మరుదమలై మరుదాచలమూర్తి ఆలయం

మరుదమలై మరుదాచలమూర్తి ఆలయం
మరుదమలై మరుదాచలమూర్తి ఆలయం తమిళనాడులో ఆలయ ఉనికి
భౌగోళికాంశాలు :	11°02′46″N 76°51′7″E
పేరు
ప్రధాన పేరు :	మరుదమలై మరుదాచలమూర్తి ఆలయం
ప్రదేశం
దేశం:	భారతదేశము
రాష్ట్రం:	తమిళనాదు
ప్రదేశం:	కోయంబత్తూరు
ఆలయ వివరాలు
ప్రధాన దైవం:	మురుగన్
నిర్మాణ శైలి, సంస్కృతి
వాస్తు శిల్ప శైలి :	తమిళ నిర్మాణశైలి
ఇతిహాసం
నిర్మాణ తేదీ:	క్రీ.శ. 12 వ శతాబ్దం

మరుధమలై మురుగన్ ఆలయం, లేదా మారుతమలై మరుధాచలమూర్తి ఆలయం, భారతదేశంలోని తమిళనాడులోని కోయంబత్తూరులో ఉన్న 12వ శతాబ్దపు కొండ పై గల దేవాలయం. పురాణనూరులో సూచించిన విధంగా సంగం కాలంలో తమిళ రాజులు నిర్మించారు, ఈ ఆలయం కార్తికేయ రూపమైన మురుగన్‌కు అంకితం చేయబడింది. ఇది సాంప్రదాయకంగా మురుగన్ యొక్క ఆరు నివాసాల జాబితాలో ఏడవదిగా పరిగణించబడుతుంది.

చాలా మురుగన్ దేవాలయాల మాదిరిగానే, ఈ ఆలయం కోయంబత్తూర్ నగరం కేంద్రం నుండి పశ్చిమాన 12 కిలోమీటర్ల దూరంలో పశ్చిమ కనుమలలో ఒక కొండపై ఉంది. దైవానికి అంకితం చేయబడిన తైపుసం, ఇతర పండుగలు ఇక్కడ జరుపుకుంటారు. చాలా సాయంత్రాలలో, భక్తులు రథంలో కూర్చున్న మురుగన్ విగ్రహంతో ఊరేగింపు (రథయాత్ర) కోసం గుమిగూడి, ఆలయం చుట్టూ ప్రదక్షిణ చేస్తారు. 

ఈ ఆలయాన్ని తమిళనాడు ప్రభుత్వ హిందూ మత, స్వచ్ఛంద ఎండోమెంట్స్ విభాగం నిర్వహిస్తుంది.

వ్యుత్పత్తి శాస్త్రం

మరుదమలై అనే పేరు, ఆలయం ఉన్న 600 అడుగుల (180 మీటర్ల) ఎత్తైన గ్రానైట్ కొండను సూచిస్తుంది. ఈ పేరు అక్కడ పెరిగే మరుదం లేదా మరుద మరం (టెర్మినాలియా అర్జున, దీనిని అర్జున వృక్షం అని కూడా పిలుస్తారు) అనే స్థానిక చెట్టు పేరు నుండి, తమిళంలో కొండ లేదా పర్వతం అని అర్థం వచ్చే 'మలై' అనే పదం నుండి ఉద్భవించింది. కొండలపై ఉన్న ఇతర మురుగన్ ఆలయాల మాదిరి కాకుండా, ఈ ఆలయం కొండకు తూర్పు ముఖంగా ఉండటం వల్ల ఇది ఒక ప్రత్యేకతను సంతరించుకుంది..

మరుదమలై అదివరం

మరుధమలై లేదా మరుధమలై అదివరం ("మరదుమలై పాదాల వద్ద" అని అర్ధం) కూడా కొండకు, ఆలయానికి తూర్పున ఉన్న ప్రాంతం పేరు. ఇది కోయంబత్తూర్ కార్పొరేషన్ 17వ వార్డులో భాగం.

ప్రదేశం

ప్రధాన దేవతను మరుదమలై అండవర్, మరుదాచలపతి, ధండాయుథన్ పాణి వంటి అనేక పేర్లతో సంబోధిస్తారు. ఈ ఆలయం చుట్టూ మరుద తీర్థం, స్కంద తీర్థం అనే పవిత్ర నీటి బుగ్గలు లేదా కొలనులు ఉన్నాయి, ఇవి ఔషధ లక్షణాలను కలిగి ఉన్నాయని నమ్ముతారు.

మరుదమలై ఆలయం

పంబట్టి సిద్ధార్

రథం ఊరేగింపులో మరుతమలై దేవత

ఆలయానికి దక్షిణ చివరన, పాంబట్టి సిద్ధర్ గుహకు వెళ్లే ప్రాకార మెట్లు ఉన్నాయి. పాంబట్టి సిద్ధర్ తమిళ ఋషులైన 18 మంది సిద్ధులలో ఒకరు, ఆయన 12వ శతాబ్దంలో జీవించారు. ఆయన మరుతమలై కొండపై తపస్సు చేశారని భావిస్తారు. పురాణాల ప్రకారం, మురుగన్ ఆయనకు పాము రూపంలో దర్శనమిచ్చారు, ఆ తర్వాత తన భార్యలైన వల్లి, దేవసేనతో కలిసి మళ్ళీ ప్రత్యక్షమై, సిద్ధుడికి మరుత తీర్థాన్ని ఇచ్చి ఆశీర్వదించారని చెబుతారు. మురుగన్ గర్భగుడికి, సిద్ధుడి గుహకు మధ్య ఒక సొరంగ మార్గం ఏర్పడింది, దీనిని సిద్ధుడు దైవాన్ని పూజించడానికి ఉపయోగించాడని నమ్ముతారు.

చిత్రమాలిక

• 
  మరుతమలై ఆలయం
• 
  రాతి స్తంభంపై వలంపురి వినాయకుడు
• 
  పంబట్టి సిద్ధర్ పుణ్యక్షేత్రం
• 
  పంచ వృక్ష వినాయకుడు
• 
  దేవాలయం యొక్క ముందు భాగం దృశ్యం (పునరుద్ధరణకు ముందు)
• 
  దేవాలయం యొక్క పక్క వీక్షణ
• 
  దేవాలయం యొక్క ముందు గ్యాలరీ
• 
  వలంపురి వినాయగర్ ముందున్న నెమలి ముఖం గల దీపంపై ఉన్న సర్ప కళాకృతి.
• 
  Tవలంపురి వినాయగర్ ముందున్న నెమలి ముఖం గల దీపం యొక్క తాబేలు ఆకారపు ఆధారం
• 
  పంబట్టి సిద్ధర్ గుహ ఆలయం