మంగిన నాగమణి

వికీపీడియా నుండి
Jump to navigation Jump to search

మంగిన నాగమణి తెలుగు రంగస్థల నటీమణి.

జననం[మార్చు]

నాగమణి పొన్నాడ ఆచార్యులు, ఆదిలక్ష్మి దంపతులకు తణుకు లో జన్మించారు.

రంగస్థల ప్రస్థానం[మార్చు]

ఈవిడ తన 18వ ఏట ‘రక్త కన్నీరునాటకంలో ‘శాంత’ పాత్ర ద్వారా రంగస్థల నటనకు శ్రీకారం చుట్టారు. తరువాత శ్రీ శారద నాట్యమండలి-వేల్పూరు తిప్పా సత్యనారాయణ సారథ్యంలో పి.వి. భద్రం దర్శకత్వంలో చంద్రహాస, ప్రమీలార్జునీయం మొదలగు నాటకాల్లో నటించారు. తణుకుకు చెందిన మదాసు నరసింహారావు సంస్థలో మహాకవి కాళిదాసులో ‘విద్యాధరి’గా, శ్రీరామభక్త హనుమాన్ లో ‘సీత’గా పాత్రధారణ చేశారు. ఇళ్ళ వెంకట్రావు శకుంతల నాటకంలో శకుంతల పాత్రను పోషించి ప్రశంసలు పొందారు.

ఈవిడ భర్త మంగిన సత్యనారాయణ సాంకేతిక నిపుణుడు కావడంతో ‘శ్రీరాజరాజేశ్వరి నాట్యమండలి’ పేర స్వంత సంస్థ స్థాపించి మహాకవి కాళిదాసు, సత్యహరిశ్చంద్ర, భక్త చింతామణి ప్రదర్శనలు ఇస్తున్నారు. మందపాక వేంకటేశ్వరరావు శిక్షణలో ‘చంద్రమతి’ పాత్ర నేర్చుకొని ప్రముఖ రంగస్థల నటులు డి.వి. సుబ్బారావు, చీమకుర్తి లాంటివారి సరసనే కాక, ప్రసుతం డి.వి. సుబ్బారావు (జూనియర్), మీనగల్లు సుధాకర్, మంగాదేవి లాంటి ప్రముఖుల సరసన నటిస్తున్నారు.