఇంగ్లీష్). 13 June 2024. Retrieved 13 June 2024.
- ↑ "Sunny Deol To Reprise 'Fauji' Role In Border 2 After 27 Years". NDTV. Retrieved 13 June 2024.
- ↑ "Border 2 announcement video: Sunny Deol fulfils his promise after 27 years. Watch". The Indian Express (in ఇంగ్లీష్). 13 June 2024. Retrieved 13 June 2024.
- ↑ "Sunny Deol announces Border 2 as the cult classic turns 27 years old: deets inside". The Times of India. 13 June 2024. ISSN 0971-8257. Retrieved 13 June 2024.
- 1 2 "Border 2 Filming Locations Across India: Jhansi, NDA Pune, Dehradun, Halduwala, Rishikesh, Almora, Amritsar, Rajasthan, And Jammu And Kashmir". Times Now. Retrieved 2026-01-03.
- 1 2 "Border 2 Cast: Real-Life Inspirations Behind The Film's Characters". News18. 22 January 2026. Retrieved 22 January 2026.
- ↑ "Varun Dhawan gears up to portray war hero Major Hoshiar Singh Dahiya in 'Border 2' – reports". The Times of India. 11 May 2025. ISSN 0971-8257. Retrieved 1 September 2025.
- ↑ "Diljit in Amritsar for Border 2 shooting, plays role of Flying Officer Nirmal Jit Singh Sekhon". The Tribune (in ఇంగ్లీష్). Retrieved 18 August 2025.
- ↑ "Exclusive: Sonam Bajwa joins Sunny Deol, Rohit Chaudhary, Diljit Dosanjh and Ahan Shetty in Border 2". PinkVilla. 13 June 2025. ISSN 0971-8257. Retrieved 13 June 2025.[permanent dead link]
- ↑ "Akshaye Khanna, Suniel Shetty to make cameos in Border 2? Here's what we know!". Bollywood Hungama. 23 December 2025. Retrieved 23 December 2025.
- ↑ "Sunny Deol officially announces Border 2, will return as fauji after 27 years". HindustanTimes.com. 13 June 2024. Retrieved 13 June 2024.
- ↑ "Border 2 shooting at NDA: Sunny Deol, Diljit Dosanjh, Varun Dhawan spotted in Pune". The Indian Express. 2025.
- ↑ "Varun Dhawan wraps Amritsar shoot of Border 2". The Times of India.
- ↑ "Border 2 climax gets bigger with December shoot planned". The Times of India.
- ↑ "Sunny Deol's 'Border 2' to go on floors in November in Jammu and Kashmir". Mid-Day. 2024-09-30.
- ↑ "Whistles, cheers and kids on tiptoes: Inside BSF Jawans' love for Sunny Deol at Border 2's Ghar Kab Aaoge song launch. Sunny Deol's emotional connection with BSF jawans took centre stage, blending nostalgia and pride". Hindustan Times. Retrieved 4 January 2026.
- ↑ "Border 2: Sunny Deol, team honour Indian Navy at Karwar Naval Base". AsiaNetNews. Retrieved 14 January 2026.
- ↑ "Border 2". Rotten Tomatoes (in ఇంగ్లీష్). Retrieved 30 January 2026.
- ↑ Adarsh, Taran (22 January 2026). "#OneWordReview... #Border2: OUTSTANDING". X. Retrieved 23 January 2026.
- ↑ "Border 2 Movie Review: BORDER 2 delivers a stirring, bigscreen war spectacle". Bollywood Hungama. Retrieved 23 January 2026.
- ↑ "Border 2 Movie Review: Sunny Deol, Diljit Dosanjh, Varun Dhawan, Make This Patriotic Ride Totally Worth It". News18. 22 January 2026. Retrieved 23 January 2026.
- ↑ Sharma, Devesh. "Border 2 Review: Patriotism Revisited". Filmfare. Retrieved 23 January 2026.
- ↑ "Sunny Deol, Varun Dhawan, Diljit Dosanjh's Border 2 becomes highest-grossing Indian war film ever". Hindustan Times. 1 February 2026. Retrieved 1 February 2026.
- ↑ Adarsh, Taran (27 January 2026). "Bhushan Kumar - Nighi Dutta join forces for 'Border 3'". X. Retrieved 27 January 2026.