బ్రెట్ లీ (క్రికెటర్)

బ్రెట్ లీ
	జనవరి 2008లో లీ
వ్యక్తిగత సమాచారం
పూర్తి పేరు	బ్రెట్ లీ
పుట్టిన తేదీ	1976 నవంబర్ 8 (వయసు: 49); వలోంగాంగ్, న్యూ సౌత్ వేల్స్, ఆస్ట్రేలియా
మారుపేరు	బింగా
ఎత్తు	1.87 m (6 ft 2 in)
బ్యాటింగు	కుడిచేతి వాటం
బౌలింగు	కుడిచేతి ఫాస్ట్
పాత్ర	బౌలర్
బంధువులు	షేన్ లీ (సోదరుడు)
అంతర్జాతీయ జట్టు సమాచారం
జాతీయ జట్టు	ఆస్ట్రేలియా (1999–2012);
తొలి టెస్టు (క్యాప్ 383)	1999 26 డిసెంబర్ - భారతదేశం తో
చివరి టెస్టు	2008 26 డిసెంబర్ - దక్షిణాఫ్రికా తో
తొలి వన్‌డే (క్యాప్ 140)	2000 9 జనవరి - పాకిస్తాన్ తో
చివరి వన్‌డే	2012 7 జూలై - ఇంగ్లాండ్ తో
వన్‌డేల్లో చొక్కా సంఖ్య.	58
తొలి T20I (క్యాప్ 7)	2005 17 ఫిబ్రవరి - న్యూజిలాండ్ తో
చివరి T20I	2012 30 మార్చి - వెస్టిండీస్ తో
T20Iల్లో చొక్కా సంఖ్య.	58
దేశీయ జట్టు సమాచారం
1997/98–2010/11	న్యూ సౌత్ వేల్స్ (స్క్వాడ్ నం. 58)
2008–2010	కింగ్స్ XI పంజాబ్ (స్క్వాడ్ నం. 58)
2010/11	వెల్లింగ్టన్ (స్క్వాడ్ నం. 58)
2011–2013	కోల్‌కతా నైట్ రైడర్స్ (స్క్వాడ్ నం. 58)
2011/12–2014/15	సిడ్నీ సిక్సర్స్ (స్క్వాడ్ నం. 58)
2012/13	ఒటాగో (స్క్వాడ్ నం. 58)
కెరీర్ గణాంకాలు
Medal record
పురుషుల క్రికెట్
Representing Australia
ఐసీసీ క్రికెట్ ప్రపంచ కప్
ఐసీసీ ఛాంపియన్స్ ట్రోఫీ
	మూలం: ESPNcricinfo, 2017 18 February

బ్రెట్ లీ (జననం: నవంబర్ 8, 1976) ఆస్ట్రేలియా మాజీ అంతర్జాతీయ క్రికెటర్, ఇతను క్రికెట్ లోని మూడు ఫార్మాట్లలోనూ ఆడాడు. తన అంతర్జాతీయ కెరీర్‌లో, లీ ప్రపంచంలోని అత్యంత వేగవంతమైన బౌలర్లలో ఒకడిగా గుర్తింపు పొందాడు.^[1]

ఆస్ట్రేలియాకు ప్రాతినిధ్యం వహిస్తూ, బ్రెట్ లీ జట్టుతో కలిసి అనేక ఐసీసీ టైటిళ్లను గెలుచుకున్నాడు: 2003 క్రికెట్ ప్రపంచ కప్, 2006 ఐసీసీ ఛాంపియన్స్ ట్రోఫీ, 2009 ఐసీసీ ఛాంపియన్స్ ట్రోఫీ. ట్వంటీ20 (T20) ఫార్మాట్‌లో హ్యాట్రిక్ సాధించిన మొదటి బౌలర్ బ్రెట్ లీ. 2007లో జరిగిన ప్రారంభ T20 ప్రపంచ కప్ టోర్నమెంట్‌లో బంగ్లాదేశ్‌పై అతను ఈ ఘనత సాధించాడు. అలాగే 2003 ప్రపంచ కప్ సూపర్ మ్యాచ్‌లో కెన్యాపై హ్యాట్రిక్ సాధించి, క్రికెట్ ప్రపంచ కప్‌లో హ్యాట్రిక్ సాధించిన మొదటి ఆస్ట్రేలియన్ బౌలర్‌గా నిలిచాడు.

అతను అద్భుతమైన ఫీల్డర్ మాత్రమె కాదు లోయర్ ఆర్డర్ బ్యాటర్ కూడా. టెస్ట్ క్రికెట్‌లో అతని బ్యాటింగ్ సగటు 20కి పైగా ఉంది.^[2] లీ తన టెస్ట్ కెరీర్‌ను 310 వికెట్లతో, వన్డే కెరీర్‌ను 380 వికెట్లతో ముగించాడు. తన తరానికి చెందిన అత్యుత్తమ బౌలర్లలో ఒకడిగా పరిగణించబడే లీ, 2000 నుండి 2009 వరకు ముత్తయ్య మురళీధరన్ తర్వాత అత్యధిక వన్డే వికెట్లు తీసిన బౌలర్‌గా నిలిచాడు.

అతను 1999లో తన మొదటి టెస్ట్ ఆడాడు. అలాగే 12 జూలై 2012న అంతర్జాతీయ క్రికెట్ నుండి రిటైర్ అయ్యాడు. ఆ తర్వాత తన సొంత రాష్ట్ర జట్టు న్యూ సౌత్ వేల్స్‌తో ఒప్పందాన్ని పునరుద్ధరించుకోవడానికి నిరాకరించాడు, కానీ ఇండియన్ ప్రీమియర్ లీగ్ (IPL), బిగ్ బాష్ లీగ్ వంటి వాటిలో ట్వంటీ20 మ్యాచ్‌లు ఆడటం కొనసాగించాడు.

జనవరి 2015లో, 2014–15 బిగ్ బాష్ లీగ్ సీజన్ ముగింపుతో ఆటలోని అన్ని ఫార్మాట్ల నుండి రిటైర్మెంట్ ప్రకటించాడు. ఆ తర్వాత అతను సినిమా నటుడిగా మరియు ఫాక్స్ స్పోర్ట్స్ వ్యాఖ్యాతగా పనిచేశాడు.^[3]

బౌలింగ్ శైలి

లీ తన వేగానికి ప్రసిద్ధి చెందాడు, క్రమం తప్పకుండా 140 కి.మీ/గంట (87 mph) మరియు అంతకంటే ఎక్కువ వేగంతో బౌలింగ్ చేసేవాడు. పాకిస్తానీ బౌలర్ షోయబ్ అక్తర్ (161.3 కి.మీ/గంట) తర్వాత ఆల్ టైమ్ ఫాస్టెస్ట్ బౌలర్‌గా ఇతను నిలుస్తాడు. 2005లో న్యూజిలాండ్‌పై అతని అత్యంత వేగవంతమైన బంతి 161.1 కి.మీ/గంట వేగంతో నమోదైంది.^[4]

రికార్డులు

ట్వంటీ20 ఇంటర్నేషనల్ క్రికెట్‌లో హ్యాట్రిక్ సాధించిన మొదటి ఆటగాడు బ్రెట్ లీ.
వన్డేల్లో 100 వికెట్లు తీసిన రెండవ అత్యంత వేగవంతమైన ఆస్ట్రేలియన్ బౌలర్ (మిచెల్ స్టార్క్ తర్వాత). అతను తన 55వ మ్యాచ్‌లో ఈ మైలురాయిని చేరుకున్నాడు. ప్రపంచ జాబితాలో అతను ఐదవ స్థానంలో ఉన్నాడు.
ఆస్ట్రేలియా హాల్ ఆఫ్ ఫేమ్‌లో బ్రెట్ లీ కి చోటు దక్కింది. ప్రపంచ క్రికెట్‌లో ఆస్ట్రేలియా ఆధిపత్యం కొనసాగించడంలో బ్రెట్ లీ కీలక పాత్ర పోషించారు. రెండు వరల్డ్ కప్ విజయాల్లో, యాషెస్ ట్రోఫీల గెలుపులోనూ భాగమైన ఈ మాజీ పేస్‌గన్‌కు ఆ దేశ బోర్డు ఈ గుర్తింపు ఇచ్చింది. మెల్‌బోర్న్‌లో బాక్సింగ్ డే టెస్టు సందర్భంగా ఈ గౌరవం లభించింది.^[5]

అవార్డులు

2000 బ్రాడ్‌మాన్ యంగ్ క్రికెటర్ ఆఫ్ ది ఇయర్
2006 విస్డెన్ క్రికెటర్ ఆఫ్ ది ఇయర్
2008 అలన్ బోర్డర్ మెడల్ విజేత
2008 ఆస్ట్రేలియన్ టెస్ట్ ప్లేయర్ ఆఫ్ ది ఇయర్

మూలాలు

↑ Telugu, TV9 (2025-12-28). "Brett Lee : బ్యాటర్లకు చెమటలు.. స్పీడోమీటర్‎కి వణుకు.. బ్రెట్ లీ బుల్లెట్ బంతుల వెనుక అసలు గుట్టు ఇదే!". TV9 Telugu. Retrieved 2026-01-20.{{cite web}}: CS1 maint: numeric names: authors list (link)
↑ telugu, NT News (2025-08-18). "Brett Lee | జడ్డూ ఫిట్‌నెస్ అమోఘం.. కానీ, సెలబ్రేషన్ స్టయిలే అతడికి ప్రమాదకరం..!". www.ntnews.com. Retrieved 2026-01-20.
↑ "Brett Lee: భారత్‌ వల్లే క్రికెట్‌కు ఇంత ఆదరణ..: ఆసీస్‌ మాజీ పేసర్ బ్రెట్‌ లీ". EENADU. Retrieved 2026-01-20.
↑ Webdunia. "Brett Lee | Australia | Fast Bowler | England | India | West-Indies | ODI Worldcup | గణాంకాల ప్రకారం ప్రపంచకప్‌లో బ్రెట్ లీ డేంజరస్ బౌలర్!". Webdunia. Retrieved 2026-01-20.
↑ "Lokal Telugu - తెలుగు వార్తలు | Telugu News | Online Telugu News Today | Latest Telugu News | News in Telugu". telugu.getlokalapp.com. Retrieved 2026-01-20.

బాహ్య లింకులు

క్రిక్‌ఇన్ఫో లో బ్రెట్ లీ (క్రికెటర్) ప్రొఫైల్

[1] Telugu, TV9 (2025-12-28). "Brett Lee : బ్యాటర్లకు చెమటలు.. స్పీడోమీటర్‎కి వణుకు.. బ్రెట్ లీ బుల్లెట్ బంతుల వెనుక అసలు గుట్టు ఇదే!". TV9 Telugu. Retrieved 2026-01-20.{{cite web}}: CS1 maint: numeric names: authors list (link)

[2] telugu, NT News (2025-08-18). "Brett Lee | జడ్డూ ఫిట్‌నెస్ అమోఘం.. కానీ, సెలబ్రేషన్ స్టయిలే అతడికి ప్రమాదకరం..!". www.ntnews.com. Retrieved 2026-01-20.

[3] "Brett Lee: భారత్‌ వల్లే క్రికెట్‌కు ఇంత ఆదరణ..: ఆసీస్‌ మాజీ పేసర్ బ్రెట్‌ లీ". EENADU. Retrieved 2026-01-20.

[4] Webdunia. "Brett Lee | Australia | Fast Bowler | England | India | West-Indies | ODI Worldcup | గణాంకాల ప్రకారం ప్రపంచకప్‌లో బ్రెట్ లీ డేంజరస్ బౌలర్!". Webdunia. Retrieved 2026-01-20.

[5] "Lokal Telugu - తెలుగు వార్తలు | Telugu News | Online Telugu News Today | Latest Telugu News | News in Telugu". telugu.getlokalapp.com. Retrieved 2026-01-20.

[1]

[2]

[3]

[4]

[5]